നജ്‌റാന്‍ – നജ്‌റാന്‍ പ്രവിശ്യയില്‍ പെട്ട ശറൂറയില്‍ വെള്ളി, ശനി ദിവസങ്ങളില്‍ വൈദ്യുതി വിതരണം മുടങ്ങിയതു മൂലം പ്രയാസങ്ങള്‍ നേരിട്ട ഉപയോക്താക്കള്‍ക്ക് 2,000 റിയാല്‍ തോതില്‍ നഷ്ടപരിഹാരം നല്‍കുമെന്ന് സൗദി ഇലക്ട്രിസിറ്റി കമ്പനി അറിയിച്ചു. ഇക്കാര്യം വ്യക്തമാക്കി ഉപയോക്താക്കളുടെ ഫോണുകളിലേക്ക് കമ്പനി എസ്.എം.എസ്സുകള്‍ അയച്ചു. വൈദ്യുതി വിതരണം പുനഃസ്ഥാപിക്കാന്‍ കാലതാമസം നേരിട്ടതിന് മുഴുവന്‍ ഉപയോക്താക്കളോടും കമ്പനി ക്ഷമാപണം നടത്തി. ശറൂറയിലെ മുഴുവന്‍ ഉപയോക്താക്കള്‍ക്കും വൈദ്യുതി പുനഃസ്ഥാപിച്ചതായും കമ്പനി അറിയിച്ചു. സൗദി ഇലക്ട്രിസിറ്റി റെഗുലേറ്ററി അതോറിറ്റി തീരുമാനം പാലിച്ചാണ് […]

മക്ക – നാളെ ഉച്ചക്ക് സൂര്യന്‍ വിശുദ്ധ കഅ്ബാലയത്തിന്റെ നേര്‍ മുകളില്‍ വരും. ഉച്ചക്ക് 12.27 ന് ആണ് സൂര്യന്‍ കഅ്ബാലയത്തിന്റെ നേര്‍ മുകളില്‍ വരിക. ഈ സമയത്ത് കഅ്ബാലയത്തിന് അല്‍പം പോലും നിഴലുണ്ടാകില്ലെന്ന് ജിദ്ദ ആസ്‌ട്രോണമി സൊസൈറ്റി പറഞ്ഞു. ലോകത്തിന്റെ വ്യത്യസ്ത ഭാഗങ്ങളിലുള്ളവര്‍ക്ക് ഖിബ്‌ല ദിശ കൃത്യമായി നിര്‍ണയിക്കാന്‍ ഈ പ്രതിഭാസം സഹായിക്കും. മക്ക സമയം ഉച്ചക്ക് 12.27 ന് ഒരു ദണ്ഡ് നാട്ടിനിര്‍ത്തിയാല്‍ ദണ്ഡിന്റെ നിഴലിന്റെ നേര്‍ എതിര്‍ദിശയിലായിരിക്കും ഖിബ്‌ല.

റിയാദ്: നിയമവിരുദ്ധമായി രാജ്യത്ത് താമസിക്കുന്ന 11,655 പ്രവാസികളെ കഴിഞ്ഞ ഒരാഴ്ചയ്ക്കിടയില്‍ സൗദി അറേബ്യ നാടുകടത്തിയതായി ആഭ്യന്തരമന്ത്രാലയം അറിയിച്ചു. താമസം, തൊഴില്‍, അതിര്‍ത്തി സുരക്ഷാ ചട്ടങ്ങള്‍ ലംഘിച്ച 20,093 പേര്‍ പിടിയിലാവുകയും ചെയ്തു. ഇവരെ നാടുകടത്തുന്നതിനുള്ള നടപടികള്‍ പുരോഗമിക്കുകയാണ്. ജൂലൈ നാലിനും 10 നും ഇടയില്‍ ആഭ്യന്തര മന്ത്രാലയത്തിനു കീഴിലുള്ള വിവിധ സുരക്ഷാ ഏജന്‍സികള്‍ രാജ്യത്തിന്റെ വിവിധ ഭാഗങ്ങളില്‍ നടത്തിയ പരിശോധനകളിലാണ് ഇത്രയും പേര്‍ പിടിയിലായത്. പിടികൂടപ്പെട്ടവരിലും നാടുകടത്തപ്പെട്ടവരിലും നിരവധി ഇന്ത്യക്കാരും ഉള്‍പ്പെടും. ഇവരില്‍ 12,460 പേര്‍ റെസിഡന്‍സി […]

