Saudi Arabia: എവിടെ വെച്ചാണോ നമ്പർ പ്ലേറ്റ് നഷ്ടമായത് ആ ഏരിയയിലെ പോലീസ് സ്റ്റേഷനിൽ നമ്പർ പ്ലേറ്റ് നഷ്ടമായി എന്നു ചൂണ്ടിക്കാട്ടി ആദ്യം പരാതി നൽകണം. അതിനു ശേഷം ട്രാഫിക് ഡിപ്പാർട്ടുമെന്റിൽ പോയി പുതിയ നമ്പർ പ്ലേറ്റ് നൽകുന്നതിന് അപേക്ഷ നൽകണം. അപേക്ഷ നൽകുന്നതോടൊപ്പം 100 റിയാൽ ഫീസും അടക്കണം. തുടർന്ന് ഡ്രാഫിക് ഡിപ്പാർട്ടുമെന്റ് ഡ്യൂപ്ലിക്കേറ്റ് നമ്പർ പ്ലേറ്റ് ലഭിക്കുന്നതിനുള്ള തിയതി നിങ്ങൾക്കു നൽകും. നിശ്ചിത ദിവസം അവിടെ പോയി അതു വാങ്ങിയാൽ മതിയാവും.

അബ്ശിർ വഴി ഡ്യൂപ്ലിക്കേറ്റ് നമ്പർ പ്ലേറ്റിന് അപേക്ഷിക്കാം. അബ്ശിറിൽ ട്രാഫിക് ഡിപ്പാർട്ടുമെന്റ് (മുറൂർ) ലോഗ് ഇൻ ചെയ്യുക. അതിൽ ഡ്യൂപ്ലിക്കേറ്റ് നമ്പർ പ്ലേറ്റിനുള്ള ഓപ്ഷൻ ഉണ്ട്. 100 റിയാലാണ് ഫീസ്. അപേക്ഷ നൽകുന്നതിനു മുമ്പായി ബാങ്ക് വഴി ഫീസ് അടച്ചിരിക്കണം. എങ്കിൽ മാത്രമാണ് അപേക്ഷ സ്വീകരിക്കപ്പെടുക. ഡ്യൂപ്ലിക്കേറ്റ് നമ്പർ പ്ലേറ്റ് അപേക്ഷയിൽ എന്തിനു വേണ്ടി എന്ന ചോദ്യം കാണും. അവിടെ ഫഹസ് ഓബ്ജക്ഷൻ എന്നു വ്യക്തമാക്കണം. അതിനു ശേഷമാണ് അപേക്ഷ അപ്‌ലോഡ് ചെയ്യേണ്ടത്. അബ്ശിറിലൂടെ ചെയ്യാൻ സാധിക്കാത്തവർക്ക് […]

റിയാദ് – ഭാര്യ മരണപ്പെട്ടാൽ സ്വകാര്യ മേഖലാ ജീവനക്കാരന് വേതനത്തോടെ അഞ്ചു ദിവസത്തെ അവധിക്ക് അവകാശമുള്ളതായി മാനവശേഷി, സാമൂഹിക വികസന മന്ത്രാലയം വ്യക്തമാക്കി. ഭാര്യ, മക്കൾ, മാതാപിതാക്കൾ, മുത്തച്ഛൻ, മുത്തശ്ശി, പേരമക്കൾ ഇവരിൽ ആരെങ്കിലും മരണപ്പെടുന്ന സന്ദർഭങ്ങളിൽ സ്വകാര്യ മേഖലാ ജീവനക്കാർക്ക് വേതനത്തോടെ അഞ്ചു ദിവസത്തെ അവധിക്ക് അവകാശമുള്ളതായി തൊഴിൽ നിയമത്തിലെ 113 -ാം വകുപ്പ് അനുശാസിക്കുന്നുണ്ട്. മാതൃസഹോദരൻ, മാതൃസഹോദരി, പിതൃസഹോദരൻ, പിതൃസഹോദരി, സഹോദരൻ, സഹോദരി എന്നിവർ മരണപ്പെടുന്ന സന്ദർഭങ്ങളിൽ വേതനത്തോടു കൂടിയ അവധിക്ക് സ്വകാര്യ മേഖലാ […]

