ദുബായ്: യുഎഇയിൽ ട്രാഫിക് നിയമ ലംഘനങ്ങൾ ലംഘിക്കുന്നതുമായി ബന്ധപ്പെട്ട കൂടുതൽ കേസുകൾ റിപ്പോർട്ട് ചെയ്ത സാഹചര്യത്തിലാണ് പരിശോധന ശക്തമാക്കാൻ ദുബായ് പോലീസ് തീരുമാനിച്ചത്. വിവിധ ട്രാഫിക് നിയമലംഘനങ്ങൾ നടത്തിയ 11 വാഹനങ്ങൾ കഴിഞ്ഞ ദിവസവം ദുബായ് പോലീസ് പിടിച്ചെടുത്തു. അശ്രദ്ധമായ ഡ്രെെവിങ്, മറ്റുള്ളവരുടെ ജീവൻ അപകടത്തിലാക്കുന്ന തരത്തിൽ വാഹനം ഓടിക്കൽ, അനുമതിയില്ലാതെ റാലികൾ നടത്തുക തുടങ്ങിയവയാണ് ഇവർ ചെയ്ത കുറ്റങ്ങൾ
പിടിച്ചെടുത്ത വാഹനങ്ങൾ തിരികെ ലഭിക്കണമെങ്കിൽ 50,000 ദിർഹം പിഴ നൽകണം. റോഡുകളിൽ വാഹനങ്ങൾ ചേസിങ്ങ്, റാലികൾ എന്നിവ നടക്കണമെങ്കിൽ അനുമതി വാങ്ങണം. ഇത്തരത്തിൽ അനുമതി വാങ്ങാതെ നടത്തിയ വാഹനങ്ങൾ പിടിയിലായിട്ടുണ്ട്. കുടുംബങ്ങൾ താമസിക്കുന്ന സ്ഥലങ്ങളിൽ അവിടെയുള്ളവർക്ക് ശല്യമാകുന്ന തരത്തിൽ വാഹനം ഓടിക്കുന്നതും തെറ്റാണ്. അനുമതിയില്ലാതെ വാഹനത്തിന്റെ ബോഡിൽ മാറ്റം വരുത്താൻ പാടില്ല. രോതു സ്ഥലത്ത് മാലിന്യം തള്ളിയതും. റോഡിൽ ക്രമം തെറ്റിച്ച് വാഹനം ഓടിച്ചതുമായി ബന്ധപ്പെട്ട നിയമ ലംഘനങ്ങൾ നടത്തിയ വാഹനങ്ങൾ പിടിച്ചെടുത്തവയിൽ ഉണ്ട്. തങ്ങളുടെ എക്സ് വഴി ദുബായ് പോലീസ് തന്നെയാണ് ഇക്കാര്യം അറിയിച്ചത്.
റോഡിലൂടെ വാഹനം ഓടിക്കുന്ന ഡ്രെെവർമാർ ശ്രദ്ധിക്കണം. ഇത്തരത്തിൽ അപകടരമായ രീതിയിൽ വാഹനം ഓടിക്കുന്നത് ശ്രദ്ധയിൽപെടുകയോ പരാതി ലഭിക്കുകയോ ചെയ്താൽ ശക്തമായ നടപടി സ്വീകരിക്കും. ദുബായ് പോലീസ് തന്നെയാണ് ഇതുമായി ബന്ധപ്പെട്ട മുന്നറിയിപ്പ് നൽകിയത്. ജനറൽ ഡിപ്പാർട്മെന്‍റ് ഓഫ് ട്രാഫിക് ഡയറക്ടർ മേജർ ജനറൽ സെയ്ഫ് മുഹൈർ അൽ മസ്റൂയി ഇതുമായി ബന്ധപ്പെട്ട മുന്നറിയിപ്പ് രാജ്യത്തെ പ്രവാസികൾക്കും ജനങ്ങൾക്കും നൽകി.
നിയമം ലംഘിക്കുന്നവരുടെ വാഹനങ്ങൾ ഇപ്പോൾ പിടിച്ചെടുത്തിട്ടുണ്ട്. ഇതിലെ ഡ്രെെവർമാർക്കെതിരെയും നടപടിയുണ്ടാകും. അശ്രദ്ധവും അപകടകരവുമായ രീതിയിൽ വാഹനമോടിക്കുന്ന എല്ലാ വാഹനങ്ങൾക്കും ഇതൊരും മുന്നറിയിപ്പാണ്. റോഡുകൾക്ക് കേടുപാട്പാടുകൾ വരാതെ സ്വന്തം ജീവനും സ്വത്തിനും അപകടം സംഭവിക്കാതെ വാഹനങ്ങൾ ഓടിക്കണം. രാജ്യത്തെ നിയമങ്ങൾക്ക് അനുസരിച്ചല്ലാതെ വാഹനം ഓടുക്കുന്നത് തെറ്റാണ് നിയമ നടപടിയുണ്ടാകും.
ലോകത്ത് പുതിയ തരം ടെക്നോളജികൾ ആദ്യം കൊണ്ടുവരുന്നത് എപ്പോഴും അബുദാബി അല്ലെങ്കിൽ ദുബായ് ആയിരിക്കും. എല്ലാ മേഖലയിൽ ഇത്തരത്തിൽ പുതിയ ടെക്നോളജികൾ ഇവർ കൊണ്ടുവരുന്നുണ്ട്. ഇപ്പോൾ ഇതാ അത്തരത്തിലൊരു മാറ്റത്തിന്റെ പാതയിലാണ് അബുദാബി സെൽഫ് ഡ്രെെവിങ് ടാക്സികൾ ആണ് വരുന്നത്. ചൈനീസ് കമ്പനിയായ വിറൈഡുമായി സഹകരിച്ചാണ് സ്വയം നിയന്ത്രിത ടാക്സി കാറുകൾ അബുദാബിയിൽ വരുന്നത്.
