റിയാദ്: സൗദി അറേബ്യയില്‍ സന്ദര്‍ശക വിസകളിലെത്തിയവര്‍ വിസ കാലാവധി നിര്‍ബന്ധമായും സര്‍ക്കാര്‍ സേവനങ്ങള്‍ നല്‍കുന്ന അബ്ഷിര്‍ പ്ലാറ്റ്‌ഫോമിൽ പരിശോധിക്കണം. ഈ പ്ലാറ്റ്ഫോമിൽ ഏത് ദിവസം വരെ വിസക്ക് കാലാവധിയുണ്ടോ, അത്രയും ദിവസം മാത്രമേ സൗദിയില്‍ തങ്ങാനാകൂ. കാലാവധി ദീര്‍ഘിപ്പിക്കാന്‍ സാധിക്കുമെങ്കില്‍ അതും ചെയ്യാം. മള്‍ട്ടിപ്പിള്‍ സന്ദര്‍ശക വിസയാണ് ലഭിക്കുന്നതെങ്കിലും നാട്ടില്‍ നിന്ന് നിലവില്‍ ഒരു മാസത്തെ സിംഗിള്‍ എന്‍ട്രിയാണ് സ്റ്റാമ്പ് ചെയ്യുന്നത്. ഈ കാലാവധി എത്ര വരെയുണ്ട് എന്ന കാര്യം അബ്ഷിറില്‍ രേഖപ്പെടുത്തിയിട്ടുണ്ടാകും. വിസ അനുവദിച്ച സ്‌പോണ്‍സറുടെ […]

ജിദ്ദ : മധ്യപൗരസ്ത്യദേശത്തെ മുന്‍നിര ബജറ്റ് വിമാന കമ്പനിയായ ഫ്‌ളൈ നാസിന്റെ 30 ശതമാനം ഓഹരികള്‍ ഇനീഷ്യല്‍ പബ്ലിക് ഓഫറിംഗിലൂടെ വില്‍പന നടത്താന്‍ സൗദി കാപിറ്റല്‍ മാര്‍ക്കറ്റ് അതോറിറ്റി അനുമതി നല്‍കി. കമ്പനിയുടെ 5.1 കോടി ഓഹരികള്‍ വില്‍ക്കാനാണ് അനുമതി. സബ്സ്‌ക്രിപ്ഷന്‍ ആരംഭിക്കുന്ന തീയതിക്ക് വളരെ മുമ്പുതന്നെ കമ്പനിയുടെ പ്രോസ്പെക്ടസ് പുറത്തിറക്കുമെന്ന് അതോറിറ്റി പറഞ്ഞു. ഓഹരി വില്‍പന അപേക്ഷക്ക് അതോറിറ്റി നല്‍കിയ അംഗീകാരത്തിന് ആറ് മാസത്തെ സാധുതയുണ്ട്. ഈ കാലയളവിനുള്ളില്‍ കമ്പനിയുടെ ഓഹരികളുടെ ഓഫറിംഗും ലിസ്റ്റിംഗും പൂര്‍ത്തിയായില്ലെങ്കില്‍ […]

റിയാദ് : സൗദി അറേബ്യയില്‍ സന്ദര്‍ശക വിസകളിലെത്തിയവര്‍ വിസ കാലാവധി അവസാനിക്കുന്നതിന് മുമ്പ് മടങ്ങണമെന്നും അല്ലെങ്കില്‍ പിഴയും നാടുകടത്തലുമടക്കമുള്ള ശിക്ഷാനടപടികള്‍ നേരിടേണ്ടിവരുമെന്നും ജവാസാത്ത് ഡയറക്ടറേറ്റ് ഓര്‍മ്മിപ്പിച്ചു. പുതിയ സന്ദര്‍ശക വിസക്കാര്‍ക്ക് ഏപ്രില്‍ 13 വരെ കാലാവധി ലഭിച്ച പശ്ചാത്തലത്തിലാണ് ഈ ഓര്‍മ്മപ്പെടുത്തല്‍. കഴിഞ്ഞ ഫെബ്രുവരി 19ന് ശേഷം സ്റ്റാമ്പ് ചെയ്ത സന്ദര്‍ശക വിസകള്‍ക്ക് ഏപ്രില്‍ 13 വരെ മാത്രമേ കാലാവധിയുള്ളൂ. സൗദി വിദേശകാര്യ മന്ത്രാലയം അനുവദിച്ച മള്‍ട്ടിപ്ള്‍ ഫാമിലി സന്ദര്‍ശ വിസകള്‍ 30 ദിവസത്തേക്കുള്ള സിംഗിള്‍ എന്‍ട്രിയായി […]