റിയാദ് – അതിർത്തികളിൽ നിരോധിത സ്ഥലങ്ങളിൽ പ്രവേശിക്കുന്നവർക്ക് 25,000 റിയാൽ വരെ പിഴയും 30 മാസം വരെ തടവും ശിക്ഷ ലഭിക്കുമെന്ന് അതിർത്തി സുരക്ഷാ സേന മുന്നറിയിപ്പ് നൽകി. ഉല്ലാസയാത്രയായും മറ്റും മരുഭൂപ്രദേശങ്ങൾ സന്ദർശിക്കുന്ന സൗദി പൗരന്മാരും വിദേശികളും അതിർത്തി പ്രദേശങ്ങളിൽ നിന്ന് അകന്നുനിൽക്കണം. അതിർത്തിക്കു സമീപമുള്ള നിരോധിത പ്രദേശങ്ങൾ വ്യക്തമാക്കുന്ന മുന്നറിയിപ്പ് ബോർഡുകളും മൺഅതിർവരമ്പുകളും സ്ഥാപിച്ചിട്ടുണ്ട്. ഇവിടങ്ങളിൽ പ്രവേശിക്കുന്നത് രാജ്യത്തെ നിയമ, നിർദേശങ്ങൾ വിലക്കുന്നു. വാണിംഗ് ബോർഡുകൾ മറികടന്ന് അതിർത്തികളിലെ നിരോധിത പ്രദേശങ്ങളിൽ പ്രവേശിക്കുന്നവർക്ക് അതിർത്തി […]

റിയാദിലെ മണിഎക്‌സ്‌ചേഞ്ച് സെന്ററിൽ സ്വദേശങ്ങളിലേക്ക് പണമയക്കാൻ ക്യൂ നിൽക്കുന്ന വിദേശികൾ. റിയാദ് – സൗദിയിൽ ജോലി ചെയ്യുന്ന വിദേശികൾ നിയമാനുസൃത മാർഗങ്ങളിലൂടെ ജനുവരിയിൽ സ്വദേശങ്ങളിലേക്ക് അയച്ച പണത്തിൽ 16 ശതമാനം കുറവ് രേഖപ്പെടുത്തി. ജനുവരിയിൽ 1,052 കോടി റിയാൽ (268 കോടി ഡോളർ) ആണ് ബാങ്കുകളും മണിഎക്‌സ്‌ചേഞ്ചുകളും വഴി വിദേശികൾ സ്വദേശങ്ങളിലേക്ക് അയച്ചത്. കഴിഞ്ഞ കൊല്ലം ജനുവരിയിൽ വിദേശികൾ 1,252 കോടി റിയാൽ സ്വദേശങ്ങളിലേക്ക് അയച്ചിരുന്നു. തുടർച്ചയായി ഏഴാം മാസമാണ് വിദേശികളുടെ റെമിറ്റൻസിൽ കുറവ് രേഖപ്പെടുത്തുന്നത്. സൗദി […]

