റിയാദ്- തായിഫിലെ ഹദാ ചുരത്തില്‍ പാറകള്‍ അടര്‍ന്നുവീഴുന്നത് നിരീക്ഷിക്കാന്‍ കാമറകള്‍ സ്ഥാപിച്ചതായി പബ്ലിക് റോഡ് അതോറിറ്റി അറിയിച്ചു. ആര്‍ട്ടിഫിഷ്യല്‍ ഇന്റലിജന്‍സ് ഉപയോഗിച്ച് രൂപപ്പെടുത്തി സ്ഥാപിച്ച ആറു കാമറകള്‍ പര്‍വതപ്രദേശത്ത് നിന്ന് റോഡുകളില്‍ പാറകള്‍ വീഴുന്നതിന്റെ ദൃശ്യങ്ങള്‍ പകര്‍ത്തി റോഡ് അടക്കുന്നതിനുള്ള സിഗ്നലുകള്‍ നല്‍കും.ട്രാഫിക് വിഭാഗവുമായി ബന്ധിപ്പിച്ച കാമറകള്‍ വഴി ലഭിക്കുന്ന സിഗ്നലുകള്‍ അനുസരിച്ച് പാറകള്‍ വീണ് 60 സെകന്റിനുളളില്‍ റോഡുകള്‍ അടക്കും. ട്രാഫിക് അതോറിറ്റ് ചെയര്‍മാനും ഗതാഗതമന്ത്രിയുമായി എന്‍ജിനീയര്‍ സാലിഹ് അല്‍ജാസിറിന്റെ നേതൃത്വത്തിലാണ് പദ്ധതി ഇന്നലെ ലോഞ്ച് […]

ജിദ്ദ – സ്വകാര്യ സൊസൈറ്റി, സ്ഥാപന നിയമം അനുസരിച്ച് സ്വകാര്യ സൊസൈറ്റികളുടെ ഉല്‍പന്നങ്ങളില്‍ അല്ലാഹുവിന്റെ നാമങ്ങള്‍ ഉപയോഗിക്കുന്നതിന് വിലക്കുള്ളതായി നാഷണല്‍ സെന്റര്‍ ഫോര്‍ നോണ്‍-പ്രോഫിറ്റ് സെക്ടര്‍ വ്യക്തമാക്കി. ഉല്‍പന്നങ്ങള്‍ക്ക് കേടുപാടുകള്‍ സംഭവിക്കുമ്പോള്‍ ഈ നാമങ്ങള്‍ അവമതിക്കപ്പെടുന്നത് തടയാനും അവയുടെ വിശുദ്ധി സംരക്ഷിക്കാനുമാണ് ഈ നടപടിയിലൂടെ ലക്ഷ്യമിടുന്നത്. സ്വകാര്യ സൊസൈറ്റി ഉല്‍പന്നങ്ങളില്‍ അല്ലാഹുവിന്റെ ചില നാമങ്ങള്‍ രേഖപ്പെടുത്തുന്നതായി ശ്രദ്ധയില്‍ പെട്ടിട്ടുണ്ട്. ദൈവീക നാമങ്ങളുടെ പവിത്രത സംരക്ഷിക്കാനും അവ ദുരുപയോഗം ചെയ്യുന്നത് തടയാനും ലക്ഷ്യമിട്ടാണ് അല്ലാഹുവിന്റെ നാമങ്ങള്‍ ഉല്‍പന്നങ്ങളില്‍ ഉപയോഗിക്കുന്നത് […]

റിയാദ് – ദുല്‍ഹജ് മാസപ്പിറവി നിരീക്ഷിക്കണമെന്നും മാസപ്പിറവി കാണുന്നവര്‍ അക്കാര്യം ബന്ധപ്പെട്ട വകുപ്പുകളെ അറിയിക്കണമെന്നും സുപ്രീം കോടതി ആവശ്യപ്പെട്ടു. ദുല്‍ഖഅ്ദ 29 ന് വ്യാഴം വൈകിട്ട് മാസപ്പിറവി നിരീക്ഷിക്കാനാണ് നിര്‍ദേശം. നഗ്നനേത്രങ്ങള്‍ കൊണ്ടോ ടെലിസ്‌കോപ്പുകള്‍ ഉപയോഗിച്ചോ മാസപ്പിറവി കാണുന്നവര്‍ തൊട്ടടുത്ത കോടതികളെ വിവരമറിയിച്ച് സാക്ഷ്യം രേഖപ്പെടുത്തണമെന്ന് സുപ്രീം കോടതി ആവശ്യപ്പെട്ടു.

