ദുബായ്: രാജ്യം വിടാന് ആഗ്രഹിക്കുന്ന പൊതുമാപ്പ് അപേക്ഷകര് തങ്ങളുടെ പൊതുമാപ്പ് നടപടിക്രമങ്ങള് പൂര്ത്തിയാക്കി ഔട്ട്പാസ് ലഭിച്ച ശേഷം മാത്രമേ നാട്ടിലേക്കുള്ള വിമാന ടിക്കറ്റ് ബുക്ക് ചെയ്യാന് പാടുള്ളൂ എന്ന് ദുബായ് അധികൃതര് നിര്ദ്ദേശിച്ചു. എന്തെങ്കിലും സാങ്കേതിക കാരണങ്ങളാല് ഔട്ട് പാസ് ലഭിക്കുന്നത് വൈകാനുള്ള സാധ്യത കണക്കിലെടുത്താണ് നിര്ദ്ദേശം.
ആദ്യം ഔട്ട്പാസ് ലഭിക്കുന്നതിനുള്ള നടപടിക്രമങ്ങള് പൂര്ത്തിയാക്കുകയും അത് കൈയില് കിട്ടിയ ശേഷം മാത്രം ടിക്കറ്റ് ബുക്ക് ചെയ്യുകയും വേണമെന്ന് അദ്ദേഹം പറഞ്ഞു. ഔട്ട്പാസ് ലഭിച്ച് 14 ദിവസത്തിനുള്ളില് രാജ്യം വിട്ടാല് മതിയാവും. ഔട്ട്പാസ് ലഭിക്കുന്നതിന് മുമ്പ് ടിക്കറ്റ് ബുക്ക് ചെയ്യുന്നത് ചിലപ്പോള് അത് കാന്സല് ചെയ്യേണ്ട സ്ഥിതിയുണ്ടാകുമെന്നും അദ്ദേഹം പറഞ്ഞു. പൊതുമാപ്പ് പ്രയോജനപ്പെടുത്തി നാട്ടിലേക്ക് മടങ്ങുന്നവര്ക്ക് ടിക്കറ്റ് നിരക്കില് കുറവ് വരുത്താന് വിമാന കമ്പനികളുമായി യുഎഇ അധികൃതര് നേരത്തേ ചര്ച്ച നടത്തിയിരുന്നു. ദുബായിലെ നിയമ ലംഘകരുമായി ബന്ധപ്പെട്ട കാര്യങ്ങളുടെ അസിസ്റ്റന്റ് ഡയറക്ടര് ജനറല് മേജര് ജനറല് സലാ അല് ഖംസിയാണ് ഈ നിര്ദ്ദേശം പ്രവാസികൾക്ക് മുന്നിലേക്ക് വെച്ചത്.
Uni
അതിനിടെ, പൊതുമാപ്പ് ഉപയോഗപ്പെടുത്തുന്നതിനായി വരുന്ന അപേക്ഷകരില് പലരും അപൂര്ണ്ണമായ രേഖകളുമായി വരുന്നത് പ്രയാസം സൃഷ്ടിക്കുന്നതായി യുഎഇയിലെ ടൈപ്പിംഗ് സെന്റര് ഏജന്റുമാര് പറഞ്ഞു. സ്റ്റാറ്റസ് ക്രമപ്പെടുത്താനും രാജ്യത്ത് തുടരാനും ആഗ്രഹിക്കുന്നവര് ജോലി വാഗ്ദാനം ചെയ്യുന്ന കമ്പനിയില് നിന്നുള്ള വിസ കൊണ്ടുവരേണ്ടതുണ്ട്. വെറും ഔട്ട്പാസ് ആഗ്രഹിക്കുന്ന അപേക്ഷകര് പാസ്പോര്ട്ടും ഫോട്ടോയും കാലഹരണപ്പെട്ട വിസയുടെ പകര്പ്പും കൊണ്ടുവരണം. കമ്പനി ജോലി വിസയില് വന്ന് ഒളിച്ചോടിയ കേസുകളില് വിസ റദ്ദാക്കപ്പെട്ടിട്ടില്ലെങ്കില് പൊതുമാപ്പ് അപേക്ഷയ്ക്കു മുമ്പ് വിസ കാന്സല് ചെയ്യണമെന്നും അധികൃതര് അറിയിച്ചു. തൊഴിലുടമയില് നിന്ന് പുതിയ ഓഫറും അംഗീകാരവും വാങ്ങുകയും വേണം.
സെപ്റ്റംബര് ഒന്ന് ഞായറാഴ്ച മുതലാണ് യുഎഇ നിയമവിരുദ്ധ താമസക്കാര്ക്ക് പൊതുമാപ്പ് പ്രഖ്യാപിച്ചത്. ഇത് രണ്ട് മാസം നീണ്ടു നില്ക്കും. വിസിറ്റ് വിസയില് ഉള്പ്പെടെ രാജ്യത്തെത്തിയ ശേഷം വിസ കാലാവധി കഴിഞ്ഞും രാജ്യത്ത് തുടരുന്നവര്ക്ക് ഉള്പ്പെടെ ഈ അവസരം ഉപയോഗപ്പെടുത്താനാവും. തിങ്കളാഴ്ച പൊതുമാപ്പിന്റെ രണ്ടാം ദിവസം ആയിരുന്നു. യുഎഇയില് ഞായറാഴ്ച ആരംഭിച്ച വിസ പൊതുമാപ്പ് പദ്ധതി ഉപയോഗപ്പെടുത്താൻ വേണ്ടി നിരവധി പേരാണ് അപേക്ഷാ കേന്ദ്രങ്ങളിൽ കഴിഞ്ഞ ദിവസം എത്തിയത്.
Leave a Reply