റിയാദ്- മൂന്നു ലക്ഷം റിയാല്‍ നല്‍കാനുണ്ടെന്ന് പറഞ്ഞ് സ്‌പോണ്‍സറുടെ ഓഫീസ് സ്റ്റാഫ് മലയാളിക്കെതിരെ നല്‍കിയ പരാതി കോടതി തള്ളി. റിയാദില്‍ ജോലി ചെയ്യുന്ന ആലപ്പുഴ സ്വദേശിക്കെതിരെ സ്‌പോണ്‍സറുടെ ഓഫീസ് ജീവനക്കാരനായ സൗദി പൗരന്‍ നല്‍കിയ പരാതിയാണ് റിയാദ് ജനറല്‍ കോടതി തള്ളിയത്. അവധിക്ക് പോകാനായി സ്‌പോണ്‍സറുടെ ഓഫീസിലെത്തിയതായിരുന്നു ഇദ്ദേഹം. സംസാരിക്കുന്നതിനിടയില്‍ റീ എന്‍ട്രിക്കായി മൊബൈല്‍ ഫോണും അബ്ശിര്‍ വിവരങ്ങളും സ്‌പോണ്‍സറുടെ ഓഫീസിലെ സൗദി ജീവനക്കാരന്‍ ആവശ്യപ്പെട്ടു. അത് നല്‍കുകയും ചെയ്തു. അടുത്ത ദിവസം നീതിന്യായ മന്ത്രാലയത്തില്‍ നിന്ന് […]

റിയാദ്: രൂക്ഷമായ സാമ്പത്തിക പ്രതിസന്ധിയിലായ യെമന് സൗദി അറേബ്യ 500 കോടി ഡോളര്‍ സഹായം. യെമനി ജനതയുടെ ക്ഷേമത്തിനും വികസനത്തിനും സർക്കാരിന്റേയും രാജ്യത്തെ കേന്ദ്ര ബാങ്കിന്റേയും പ്രവർത്തനങ്ങൾക്കുമുള്ള പിന്തുണ ആയാണ് ധനസഹായം. രാജ്യത്തെ സാമ്പത്തിക സാഹചര്യങ്ങൾ മെച്ചപ്പെടുത്താൻ യെമനി സെൻട്രൽ ബാങ്കിന് 300 കോടി ഡോളർ നൽകി. സർക്കാരിന്റെ ബജറ്റ് കമ്മി നികത്താൻ 200 കോടി ഡോളറും കൈമാറി. യെമനില്‍ ഭക്ഷ്യസുരക്ഷ ഉറപ്പാക്കാനും സര്‍ക്കാര്‍ ജീവനക്കാരുടെ ശമ്പള വിതരണത്തിനും സര്‍ക്കാര്‍ സ്ഥാപനങ്ങളുടെ പ്രവർത്തനങ്ങൾക്കും സാമ്പത്തിക പരിഷ്‌കാര പദ്ധതികള്‍ […]

മക്ക – വിശുദ്ധ ഹറമില്‍ സൗജന്യ ലഗേജ് സൂക്ഷിപ്പ് സേവനം `(ലോക്കർ) ഏര്‍പ്പെടുത്തിയതായി ഹറംകാര്യ വകുപ്പ് അറിയിച്ചു. രണ്ടിടങ്ങളിലാണ് ഈ സേവനമുള്ളത്. കിഴക്കു ഭാഗത്തെ മുറ്റത്ത് ഹറം ലൈബ്രറിക്കു സമീപവും പടിഞ്ഞാറു ഭാഗത്തെ മുറ്റത്ത് 64 -ാം നമ്പര്‍ (അല്‍ശുബൈക) ഗെയ്റ്റിന് എതിര്‍ വശത്തുമാണ് സൗജന്യ ലഗേജ് സൂക്ഷിപ്പ് സേവനം ലഭിക്കുക. സേവനം പ്രയോജനപ്പെടുത്താന്‍ നുസുക് ആപ്പില്‍ ഉംറ പെര്‍മിറ്റ് കാണിച്ചുകൊടുക്കണമെന്ന് വ്യവസ്ഥയുണ്ട്. നിരോധിത വസ്തുക്കളും വിലപിടിച്ച വസ്തുക്കളും ലഗേജുകളില്‍ സൂക്ഷിക്കാനും പാടില്ല. പരമാവധി നാലു മണിക്കൂര്‍ […]

