ജിദ്ദ – വാഹനാപകടങ്ങള്‍ തടയാന്‍ കാറുകളില്‍ പ്രത്യേകതരം ഇലക്‌ട്രോണിക് ഉപകരണങ്ങള്‍ സ്ഥാപിക്കാന്‍ ഇന്‍ഷുറന്‍സ് കമ്പനികളും ബന്ധപ്പെട്ട വകുപ്പുകളും നീക്കം തുടങ്ങി. സൗദിയിൽ ആദ്യമായാണ് ഇത്തരമൊരു പദ്ധതി നടപ്പാക്കുന്നത്. ആധുനിക സാങ്കേതികവിദ്യയിലൂടെ ഗതാഗത സുരക്ഷ വര്‍ധിപ്പിക്കാനും ഡ്രൈവര്‍മാരുടെ ഡ്രൈവിംഗ് സ്വഭാവ നിലവാരം ഉയര്‍ത്താനുമാണ് ലക്ഷ്യമിടുന്നത്. ഘട്ടംഘട്ടമായി ഇന്‍ഷുറന്‍സ് പോളിസിക്കൊപ്പം കാറുകളില്‍ ഇലക്‌ട്രോണിക് ഉപകരണം സ്ഥാപിക്കല്‍ നിര്‍ബന്ധമാക്കും. സൗദിയിലെ റോഡുകളിലൂടെ 1.2 കോടിയിലേറെ കാറുകള്‍ സഞ്ചരിക്കുന്നുണ്ട്. ഇതില്‍ ഒരു ഭാഗം ഇന്‍ഷുറന്‍സ് പരിരക്ഷയില്ലാത്തവയാണ്. അടുത്തിടെ നടപ്പാക്കിയ പുതിയ നിയമങ്ങളുടെ ഫലമായി […]

മദീന – സൗദിയില്‍ ബിസിനസ് മേഖല നേരിടുന്ന വെല്ലുവിളികള്‍ക്ക് ബന്ധപ്പെട്ട സര്‍ക്കാര്‍ വകുപ്പുകളുമായി സഹകരിച്ച് പരിഹാരം കാണാന്‍ വാണിജ്യ മന്ത്രാലയം ശ്രമിക്കുമെന്ന് വകുപ്പ് മന്ത്രി ഡോ. മാജിദ് അല്‍ഖസബി. മദീന ചേംബര്‍ ഓഫ് കൊമേഴ്‌സിലെ വ്യവസായികളുമായും നിക്ഷേപകരുമായും സംരംഭകരുമായും കൂടിക്കാഴ്ച നടത്തി സംസാരിക്കുകയായിരുന്നു വാണിജ്യ മന്ത്രി. സൗദിയില്‍ മൊത്തത്തിലും വിശിഷ്യാ മദീനയിലും ബിസിനസ് അന്തരീക്ഷം മെച്ചപ്പെടുത്താനുള്ള നിര്‍ദേശങ്ങള്‍ കൂടിക്കാഴ്ചക്കിടെ വാണിജ്യ മന്ത്രിക്കു മുന്നില്‍ മദീന വ്യവസായികള്‍ ഉന്നയിച്ചു. ഇതോടെ ബിസിനസ് മേഖല നേരിടുന്ന വെല്ലുവിളികളെ കുറിച്ച റിപ്പോര്‍ട്ട് […]

