ദുബായ് : സന്ദർശക വീസയിൽ ജോലി തേടിയെത്തുന്നവരെ കണ്ടെത്താൻ യു.എ.ഇയിലെ വിമാനത്താവളങ്ങളിൽ ഇമിഗ്രേഷൻ വിഭാഗം പരിശോധന കർശനമാക്കി. കൃത്യമായ യാത്രാ രേഖകൾ ഇല്ലാത്തതിനാൽ നൂറു കണക്കിനാളുകളെ കഴിഞ്ഞ ദിവസം ദുബായ് വിമാനത്താവളത്തിൽ തടഞ്ഞുവച്ചിരുന്നു. ഇക്കാര്യങ്ങൾ പ്രത്യേകം ശ്രദ്ധിക്കുക. സന്ദർശക വീസയിൽ എത്തുന്നവരോട് സന്ദർശന ലക്ഷ്യം, താമസ സ്ഥലം, ചെലവഴിക്കാനുള്ള പണം എന്നിവയെക്കുറിച്ചു വിമാനത്താവളങ്ങളിൽ ചോദിക്കും. വ്യക്തമായി ഉത്തരം പറയാത്തവർക്കു വിമാനത്താവളത്തിനു പുറത്തു കടക്കാനാവില്ല.സന്ദർശക, വിനോദ സഞ്ചാര വീസകളിൽ എത്തുന്നവർക്കു ജോലി ചെയ്യാൻ അനുവാദം ഇല്ല. റിക്രൂട്മെന്റ് ഏജൻസിയും […]

ജിദ്ദ – കാറ്റില്‍ നിന്ന് കുറഞ്ഞ ചെലവില്‍ വൈദ്യുതി ഉല്‍പാദിപ്പിക്കുന്നതില്‍ സൗദി അറേബ്യ പുതിയ ലോക റെക്കോര്‍ഡുകള്‍ സ്ഥാപിച്ചതായി ഊര്‍ജ മന്ത്രി അബ്ദുല്‍ അസീസ് ബിന്‍ സല്‍മാന്‍ രാജകുമാരന്‍ വെളിപ്പെടുത്തി. അല്‍ഗാത്ത് കാറ്റാടി വൈദ്യുതി പദ്ധതിയില്‍ ഒരു യൂനിറ്റ് വൈദ്യുതി ഉല്‍പാദിപ്പിക്കാനുള്ള ചെലവ് 1.56558 അമേരിക്കന്‍ സെന്റ് (5.87094 ഹലല) ആണ്. വഅദ് അല്‍ശിമാല്‍ പുനരുപയോഗ ഊര്‍ജ പദ്ധതി ഈ മേഖലയില്‍ രണ്ടാമത്തെ ലോക റെക്കോര്‍ഡ് സ്ഥാപിച്ചു. വഅദ് അല്‍ശിമാല്‍ പദ്ധതിയില്‍ ഒരു യൂനിറ്റ് വൈദ്യുതി ഉല്‍പാദിപ്പിക്കാനുള്ള […]

ജിദ്ദ – ഗാര്‍ഹിക തൊഴിലാളികള്‍ക്ക് വേതനത്തോടു കൂടിയ വാര്‍ഷിക അവധിക്ക് അവകാശമുള്ളതായി ഗാര്‍ഹിക തൊഴിലാളി റിക്രൂട്ട്‌മെന്റ് നടപടിക്രമങ്ങള്‍ക്കുള്ള മുസാനിദ് പ്രോഗ്രാം വ്യക്തമാക്കി. രണ്ടു വര്‍ഷം ജോലിയില്‍ പൂര്‍ത്തിയാക്കുകയും തത്തുല്യ കാലത്തേക്ക് തൊഴില്‍ കരാര്‍ പുതുക്കാന്‍ ആഗ്രഹിക്കുകയും ചെയ്യുന്ന പക്ഷം ഗാര്‍ഹിക തൊഴിലാളിക്ക് വേതനത്തോടു കൂടി ഒരു മാസത്തെ അവധി ലഭിക്കാന്‍ അവകാശമുണ്ടെന്ന് മുസാനിദ് വ്യക്തമാക്കി.പുതിയ വിസകളിലെത്തുന്ന ഗാര്‍ഹിക തൊഴിലാളികളുടെ തൊഴില്‍ കരാറുകള്‍ മുസാനിദ് പ്ലാറ്റ്‌ഫോം വഴി ഇന്‍ഷുര്‍ ചെയ്യുന്ന സേവനം മാനവശേഷി, സാമൂഹിക വികസന മന്ത്രാലയം അടുത്തിടെ […]

