അബഹ: സാധാരണ പ്രവാസികൾ നാട്ടിൽ പോകുമ്പോൾ കൊണ്ടുപോകാറുള്ള സാധനങ്ങൾക്ക് നിയന്ത്രണങ്ങൾ ഏർപ്പെടുത്തിയിരിക്കുകയാണ് സഊദിയിലെ അബഹ അന്താരാഷ്ട്ര വിമാനത്താവളം. രണ്ടാഴ്ചയായിട്ടാണ് ഈ നിയന്ത്രണം എത്തിയിരിക്കുന്നത്. യാത്രക്കാരുടെ ലഗേജിൽ ഓയിൽ, ക്രീം, ഷാംമ്പു തുടങ്ങിയ ദ്രവരൂപത്തിലുള്ള സാധനങ്ങൾ ഒന്നും പാടില്ലെന്നാണ് നിയമം.
സാധാരണ പ്രവാസികൾ നാട്ടിൽ പോകുമ്പോൾ കൊണ്ടുപോകുമ്പോൾ കൊണ്ടുപോകുന്ന സാധനങ്ങൾക്കാണ് നിയന്ത്രണം ഏർപ്പെടുത്തിയിരിക്കുന്നത്. വാഷിങ് ലിക്വിഡ്, വിവിധ എണ്ണകൾ, ഷാംമ്പു തുടങ്ങിയ സാധനങ്ങൾ ഒന്നും കൊണ്ടുപോകാൻ സാധിക്കില്ല. മുഴുവൻ ഉൽപന്നങ്ങളും ലഗേജിൽ നിന്ന് ഒഴിവാക്കാൻ ആണ് അധിതർ ആവശ്യപ്പെട്ടിരിക്കുന്നതെന്ന് പ്രാദേശിക മലയാളം ഓൺലൈൻ മാധ്യമം റിപ്പോർട്ട് ചെയ്യുന്നു.
വിമാനത്താവളത്തിൽ എത്തുന്നവരുടെ ലഗേജുകൾ തുറന്നു ഇത് പുറത്തെടുത്ത് മാറ്റിയതിന് ശേഷം ആണ് ലഗേജുകൾ കയറ്റിവിടുന്നുള്ളു. സാധാരണ യാത്രക്കാർ കയ്യിൽ പിടിക്കുന്ന ഹാൻഡ് ബാഗേജുകളിൽ ആണ് ഇത്തരത്തിലുള്ള സാധനങ്ങൾ വെക്കാൻ സാധിക്കാതെ വരുന്നത്. ശക്തമായ നിയന്ത്രണം ഉള്ളതും ഹാൻഡ് ബാഗേജുകളിൽ ആണ്. എന്നാൽ പുതുതായി ലഗേജുകൾക്കകത്തും ഇത്തരത്തിലുള്ള സാധനങ്ങൾ കൊണ്ടുപോകാൻ സാധിക്കില്ല. ഇതുമായി ബന്ധപ്പെട്ട് മുൻകൂട്ടി അറിയിപ്പുകൾ യാത്രക്കാർക്കോ ട്രാവൽ ഏജൻസികൾക്കോ ലഭിച്ചിട്ടില്ലെന്നാണ് വാർത്തയിൽ പറയുന്നത്.
കൂടൂതൽ പ്രവാസികൾ നാട്ടിൽ പോകുമ്പോൾ ലഗേജിൽ കൊണ്ടുപോവുന്ന ഇത്തരത്തിലുള്ള സാധനങ്ങൾ ഇനി കൊണ്ടുപോകാൻ സാധിക്കില്ലെന്നത് പ്രവാസികളെ സംബന്ധിച്ച് വലിയ തിരിച്ചടിയാണ്. അറിയാതെ പലരും ഇത്തരം സാധങ്ങൾ എല്ലാ വാങ്ങി വിമാനത്താവളത്തിൽ എത്തി അവിടെ ഉപേക്ഷിക്കേണ്ട അവസ്ഥയാണ് ഉള്ളത്. കഴിഞ്ഞ ദിവസം അബഹ അന്താരാഷ്ട്ര വിമാനത്താവളം വഴി യാത്ര ചെയ്തവർക്ക് ഇത്തരത്തിലുള്ള അനുഭവം ഉണ്ടായെന്ന് റിപ്പോർട്ടിൽ പറയുന്നു.
ചെക്ക് ഇൻ ചെയ്തു. എമിഗ്രേഷൻ കഴിഞ്ഞു വിമാനത്തിനായി കാത്തിരുന്ന യാത്രക്കാരെ വിളിച്ചു വരുത്തി ലഗേജിലെ ഇത്തരം സാധനങ്ങൾ നീക്കം ചെയ്യണം എന്ന് അധികൃതർ ആവശ്യപ്പെടുകയായിരുന്നു. എന്തുകൊണ്ടാണ് സഊദിയിലെ മറ്റു വിമാനത്താവളങ്ങളിൽ ഇല്ലാത്ത്. ഈ നിയമം അബഹ വിമാനത്താവളത്തിൽ മാത്രം എന്തുകൊണ്ട്, ഇത് താൽകാലികമാണോ അധിക കാലം നിലനിൽക്കുമോ എന്ന കാര്യം ഒന്നും വ്യക്തമല്ല.
Leave a Reply