റിയാദ് – വിദേശ തൊഴിലാളികളുടെ തൊഴില്‍ പരിജ്ഞാനവും നൈപുണ്യങ്ങളും ഉറപ്പുവരുത്താന്‍ ലക്ഷ്യമിട്ടുള്ള പ്രൊഫഷനല്‍ അക്രഡിറ്റേഷന്‍ പ്രോഗ്രാമിന്റെ ഭാഗമായ പ്രൊഫഷനല്‍ വെരിഫിക്കേഷന്‍ സേവനത്തിന്റെ ആദ്യ ഘട്ടം മാനവശേഷി, സാമൂഹിക വികസന മന്ത്രാലയം പൂര്‍ത്തിയാക്കി. വിദേശ മന്ത്രാലയത്തിന്റെ സഹകരണത്തോടെ മാനവശേഷി, സാമൂഹിക വികസന മന്ത്രാലയത്തിന്റെ മേല്‍നോട്ടത്തിലുള്ള ഏകീകൃത ഇലക്‌ട്രോണിക് പ്ലാറ്റ്‌ഫോം വഴി 128 രാജ്യങ്ങളില്‍ നിന്നുള്ള തൊഴിലാളികള്‍ക്ക് ആദ്യ ഘട്ടത്തില്‍ പ്രൊഫഷനല്‍ വെരിഫിക്കേഷന്‍ സേവനം നിര്‍ബന്ധമാക്കി. സൗദിയിലേക്ക് റിക്രൂട്ട് ചെയ്യുന്ന വിദേശ തൊഴിലാളികള്‍ക്ക് വിശ്വാസയോഗ്യമായ വിദ്യാഭ്യാസ യോഗ്യതകളും സൗദി തൊഴില്‍ […]

റിയാദ് – തലസ്ഥാന നഗരിയിലെ അല്‍അമ്മാരിയ റോഡില്‍ പടിഞ്ഞാറു ദിശയില്‍ ട്രക്കുകള്‍ പ്രവേശിക്കുന്നത് പൂര്‍ണമായും വിലക്കിയതായി ട്രാഫിക് ഡയറക്ടറേറ്റ് അറിയിച്ചു. അല്‍അമ്മാരിയ റോഡില്‍ കിംഗ് സല്‍മാന്‍ റോഡ് ഇന്റര്‍സെക്ഷന്‍ മുതല്‍ കിംഗ് ഖാലിദ് റോഡ് ഇന്റര്‍സെക്ഷന്‍ വരെയുള്ള ഭാഗത്ത് പടിഞ്ഞാറു ദിശയില്‍ ട്രക്കുകള്‍ പ്രവേശിക്കുന്നതിനാണ് വിലക്കുള്ളത്. ഇത് ലംഘിക്കുന്നവരെ ഓട്ടോമാറ്റിക് രീതിയില്‍ നിരീക്ഷിച്ച് കണ്ടെത്തി പിഴ ചുമത്തുമെന്ന് ട്രാഫിക് ഡയറക്ടറേറ്റ് വ്യക്തമാക്കി.

മദീന – നഗരവാസികള്‍ക്കും സന്ദര്‍ശകര്‍ക്കും നല്‍കുന്ന സേവനങ്ങളുടെ ഭാഗമായി മുഹറം മാസത്തില്‍ മദീന ബസ് സര്‍വീസുകളുടെ സമയക്രമവും റൂട്ടുകളും മദീന വികസന അതോറിറ്റി വെളിപ്പെടുത്തി. നഗരത്തിന്റെ വ്യത്യസ്ത ഭാഗങ്ങളിലെ ആറു റൂട്ടുകളില്‍ ഈ മാസം ബസ് സര്‍വീസുണ്ടാകും. ഈ റൂട്ടുകളില്‍ ആകെ 132 ബസ് സ്റ്റേഷനുകളും സ്റ്റോപ്പുകളുമുണ്ട്. ഹറമൈന്‍ ട്രെയിന്‍ റെയില്‍വെ സ്റ്റേഷന്‍-മസ്ജിദുന്നബവി (300-ാം നമ്പര്‍) റൂട്ടില്‍ രാവിലെ ഏഴു മുതല്‍ രാത്രി പതിനൊന്നു വരെ സര്‍വീസുകളുണ്ടാകും. ഈ റൂട്ടില്‍ ആകെ രണ്ടു സ്റ്റേഷനുകളില്‍ മാത്രമാണ് ബസുകള്‍ […]