ജിദ്ദ – ജനുവരിയില്‍ സൗദി അറേബ്യയുടെ പെട്രോളിതര കയറ്റുമതിയില്‍ 10.7 ശതമാനം വളര്‍ച്ച രേഖപ്പെടുത്തിയതായി ജനറല്‍ അതോറിറ്റി ഫോര്‍ സ്റ്റാറ്റിസ്റ്റിക്‌സ് അറിയിച്ചു. ജനുവരിയില്‍ ആകെ കയറ്റുമതി 2.4 ശതമാനം തോതില്‍ വര്‍ധിച്ചു. ഇറക്കുമതി 8.3 ശതമാനം തോതിലും വര്‍ധിച്ചു. വാണിജ്യ മിച്ചം 11.9 ശതമാനം തോതില്‍ കുറഞ്ഞു. ആകെ കയറ്റുമതിയില്‍ എണ്ണ കയറ്റുമതി 74.8 ശതമാനത്തില്‍ നിന്ന് 72.7 ശതമാനമായി കുറഞ്ഞു. ആകെ കയറ്റുമതിയുടെ 15.2 ശതമാനവും ഇറക്കുമതിയുടെ 26.4 ശതമാനവും ചൈനയുമായിട്ടായിരുന്നു. ജനുവരിയില്‍ കയറ്റുമതി 97.2 […]

റിയാദ് – ഈദുല്‍ ഫിത്ര്‍ ദിവസങ്ങളില്‍ മെട്രോയും ബസുകളും ഉള്‍പ്പെടെയുള്ള പൊതുഗതാഗത സംവിധാനങ്ങളുടെ പ്രവര്‍ത്തന സമയം റിയാദ് പബ്ലിക് ട്രാന്‍സ്പോര്‍ട്ട് അതോറിറ്റി അറിയിച്ചു. മാര്‍ച്ച് 29 ന് ശനിയാഴ്ച രാവിലെ 10 മുതല്‍ പുലര്‍ച്ചെ രണ്ടു വരെ മെട്രോ സര്‍വീസ് നടത്തും. മാര്‍ച്ച് 30 മുതല്‍ ഏപ്രില്‍ രണ്ടു വരെയുള്ള ദിവസങ്ങളില്‍ രാവിലെ 10 മുതല്‍ അര്‍ധരാത്രി വരെ മെട്രോ സര്‍വീസുണ്ടാകും. ഏപ്രില്‍ 3, 4 തീയതികളില്‍ രാവിലെ 6 മുതല്‍ അര്‍ധരാത്രി വരെ സര്‍വീസുണ്ടാകും. മാര്‍ച്ച് […]

തായിഫ് – പെരുന്നാള്‍ ദിവസം തായിഫില്‍ മഴ തുടരുമെന്ന് ദേശീയ കാലാവസ്ഥാ കേന്ദ്രം അറിയിച്ചതിന്റെ അടിസ്ഥാനത്തില്‍ തായിഫില്‍ ഇത്തവണ ഈദ് ഗാഹുകളുണ്ടാകില്ലെന്ന് തായിഫ് മസ്ജിദ്, കോള്‍ ആന്റ് ഗൈഡന്‍സ് ഡിപ്പാര്‍ട്ട്‌മെന്റ് അറിയിച്ചു. തായിഫിലെയും തായിഫ് ഗവര്‍ണറേറ്റിനു കീഴിലെ മറ്റു പ്രദേശങ്ങളിലെയും മുഴുവന്‍ ജുമാമസ്ജിദുകളിലും പെരുന്നാള്‍ നമസ്‌കാരമുണ്ടാകും. സൗദിയില്‍ മഴക്കു സാധ്യതയുള്ള പ്രവിശ്യകളിലും നഗരങ്ങളിലും പ്രദേശങ്ങളിലും തുറസ്സായ ഈദ് ഗാഹുകള്‍ ഒഴിവാക്കി പകരം മസ്ജിദുകളില്‍ മാത്രമായി പെരുന്നാള്‍ നമസ്‌കാരം പരിമിതപ്പെടുത്തണമെന്ന് ഇസ്‌ലാമികകാര്യ മന്ത്രാലയം നേരത്തെ നിര്‍ദേശിച്ചിരുന്നു.

