ജിദ്ദ: കിങ് അബ്ദുൽ അസീസ് അന്താരാഷ്ട്ര വിമാനത്താവളത്തിലെ ടെർമിനൽ 4-ലെ പാസ്‌പോർട്ട് നിയന്ത്രണ കൗണ്ടറുകളുടെ സജ്ജീകരണം പാസ്‌പോർട്ട് ഡയറക്ടറേറ്റിന്റെ ആക്ടിങ് ഡയറക്ടർ ജനറൽ മേജർ ജനറൽ ഡോ. സാലിഹ് അൽ-മുറബ്ബ ബുധനാഴ്ച പരിശോധിച്ചു.
ടെർമിനൽ 4 ഘട്ടംഘട്ടമായി പ്രവർത്തനം ആരംഭിക്കുന്ന സാഹചര്യത്തിലായിരുന്നു പരിശോധന. യാത്രക്കാരുടെ സഞ്ചാരം സുഗമമാക്കാനും നടപടിക്രമങ്ങൾ കൂടുതൽ കാര്യക്ഷമമാക്കാനും നടപ്പാക്കിയ ഡിജിറ്റൽ സംവിധാനങ്ങളും അദ്ദേഹം വിലയിരുത്തി.
മനുഷ്യവിഭവങ്ങളും സാങ്കേതിക സംവിധാനങ്ങളും പരമാവധി പ്രയോജനപ്പെടുത്തി ചുമതലകൾ കൃത്യതയോടെയും മികവോടെയും നിർവഹിക്കണമെന്ന് അദ്ദേഹം ഉദ്യോഗസ്ഥർക്ക് നിർദേശം നൽകി.
About the Author