റിയാദ്: ഒരു ഗാർഹിക തൊഴിലാളിക്ക് നിലവിലെ സ്പോൺസറിൽ നിന്ന് മറ്റൊരു സ്പോൺസറുടെ കീഴിലേക്ക് കഫാല (സ്പോൺസർഷിപ്പ്) മാറ്റം അനുവദിക്കുന്ന ഒരു സാഹചര്യം കൂടി വ്യക്തമാക്കി മുസാനദ് പ്ലാറ്റ് ഫോം. ഗാർഹിക തൊഴിലാളിയുടെ ശമ്പളം ഡിജിറ്റൽ വാലറ്റുകൾ വഴി നൽകാതെ കാശ് ആയി നൽകിയാൽ ആണ് തൊഴിലാളിക്ക് മറ്റൊരു കഫീലിന്റെ കീഴിലേക്ക് മാറാൻ സാധിക്കുക. ഗാർഹിക തൊഴിലാളിയുടെ ശമ്പളം ഡിജിറ്റൽ വാലറ്റുകൾ വഴി കൈമാറ്റം ചെയ്യാതെ കാശ് ആയി മാത്രം വിതരണം ചെയ്താൽ എന്തെങ്കിലും ശിക്ഷയുണ്ടോ എന്ന ചോദ്യത്തിന് […]

ജിദ്ദ – കഴിഞ്ഞ വര്‍ഷം ചികിത്സാ പിഴവുകള്‍ കാരണം രോഗികള്‍ മരണപ്പെട്ടതുമായി ബന്ധപ്പെട്ട 173 കേസുകളില്‍ കുറ്റക്കാരായ ഡോക്ടര്‍മാരെയും നഴ്‌സുമാരെയും ശരീഅത്ത് മെഡിക്കല്‍ കമ്മീഷനുകള്‍ ശിക്ഷിച്ചതായി ആരോഗ്യ മന്ത്രാലയം വ്യക്തമാക്കി. ചികിത്സാ പിഴവുകളുമായി ബന്ധപ്പെട്ട് ഉയര്‍ന്നുവന്ന 424 കേസുകളില്‍ ഡോക്ടര്‍മാരെയും നഴ്‌സുമാരെയും മറ്റും കമ്മീഷനുകള്‍ കുറ്റവിമുക്തരാക്കി. ഏറ്റവുമധികം ചികിത്സാ പിഴവ് കേസുകളില്‍ ശിക്ഷകള്‍ പ്രഖ്യാപിച്ചത് കിഴക്കന്‍ പ്രവിശ്യയിലാണ്. ഇവിടെ 42 കേസുകളില്‍ ശിക്ഷകള്‍ പ്രഖ്യാപിച്ചു. രണ്ടാം സ്ഥാനത്തുള്ള അസീറില്‍ 26 ഉം മൂന്നാം സ്ഥാനത്തുള്ള തായിഫില്‍ 21 […]

ജിദ്ദ – അടിയന്തിര കേസുകളില്‍ രോഗികള്‍ക്ക് ആവശ്യമായ ചികിത്സകള്‍ നല്‍കാന്‍ ഇന്‍ഷുറന്‍സ് കമ്പനികളുടെ അപ്രൂവലിന് കാത്തുനില്‍ക്കേണ്ടതില്ലെന്ന് കൗണ്‍സില്‍ ഓഫ് ഹെല്‍ത്ത് ഇന്‍ഷുറന്‍സ് വ്യക്തമാക്കി. 500 റിയാലില്‍ കുറവ് ചെലവ് വരുന്ന ചികിത്സാ സേവനങ്ങള്‍ക്കും ഇന്‍ഷുറന്‍സ് കമ്പനികളില്‍ നിന്ന് മുന്‍കൂട്ടി അപ്രൂവല്‍ നേടല്‍ നിര്‍ബന്ധമല്ല. ആദ്യ തവണ ഡോക്ടര്‍ പരിശോധിച്ച് 14 ദിവസത്തിനുള്ളില്‍ സൗജന്യമായി വീണ്ടും ഡോക്ടറെ കാണാന്‍ ഹെല്‍ത്ത് ഇന്‍ഷുറന്‍സ് ഗുണഭോക്താക്കള്‍ക്ക് അവകാശമുണ്ട്. ആരോഗ്യ ഇന്‍ഷുറന്‍സ്പാലന നിരക്ക് 90 ശതമാനമായി ഉയര്‍ന്നിട്ടുണ്ട്. ഏറ്റവും പുതിയ കണക്കുകള്‍ പ്രകാരം […]