ജിദ്ദ – ദേശീയ എണ്ണ കമ്പനിയായ സൗദി അറാംകൊ കഴിഞ്ഞ വര്‍ഷത്തെ നാലാം പാദത്തിലെ ലാഭവിഹിതമായി ഓഹരിയുടമകള്‍ക്ക് 8,000 കോടി റിയാല്‍ വിതരണം ചെയ്യാന്‍ തുടങ്ങി. ഓഹരിയൊന്നിന് 0.3312 റിയാല്‍ തോതിലാണ് ലാഭവിഹിതം വിതരണം ചെയ്യുന്നത്. അടിസ്ഥാന ലാഭവിഹിതമായി 7,928 കോടി റിയാലും പ്രകടനവുമായി ബന്ധപ്പെട്ട ലാഭവിഹിതമായി 82 കോടി റിയാലുമാണ് വിതരണം ചെയ്യുന്നത്. 2025 മാര്‍ച്ച് 17 ലെ ഡാറ്റകള്‍ പ്രകാരമുള്ള ഓഹരിയുടമകള്‍ക്കാണ് ലാഭവിഹിതം ലഭിക്കുക. 2024 മൂന്നാം പാദത്തില്‍ അറാംകോ 103.4 ബില്യണ്‍ റിയാല്‍ […]

ജിദ്ദ – എസ്.ടി.സി ബാങ്ക് വിസ കാര്‍ഡ് ഉപയോഗിച്ച് വാഹനങ്ങളില്‍ ഇന്ധനം നിറക്കുമ്പോള്‍ 15 ശതമാനം ക്യാഷ്ബാക്ക് ലഭിക്കുന്ന ഓഫര്‍ പ്രഖ്യാപിച്ച് എസ്.ടി.സി ബാങ്ക്. ഓഫര്‍ ഈ മാസം 29 വരെ നിലവിലുണ്ടാകും. എല്ലാ വിസ കാര്‍ഡ് വിഭാഗങ്ങള്‍ക്കും (ക്ലാസിക്, പ്ലാറ്റിനം, സിഗ്‌നേച്ചര്‍) ഓഫര്‍ ബാധകമാണ്. ഡിജിറ്റല്‍, പ്ലാസ്റ്റിക് കാര്‍ഡുകള്‍ക്ക് ഒരുപോലെ ഓഫര്‍ ബാധകമാണ്. എസ്.ടി.സി ബാങ്ക് ഉപഭോക്താക്കള്‍ക്ക് മാത്രമുള്ളതാണ് ഈ ഓഫര്‍. ഒരു ഇടപാടിന് പരമാവധി ക്യാഷ്ബാക്ക് പരിധി 30 സൗദി റിയാലായി നിര്‍ണയിച്ചിട്ടുണ്ട്. ഓഫര്‍ […]

ജിദ്ദ – ജിദ്ദയിൽ പുതുതായി ആരംഭിച്ച ബോട്ട് സർവീസിൽ നിരക്ക് ഇളവ് പ്രഖ്യാപിച്ചു. ജിദ്ദ ട്രാൻസ്‌പോർട്ട് കമ്പനിയാണ് ഈദുൽ ഫിത്തർ സീസണിൽ സീ ടാക്സി നിരക്കുകളിൽ അമ്പത് ശതമാനം നിരക്കിളവ് പ്രഖ്യാപിച്ചത്. മാർച്ച് 23 മുതൽ ഏപ്രിൽ മൂന്നു വരെ 25 റിയാലാണ് നിരക്കിളവുള്ളത്. ജിദ്ദ യാച്ച് ക്ലബ്ബിനെയും ഹിസ്റ്റോറിക് ജിദ്ദ ജില്ലയെയും ബന്ധിപ്പിക്കുന്നതാണ് സീ ടാക്സി സർവീസ് നടത്തുന്നത്. 10 വയസ്സിന് താഴെയുള്ള കുട്ടികൾക്ക് സൗജന്യമായി യാത്ര ചെയ്യാം. യാച്ച് ക്ലബ്, ഹിസ്റ്റോറിക് ഡിസ്ട്രിക്റ്റ്, ഒബുർ […]

