ജിദ്ദ : ജിദ്ദ ഉൾപ്പെടെ മക്ക മേഖലയിൽ നാളെ രാവിലെ എട്ടുവരെ റെഡ് അലർട്ട് പ്രഖ്യാപിച്ചു. മക്കയിൽ ഇന്ന്(ചൊവ്വ)രാവിലെ മുതൽ വൈകിട്ട് ഏഴുവരെ നേരത്തെ റെഡ് അലർട്ട് പ്രഖ്യാപിച്ചിരുന്നു. ഇന്ന് രാത്രി പത്തു മുതൽ നാളെ രാവിലെ എട്ടുവരെയാണ് അലർട്ട് പ്രഖ്യാപിച്ചിരിക്കുന്നത്. ജനങ്ങൾ സുരക്ഷിതരായിരിക്കണമെന്നും വെള്ളക്കെട്ടുകൾക്ക് സമീപം പോകരുതെന്നും അധികൃതർ നിർദ്ദേശിച്ചു. മക്കയുടെയും ജിദ്ദയുടെയും വിവിധ ഭാഗങ്ങളിൽ ഇന്നലെ കനത്ത മഴ പെയ്തിരുന്നു.

റിയാദ് : സ്വകാര്യ ആശുപത്രികളിൽ ആദ്യ പരിശോധനക്കു ശേഷം പതിനാലു ദിവസത്തിനുള്ളിൽ വീണ്ടും ഡോക്ടറെ കാണാൻ കൺസൾട്ടേഷൻ ഫീസ് നൽകേണ്ടതില്ലെന്ന് റിയാദ് ആരോഗ്യ വകുപ്പ് വ്യക്തമാക്കി. ആരോഗ്യ മന്ത്രാലയം പ്രഖ്യാപിക്കുന്ന തീരുമാനങ്ങളും നിർദേശങ്ങളും പാലിക്കാൻ സ്വകാര്യ ആരോഗ്യ സ്ഥാപനങ്ങൾ ബാധ്യസ്ഥമാണെന്ന് സ്വകാര്യ ആരോഗ്യ സ്ഥാപന നിയമത്തിലെ ഏഴാം ഖണ്ഡികയിലെ മൂന്നാം വകുപ്പ് അനുശാസിക്കുന്നുണ്ട്. ആദ്യ പരിശോധനാ തീയതി മുതൽ പതിനാലു ദിവസത്തിനുള്ളിൽ സൗജന്യമായി വീണ്ടും ഡോക്ടറെ കാണാൻ രോഗിക്ക് അവകാശമുണ്ടെന്ന് സ്വകാര്യ ആശുപത്രികളിൽ രോഗികളുടെ അവകാശങ്ങളും കടമകളുമായും […]

ജിദ്ദ : ജിദ്ദ പൊതുഗതാഗത പദ്ധതിയുടെ ഭാഗമായി ബസ് സർവീസ് നെറ്റ്‌വർക്കുകളിൽ 46 ബസ് സ്റ്റേഷനുകൾ ജിദ്ദ നഗരസഭക്കു കീഴിലെ ജിദ്ദ ട്രാൻസ്‌പോർട്ട് കമ്പനി ഉദ്ഘാടനം ചെയ്തു. നിലവിൽ ആകെ 131.5 കിലോമീറ്റർ നീളത്തിൽ ആറു റൂട്ടുകളിലാണ് ബസ് സർവീസുകളുള്ളത്. എയർകണ്ടീഷൻഡ് ബസ് സ്റ്റേഷനുകളിൽ സ്റ്റേഷന്റെ പേരും ബസ് റൂട്ടും വ്യക്തമാക്കുന്ന ബോർഡുകളും ഗതാഗത മുന്നറിയിപ്പ് സന്ദേശങ്ങൾ രേഖപ്പെടുത്തിയ ബോർഡുകളും അടങ്ങിയിരിക്കുന്നു. ജിദ്ദയുടെ നഗരസ്വഭാവത്തെ പ്രതിഫലിപ്പിക്കുന്ന ബസ് സ്റ്റേഷനുകൾ കാലാവസ്ഥയോടും ചുറ്റുപാടുകളുമായും പ്രതികരിക്കുന്ന നിലയിലാണ് രൂപകൽപന ചെയ്തിരിക്കുന്നത്. […]

ജിദ്ദ : സ്‌നാപ് ചാറ്റ് സെലിബ്രിറ്റിയായ യുവതിക്ക് ഒരു ലക്ഷം റിയാല്‍ പിഴ ചുമത്തിയതായി ജനറല്‍ അതോറിറ്റി ഓഫ് മീഡിയ റെഗുലേഷന്‍ അറിയിച്ചു. ഇവരുടെ മൗസൂഖ് ലൈസന്‍സ് റദ്ദാക്കിയിട്ടുമുണ്ട്. കുടുംബ സംവിധാനം തകര്‍ക്കാന്‍ പ്രേരിപ്പിച്ച് അനുചിതമായ രീതിയില്‍ സംസാരിക്കുന്ന വീഡിയോയില്‍ പ്രത്യക്ഷപ്പെട്ടതാണ് സെലിബ്രിറ്റിക്കെതിരായ ശിക്ഷാ നടപടികള്‍ക്ക് കാരണം.

റിയാദ് : തൊഴില്‍ ചെയ്യുന്ന സ്ഥാപനത്തില്‍ നിന്നോ തൊഴിലുടമയില്‍ നിന്നോ ഒളിച്ചോടുന്നവരും അനുമതിയില്ലാതെ ഇറങ്ങിപ്പോകുന്നവരും തൊഴിലുടമക്ക് മതിയായ നഷ്ടപരിഹാരം നല്‍കണമെന്ന് സൗദി ലേബര്‍ കോടതി ഉത്തരവ്. തൊഴിലുടമ തൊഴിലാളിയെ അന്യായമായി പിരിച്ചുവിട്ടാലും തൊഴിലാളി അന്യായമായി തൊഴില്‍ അവസാനിപ്പിച്ചാലും തൊഴില്‍ കരാര്‍ പ്രകാരമുള്ള അവകാശനിഷേധമായി അത് പരിഗണിക്കുമെന്നും ഇരകള്‍ക്ക് നഷ്ടപരിഹാരം ലഭിക്കാന്‍ അര്‍ഹതയുണ്ടെന്നും കോടതി പറഞ്ഞു. രോഗിയായ തനിക്ക് മതിയായ ചികിത്സ നല്‍കിയില്ലെന്നും കരാറിനപ്പുറം അമിതമായി ജോലി ചെയ്യിപ്പിച്ചുവെന്നും പറഞ്ഞ് തൊഴില്‍ സ്ഥാപനത്തില്‍ നിന്ന് അനുമതിയില്ലാതെ ഇറങ്ങിപ്പോയ മലയാളിയായ […]