മക്ക – ലോക മുസ്‌ലിംകളുടെ ഖിബ്‌ലയായ വിശുദ്ധ കഅ്ബാലയത്തെ അണിയിക്കാനുള്ള പുത്തൻ പുടവ കിസ് വ ഫാക്ടറിയിൽനിന്ന് മക്കയിലെ കഅ്ബാലയത്തിലേക്ക് പുറപ്പെട്ടു. ട്രക്കിലാണ് കിസ് വ എത്തിക്കുന്നത്. കിംഗ് അബ്ദുല്‍ അസീസ് കിസ്‌വ കോംപ്ലക്‌സില്‍ നിന്നുള്ള ഡസന്‍ കണക്കിന് വിദഗ്ധര്‍ ചേര്‍ന്നാണ് പഴയ കിസ്‌വ അഴിച്ചു മാറ്റി കഅ്ബാലയത്തെ പുതിയ പുടവ അണിയിക്കുക. വിശുദ്ധ കഅ്ബാലയത്തെ അണിയിക്കാനുള്ള പുതിയ കിസ്‌വ തിരുഗേഹങ്ങളുടെ സേവകന്‍ സല്‍മാന്‍ രാജാവിനെ പ്രതിനിധീകരിച്ച് മക്ക പ്രവിശ്യ ഡെപ്യൂട്ടി ഗവര്‍ണറും സെന്‍ട്രല്‍ ഹജ് കമ്മിറ്റി […]

ജിദ്ദ – ഉമ്മുല്‍ഖുറാ കലണ്ടര്‍ പ്രകാരം ദുല്‍ഹജ് 29 വെള്ളിയാഴ്ച (ജൂലൈ 5) വൈകീട്ട് സൗദിയില്‍ എവിയെയും മാസപ്പിറവി ദര്‍ശിച്ചതായി വിശ്വാസയോഗ്യമായ വിവരം ലഭിക്കാത്തതിനാല്‍ ഇന്ന് ദുല്‍ഹജ് 30 പൂര്‍ത്തിയാക്കി നാളെ മുഹറം ഒന്നായി കണക്കാക്കാന്‍ തീരുമാനിച്ചതായി സുപ്രീം കോടതി പ്രസ്താവനയില്‍ അറിയിച്ചു.

ആഗോള കൺസൾട്ടിംഗ് ആൻഡ് പബ്ലിക് റിലേഷൻസ് കമ്പനിയായ എഡൽമാന്റെ വാർഷിക ട്രസ്റ്റ് ഇൻഡക്‌സ് 2024 റിപ്പോർട്ട് പ്രകാരം, ഭരണകൂടത്തിലുള്ള ജനങ്ങളുടെ വിശ്വാസത്തിൽ സൗദി അറേബ്യ ലോകത്ത് ഒന്നാമതെത്തി. ദേശീയ അഭിലാഷങ്ങളും ലക്ഷ്യങ്ങളും കൈവരിക്കുന്നതിന് ആവശ്യമായ തീരുമാനങ്ങൾ എടുക്കാനുള്ള തങ്ങളുടെ രാജ്യത്തെ ഗവൺമെന്റിന്റെ കഴിവിൽ 86% പൗരന്മാരും വിശ്വാസം രേഖപ്പെടുത്തി. കഴിഞ്ഞ വർഷത്തേക്കാൾ 3% കൂടുതലാണിത്. 28 രാജ്യങ്ങളിലായി 32,000-ലധികം പേരുടെ അഭിപ്രായം ശേഖരിച്ചാണ് എഡെൽമാൻ ആഗോള ട്രസ്റ്റ് ഇൻഡക്‌സ് റിപ്പോർട്ട് 2024 തയ്യാറാക്കിയത്. ബിസിനസ്സ് മേഖലയിലെ വിശ്വാസത്തിൽ […]