റിയാദ്: റിയാദ് അന്താരാഷ്ട്ര വിമാനത്താവളത്തിന് നേരെ ഹൂത്തി വിമതർ നടത്തിയ മിസൈൽ ആക്രമണത്തിൽ പ്രമുഖ ബംഗ്ലാദേശി മുഫ്തിയും മതപ്രബോധകനുമായ നസ്റുല്ല അൽബദർ ബദ്‌രിപൂരി ദാരുണമായി കൊല്ലപ്പെട്ടു. വിശുദ്ധ മക്കയിലെത്തി ഉംറ നിർവഹിക്കുകയെന്ന തന്റെ ജീവിതാഗ്രഹം സഫലമാകുന്നതിന് തൊട്ടുമുമ്പ് ഇഹ്‌റാം വസ്ത്രത്തിൽ നിൽക്കവെയാണ് അദ്ദേഹം ഹൂത്തി ആക്രമണത്തിന് ഇരയായത്. പണ്ഡിതന്റെ വേർപാട് ഇസ്ലാമിക ലോകത്തെയൊന്നാകെ ആഴത്തിൽ സങ്കടത്തിലാഴ്ത്തിയതോടൊപ്പം സമൂഹമാധ്യമങ്ങളിലും ആഗോളതലത്തിലും വലിയ പ്രതിഷേധത്തിനും അമർഷത്തിനുമാണ് വഴിവെച്ചിരിക്കുന്നത്.
വർഷങ്ങളായുള്ള തന്റെ ഉംറ തീർത്ഥാടനമെന്ന സ്വപ്നം സാക്ഷാത്കരിക്കാൻ ഉംറ സംഘത്തോടൊപ്പം യാത്ര തിരിച്ചതായിരുന്നു അദ്ദേഹം. എന്നാൽ ലക്ഷ്യസ്ഥാനമായ മക്കയിൽ എത്തുന്നതിന് തൊട്ടുമുമ്പ് എയർപോർട്ടിൽ വെച്ചുണ്ടായ ആക്രമണത്തിൽ അദ്ദേഹത്തിന്റെ ജീവൻ പൊലിയുകയായിരുന്നു. സമാധാനകാംക്ഷികളായ തീർത്ഥാടകർക്ക് നേരെയും ഇസ്ലാമിക തീർത്ഥാടന കേന്ദ്രങ്ങളിലേക്ക് പുറപ്പെടുന്ന നിരപരാധികൾക്ക് നേരെയും ഹൂത്തികൾ നടത്തുന്ന ഈ ഭീകരതയ്ക്കെതിരെ സോഷ്യൽ മീഡിയയിൽ വൻ പ്രതിഷേധമാണ് ഉയരുന്നത്.
About the Author
