അബഹ – അസീര് പ്രവിശ്യയില് പെട്ട മഹായിലില് പ്രവര്ത്തിക്കുന്ന വ്യാപാര സ്ഥാപനത്തില് കവര്ച്ച നടത്തിയ യുവാവിനെ പോലീസ് അറസ്റ്റ് ചെയ്തു. കത്തിയുമായി കടയില് കയറിയ പ്രതി ജീവനക്കാരെ ഭീഷണിപ്പെടുത്തി പണവും വിലപിടിച്ച വസ്തുക്കളും കൈക്കലാക്കി രക്ഷപ്പെടുകയായിരുന്നു.
കവർച്ചയുടെ ദൃശ്യങ്ങള് സമൂഹ മാധ്യമങ്ങളില് പ്രചരിച്ചിരുന്നു. സംഭവം ശ്രദ്ധയില്പ്പെട്ട ഉടൻ പോലീസ് ഊര്ജിതമായ അന്വേഷണം നടത്തി പ്രതിയെ തിരിച്ചറിഞ്ഞ് അറസ്റ്റ് ചെയ്യുകയായിരുന്നു. നിയമാനുസൃത നടപടികള് പൂര്ത്തിയാക്കി പ്രതിയെ പബ്ലിക് പ്രോസിക്യൂഷന് റഫര് ചെയ്തതായി അസീര് പോലീസ് അറിയിച്ചു.
Leave a Reply