മക്ക – മിനായില്‍ പുതുതായി നിര്‍മാണം പൂര്‍ത്തിയാക്കിയ ബഹുനില ടവറുകളില്‍ താമസസൗകര്യം നല്‍കുന്ന പാക്കേജ് ഹജ്, ഉംറ മന്ത്രാലയം വൈകാതെ പ്രഖ്യാപിക്കുമെന്ന് റിപ്പോര്‍ട്ട്. ആഭ്യന്തര ഹജ് തീര്‍ഥാടകരെ മാത്രം ലക്ഷ്യമിട്ടാണ് ഈ പാക്കേജ് പ്രഖ്യാപിക്കുന്നത്. ഇതില്‍ 11,000 സീറ്റുകളാണുണ്ടാവുക. മിനായിലെ ജംറ കോംപ്ലക്‌സില്‍ നിന്ന് ഒരു കിലോമീറ്റര്‍ ദൂരെയാണ് പുതിയ ടവറുകള്‍ നിര്‍മിച്ചിരിക്കുന്നത്. ഇവയില്‍ താമസം നല്‍കുന്ന പാക്കേജ് നാലു ആഭ്യന്തര സര്‍വീസ് കമ്പനികളാണ് പ്രവര്‍ത്തിപ്പിക്കുക.പുതിയ ടവറുകള്‍ക്ക് അഞ്ചു നിലകള്‍ വീതമാണുള്ളത്. ഇവയില്‍ ഓരോന്നിലും തീര്‍ഥാടകര്‍ക്കു വേണ്ടി […]

റിയാദ്- ഗള്‍ഫ് എയറില്‍ ടിക്കറ്റെടുക്കുന്ന സന്ദര്‍ശക വിസക്കാര്‍ക്ക് മുന്നറിയിപ്പ്. റിട്ടേണ്‍ ടിക്കറ്റും ഗള്‍ഫ് എയറില്‍ തന്നെയെടുക്കണം. മറ്റേതെങ്കിലും വിമാനങ്ങളുടെ റിട്ടേണ്‍ ടിക്കറ്റ് ആണ് കയ്യിലുള്ളതെങ്കില്‍ ബോഡിംഗ് പാസ് ലഭിക്കില്ല. ഇന്നാണ് ഗള്‍ഫ് എയര്‍ ഇത് സംബന്ധിച്ച് എല്ലാ ഏജന്‍സികള്‍ക്കും സര്‍ക്കുലര്‍ അയച്ചത്. നിലവില്‍ ടിക്കറ്റ് നിരക്ക് നോക്കിയാണ് സൗദി അറേബ്യയിലേക്കുള്ള സന്ദര്‍ശക വിസക്കാര്‍ ടിക്കറ്റെടുക്കുന്നത്. സൗദിയിലേക്ക് വരാനും തിരിച്ചുപോകാനും മിക്കവരും വ്യത്യസ്ത എയര്‍ലൈനുകളുടെ ടിക്കറ്റുകളാണ് എടുക്കാറുള്ളത്. എന്നാല്‍ ഇനി മുതല്‍ ഗള്‍ഫ് എയറില്‍ നാട്ടില്‍ നിന്ന് വരുന്നവര്‍ […]

