റിയാദ്: റിയാദിൽ ഭീകരവാദ കുറ്റങ്ങൾക്ക് സുല്‍ത്താൻ ബിൻ ആമിർ ബിൻ അബ്ദുല്ല അൽ-ശഹ്‌രിക്ക് വധശിക്ഷ നടപ്പാക്കിയതായി ആഭ്യന്തര മന്ത്രാലയം അറിയിച്ചു. വിദേശ ഭീകര സംഘടനയിൽ ചേർന്ന് പ്രവർത്തിക്കുക, ആയുധങ്ങളും സ്ഫോടക വസ്തുക്കളും നിർമിക്കുക, സുരക്ഷാ വകുപ്പ് ആസ്ഥാനങ്ങളെയും സുരക്ഷാ സൈനികരെയും ലക്ഷ്യമിട്ട് ആക്രമണങ്ങൾ ആസൂത്രണം ചെയ്യുക, ഭീകരരെ ഒളിവിൽ കഴിയാന്‍ സഹായിക്കുക തുടങ്ങിയ കുറ്റങ്ങൾക്കാണ് ഇയാൾക്ക് ശിക്ഷ വിധിച്ചത്. പ്രതി വിദേശ ഭീകര സംഘടനയുമായി ചേർന്ന് സാമൂഹിക സുരക്ഷയും സ്ഥിരതയും തകർക്കാൻ ശ്രമിച്ചതായി മന്ത്രാലയം വ്യക്തമാക്കി.

ജിദ്ദ – പരസ്യങ്ങള്‍ക്കും പ്രൊമോഷനുകള്‍ക്കും ലൈസന്‍സില്ലാത്ത വിദേശ സെലിബ്രിറ്റികളുടെയും ഇന്‍ഫ്‌ളുവന്‍സര്‍മാരുടെയും സേവനം പ്രയോജനപ്പെടുത്തിയ അഞ്ചു വാണിജ്യ സ്ഥാപനങ്ങള്‍ക്കെതിരെ നടപടികള്‍ സ്വീകരിക്കുന്നതായി ജനറല്‍ അതോറിറ്റി ഓഫ് മീഡിയ റെഗുലേഷന്‍ അറിയിച്ചു. സ്ഥാപന പ്രതിനിധികളെ വിളിച്ചുവരുത്തി അന്വേഷണം നടത്തിയതായും നിയമാനുസൃത നടപടികള്‍ പൂര്‍ത്തിയാക്കാനായി സ്ഥാപനങ്ങള്‍ക്കെതിരായ കേസുകള്‍ പ്രത്യേക കമ്മിറ്റിക്ക് കൈമാറിയെന്നും അധികൃതർ അറിയിച്ചു. നിയന്ത്രണങ്ങള്‍ പൂര്‍ണ നിശ്ചയാര്‍ഢ്യത്തോടെ നടപ്പാക്കുന്നത് തുടരുമെന്നും മാധ്യമ നിയമ ലംഘനങ്ങളും ഓഡിയോവിഷ്വല്‍ മീഡിയ നിയമ വ്യവസ്ഥകളുടെ ലംഘനങ്ങളും അനുവദിക്കില്ലെന്നും അതോറിറ്റി വ്യക്തമാക്കി. ലൈസന്‍സുള്ളവരുടെ അവകാശങ്ങള്‍ സംരക്ഷിക്കുമെന്നും […]

ജിദ്ദ – നിയമ ലംഘനങ്ങള്‍ കാരണം ജിദ്ദയില്‍ പത്തു കഫേകള്‍ നഗരസഭ അടപ്പിച്ചു. കഫേകളും സമാന സ്ഥാപനങ്ങളും ലക്ഷ്യമിട്ട് ജിദ്ദ നഗരസഭാ സംഘങ്ങള്‍ നടത്തിയ ശക്തമായ പരിശോധകള്‍ക്കിടെ മറ്റു 23 സ്ഥാപനങ്ങളില്‍ ഒന്നിലധികം നിയമ ലംഘനങ്ങള്‍ കണ്ടെത്തുകയും ചെയ്തു. ലൈസന്‍സില്ലാതെയോ സസ്‌പെന്‍ഡ് ചെയ്ത ലൈസന്‍സുകളോടെയോ പ്രവര്‍ത്തിക്കല്‍, ജീവനക്കാര്‍ക്ക് ഹെല്‍ത്ത് കാര്‍ഡുകള്‍ ഇല്ലാതിരിക്കല്‍, ലൈസന്‍സില്ലാതെ പുകയില ഉല്‍പ്പന്നങ്ങള്‍ വിതരണം ചെയ്യല്‍, ശുചിത്വക്കുറവ്, ആരോഗ്യ-സാങ്കേതിക ആവശ്യകതകളുമായി ബന്ധപ്പെട്ട മറ്റ് നിയമ ലംഘനങ്ങള്‍ എന്നിവയാണ് കോഫി ഷോപ്പുകളില്‍ കണ്ടെത്തിയത്.

റിയാദ് – വിദ്യാര്‍ഥികളുടെയും ജീവനക്കാരുടെയും അതിരാവിലെ യാത്ര ചെയ്യേണ്ടവരുടെയും ആവശ്യങ്ങള്‍ നിറവേറ്റാനായി റിയാദ് മെട്രോയുടെ പ്രവര്‍ത്തന സമയത്തില്‍ മാറ്റം വരുത്തിയതായി റിയാദ് പബ്ലിക് ട്രാന്‍സ്പോര്‍ട്ട് അതോറിറ്റി. ഇനി മുതല്‍ ദിവസവും രാവിലെ 5.30 മുതല്‍ മെട്രോ സര്‍വീസുകളുണ്ടാകുമെന്ന് റിയാദ് പബ്ലിക് ട്രാന്‍സ്പോര്‍ട്ട് അതോറിറ്റി അറിയിച്ചു. ട്രെയിന്‍ സര്‍വീസുകള്‍ക്കുള്ള വര്‍ധിച്ചുവരുന്ന ആവശ്യകത കണക്കിലെടുത്താണ് സര്‍വീസ് സമയം ദീര്‍ഘിപ്പിക്കുന്നത്. സ്വകാര്യ വാഹനങ്ങളെ ആശ്രയിക്കുന്നത് കുറക്കാനും തലസ്ഥാനത്തെ ഗതാഗത പ്രവാഹം മെച്ചപ്പെടുത്താനും തിരക്ക് കുറക്കാനും ഇതിലൂടെ ലക്ഷ്യമിടുന്നു. സൗദി വിഷന്‍ 2030 […]