അബുദാബി:ഈദുൽ ഫിത്‌റിനോാടനുബന്ധിച്ച് യു.എ.ഇ സ്വകാര്യ മേഖലയിലെ എല്ലാ ജീവനക്കാർക്കും റമദാൻ 29 മുതൽ ശവ്വാൽ 3 വരെ ശമ്പളത്തോടെയുള്ള അവധിയായിരിക്കുമെന്ന് മാനവ വിഭവശേഷി, സ്വദേശിവൽക്കരണ മന്ത്രാലയം അറിയിച്ചു. ഗ്രിഗോറിയൻ കലണ്ടർ പ്രകാരം റമദാൻ 29 ഏപ്രിൽ 20 ആണ്. അതിനാൽ പെരുന്നാൾ അവധികൾ വ്യാഴാഴ്ച ആരംഭിക്കും. പൊതുമേഖലയെ പോലെ സ്വകാര്യമേഖലയ്ക്കും തുല്യ പൊതു അവധികൾ നൽകണമെന്ന യു.എ.ഇ മന്ത്രിസഭാ തീരുമാനത്തിന് അനുസൃതമായാണിത്. പൊതുമേഖലക്ക് നേരത്തെ പെരുന്നാൾ അവധി പ്രഖ്യാപിച്ചിരുന്നു.
യുഎഇ സ്വകാര്യമേഖലയിൽ റമദാൻ 29 മുതൽ പെരുന്നാൾ അവധി
