റിയാദ്: കോഴിക്കോട് ജിദ്ദ സെക്ടറിൽ കൂടുതൽ സർവീസുകൾ പ്രഖ്യാപിച്ച് ഇൻഡിഗോ. കരിപ്പൂരിൽ നിന്ന് ജിദ്ദയിലേക്ക് ആഴ്ചയിൽ 4 പുതിയ സർവീസുകളാണ് പ്രഖ്യാപിച്ചത്. നിലവിൽ ആഴ്ചയിൽ 7 സർവീസുകളാണ് ഇൻഡിഗോ വിമാന കമ്പനി ജിദ്ദയിലേക്ക് സർവീസ് നടത്തുന്നത്. ഇതിനുപുറമെ നാല് സർവീസുകൾ വർദ്ധിപ്പിച്ച് ആഴ്ചയിൽ 11 സർവീസുകളാണ് നടത്തുക. മാർച്ച് ഒന്നുമുതലാണ് പുതിയ സർവീസുകൾ ആരംഭിക്കുന്നത്. ഉച്ചയ്ക്ക് 1:50 നാണ് കോഴിക്കോട് നിന്ന് ജിദ്ദയിലേക്ക് വിമാനം പുറപ്പെടുക. സൗദി സമയം വൈകിട്ട് 5:30 ന് ജിദ്ദയിൽ നിന്ന് കോഴിക്കോട്ടേക്ക് പുറപ്പെടുന്ന തരത്തിലാണ് ഷെഡ്യൂൾ ചൈതിട്ടുള്ളത്.
റമദാൻ ഹജ്ജ് സീസണുകളുടെ ഭാഗമായി കൂടുതൽ യാത്രക്കാർ യാത്ര ചെയ്യുന്ന സെക്ടറാണ് കരിപ്പൂർ-ജിദ്ദ. യാത്രക്കാർക്ക് ഏറെ ആശ്വാസമാകുന്നതാണ് പുതിയ സർവീസുകൾ. സീസണിനോട് അനുബന്ധിച്ച് വൻതുകയാണ് ഓരോ വിമാന കമ്പനികളും കരിപ്പൂർ-ജിദ്ദ സെക്ടറിൽ ഈടാക്കുന്നത്. ഇതിനാശ്വാസമാകുമോ പുതിയ സർവീസുകൾ എന്നാണു യാത്രക്കാർ ഉറ്റുനോക്കുന്നത്