നജ്‌റാനിലെ സ്വീറ്റ്‌സ് കടകളിൽ സൗദിവൽക്കരണ സമിതിയംഗങ്ങൾ പരിശോധന നടത്തുന്നു.നജ്‌റാൻ- സമ്പൂർണ സൗദിവൽക്കരണം പ്രഖ്യാപിച്ച തൊഴിലുകളിൽ വിദേശ ജോലിക്കാർ തൊഴിലെടുക്കുന്നത് തടയൽ ലക്ഷ്യമിട്ട് സൗദിവൽക്കരണ സമിതി നജ്‌റാൻ സോൺ നടത്തിയ മിന്നൽ പരിശോധനയിൽ നിരവധി പേർ പിടിയിലായി. നജ്‌റാൻ, ശറൂറ പ്രദേശങ്ങളിലെ 64 ഓളം സ്വീറ്റ്‌സ്(ഹലവിയ്യാത്ത്) മഅജൂനാത്ത് കടകൾ കേന്ദ്രീകരിച്ചായിരുന്നു പരിശോധന. സ്ഥാപനങ്ങളിൽ സ്വദേശി, വിദേശി തൊഴിലാളികളുടെ സ്ത്രീ-പുരുഷ എണ്ണം തിരിച്ചുള്ള കണക്കുകൾ സമിതിയംഗങ്ങൾ രേഖപ്പെടുത്തി. സൗദിവൽക്കരിച്ച ഏതാനും പോസ്റ്റുകൾ ഒഴിഞ്ഞു കിടക്കുന്നതായി ഫീൽഡ് പരിശോധനയിൽ കണ്ടെത്തിയ സമിതി […]

ജിദ്ദ- ഈ മാസം പതിനൊന്നിന് സൗദി ദേശീയ പതാക ദിനമായി ആചരിക്കുന്നത് ചരിത്ര മൂഹൂർത്തം കൂടിയാണ്. രാജ്യത്തിന്റെ വളർച്ചയുടെ പടവുകൾക്ക് ഈ പതാക സാക്ഷ്യം വഹിച്ചിട്ടുണ്ട്. രാജ്യം രൂപീകൃതമായതു മുതൽ ഇതേവരെ സൗദി രേഖപ്പെടുത്തിയ മുഴുവൻ വളർച്ചക്കും ഈ പതാക സാക്ഷ്യം വഹിച്ചിട്ടുണ്ട്. മാർച്ച് 11-ന് പതാക ദിനമായി ആഘോഷിക്കാനുള്ള രാജ കൽപനയോടെ സൗദിയുടെ പതാക സംബന്ധിച്ചും ചർച്ച മുറുകുകയാണ്. ഒരിക്കലും തല താഴ്ത്താത്ത ഔന്നത്യമാണ് സൗദി ദേശീയ പതാകയ്ക്കുള്ളത്. 1932 സെപ്റ്റംബർ 23-നാണ് ആധുനിക സൗദിയുടെ […]

റിയാദ് – ആള്‍മാറാട്ടം നടത്തി വ്യക്തികളുടെയും സ്ഥാപനങ്ങളുടെയും സംഘടനകളുടെയും ബാങ്ക് വിവരം ചോര്‍ത്തി പണം തട്ടുന്ന സംഘത്തില്‍ 13 പാകിസ്ഥാനികളെയാണ് അറസ്റ്റ് ചെയ്തതെന്ന് ദമാം പോലീസ് വ്യക്തമാക്കി. ദമാമിലെ ഒരു വീട് കേന്ദ്രീകരിച്ചായിരുന്നു സംഘം പ്രവര്‍ത്തിച്ചിരുന്നത്. വിദേശത്തുള്ള ഒരു പാകിസ്ഥാനിയാണ് ഇവര്‍ക്ക് ആവശ്യമായ സഹായങ്ങള്‍ നല്‍കിയിരുന്നത്. ഇവരില്‍ നിന്ന് 28 മൊബൈല്‍ ഫോണുകള്‍, 30 സിം കാര്‍ഡുകള്‍ എന്നിവയും പിടിച്ചെടുത്തു.ദുരിത ബാധിതര്‍ക്ക് സാമ്പത്തിക സഹായം നല്‍കാനെന്ന പേരില്‍ ഉന്നതവ്യക്തികളുടെ പേരില്‍ ടെലിഫോണ്‍ പ്രോഗ്രാമുകള്‍ ഉപയോഗിച്ചും സര്‍ക്കാര്‍, വാണിജ്യ […]

