റിയാദ്- സൗദി വിപണിയില്‍ വില്‍പന നടത്തിയ 2421/ 2422/ 2423 ജി.സി 9660/36 മോഡല്‍ ഫിലിപ്‌സ് സ്റ്റീം അയേണ്‍ ബോക്‌സുകള്‍ തിരിച്ചുവിളിച്ചതായി വാണിജ്യമന്ത്രാലയം അറിയിച്ചു. സ്റ്റീം ജനറേറ്റല്‍ ബോയിലറിലെ വെല്‍ഡിംഗ് ലൈനിന് തകരാറ് വരുന്നത് കാരണം ചൂടുള്ള നീരാവി പുറത്തുവരാന്‍ സാധ്യതയുണ്ടെന്നും പൊള്ളലേല്‍ക്കാന്‍ കാരണമാകുമെന്നും മന്ത്രാലയം മുന്നറിയിപ്പ് നല്‍കി.
ഈ ഉല്‍പന്നത്തിന്റെ ഉപയോഗം നിര്‍ത്തണമെന്നും ഏജന്‍സിയുമായി 8007526666 നമ്പറില്‍ ബന്ധപ്പെട്ട് റിപ്പയര്‍ ചെയ്യുകയോ മാറ്റിയെടുക്കുകയോ വേണമെന്നും മന്ത്രാലയം ആവശ്യപ്പെട്ടു.