ജിദ്ദ – വിസാ കാലാവധി അവസാനിക്കുന്നതിനു മുമ്പായി സ്വദേശങ്ങളിലേക്ക് തിരിച്ചുപോകാതെ സൗദിയില്‍ അനധികൃതമായി തങ്ങുന്ന വിസിറ്റ് വിസക്കാരെ കുറിച്ച് ഓണ്‍ലൈന്‍ വഴി എളുപ്പത്തില്‍ റിപ്പോര്‍ട്ട് ചെയ്യാന്‍ സൗകര്യം ഏർപ്പെടുത്തി. വിസിറ്റ് വിസക്കാരെ സൗദിയിലേക്ക് കൊണ്ടുവരുന്ന വ്യക്തികള്‍ക്കാണ് റിപ്പോർട്ട് ചെയ്യാനുള്ള അവസരം ലഭിക്കുക. ആഭ്യന്തര മന്ത്രാലയത്തിന്റെ ഓണ്‍ലൈന്‍ സേവന പ്ലാറ്റ്‌ഫോം ആയ അബ്ശിറിലാണ് സേവനം തുടങ്ങിയത്. വിസിറ്റ് വിസക്കാരെ കുറിച്ച് റിപ്പോര്‍ട്ട് ചെയ്യാന്‍ അഞ്ചു വ്യവസ്ഥകള്‍ ബാധകമാണ്. സന്ദര്‍ശകന്റെ വിസ പേഴ്‌സണല്‍ വിസിറ്റ് വിസയോ ഫാമിലി വിസിറ്റ് വിസയോ […]

ജിദ്ദ: ചാരിറ്റി സ്ഥാപനങ്ങളുടേയോ പൊതു വ്യക്തികളുടേയോ പേരിൽ നടക്കുന്ന തട്ടിപ്പിൽ വീഴരുതെന്ന് സൗദി ബാങ്കുകൾ . ഔദ്യോഗിക സ്ഥാപനങ്ങളുടെ പ്രതിനിധികളെന്ന പേരിൽ തട്ടിപ്പുകൾ നടന്നതായി കണ്ടെത്തിയ സാഹചര്യത്തിലാണ് മുന്നറിയിപ്പ്. ബാങ്കിങ് വിവരങ്ങൾ ഒരാൾക്കും കൈമാറരുതെന്ന് സെൻട്രൽ ബാങ്കും മുന്നറിയിപ്പ് നൽകി. രാജ്യത്ത് ഉപഭോക്താക്കളെ കബളിപ്പിച്ച് ആൾമാറാട്ടം നടത്തി പണം അപഹരിക്കുന്ന കേസുകൾ വീണ്ടും റിപ്പോർട്ട് ചെയ്ത സാഹചര്യത്തിലാണ് സൗദി ബാങ്കുകൾ മുന്നറിയിപ്പ് നൽകിയത്. ഔദ്യോഗിക സ്ഥാപനങ്ങളെ പ്രതിനിധീകരിക്കുന്നവരാണെന്ന് വിശ്വസിപ്പിച്ചാണ് തട്ടിപ്പ്. ഇവർ വ്യാജ രേഖകളും മുദ്രകളും ഉപയോഗിച്ചാണ് […]

