ജിദ്ദ: എയർപോർട്ടിൽ വന്നിറങ്ങുന്ന ഹാജിമാർ ബസ്സിൽ കയറുന്നതിനു മുമ്പ് തന്നെയോ, അല്ലെങ്കിൽ ബസ്സിൽ കയറിയ ഉടനെയോ, അല്ലെങ്കിൽ താമസിക്കുന്ന ബിൽഡിങ്ങിൽ എത്തിയ ഉടനെ തന്നെയോ വിവിധ മൊബൈൽ കമ്പനിയുടെ ആളുകൾ സൗജന്യ സിം നൽകാമെന്ന് പറഞ്ഞ് സമീപിച്ച് ഹാജിമാരുടെ വിരലടയാളം ശേഖരിച്ച് ശേഷം സിം നൽകാതെ കടന്നു കളയുന്നതായി പല പരാതികൾ വരുന്നുണ്ട്.  ഹാജിയുടെ വിരലടയാളം സ്വീകരിച്ച ശേഷം ഹാജി അറിയാതെ ഹാജിയുടെ പേരിൽ രണ്ട് സിമ്മുകൾ എടുക്കുകയും അതിലൊന്ന് മാത്രം ഹാജിക്ക് നൽകി രണ്ടാമത്തെ സിം […]

ദുബായ് : ട്രാഫിക് പിഴകൾ ഇനിമുതൽ ഓൺലൈൻ വഴി മാത്രമേ സ്വീകരിക്കുക യുള്ളു എന്ന് ദുബായ് റോഡ് ഗതാഗത അതോറിറ്റി (ആർ.ടി. എ) അറിയിച്ചു. ട്രാഫിക് പിഴകളും വ്യക്തിപരമായ മറ്റു പിഴകളും ഇനിമുതൽ കസ്റ്റമർ ഹാപ്പിനെസ് സെന്ററുകളിലും മറ്റ് സേവന കേന്ദ്രങ്ങളിലും സ്വീകരിക്കില്ല,ആർ.ടി.എയുടെ വെബ്സൈറ്റ് വഴിയോ സ്മാർട്ട് ആപ്ലിക്കേഷൻ വഴിയോ മാത്രമേ ഇനിമുതൽ പിഴ അടക്കാനാവൂ. ലളിതമായ നടപടികളുടെ ഓൺലൈനായി പിഴയടക്കാമെന്ന് ആർ.ടി.എ ഞായറാഴ്ച എക്സിൽ കുറിച്ചു. ഡാഷ് ബോർഡിൽ ആർടിഒയുടെ മുഴുവൻ സേവനങ്ങളും ലഭ്യമാകുന്ന രീതിയിലുള്ള […]

മക്ക – ഈ വര്‍ഷത്തെ ഹജിന് അറഫ സംഗമത്തില്‍ ഖുതുബ നിര്‍വഹിക്കാനും ദുഹ്ര്‍, അസര്‍ നമസ്‌കാരങ്ങള്‍ക്ക് നേതൃത്വം നല്‍കാനും ഹറം ഇമാമും ഖതീബുമായ ശൈഖ് ഡോ. മാഹിര്‍ അല്‍മുഅയ്ഖ്‌ലിയെ നിയോഗിക്കാന്‍ തിരുഗേഹങ്ങളുടെ സേവകന്‍ സല്‍മാന്‍ രാജാവ് നിര്‍ദേശിച്ചതായി ഹറം മതകാര്യ വകുപ്പ് അറിയിച്ചു. അറഫ പ്രസംഗത്തിന് ലോക മുസ്‌ലിം സമൂഹം വലിയ പ്രാധാന്യമാണ് കല്‍പിക്കുന്നത്. ലോകത്ത് കോടിക്കണക്കിന് വിശ്വാസികള്‍ അറഫ പ്രസംഗം തത്സമയം വീക്ഷിക്കാറുണ്ട്.

മദീന – പ്രവാചക മസ്ജിദിലെ റൗദ ശരീഫില്‍ നമസ്‌കാരം നിര്‍വഹിക്കാന്‍ ഓരോരുത്തര്‍ക്കും അനുവദിക്കുക പത്തു മിനിറ്റ് മാത്രമാണെന്ന് ഹറംകാര്യ വകുപ്പ് അറിയിച്ചു. നുസുക് ആപ്പ് വഴി പെര്‍മിറ്റ് ഇഷ്യു ചെയ്യുന്നതിനു മുമ്പ് റൗദ ശരീഫ് പ്രവേശനവുമായി ബന്ധപ്പെട്ട നിര്‍ദേശങ്ങള്‍ അംഗീകരിക്കണമെന്ന് വ്യവസ്ഥയുണ്ട്. മറ്റുള്ളവര്‍ക്കു കൂടി അവസരം ലഭിക്കുന്നതിന് റൗദ ശരീഫില്‍ നമസ്‌കാരം നിര്‍വഹിക്കാന്‍ പത്തു മിനിറ്റ് മാത്രമാണ് അനുവദിക്കുകയെന്ന് റൗദ ശരീഫ് പ്രവേശന ക്രമീകരണ നിര്‍ദേശങ്ങള്‍ വ്യക്തമാക്കുന്നു. റൗദ ശരീഫ് സിയാറത്തിന് ബുക്ക് ചെയ്യുമ്പോള്‍ ബുക്കിംഗ് കണ്‍ഫേം […]