മദീന – കടുത്ത ചൂടില്‍ നിന്ന് തീര്‍ഥാടകര്‍ക്ക് സംരക്ഷണം നല്‍കാന്‍ പ്രവാചക പള്ളിയുടെ മുറ്റങ്ങളില്‍ സൂക്ഷ്മ ജലകണികകള്‍ സ്‌പ്രേ ചെയ്യുന്ന 436 ഫാനുകളുള്ളതായി ഹറംകാര്യ വകുപ്പ് അറിയിച്ചു. മസ്ജിദുന്നബവി മുറ്റങ്ങളില്‍ ചൂട് കുറക്കാന്‍ 436 സ്‌പ്രേ ഫാനുകള്‍ സജ്ജീകരിച്ചതായി ഹറംകാര്യ വകുപ്പ് എക്‌സ് പ്ലാറ്റ്‌ഫോമില്‍ പറഞ്ഞു. മസ്ജിദുന്നബവി മുറ്റത്ത് തണല്‍ കുടകള്‍ സ്ഥാപിച്ച തൂണുകളിലാണ് സ്‌പ്രേ ഫാനുകളുള്ളത്. ഓരോ തൂണിലും 180 ഡിഗ്രിയില്‍ കറങ്ങുന്ന രണ്ടു വീതം ഫാനുകളാണുള്ളത്. ഇവ അതിശക്തിയില്‍ ജലകണികകള്‍ സ്‌പ്രേ ചെയ്ത് മസ്ജിദുന്നബവി […]

റിയാദ്- റിയാദിലെ കിംഗ് അബ്ദുള്ള റോഡിലെ ടണലിനുള്ളിൽ വൻ തീപ്പിടിത്തം. ഇതോടെ ഈ ഭാഗത്ത് ഗതാഗത കുരുക്ക് രൂക്ഷമായി. ടണലിനുള്ളിൽനിന്ന് കനത്ത പുക ഉയർന്നു. അതേസമയം തീപിടുത്തത്തിൻ്റെ കാരണങ്ങൾ ഇപ്പോഴും അജ്ഞാതമാണ്.

ജിദ്ദ – തിരുഗേഹങ്ങളുടെ സേവകന്‍ സല്‍മാന്‍ രാജാവിന്റെ ആരോഗ്യനില ഭദ്രമാണെന്ന് കിരീടാവകാശിയും പ്രധാനമന്ത്രിയുമായ മുഹമ്മദ് ബിന്‍ സല്‍മാന്‍ രാജകുമാരന്‍ പറഞ്ഞു. ആരോഗ്യ വിവരങ്ങള്‍ അറിയാന്‍ രാജാവിനെ കുറിച്ച് അന്വേഷിച്ച എല്ലാവരെയും കിരീടാവകാശി അഭിനന്ദിച്ചു. രാജാവ് വേഗത്തില്‍ സുഖം പ്രാപിക്കാനും അദ്ദേഹത്തിന് നല്ല ആരോഗ്യം നല്‍കാനും സര്‍വശക്തനായ ദൈവത്തോട് പ്രാര്‍ഥിക്കുന്നതായും പ്രതിവാര മന്ത്രിസഭാ യോഗത്തില്‍ അധ്യക്ഷം വഹിച്ച് കിരീടാവകാശി പറഞ്ഞു.

ജിദ്ദ- തായിഫിലെ അല്‍ഹദാ ചുരം റോഡ് നാളെ (ബുധന്‍) അടച്ചിടുമെന്ന് പൊതുഗതാഗത വിഭാഗം അറിയിച്ചു. അറ്റകുറ്റ പണികള്‍ക്കാണ് അടച്ചിടുന്നത്. വാഹനങ്ങള്‍ സൈലുല്‍ കബീര്‍ റോഡ് വഴി തിരിഞ്ഞുപോകണം. രാവിലെ ഒമ്പത് മുതല്‍ രാത്രി 12 വരെയാണ് അടച്ചിടുന്നത്

