മക്ക: മക്ക പ്രവിശ്യയിലെ അൽ ജമൂം (Al Jamum) ഗവർണറേറ്റിൽ ശക്തമായ കാറ്റിനും പൊടിപടലങ്ങൾക്കും (Dust storm) സാധ്യതയുണ്ടെന്ന് മുന്നറിയിപ്പ് നൽകി സൗദി ദേശീയ കാലാവസ്ഥാ നിരീക്ഷണ കേന്ദ്രം (NCM). മണിക്കൂറിൽ 40 മുതൽ 49 കിലോമീറ്റർ വരെ വേഗതയിൽ കാറ്റടിക്കാൻ സാധ്യതയുള്ളതിനാൽ റോഡുകളിൽ കാഴ്ചപരിധി 3 മുതൽ 5 കിലോമീറ്റർ വരെയായി കുറയാൻ ഇടയുണ്ട്. പ്രത്യേകിച്ച് തുറസ്സായ റോഡുകളിലൂടെ സഞ്ചരിക്കുന്ന വാഹന യാത്രക്കാർ ജാഗ്രത പാലിക്കണമെന്ന് അധികൃതർ നിർദ്ദേശിച്ചു.
ഈ സീസണിൽ ആവർത്തിക്കുന്ന താൽക്കാലിക അന്തരീക്ഷ വ്യതിയാനങ്ങളുടെ ഭാഗമായാണ് ഉയർന്ന താപനിലയും കാറ്റും രൂപപ്പെടുന്നത്. ഉച്ചസമയങ്ങളിൽ കാറ്റിന്റെ വേഗത വർദ്ധിക്കാൻ സാധ്യതയുള്ളതിനാൽ വൈകുന്നേരം 7 മണി വരെ ഈ കാലാവസ്ഥ തുടരുമെന്നാണ് പ്രവചനം. തിരക്കേറിയ റോഡുകളിൽ സുരക്ഷ ഉറപ്പാക്കാൻ ബന്ധപ്പെട്ട വകുപ്പുകളോട് സജ്ജരായിരിക്കാൻ നിർദ്ദേശം നൽകിയിട്ടുണ്ട്. ഔദ്യോഗിക ചാനലുകൾ വഴി പുറപ്പെടുവിക്കുന്ന കാലാവസ്ഥാ മുന്നറിയിപ്പുകൾ ശ്രദ്ധിക്കണമെന്ന് എൻ.സി.എം പൊതുജനങ്ങളോട് അഭ്യർത്ഥിച്ചു.
About the Author