ജിദ്ദ – ബാങ്കുകള്‍ക്കും പെയ്‌മെന്റ് കമ്പനികള്‍ക്കും ദുല്‍ഹജ് ഏഴ് വ്യാഴാഴ്ച പ്രവൃത്തി ദിവസം അവസാനിച്ച ശേഷം ബലിപെരുന്നാള്‍ അവധി ആരംഭിക്കുമെന്ന് സെന്‍ട്രല്‍ ബാങ്ക് അറിയിച്ചു. ബലിപെരുന്നാള്‍ അവധി അവസാനിച്ച് ദുല്‍ഹജ് 17 ന് ഞായറാഴ്ച മുതല്‍ ബാങ്കുകളും ധനകാര്യ സ്ഥാപനങ്ങളും പതിവുപോലെ തുറന്ന് പ്രവര്‍ത്തിക്കുമെന്നും കേന്ദ്ര ബാങ്ക് പറഞ്ഞു.

മക്ക – നുസുക് കാര്‍ഡ് നഷ്ടപ്പെട്ടാല്‍ ഹജ് തീര്‍ഥാടകര്‍ ബന്ധപ്പെട്ട വകുപ്പുകളുമായി ആശയവിനിമയം നടത്തണമെന്ന് ഹജ്, ഉംറ മന്ത്രാലയം ആവശ്യപ്പെട്ടു. നുസുക് കാര്‍ഡ് നഷ്ടപ്പെട്ടാല്‍ ബദല്‍ കാര്‍ഡ് പ്രിന്റ് ചെയ്യാന്‍ ഗ്രൂപ്പ് ലീഡറെ വിവരമറിയിക്കണം. ആവശ്യമുള്ള സമയത്ത് ഉപയോഗിക്കാന്‍ നുസുക് ആപ്പില്‍ പ്രവേശിച്ച് ഡിജിറ്റല്‍ കാര്‍ഡും പ്രയോജനടപ്പെടുത്താവുന്നതാണ്. കൂടുതല്‍ മാര്‍ഗനിര്‍ദേശങ്ങള്‍ക്ക് ഏറ്റവും അടുത്തുള്ള സുരക്ഷാ സൈനികനെ വിവമറിയിച്ചാലും മതി. ഏകീകൃത കോള്‍സെന്ററായ 1966 ല്‍ ബന്ധപ്പെട്ട് ആശയവിനിമയം നടത്തിയും ഇക്കാര്യത്തില്‍ സഹായം തേടാന്‍ സാധിക്കും. ഏറ്റവുമടുത്ത നുസുക് […]

റിയാദ് – റിയാദ് പ്രവിശ്യയില്‍ പെട്ട അല്‍ഖര്‍ജില്‍ വ്യാജ എന്‍ജിന്‍ ഓയില്‍ നിര്‍മാണ കേന്ദ്രം നടത്തിയ വിദേശികളെ വാണിജ്യ മന്ത്രാലയ സംഘം പിടികൂടി ബന്ധപ്പെട്ട വകുപ്പുകള്‍ക്ക് കൈമാറി. വര്‍ക്ക് ഷോപ്പുകളില്‍ നിന്ന് പഴയ എന്‍ജിന്‍ ഓയില്‍ ശേഖരിച്ച് സംസ്‌കരിച്ച് അന്താരാഷ്ട്ര പ്രശസ്തമായ കമ്പനികളുടെ പേരിലുള്ള സ്റ്റിക്കറുകള്‍ പതിച്ച പുതിയ ടിന്നുകളില്‍ നിറച്ച് മൊത്തമായി വിതരണം നടത്തുകയാണ് നിയമ ലംഘകര്‍ ചെയ്തിരുന്നത്. ബന്ധപ്പെട്ട വകുപ്പുകളുടെയും സുരക്ഷാ വകുപ്പുകളുടെയും ശ്രദ്ധയില്‍ പെടാതിരിക്കുന്നതിന് ആടുവളര്‍ത്തല്‍ കേന്ദ്രമാക്കി മാറ്റിയ വെയര്‍ഹൗസ് ആണ് വ്യാജ […]