മിന – ഹജ് തീര്‍ഥാടകര്‍ക്ക് ആരോഗ്യ പരിചരണങ്ങളും ചികിത്സകളും നല്‍കാന്‍ പൂര്‍ത്തിയാക്കിയ ഒരുക്കങ്ങള്‍ വിലയിരുത്താന്‍ ആരോഗ്യ മന്ത്രി ഫഹദ് അല്‍ജലാജില്‍ പുണ്യസ്ഥലങ്ങളിലെ ആശുപത്രികളില്‍ സന്ദര്‍ശനങ്ങള്‍ നടത്തി. മക്ക ഹെല്‍ത്ത് ക്ലസ്റ്റര്‍, അറഫ, മിന, മക്ക എന്നിവിടങ്ങളിലെ ആശുപത്രികള്‍, റെഡ് ക്രസന്റ് ആസ്ഥാനം എന്നിവയെല്ലാം മന്ത്രി സന്ദര്‍ശിച്ചു.ഈസ്റ്റ് അറഫ ആശുപത്രിയാണ് മന്ത്രി ആദ്യം സന്ദര്‍ശിച്ചത്. ജബലുറഹ്മ ആശുപത്രി, നമിറ ആശുപത്രി, ഫീല്‍ഡ് ആശുപത്രി, അല്‍മുഅയ്‌സിമിലെ ഫോറന്‍സിക് മെഡിക്കല്‍ സര്‍വീസ് സെന്റര്‍, നുപ്‌കോ ആസ്ഥാനം, അറഫയില്‍ പ്രത്യേക മിശ്രിതം ഉപയോഗിച്ച് […]

ജിദ്ദ – ഏതാനും മേഖലകളില്‍ ഉയര്‍ന്ന വൈദഗ്ധ്യം ആവശ്യമുള്ള തൊഴിലുകളില്‍ കഴിഞ്ഞ വര്‍ഷാവസാനത്തോടെ സൗദിവല്‍ക്കരണം 40 ശതമാനമായി ഉയര്‍ന്നതായി മാനവശേഷി, സാമൂഹിക വികസന മന്ത്രാലയം പുറത്തിറക്കിയ റിപ്പോര്‍ട്ട് പറഞ്ഞു. ടൂറിസം, ചില്ലറ വ്യാപാരം, വ്യവസായം, ലോജിസ്റ്റിക്‌സ് സേവനം, ആരോഗ്യം, സാമൂഹിക സേവനം, ഊര്‍ജം, വൈദ്യുതി, ഗ്യാസ്, ഐ.ടി, ടെലികോം, ധനസേവനം എന്നീ മേഖലകളിലാണ് ഉയര്‍ന്ന വൈദഗ്ധ്യം ആവശ്യമുള്ള തൊഴിലുകളില്‍ സ്വദേശിവല്‍ക്കരണം 40 ശതമാനമായി ഉയര്‍ന്നത്. ഈ മേഖലകളില്‍ ഏറ്റവും മികച്ച സൗദി തൊഴിലാളികളെ ലഭ്യമാക്കുന്നതിന് ഉയര്‍ന്ന വൈദഗ്ധ്യം […]

റിയാദ്- ഇന്ത്യക്കും സൗദി അറേബ്യക്കുമിടയില്‍ സര്‍വീസ് നടത്താന്‍ ഇന്ത്യന്‍ എയര്‍ലൈന്‍ കമ്പനിയായ ആകാശ എയറിന് അനുമതി നല്‍കിയതായി സൗദി സിവില്‍ ഏവിയേഷന്‍ അറിയിച്ചു. ജൂലൈ നാലിനാണ് റിയാദ് മുംബൈ സെക്ടറില്‍ സര്‍വീസ് തുടങ്ങുക. ആഴ്ചയില്‍ ഏഴ് സര്‍വീസുകളുണ്ടാകും. ജിദ്ദയില്‍ നിന്ന് അഹമ്മദാബാദിലേക്കും മുംബൈയിലേക്കും ജൂണ്‍ എട്ടിന് സര്‍വീസ് തുടങ്ങും. ഇരുസെക്ടറിലും ആഴ്ചയില്‍ 14 സര്‍വീസുകളുണ്ടാകും.സൗദിയും ലോക രാജ്യങ്ങളും തമ്മിലുള്ള എയര്‍ കണക്റ്റിവിറ്റി വര്‍ധിപ്പിക്കുന്നതിനും സൗദിയെ ഒരു ആഗോള ലോജിസ്റ്റിക് പ്ലാറ്റ്‌ഫോം ആക്കുന്നതിനുമുള്ള വിഷന്‍ 2030 ന്റെ ലക്ഷ്യങ്ങള്‍ […]