ജിദ്ദ – അടിയന്തിര കേസുകളില്‍ നടപടിക്രമങ്ങള്‍ പൂര്‍ത്തിയാക്കി നല്‍കാന്‍ പെരുന്നാള്‍ അവധി ദിവസങ്ങളില്‍ പ്രധാന നഗരങ്ങളിലും പ്രവിശ്യകളിലും ജവാസാത്ത് ഓഫീസുകള്‍ തുറന്ന് പ്രവര്‍ത്തിക്കുമെന്ന് ജവാസാത്ത് ഡയറക്ടറേറ്റ് അറിയിച്ചു. ആഭ്യന്തര മന്ത്രാലയത്തിന്റെ ഓണ്‍ലൈന്‍ സേവന പ്ലാറ്റ്‌ഫോം ആയ അബ്ശിര്‍ വഴി പൂര്‍ത്തിയാക്കാന്‍ സാധിക്കാത്ത നടപടിക്രമങ്ങള്‍ക്കാണ് ജവാസാത്ത് ഓഫീസുകളെ ഉപയോക്താക്കള്‍ സമീപിക്കേണ്ടത്. അബ്ശിര്‍ പ്ലാറ്റ്‌ഫോം വഴി പൂര്‍ത്തിയാക്കാന്‍ സാധിക്കാത്ത ചില സേവനങ്ങള്‍ക്ക് തവാസുല്‍ സേവനം പ്രയോജനപ്പെടുത്താം. ജവാസാത്ത് ഓഫീസുകള്‍ നേരിട്ട് സമീപിക്കാതെ നടപടിക്രമങ്ങള്‍ പൂര്‍ത്തിയാക്കാന്‍ തവാസുല്‍ സേവനം അവസരമൊരുക്കുന്നു. റമദാനില്‍ […]

ജിദ്ദ – സൗദിയില്‍ ഏറ്റവും ശുദ്ധവായു ലഭിക്കുന്ന നഗരമായി അബഹക്ക് അംഗീകാരം. നാഷണല്‍ സെന്റര്‍ ഫോര്‍ എന്‍വയോണ്‍മെന്റല്‍ കംപ്ലയന്‍സ് (എന്‍.സി.ഇ.സി) ആണ് സൗദിയില്‍ ഏറ്റവും നല്ല ശുദ്ധവായു ലഭിക്കുന്ന നഗരമായി അബഹയെ തെരഞ്ഞെടുത്തത്. അബഹയില്‍ ടൂറിസം മേഖലയെയും സാമ്പത്തിക നിലയെയും ശക്തിപ്പെടുത്തുന്ന പാരിസ്ഥിതിക നേട്ടമാണിത്. രാജ്യത്തുടനീളമുള്ള അന്തരീക്ഷവായു ഗുണനിലവാര നിരീക്ഷണ നിലയങ്ങളെ അവലംബിച്ചാണ് വിലയിരുത്തല്‍ നടത്തിയത്. ഈ നിലയങ്ങളില്‍ നിന്നുള്ള ഡാറ്റകള്‍ 24 മണിക്കൂറും ജിദ്ദയിലെ സെന്‍ട്രല്‍ മോണിറ്ററിംഗ് റൂമിലേക്ക് ഓട്ടോമാറ്റിക് ആയി അയക്കുന്നു. ഈ ഡാറ്റ […]

