ജിദ്ദ: ജിദ്ദ ഇസ്ലാമിക് പോർട്ട് വഴി ഷൂസ് ഷിപ്പ്മെന്റിൽ ഒളിപ്പിച്ച് കടത്താൻ ശ്രമിച്ച 58.6 കിലോഗ്രാം മെത്താംഫെറ്റാമൈൻ (പ്രാദേശികമായി ‘ഷാബു’ എന്ന് വിളിക്കുന്നത്) സക്കാത്ത്, ടാക്സ് ആൻഡ് കസ്റ്റംസ് അതോറിറ്റി (ZATCA) പിടികൂടി.
കസ്റ്റംസ് പരിശോധനകൾക്കിടെ അത്യാധുനിക സെക്യൂരിറ്റി ടെക്നോളജികളും പരിശോധനാ രീതികളും ഉപയോഗിച്ചാണ് ലഹരിമരുന്ന് കണ്ടെത്തിയത്. പുരുഷന്മാരുടെ ഷൂസുകളുടെ ഉള്ളിലെ പ്രത്യേക അറകളിൽ ഒളിപ്പിച്ച നിലയിലായിരുന്നു ഇത്.
ലഹരിമരുന്ന് പിടിച്ചെടുത്തതിനെ തുടർന്ന് ജനറൽ ഡയറക്ടറേറ്റ് ഓഫ് നാർക്കോട്ടിക് കൺട്രോളുമായി (GDNC) സഹകരിച്ച് നടത്തിയ അന്വേഷണത്തിൽ രാജ്യത്ത് ഇത് സ്വീകരിക്കാനെത്തിയ 3 പേരെ അറസ്റ്റ് ചെയ്തു.
ലഹരിക്കടത്ത് തടയാൻ സഹകരിക്കാം.
രാജ്യത്തിന്റെ സുരക്ഷ ഉറപ്പാക്കുന്നതിനായി കസ്റ്റംസ് പരിശോധനകൾ കൂടുതൽ ശക്തമാക്കിയിട്ടുണ്ടെന്ന് ZATCA വക്താവ് ഹമ്മൂദ് അൽ-ഹർബി വ്യക്തമാക്കി. സംശയാസ്പദമായ ലഹരിക്കടത്തുകളെ കുറിച്ച് വിവരങ്ങൾ ലഭിക്കുന്നവർ താഴെ പറയുന്ന മാർഗ്ഗങ്ങളിലൂടെ അതോറിറ്റിയെ അറിയിക്കണമെന്ന് അഭ്യർത്ഥിച്ചു.
സെക്യൂരിറ്റി ഹോട്ട്ലൈൻ: 1910
രാജ്യാന്തര നമ്പർ: +966 11 910
ഇമെയിൽ: 1910@zatca.gov.sa
വിവരങ്ങൾ നൽകുന്നവരുടെ വ്യക്തിവിവരങ്ങൾ പൂർണ്ണമായും രഹസ്യമായി സൂക്ഷിക്കുമെന്നും നൽകുന്ന വിവരങ്ങൾ കൃത്യമാണെന്ന് തെളിഞ്ഞാൽ സാമ്പത്തിക പാരിതോഷികം നൽകുമെന്നും ZATCA അറിയിച്ചു
About the Author