മക്ക – വിദേശങ്ങളില്‍ നിന്ന് പുണ്യഭൂമിയിലെത്തുന്ന ദശലക്ഷക്കണക്കിന് വരുന്ന ഹജ്, ഉംറ തീര്‍ഥാടകര്‍ക്ക് ഏറെ ആശ്വാസവും സൗകര്യപ്രദവുമായി സൗദി നാഷണല്‍ ബാങ്കുമായി സഹകരിച്ച് ഹജ്, ഉംറ മന്ത്രാലയം നുസുക് ഡിജിറ്റല്‍ വാലറ്റ് പുറത്തിറക്കി. ഹജ്, ഉംറ തീര്‍ഥാടകരുടെ സേവനത്തിന് ലോകത്ത് പുറത്തിറക്കുന്ന ആദ്യത്തെ ഇന്റര്‍നാഷണല്‍ ഡിജിറ്റല്‍ വാലറ്റ് ആണിത്. തീര്‍ഥാടകരുടെ പണവും ചെലവുകളും കൈകാര്യം ചെയ്യാനും സംരക്ഷിക്കാനുമുള്ള സൗകര്യപ്രദവും സുരക്ഷിതവുമായ മാര്‍ഗമെന്നോണമാണ് നുസുക് വാലറ്റ് പുറത്തിറക്കിയിരിക്കുന്നത്. അതുല്യവും നൂതനവുമായ ബാങ്കിംഗ് പശ്ചാത്തല സൗകര്യത്തിന്റെ പിന്തുണയോടെ സൗദി നാഷണല്‍ […]

ജിദ്ദ – സൗദിയില്‍ ഗതാഗത നിയമ ലംഘനങ്ങള്‍ക്ക് ചുമത്തിയ പിഴകള്‍ അടക്കാത്തവരുടെ അക്കൗണ്ടുകളില്‍ നിന്ന് ട്രാഫിക് ഡയറക്ടറേറ്റ് നേരിട്ട് പിഴ തുക ഈടാക്കാന്‍ തുടങ്ങിയതായി വിവരം. അക്കൗണ്ടുകളിലെ പണം തടഞ്ഞുവെച്ച് പിഴ തുക ഈടാക്കാന്‍ നടപടികള്‍ സ്വീകരിക്കുന്നതായി അറിയിച്ച് നിരവധി പേര്‍ക്ക് കഴിഞ്ഞ ദിവസങ്ങളില്‍ ട്രാഫിക് ഡയറക്ടറേറ്റില്‍ നിന്ന് സന്ദേശങ്ങള്‍ ലഭിച്ചു. ഇതിന്റെ സ്‌ക്രീന്‍ഷോട്ടുകള്‍ ഉപയോക്താക്കള്‍ സാമൂഹികമാധ്യമങ്ങളില്‍ പോസ്റ്റ് ചെയ്തു. ഗതാഗത നിയമത്തിലെ 75-ാം വകുപ്പ് പ്രകാരം നിശ്ചിത സമയത്ത് പിഴ തുക അടക്കാത്തവരുടെ അക്കൗണ്ടുകളിലെ പണം […]

മക്ക – അല്ലാഹുവിന്റെ അതിഥികളായ ഹജ് തീര്‍ഥാടകര്‍ക്ക് ആരോഗ്യ പരിചരണങ്ങളും ചികിത്സകളും നല്‍കാന്‍ മക്കയിലും പുണ്യസ്ഥലങ്ങളിലും 18 ആശുപത്രികളും 126 ഹെല്‍ത്ത് സെന്ററുകളും പൂര്‍ണ സജ്ജമായതായി മക്ക ഹെല്‍ത്ത് ക്ലസ്റ്റര്‍ അറിയിച്ചു. ഉന്നത നിലവാരമുള്ള സംയോജിത മെഡിക്കല്‍ സേവനങ്ങള്‍ നല്‍കാന്‍ ഈ ആശുപത്രികളും ഹെല്‍ത്ത് സെന്ററുകളും പ്രവര്‍ത്തിപ്പിക്കാനുള്ള പദ്ധതികള്‍ ഹെല്‍ത്ത് ക്ലസ്റ്റര്‍ പൂര്‍ത്തിയാക്കിയിട്ടുണ്ട്. ഹാജിമാര്‍ക്കും വിശുദ്ധ ഹറമിലെത്തുന്നവര്‍ക്കും ആരോഗ്യ പരിചരണങ്ങള്‍ നല്‍കാന്‍ അജ്‌യാദ് എമര്‍ജന്‍സി ആശുപത്രി ഇരുപത്തിനാലു മണിക്കൂറും പ്രവര്‍ത്തിക്കുന്നു. വിശുദ്ധ ഹറമിനകത്ത് മൂന്നു എമര്‍ജന്‍സി സെന്ററുകളും […]