റിയാദ്: പോളണ്ടിൽ നിന്നുള്ള കോഴി ഇറക്കുമതി സൗദി നിർത്തിവെച്ചു. പോളണ്ടിൽ പക്ഷിപ്പനി പടരുന്ന സാഹചര്യത്തിലാണ് നടപടി. കോഴി, കോഴിഇറച്ചി, മുട്ട എന്നീ ഉത്പന്നങ്ങൾക്കാണ് പ്രധാനമായും നിരോധനം. പോളണ്ടിലെ പ്രവിശ്യകളായ മസോവിയകി, വാർമിൻസ്‌കോ മസോവിയകി എന്നിവിടങ്ങളിലാണ് പക്ഷി പനി പടരുന്നത്. പ്രോസസ്സ് ചെയ്ത മാംസമുൾപ്പെടെയുള്ള മുഴുവൻ കോഴി ഉത്പന്നങ്ങൾക്കും നിലവിൽ നിരോധനമുണ്ട്. ഭക്ഷ്യ സുരക്ഷ ഉറപ്പാക്കുന്നതിന്റെയും പൊതുജനാരോഗ്യം സംരക്ഷിക്കുന്നതിന്റെയും ഭാഗമായാണ് നിരോധനം. സൗദി ചേമ്പേഴ്‌സ് ഫെഡറേഷന്റേതാണ് തീരുമാനം. മുഴുവൻ ഇറക്കു മതി വ്യവസായികൾക്കും ഇതുമായി ബന്ധപ്പെട്ട നിർദ്ദേശം നൽകിയിട്ടുണ്ട്. […]

ദമ്മാം: സൗദിയിലെ ജിസാനിൽ യുവതിയെ തട്ടികൊണ്ടുപോയി ബലാത്സംഗം ചെയ്ത് കൊള്ളയടിച്ച കേസിൽ രണ്ട് പ്രതികളുടെ വധശിക്ഷ നടപ്പിലാക്കി. ഹീനമായ കുറ്റകൃത്യങ്ങളിൽ യാതൊരു യാതൊരുവിട്ടുവീഴ്ചയും അനുവദിക്കില്ലെന്ന് സൗദി ആഭ്യന്തര മന്ത്രാലയം വ്യക്തമാക്കി. സൗദി യെമൻ അതിർത്തി പ്രദേശമായ ജിസാനിലാണ് കേസിനാസ്പദമായ കുറ്റകൃത്യം നടന്നത്. പ്രവാസിയ യുവതിയെ തട്ടികൊണ്ടുപോയി ബലാത്സംഗം ചെയ്യുകയും കൊള്ളയടിക്കുകയും അത് വീഡിയോയിൽ പകർത്തുകയും ചെയ്ത കേസിലാണ് ശിക്ഷ. കേസിലെ മുഖ്യപ്രതികളായ യെമൻ സ്വദേശികളായ യൂസഫ് അലി അഹമ്മദ് അൽവാനി, സുലൈമാൻ അലി മുഹമ്മദ് അബ്ദുല്ല എന്നിവരുടെ […]

ദുബൈ: യു.എ.ഇയിൽ അവശ്യവസ്തുക്കളുടെ വിലവർധനക്ക് നിയന്ത്രണം ഏർപ്പെടുത്തി സാമ്പത്തിക മന്ത്രാലയം. അരി, മുട്ട, പാചകയെണ്ണ തുടങ്ങി ഒമ്പത് ഉൽപന്നങ്ങൾക്ക് വിലകൂട്ടാൻ ചില്ലറ വിൽപനക്കാർ മന്ത്രാലയത്തിന്റെ അനുമതി വാങ്ങണം. ജനുവരി രണ്ട് മുതലാണ് യു.എ.ഇയിൽ വിലവർധനക്ക് നിയന്ത്രണം നിലവിൽ വരുന്നത്. അവശ്യസാധനങ്ങൾക്ക് ആറുമാസത്തെ ഇടവേളക്കിടയിൽ വിലവർധിപ്പിക്കാൻ പാടില്ല. അരി, മുട്ട, പാചകയെണ്ണ, പാലുൽപ്പന്നങ്ങൾ, പഞ്ചസാര, കോഴി, പയർവർഗങ്ങൾ, ഗോതമ്പ്, റൊട്ടി തുടങ്ങി അടിസ്ഥാന വസ്തുക്കളുടെയൊന്നും വില അനുമതിയില്ലാതെ വർധിപ്പിക്കാനാവില്ല. പുതിയ ഉത്തരവ് അവശ്യ വസ്തുക്കളുടെ വിതരണക്കാർ, ചില്ലറ വ്യാപാരികൾ, […]