മക്ക – തീര്‍ഥാടകര്‍ക്ക് അവരുടെ യാത്ര സുഗമമാക്കാനും അനുഭവം സമ്പന്നമാക്കാനും നുസുക് ആപ്പ് ഒരുകൂട്ടം സവിശേഷതകള്‍ നല്‍കുന്നതായി ഹജ്, ഉംറ മന്ത്രാലയം പറഞ്ഞു. ഹജ്, ഉംറ, റൗദ ശരീഫ് സിയാറത്ത് പെര്‍മിറ്റുകള്‍, ഇരു ഹറമുകളിലും നമസ്‌കാര സ്ഥലങ്ങളിലെ തിരക്ക് അറിയല്‍, നമസ്‌കാര സമയങ്ങള്‍, ഖിബ്‌ല ദിശ, ജുമുഅ ഖുതുബയുടെ തത്സമയ സംപ്രേക്ഷണം എന്നിവ നുസുക് ആപ്പിന്റെ സവിശേഷതകളാണ്. ടെലിഫോണ്‍ കോള്‍, ഇന്റര്‍നെറ്റ് പാക്കേജുകള്‍ വാങ്ങല്‍, ഇരു ഹറമുകളിലെയും ഇമാമുമാരുടെയും മുഅദ്ദിനുകളുടെയും ഷെഡ്യൂളുകള്‍, ഗതാഗത സേവന ഗൈഡ്, ഇരു […]

ജിദ്ദ – പ്രഥമ ഇ-സ്‌പോര്‍ട്‌സ് ഒളിംപിക്‌സിന് അടുത്ത വര്‍ഷം സൗദി അറേബ്യ ആതിഥ്യമരുളും. പ്രഥമ ഇ-സ്‌പോര്‍ട്‌സ് ഒളിംപിക്‌സ് അടുത്ത വര്‍ഷവും വരും കൊല്ലങ്ങളിലെ ഇ-സ്‌പോര്‍ട്‌സ് ഒളിംപിക്‌സും സംഘടിപ്പിക്കാന്‍ 12 വര്‍ഷത്തേക്കുള്ള പങ്കാളിത്ത കരാറില്‍ ഇന്റര്‍നാഷണല്‍ ഒളിംപിക് കമ്മിറ്റിയും സൗദി ഒളിംപിക് ആന്റ് പാരാലിംപിക് കമ്മിറ്റിയും ഒപ്പുവെച്ചു. സമീപ കാലത്ത് സൗദി അറേബ്യ വിജയകരമായി ആതിഥേയത്വം വഹിച്ച ആഗോള ടൂര്‍ണമെന്റുകളുടെ തുടര്‍ച്ചയെന്നോണവും ഇ-സ്‌പോര്‍ട്‌സിന്റെ ആഗോള കേന്ദ്രമെന്ന നിലയില്‍ സൗദി അറേബ്യയുടെ മുന്‍നിര സ്ഥാനത്തിന്റെ സ്ഥിരീകരണമെന്നോണവുമാണ് പ്രഥമ ഇ-സ്‌പോര്‍ട്‌സ് ഒളിംപിക്‌സ് […]