നജ്‌റാന്‍ – നജ്‌റാന്‍ നഗരസഭക്കു കീഴിലെ വസതു നജ്‌റാന്‍ ബലദിയ ശാഖാ പരിധിയില്‍ പ്രവര്‍ത്തിക്കുന്ന റെസ്റ്റോറന്റില്‍ നിന്ന് കേടായ ഇറച്ചി ശേഖരവും പച്ചക്കറികളും നഗരസഭാധികൃതര്‍ പിടിച്ചെടുത്ത് നശിപ്പിച്ചു. നഗരസഭാധികൃതര്‍ നടത്തിയ പരിശോധനക്കിടെ ഉപയോഗശൂന്യമായ 1,782 കിലോ ഇറച്ചി റെസ്റ്റോറന്റില്‍ കണ്ടെത്തുകയായിരുന്നു. സ്ഥാപനത്തില്‍ ശുചീകരണ നിലവാരം മോശമാണെന്നും പ്രാണികളുടെ വര്‍ധിച്ച സാന്നിധ്യമുള്ളതായും പരിശോധനയില്‍ വ്യക്തമായി. പിഴ ചുമത്തി റെസ്റ്റോറന്റ് അടപ്പിച്ച നഗരസഭാധികൃതര്‍ സ്ഥാപനത്തിനെതിരെ മറ്റു നിയമാനുസൃത നടപടികളും സ്വീകരിച്ചതായി നജ്‌റാന്‍ നഗരസഭാ വക്താവ് അബ്ദുല്ല ആലുഫാദില്‍ പറഞ്ഞു.

ജിദ്ദ – ഓഗസ്റ്റ് 18 ന് ഞായറാഴ്ച വേനലവധിക്കു ശേഷം സ്‌കൂളുകള്‍ വീണ്ടും തുറക്കുമെന്ന് വിദ്യാഭ്യാസ മന്ത്രാലയം അറിയിച്ചു. ഓഗസ്റ്റ് 4 ന് ഞായറാഴ്ച സൂപ്പര്‍വൈസര്‍മാര്‍ക്കും വിദ്യാഭ്യാസ ഓഫീസ് ജീവനക്കാര്‍ക്കും ഓഫീസ് ജോലിക്ക് ചുമതലപ്പെടുത്തിയ അധ്യാപകര്‍ക്കും സ്‌കൂളുകളിലെ ഓഫീസ് ജീവനക്കാര്‍ക്കും വേനലവധി പൂര്‍ത്തിയായി ഡ്യൂട്ടി പുനരാരംഭിക്കും. ഓഗസ്റ്റ് 11 ന് ഞായറാഴ്ച അധ്യാപകര്‍ക്ക് ഡ്യൂട്ടി പുനരാരംഭിക്കുമെന്നും വിദ്യാഭ്യാസ മന്ത്രാലയം അറിയിച്ചു

ജിദ്ദ – ഹജ് റിപ്പോര്‍ട്ടിംഗ് മേഖലയില്‍ പ്രവര്‍ത്തിക്കുന്ന മാധ്യമസ്ഥാപനങ്ങള്‍ക്കും മാധ്യമപ്രവര്‍ത്തകര്‍ക്കും ജനറല്‍ അതോറിറ്റി ഓഫ് മീഡിയ റെഗുലേഷന്‍ ഔദ്യോഗിക വെബ്‌സൈറ്റ് വഴി ലൈസന്‍സുകള്‍ അനുവദിക്കാന്‍ തുടങ്ങി. പ്രാദേശിക, അന്താരാഷ്ട്ര മാധ്യമസംഘങ്ങള്‍ക്ക് ഫീല്‍ഡ് ചിത്രീകരണത്തിന് ആവശ്യമായ ലൈസന്‍സുകള്‍ അനുവദിക്കല്‍, ഉള്ളടക്കം നിരീക്ഷിക്കല്‍, മാധ്യമ കവറേജുകള്‍ക്ക് മേല്‍നോട്ടം വഹിക്കല്‍, മാധ്യമസംഘങ്ങളുടെ പ്രവേശനം ക്രമീകരിക്കല്‍, പ്രവര്‍ത്തനം എളുപ്പമാക്കല്‍, മാധ്യമ കവറേജുകള്‍ ക്രമീകരിക്കല്‍ എന്നിവ അതോറിറ്റി ഉത്തരവാദിത്തങ്ങളില്‍ പെടുന്നു. എയര്‍പോര്‍ട്ടുകള്‍ അടക്കമുള്ള അന്താരാഷ്ട്ര അതിര്‍ത്തി പ്രവേശന കവാടങ്ങള്‍ വഴി ക്യാമറകള്‍ അടക്കമുള്ള മാധ്യമ […]