റിയാദ് : റമദാന്‍ 29ന് ശനിയാഴ്ച ശവ്വാല്‍ മാസപ്പിറവി ദൃശ്യമാകാന്‍ സാധ്യതകളേറെയെന്ന് ഹോത്ത സുദൈറിലെ മജ്മ ആസ്‌ട്രോണമി യൂണിവേഴ്‌സിറ്റി മാസപ്പിറവി നിരീക്ഷണ കേന്ദ്രം അറിയിച്ചു. ഗോളശാസ്ത്ര കണക്കനുസരിച്ച് റിയാദ് സമയ പ്രകാരം ശനിയാഴ്ച ഉച്ചക്ക് രണ്ട് മണിക്ക് സൂര്യനും ചന്ദ്രനും നേര്‍രേഖയിലെത്തും. മക്ക സമയമനുസരിച്ച് വൈകുന്നേരം 6:35നാണ് സൂര്യന്‍ അസ്തമിക്കുക. മാസപ്പിറവി നിരീക്ഷണ സ്ഥലത്ത് സൂര്യാസ്തമയം 274 ഡിഗ്രിയില്‍ 6:12നും ചന്ദ്രാസ്തമയം 276 ഡിഗ്രിയില്‍ 6:20നുമാണ്. അഥവാ സൂര്യാസ്തമയത്തിന് ശേഷം 1.75 ഡിഗ്രി ഉയരത്തില്‍ 8 മിനുട്ട് […]

റിയാദ് : ഹിജ്റ 1446-ലെ ഈദുൽ ഫിത്വർ നമസ്ക്കാരവുമായി ബന്ധപ്പെട്ട് ഇസ് ലാമിക കാര്യ മന്ത്രി ഷെയ്ഖ് ഡോ. അബ്ദുല്ലത്തീഫ് ബിൻ അബ്ദുൽ അസീസ് ആൽ ഷെയ്ഖ് രാജ്യത്തുടനീളമുള്ള മന്ത്രാലയ ശാഖകൾക്ക്  സർക്കുലർ പുറപ്പെടുവിച്ചു. പള്ളികളിലും ഈദ് മുസ്വല്ലകളിലും പെരുന്നാൾ നമസ്ക്കാരം നിർവ്വഹിക്കണം. മുസ്വല്ലകൾ മുൻകൂട്ടി തയ്യാറാക്കാൻ  കമ്പനികളെ നിയോഗിക്കണം. ഉമ്മുൽ-ഖുറ കലണ്ടർ അനുസരിച്ച് സൂര്യോദയത്തിന് ശേഷം 15 മിനിറ്റ് കഴിയുന്നതോടെ  ഈദ് നമസ്ക്കാര സമയം നിശ്ചയിക്കൽ എന്നിവയും സർക്കുലറിൽ ഉൾപ്പെടുത്തിയിട്ടുണ്ട്. അതോടൊപ്പം മഴ ഉണ്ടാകുന്ന സാഹചര്യമാണെങ്കിൽ […]

മക്ക:  മസ്ജിദുൽ ഹറാമിന്റെയും പ്രവാചകന്റെ പള്ളിയുടെയും കാര്യങ്ങളുടെ പരിപാലനത്തിനുള്ള ജനറൽ അതോറിറ്റി, ചാരിറ്റബിൾ സംഘടനകളുമായി സഹകരിച്ച് മക്കയിലെ മസ്ജിദുൽ ഹറാമിൽ പ്രതിദിനം 2,00,000-ത്തിലധികം ഇഫ്താർ ഭക്ഷണങ്ങൾ വിതരണം ചെയ്യുന്നു. 3,000-ത്തിലധികം ജീവനക്കാരും 1,000 വളണ്ടിയർമാരും ചേർന്ന് 3,200 ദൈനംദിന ഇഫ്താർ വിഭവ സുപ്രകൾ കൈകാര്യം ചെയ്യുന്നുണ്ട്. ഇഫ്താറിന് ശേഷമുള്ള വൃത്തിയാക്കൽ അഞ്ച് മിനിറ്റിനുള്ളിൽ കാര്യക്ഷമമായി പൂർത്തിയാകും. ഈ ക്രമീകരണങ്ങൾ കർശനമായ ആരോഗ്യ, സംഘടനാ മാനദണ്ഡങ്ങൾ പാലിക്കുകയും വിശുദ്ധ പള്ളിയിലും അതിന്റെ മുറ്റങ്ങളിലും നിയുക്ത ഇഫ്താർ ഏരിയകളിൽ ആരാധകരുടെ […]