റിയാദ്: സൗദി അറേബ്യയിലെ റിയാദ് മേഖലയെയും കിഴക്കൻ പ്രവിശ്യയെയും ലക്ഷ്യമിട്ടെത്തിയ രണ്ട് ഡ്രോണുകൾ ആകാശത്തുവെച്ച് തടഞ്ഞ് നശിപ്പിച്ചതായി യെമനിലെ നിയമാനുസൃത ഭരണകൂടത്തെ പിന്തുണയ്ക്കുന്ന സഖ്യസേന അറിയിച്ചു.
ഹൂത്തി സായുധസംഘം റിയാദ് മേഖലയിലേക്ക് അയച്ച ഡ്രോൺ വിജയകരമായി തടഞ്ഞ് തകർത്തതായി സഖ്യസേനയുടെ ഔദ്യോഗിക വക്താവ് മേജർ ജനറൽ തുർക്കി അൽ മാലിക്കി വ്യക്തമാക്കി.
ഇതിന് പിന്നാലെ സൗദിയുടെ കിഴക്കൻ പ്രവിശ്യയിലും മറ്റൊരു ഡ്രോൺ കണ്ടെത്തി തടഞ്ഞ് നശിപ്പിച്ചതായി അദ്ദേഹം അറിയിച്ചു.
നവംബർ 12 വ്യാഴാഴ്ചയാണ് റിയാദ് മേഖലയിലെ ഡ്രോൺ ആക്രമണശ്രമം പരാജയപ്പെടുത്തിയത്. കിഴക്കൻ പ്രവിശ്യയിലെ ഡ്രോൺ തകർത്ത വിവരം നവംബർ 13ന് പുലർച്ചെയാണ് ഔദ്യോഗികമായി പുറത്തുവിട്ടത്.
സംഭവങ്ങളുമായി ബന്ധപ്പെട്ട നാശനഷ്ടങ്ങളെയോ ആളപായത്തെയോ കുറിച്ചുള്ള കൂടുതൽ വിവരങ്ങൾ സഖ്യസേന പുറത്തുവിട്ടിട്ടില്ല.
About the Author