റിയാദ് – അബൂഹദ്‌രിയ-അല്‍ഖഫ്ജി റോഡ് റാസ് മിശ്ആബ് ഇന്റര്‍സെക്ഷന്‍ മുതല്‍ 23 കിലോമീറ്റര്‍ ദൂരത്തില്‍ ഇരു ദിശകളിലും വാഹന ഗതാഗതത്തിന് തുറന്നുകൊടുത്തതായി റോഡ്‌സ് ജനറല്‍ അതോറിറ്റി അറിയിച്ചു. ഗതാഗത സുരക്ഷാ നിലവാരം ഉയര്‍ത്താന്‍ സഹായിക്കുന്ന നിലക്ക് 65 ദശലക്ഷത്തിലേറെ റിയാല്‍ ചെലവഴിച്ച് റോഡില്‍ ശേഷിക്കുന്ന ഭാഗത്തെ വിപുലീകരണ ജോലികള്‍ പൂര്‍ത്തിയാക്കിയാണ് റോഡ് വാഹന ഗതാഗതത്തിന് തുറന്നുകൊടുത്തത്. അബൂഹദ്‌രിയ-അല്‍ഖഫ്ജി റോഡ് സമഗ്ര വികസന പദ്ധതിയുടെ ഘട്ടങ്ങളില്‍ ഒന്നാണിത്. സൈന്‍ ബോര്‍ഡുകള്‍, ഗ്രൗണ്ട് പെയിന്റിംഗ്, ഫ്‌ളോര്‍ മാര്‍ക്കിംഗുകള്‍, വാണിംഗ് വൈബ്രേഷനുകള്‍, […]

ജിദ്ദ – കഴിഞ്ഞ മാസം സൗദി അറാംകൊയുടെ ഓഹരി വില്‍പനയിലൂടെ 1,235 കോടി ഡോളര്‍ സമാഹരിച്ചതായി ബാങ്ക് ഓഫ് അമേരിക്കക്കു കീഴിലെ ആസ്തി മാനേജ്‌മെന്റ് കമ്പനിയായ മെറില്‍ ലിഞ്ച് പറഞ്ഞു. ലോകത്തെ ഏറ്റവും വലിയ എണ്ണ കമ്പനിയായ സൗദി അറാംകൊയുടെ 0.64 ശതമാനം ഓഹരികളാണ് കഴിഞ്ഞ മാസം ഇനീഷ്യല്‍ പബ്ലിക് ഓഫറിംഗിലൂടെ വില്‍പന നടത്തിയത്. ഓഹരിയൊന്നിന് 27.25 റിയാല്‍ തോതില്‍ വില നിശ്ചയിച്ച് 154.4 കോടി ഷെയറുകളാണ് വിറ്റത്. ഇടപാടിന്റെ സ്റ്റെബിലൈഷന്‍ മാനേജര്‍ എന്ന നിലയില്‍ മെറില്‍ […]

റിയാദ് – ഉയര്‍ന്ന വാടക തങ്ങളുടെ നടുവൊടിക്കുന്നതായി വ്യാപാരികളുടെ പരാതി. ഉയര്‍ന്ന വാടക താങ്ങാനാകാതെ നിരവധി വ്യാപാര സ്ഥാപനങ്ങളും കഫേകളും അടുത്ത കാലത്ത് റിയാദില്‍ അടച്ചുപൂട്ടി. തങ്ങളുടെ സാമ്പത്തിക നേട്ടം മാത്രമാണ് റിയല്‍ എസ്റ്റേറ്റ് ഉടമകള്‍ നോക്കുന്നതെന്ന് അടച്ചുപൂട്ടിയ കഫേകളില്‍ ഒന്നിന്റെ ഉടമയായ ഉമര്‍ അല്‍ഉലയ്യാന്‍ പറഞ്ഞു. ഉയര്‍ന്ന വാടക കാരണമാണ് തന്റെ സ്ഥാപനം അടച്ചുപൂട്ടിയത്. കഫേകള്‍ നടത്തിക്കൊണ്ടുപോകാന്‍ ഏറ്റവും വലിയ ചെലവ് വരുന്നത് വാടകയിനത്തിലാണ്.കെട്ടിട ഉടമകള്‍ വാടക ഉയര്‍ത്തുമ്പോള്‍ ഉല്‍പന്നങ്ങളുടെ വില ഉയര്‍ത്താന്‍ തങ്ങള്‍ നിര്‍ബന്ധിതരാവുകയാണ്. […]