റിയാദ്: തൊഴിലുടമ ഹുറൂബ് (അബ്സന്റ് ഫ്രം വർക്ക് / Work Interruption Report) രേഖപ്പെടുത്തുകയോ അല്ലെങ്കിൽ തൊഴിൽ കരാർ അവസാനിപ്പിക്കുകയോ ചെയ്ത തൊഴിലാളികൾക്ക് പുതിയ തൊഴിലുടമയുടെ കീഴിലേക്ക് മാറാൻ (Job Transfer) അനുമതിയുണ്ടെന്ന് മാനവവിഭവശേഷി സാമൂഹിക വികസന മന്ത്രാലയത്തിന് കീഴിലുള്ള ‘ഖിവ’ (Qiwa) പ്ലാറ്റ്‌ഫോം വ്യക്തമാക്കി.
എന്നാൽ, ഇതിനായി തൊഴിലാളി സൗദി അറേബ്യയിൽ എത്തിയതിന് ശേഷം കുറഞ്ഞത് 12 മാസത്തെ (1 വർഷം) സേവനം പൂർത്തിയാക്കിയിരിക്കണമെന്ന് അധികൃതർ അറിയിച്ചു.
സ്പോൺസർഷിപ്പ് മാറ്റത്തിനും മറ്റ് സേവനങ്ങൾക്കുമുള്ള പ്രധാന നിബന്ധനകൾ:
• വർക്ക് പെർമിറ്റ് കുടിശ്ശിക: തൊഴിലാളിയുടെ പേരിൽ മുമ്പ് അടയ്ക്കാതെയുള്ള എല്ലാ വർക്ക് പെർമിറ്റ് ഫീസുകളും (Work Permit Fees) പുതിയ തൊഴിലുടമ അടച്ചുതീർക്കേണ്ടതുണ്ട്.
• സർക്കാർ ജീവനക്കാർക്ക് ‘മസാർ’ (Masar) clearance: ‘മസാർ’ പ്ലാറ്റ്‌ഫോം വഴി ക്ലിയറൻസ് നടപടികൾ പൂർത്തിയാക്കി രജിസ്ട്രേഷൻ റദ്ദാക്കാതെ ഗവൺമെന്റ് ജീവനക്കാർക്ക് ഖിവ വഴി പുതിയ തൊഴിൽ കരാറുകൾ ഉണ്ടാക്കാൻ സാധിക്കില്ല.
• ഫൈനൽ എക്സിറ്റും റീ- എൻട്രിയും: അബ്ഷിറിലോ (Absher) മുഖീമിലോ (Muqeem) ‘ഫൈനൽ എക്‌സിറ്റ്’ (Final Exit) അല്ലെങ്കിൽ ‘പോയിട്ട് തിരികെ വന്നില്ല’ (Left and Did Not Return) എന്ന് രേഖപ്പെടുത്തിയ തൊഴിലാളികളെ സ്ഥാപനത്തിന്റെ തൊഴിലാളി ലിസ്റ്റിൽ നിന്ന് ഒഴിവാക്കാം.
• റെഡ് സോൺ (Red Zone) നിബന്ധന: വാണിജ്യ സ്ഥാപനത്തിന് വർക്ക് പെർമിറ്റ് ഇഷ്യൂ ചെയ്യണമെങ്കിൽ, ആ സ്ഥാപനം തുടർച്ചയായി 8 ആഴ്ചകളോളം നിതാഖാത് റെഡ് സോണിൽ (Red Zone) ആയിരിക്കരുത് (പുതിയ കമ്പനികൾക്ക് ഇതിൽ ഇളവുണ്ട്).
തർക്കങ്ങൾ ഖിവയുടെ അധികാരപരിധിയിൽ വരില്ല; കടലാസ് രേഖകൾക്ക് സാധുതയില്ല
തൊഴിലുടമയും തൊഴിലാളിയും തമ്മിലുള്ള കരാർ തർക്കങ്ങൾ (Contractual Disputes) പരിഹരിക്കൽ ഖിവയുടെ അധികാരപരിധിയിൽ വരുന്നതല്ലെന്ന് അധികൃതർ ഓർമ്മിപ്പിച്ചു. ഇത്തരം പ്രശ്നങ്ങൾ മന്ത്രാലയത്തിന്റെ ‘അമിക്കബിൾ സെറ്റിൽമെന്റ്’ (Amicable Settlement Service) വഴിയോ അല്ലെങ്കിൽ ലേബർ കോർട്ട് (Labor Court) വഴിയോ ആണ് തീർപ്പാക്കേണ്ടത്.
തീർത്തും ഒരു ഡിജിറ്റൽ പ്ലാറ്റ്‌ഫോമായതിനാൽ ഖിവ വഴി നേരിട്ടുള്ള പേപ്പർ രേഖകൾ സ്വീകരിക്കുകയോ വെരിഫൈ ചെയ്യുകയോ ഇല്ല. ‘നഫാത്’ (Nafath) ആപ്പ് വഴിയാണ് ഖിവ പ്ലാറ്റ്‌ഫോമിലേക്ക് പ്രവേശിക്കേണ്ടത്.
About the Author