മക്ക – ഹജ് പെര്‍മിറ്റില്ലാതെ പിടിയിലാകുന്നവര്‍ക്കെതിരെ ഇന്നു മുതല്‍ ശിക്ഷാ നടപടികള്‍ സ്വീകരിക്കാന്‍ തുടങ്ങിയതായി പൊതുസുരക്ഷാ വകുപ്പ് അറിയിച്ചു. ഇന്നു മുതല്‍ ജൂണ്‍ 20 വരെയുള്ള കാലത്ത് ഹജ് പെര്‍മിറ്റില്ലാതെ മക്കയിലും ഹറമിനടുത്ത പ്രദേശങ്ങളിലും പുണ്യസ്ഥലങ്ങളിലും റുസൈഫ ഹറമൈന്‍ റെയില്‍വെ സ്റ്റേഷനിലും മക്കക്കു സമീപമുള്ള ചെക്ക് പോസ്റ്റുകളിലും സോര്‍ട്ടിംഗ് കേന്ദ്രങ്ങളിലും താല്‍ക്കാലിക ചെക്ക് പോസ്റ്റുകളിലും വെച്ച് പിടിയിലാകുന്ന സ്വദേശികള്‍ക്കും വിദേശികള്‍ക്കും വിസിറ്റ് വിസക്കാര്‍ക്കുമെതിരെ ശിക്ഷാ നടപടികള്‍ സ്വീകരിക്കും. ഹജ് പെര്‍മിറ്റില്ലാതെ കുടുങ്ങുന്നവര്‍ക്ക് 10,000 റിയാല്‍ പിഴ ചുമത്തും. […]

മക്ക – അഞ്ചു വസ്തുക്കള്‍ വിശുദ്ധ ഹറമില്‍ പ്രവേശിപ്പിക്കുന്നതിന് വിലക്കുള്ളതായി ഹജ്, ഉംറ മന്ത്രാലയത്തിനു കീഴിലെ ബോധവല്‍ക്കരണ കേന്ദ്രം പറഞ്ഞു. എളുപ്പവും സുഗമവുമായ യാത്ര ഉറപ്പാക്കാന്‍, വിശുദ്ധ ഹറമിലേക്ക് പോകുന്നതിനു മുമ്പ് ഹറമില്‍ പ്രവേശിപ്പിക്കുന്നതിന് വിലക്കുള്ള യാതൊരു വസ്തുക്കളും കൈവശം വെച്ചിട്ടില്ലെന്ന് ഉറപ്പാക്കണമെന്ന് ബോധവല്‍ക്കരണ കേന്ദ്രം പറഞ്ഞു. കാപ്പിയും ഈത്തപ്പഴവും വെള്ളവും ഒഴികെയുള്ള ഭക്ഷണപാനീയങ്ങള്‍, മൂര്‍ച്ചയുള്ള ഉപകരണങ്ങള്‍, കത്തുന്ന ദ്രാവകങ്ങള്‍, വലിയ ബാഗുകളും ലഗേജുകളും, ബേബി ട്രോളികള്‍ എന്നിവ ഹറമിലേക്ക് പോകുമ്പോള്‍ കൈവശം വെക്കരുതെന്ന് ബോധവല്‍ക്കരണ കേന്ദ്രം […]

ജിദ്ദ – ലൈസന്‍സില്ലാതെ പ്രവര്‍ത്തിക്കുന്ന അമ്യൂസ്‌മെന്റ് പാര്‍ക്കുകളുടെയും എന്റര്‍ടൈന്‍മെന്റ് സെന്ററുകളുടെയും പദവി ശരിയാക്കാനുള്ള സവാകാശം ജൂലൈ 31 ന് അവസാനിക്കുമെന്ന് ജനറല്‍ എന്റര്‍ടൈന്‍മെന്റ് അതോറിറ്റി വ്യക്തമാക്കി. എന്റര്‍ടൈന്‍മെന്റ് സിറ്റി മേഖല ക്രമീകരിക്കാനും ആവശ്യമായ മുഴുവന്‍ മാനദണ്ഡങ്ങളും വ്യവസ്ഥകളും പാലിക്കുന്നുണ്ടെന്ന് ഉറപ്പാക്കാനും ലക്ഷ്യമിട്ടാണ് അമ്യൂസ്‌മെന്റ് പാര്‍ക്കുകളുടെയും സെന്ററുകളുടെയും പദവി ശരിയാക്കാന്‍ സാവകാശം അനുവദിച്ചിരിക്കുന്നത്. അമ്യൂസ്‌മെന്റ് പാര്‍ക്കുകളും വിനോദ കേന്ദ്രങ്ങളും പ്രവര്‍ത്തിപ്പിക്കാന്‍ ആവശ്യമായ ലൈസന്‍സുകള്‍ നേടേണ്ടതിന്റെ പ്രാധാന്യത്തെ കുറിച്ച് നിക്ഷേപകരുടെ അവബോധം വര്‍ധിപ്പിക്കാനും ഇക്കാര്യത്തില്‍ പിന്തുടരുന്ന നടപടിക്രമങ്ങളും വ്യവസ്ഥകളും അവരെ […]