മലപ്പുറം:  2015ൽ കരിപ്പൂർ വിട്ട സൗദി എയർലൈൻസ് തിരികെയെത്തുന്ന വാർത്ത ഏറെ പ്രതീക്ഷയോടെയാണ് മലബാറിലെ സൗദി പ്രവാസികൾ കാത്തിരിക്കുന്നത്. ഈ വരുന്ന ഒക്ടോബർ 27ന് സർവീസ് പുനരാരംഭിക്കാനാണ് നീക്കം. ആഴ്ചയിൽ ഏഴു സർവീസുകളുണ്ടാകും എന്നും കോഴിക്കോട്-ജിദ്ദ, കോഴിക്കോട്-റിയാദ് സെക്ടറിലേക്കായിരിക്കുമിത് എന്നും റിപ്പോർട്ടുകൾ വ്യക്തമാക്കുന്നു. ജിദ്ദയിലേക്ക് ആഴ്ചയിൽ നാലും റിയാദിലേക്ക് ആഴ്ചയിൽ മൂന്നും സർവീസുകളുണ്ടാകും. നവംബർ അവസാനത്തോടെ സർവീസുകൾ പതിനൊന്നായി ഉയർത്തിയേക്കും. കോഡ് ഇ വിഭാഗത്തിൽപ്പെടുന്ന  വിമാനമാണ് സർവീസുകൾക്കായി ഉപയോഗിക്കുക. 36 ബിസിനസ് ക്ലാസ് സീറ്റുകളും 298 ഇക്കണോമി […]

ജിദ്ദ – ഫ്‌ളക്‌സിബിള്‍ തൊഴില്‍ നിയമത്തില്‍ ഭേദഗതികള്‍ വരുത്തി മാനവശേഷി, സാമൂഹിക വികസന മന്ത്രി എന്‍ജിനീയര്‍ അഹ്മദ് അല്‍റാജ്ഹി ഉത്തരവിറക്കി. നിയമത്തിലെ 27-ാം വകുപ്പിലെ രണ്ടാം അനുച്ഛേദത്തില്‍ വരുത്തിയ ഭേദഗതികളിലൂടെ ഒരു സ്വകാര്യ സ്ഥാപനത്തില്‍ ഒരു തൊഴിലാളിക്ക് ഒരു മാസത്തില്‍ ജോലി ചെയ്യാവുന്ന പരമാവധി തൊഴില്‍ സമയം 160 മണിക്കൂറായി ഉയര്‍ത്തിയിട്ടുണ്ട്. കൂടാതെ ഒരു തൊഴിലാളിയോ ഒരുകൂട്ടം തൊഴിലാളികളോ ഫ്‌ളക്‌സിബിള്‍ രീതിയില്‍ സ്ഥാപനത്തില്‍ മാസത്തില്‍ 160 മണിക്കൂര്‍ ജോലി ചെയ്യുന്ന പക്ഷം ഒരു സൗദി തൊഴിലാളിയെ പൂര്‍ണ […]

റിയാദ് – സൗദി അറേബ്യയുടെ വ്യോമയാന ചരിത്രത്തില്‍ എയര്‍ബസ് കമ്പനിയുമായി ഏറ്റവും വലിയ വിമാന ഇടപാടിന് കരാര്‍ ഒപ്പുവെച്ച് ദേശീയ വിമാന കമ്പനിയായ സൗദിയ ഗ്രൂപ്പ്. സൗദിയക്കും സൗദിയക്കു കീഴിലെ ബജറ്റ് വിമാന കമ്പനിയായ ഫ്‌ളൈ അദീല്‍ കമ്പനിക്കും വേണ്ടി 105 വിമാനങ്ങള്‍ വാങ്ങാനാണ് കരാര്‍ ഒപ്പുവെച്ചിരിക്കുന്നതെന്ന് റിയാദില്‍ നടക്കുന്ന ഫ്യൂച്ചര്‍ ഏവിയേഷന്‍ ഫോറത്തില്‍ സൗദിയ ഡയറക്ടര്‍ ജനറല്‍ ഇബ്രാഹിം അല്‍ഉമര്‍ വെളിപ്പെടുത്തി. പുതിയ ഇടപാട് പ്രകാരമുള്ള ആദ്യ വിമാനം 2026 ആദ്യ പാദത്തില്‍ സൗദിയക്ക് ലഭിക്കും. […]