GULF MALAYALAM NEWS

📰 ഏറ്റവും പുതിയ വാർത്തകൾ 💼 പുതിയ ജോലി അവസരങ്ങൾ 📑 വിസ, ഇഖാമ, നിയമ അപ്ഡേറ്റുകൾ 💰 ബിസിനസ് & ഇൻവെസ്റ്റ്മെന്റ് അപ്ഡേറ്റുകൾ

BAHRAIN - ബഹ്റൈൻ NEWS - ഗൾഫ് വാർത്തകൾ QATAR - ഖത്തർ

ഖത്തർ അമീർ – ബഹറൈൻ കിരീടാവകാശി ചർച്ച നടന്നു

GULF MALAYALAM NEWS 0


ദോഹ: ഇരുരാജ്യങ്ങൾക്കുമിടയിലെ പ്രശ്‌നങ്ങൾ പരിഹരിക്കുന്നതിന്റെ ആദ്യപടിയെന്നോണം ബഹ്‌റൈൻ കിരീടാവകാശി ഖത്തർ അമീറുമായി ടെലിഫോണിൽ ചർച്ച നടത്തി. ബഹ്‌റൈൻ ന്യൂസ് എജൻസി(ബി.എൻ.എ)യാണ് ഇക്കാര്യം അറിയിച്ചത്. ഖത്തറിനെതിരായ അറബ് രാജ്യങ്ങളുടെ ഉപരോധം അവസാനിച്ച് ഏകദേശം രണ്ടു വർഷത്തിന് ശേഷമാണ് ഇരുരാജ്യങ്ങളിലും തമ്മിലുള്ള ചർച്ച നടക്കുന്നത്. ഇരു രാജ്യങ്ങളും തമ്മിലുള്ള ബന്ധം നന്നാകുമെന്ന സൂചനയാണ് ഇതിലൂടെ പുറത്തുവന്നത്.
സൗദി അറേബ്യ, യു.എ.ഇ, ബഹ്റൈൻ, ഈജിപ്ത് എന്നീ രാജ്യങ്ങൾ ഖത്തറിന് മേൽ ഏർപ്പെടുത്തിയിരുന്ന ഉപരോധം 2021 ജനുവരിയിൽ അവസാനിച്ചിരുന്നു. എന്നാൽ അതിനുശേഷവും ദോഹയും മനാമയും തമ്മിൽ അഭിപ്രായവ്യത്യാസങ്ങൾ പരിഹരിച്ചിരുന്നില്ല. ബഹ്റൈൻ കിരീടാവകാശിയും പ്രധാനമന്ത്രിയുമായ പ്രിൻസ് സൽമാൻ ബിൻ ഹമദ് അൽ ഖലീഫ ഖത്തർ അമീർ ഷെയ്ഖ് തമീം ബിൻ ഹമദ് അൽതാനിയുമായി നടത്തിയ ചർച്ചയിൽ എല്ലാ അഭിപ്രായ വ്യത്യാസങ്ങളും പരിഹരിക്കാനുള്ള കൂട്ടായ ശ്രമങ്ങളുടെ പ്രാധാന്യം ഊന്നിപ്പറഞ്ഞുവെന്ന് ബി.എൻ.എ റിപ്പോർട്ട് ചെയ്യുന്നു. ‘പൊതു ലക്ഷ്യങ്ങൾ കൈവരിക്കുന്നതിന് ഇരു രാജ്യങ്ങളിലെയും ഉദ്യോഗസ്ഥർ ആശയവിനിമയം തുടരുമെന്നും ധാരണയിലെത്തി,” ബി.എൻ.എ പറഞ്ഞു.
കഴിഞ്ഞയാഴ്ച അബുദാബിയിൽ സംഘടിപ്പിച്ച ചെറിയ അറബ് ഉച്ചകോടിയിൽ ഒമാൻ, ജോർദാൻ, ഈജിപ്ത്, ബഹ്‌റൈൻ, യു.എ.ഇ ഭരണാധികാരികൾ പങ്കെടുത്തിരുന്നു. ഇതിൽ ഖത്തർ അമീറും ബഹ്റൈൻ രാജാവും സംഭാഷണം നടത്തിയിരുന്നു. ഖത്തറുമായുള്ള ബന്ധം പുനഃസ്ഥാപിക്കുന്നതിനും ഈജിപ്തിനൊപ്പം നയതന്ത്രബന്ധം പുനഃസ്ഥാപിക്കുന്നതിനുമുള്ള ശ്രമങ്ങൾക്ക് സൗദി അറേബ്യയാണ് നേതൃത്വം നൽകിയിരുന്നത്. ബഹ്റൈൻ ഒഴികെയുള്ള രാജ്യങ്ങളിൽ ഖത്തറുമായി 2021-ൽ യാത്ര, വ്യാപാര ബന്ധങ്ങൾ പുനഃസ്ഥാപിച്ചു.

വാർത്തകൾ വാട്സപ്പിൽ ലഭിക്കുവാൻ ഇവിടെ ക്ലിക്ക് ചെയ്യുക

Related Story
NEWS - ഗൾഫ് വാർത്തകൾ SAUDI ARABIA - സൗദി അറേബ്യ
മാറുന്ന റിയാദ്; പുതിയ ലുക്ക്!
അൽ-ഒറൂബ – നോർത്തേൺ റിംഗ് റോഡ് പരിധിയിൽ പുതിയ അർബൻ ഡിസൈൻ നിയമങ്ങളുമായി റോയൽ കമ്മീഷൻ. നിർമ്മാണ അനുമതികൾ പുനരാരംഭിച്ചു.
GULF MALAYALAM NEWS

Leave a Reply

Your email address will not be published. Required fields are marked *

error: Content is protected !!