ഷാര്‍ജ – ഷാര്‍ജയില്‍ വാഹനമോടിക്കുന്നവര്‍ ട്രാഫിക് പിഴ നേരത്തെ അടച്ചാല്‍ 35 ശതമാനം വരെ ഇളവ് ലഭിക്കും. ചൊവ്വാഴ്ച ഷാര്‍ജ എക്‌സിക്യൂട്ടീവ് കൗണ്‍സില്‍ യോഗത്തിലാണ് ഇക്കാര്യം അറിയിച്ചത്. 2023 ഏപ്രില്‍ ഒന്നു മുതലാണ് പുതിയ തീരുമാനം പ്രാബല്യത്തില്‍ വരിക.നിയമലംഘനം നടത്തിയ തീയതി മുതല്‍ 60 ദിവസത്തിനുള്ളില്‍ പിഴ അടയ്ക്കുകയാണെങ്കില്‍ വാഹനമോടിക്കുന്നവര്‍ക്ക് 35 ശതമാനം കിഴിവ് ലഭിക്കും. നിയമലംഘനം നടത്തി 60 ദിവസത്തിനും ഒരു വര്‍ഷത്തിനും ഇടയില്‍ പിഴയടച്ചാല്‍ 25 ശതമാനം ഇളവ് ലഭിക്കും. ഈ കിഴിവ് പിഴ […]

മക്ക- ഹോട്ടൽ ഭക്ഷണം തൂക്കി വിൽക്കൽ നിയമം മക്കയിൽ മാത്രമാണ് ബാധകമെന്ന് മന്ത്രാലയം. ഹോട്ടലുകളിലും കിച്ചണുകളിലും ഭക്ഷണ പദാർഥങ്ങൾ നിർദിഷ്ട അളവും തൂക്കവും പാലിച്ചാണ് വിൽക്കുന്നതെന്ന് ഉറപ്പു വരുത്താൻ ത്രാസുകൾ സ്ഥാപിക്കണമെന്ന നിർദേശം മക്കയിലൊഴികെയുള്ള ഹോട്ടലുകളിൽ ബാധകമാക്കാൻ നിലവിൽ ഉദ്ദേശിക്കുന്നില്ലെന്ന് മുനിസിപ്പൽ ഗ്രാമ വികസന മന്ത്രാലയ വാക്താവ് വ്യക്തമാക്കി. ഇതര പ്രവിശ്യകളിലേക്കും നിയമം ബാധകമാക്കാൻ നിർദേശിച്ചു കൊണ്ടുള്ള എന്തെങ്കിലും നിർദേശം പുറപ്പെടുവിക്കാനുള്ള സാധ്യയും വക്താവ് തള്ളിക്കളഞ്ഞു. മക്കയിലെ ഹോട്ടലുകളിലും കിച്ചണുകളിലും എണ്ണത്തിനു പകരം തൂക്കം എന്ന നിലയിൽ […]

റിയാദ് – കഴിഞ്ഞ വർഷത്തെ അപേക്ഷിച്ച് ഇക്കൊല്ലം റിയാദിൽ ഫ്ലാറ്റ് വാടക ശരാശരി ഏഴു ശതമാനം തോതിൽ വർധിച്ചു. ശരാശരി ഫ്ലാറ്റ് വാടക 18,500 റിയാലിൽനിന്ന് 19,800 റിയാലായാണ് വർധിച്ചതെന്ന് മുനിസിപ്പൽ, ഗ്രാമ, പാർപ്പിടകാര്യ മന്ത്രാലയത്തിന്റെ വാടക സൂചിക വ്യക്തമാക്കുന്നു. പാർപ്പിട മേഖല ക്രമീകരിക്കാൻ ആരംഭിച്ച ഈജാർ നെറ്റ്‌വർക്കിൽ രജിസ്റ്റർ ചെയ്ത വാടക കരാറുകൾ പ്രകാരം വ്യത്യസ്ത വിഭാഗം പാർപ്പിട യൂനിറ്റുകൾക്കുള്ള വാടക, ശരാശരി വാടക, വാടക കരാറുകളുടെ എണ്ണം എന്നിവയെല്ലാം സൂചിക പ്രദർശിപ്പിക്കുന്നു.