റിയാദ് – തലസ്ഥാന നഗരിയില്‍ പുതുതായി ആരംഭിച്ച പേ പാര്‍ക്കിംഗുകളില്‍ സൗരോര്‍ജത്തില്‍ പ്രവര്‍ത്തിക്കുന്ന 60 ലേറെ ഇ-പെയ്‌മെന്റ് ഉപകരണങ്ങള്‍ സ്ഥാപിച്ചതായി റിയാദ് നഗരസഭ അറിയിച്ചു. പാര്‍ക്കിംഗുകളില്‍ 180 ലേറെ സൈന്‍ ബോര്‍ഡുകളും സ്ഥാപിച്ചിട്ടുണ്ട്. റിയാദ് പാര്‍ക്കിംഗ് പദ്ധതിക്ക് പരീക്ഷണാടിസ്ഥാനത്തില്‍ സമാരംഭം കുറിച്ചതായി അറിയിച്ച് രണ്ടാഴ്ചക്കുള്ളിലാണ് 60 ലേറെ ഇ-പെയ്‌മെന്റ് ഉപകരണങ്ങളും 180 ലേറെ സൈന്‍ ബോര്‍ഡുകളും സ്ഥാപിച്ചത്. തലസ്ഥാന നഗരിയിലെ കൊമേഴ്‌സ്യല്‍ സ്ട്രീറ്റുകളില്‍ 2,000 ലേറെ പാര്‍ക്കിംഗുകളാണ് ആദ്യ ഘട്ടത്തില്‍ പദ്ധതിക്കു കീഴിലുള്ളത്. പേ പാര്‍ക്കിംഗുകള്‍ക്കു സമീപമുള്ള […]

റിയാദ്- ജിദ്ദയില്‍ നിന്ന് ട്രക്കുകളിലായി റിയാദിലേക്ക് കൊണ്ടുവരുന്ന സൗദി എയര്‍ലൈന്‍സ് വിമാനങ്ങളുടെ ഏറ്റവും നല്ല ഫോട്ടോയെടുക്കുന്ന വ്യക്തിക്ക് മുന്തിയ കാര്‍ സമ്മാനം നല്‍കുമെന്ന് സൗദി എന്റര്‍ടൈന്‍മെന്റ് അതോറിറ്റി ചെയര്‍മാന്‍ തുര്‍ക്കി ആലു ശൈഖ് പ്രഖ്യാപിച്ചു. റിയാദിലെ ബൊളിവാഡിലെ വിനോദപദ്ധതിക്കായാണ് പഴയ അഞ്ചുവിമാനങ്ങള്‍ ജിദ്ദയില്‍ നിന്ന് റോഡ് മാര്‍ഗം കൊണ്ടുവരുന്നത്. സൗദി പൗരന്മാര്‍ക്ക് ഫോട്ടോഗ്രാഫിയിലെ സര്‍ഗാത്മകത പ്രകടിപ്പിക്കാനുള്ള അവസരമാണിത്. വീഡിയോകളും ഫോട്ടോകളും മത്സരത്തിന് പരിഗണിക്കും. സൗദി പൗരന്മാര്‍ മാത്രമാണ് മത്സരത്തില്‍ പങ്കെടുക്കേണ്ടത്. റിയാദിലെ ബൊളിവാഡിന് സമീപം നിര്‍മിക്കുന്ന റണ്‍വേ […]

മക്ക: സ്റ്റോൺ പാർക്ക് നിർമിക്കാൻ ഒരുങ്ങി മക്ക മുനിസിപ്പാലിറ്റി. പരിസ്ഥിതി സൗഹൃദ പദ്ധതികളുടെ ഭാഗമായി ആണ് ഇത്തരത്തിലൊരു പാർക്ക് നിർമ്മിക്കാൻ തീരുമാനിച്ചിരിക്കുന്നത്. ഏകദേശം 1000 ചതുരശ്ര മീറ്ററിൽ വ്യാപിച്ചുകിടക്കുന്ന രീതിയിലാണ് ഇതിന്റെ പ്രവർത്തനങ്ങൾ. ഈ പാർക്കിന്റെ നിർമ്മാണം റീസൈക്കിൾ ചെയ്ത വസ്തുക്കളിൽ നിന്നും, നിർമാണ പ്രവർത്തനങ്ങളിൽ നിന്നുള്ള അവശിഷ്ടങ്ങളും ഉപയോഗിച്ചാണ് പാർക്ക് നിർമ്മിക്കുന്നത്. ഇതിലൂടെ ലക്ഷ്യം വെക്കുന്നത് മക്കയിലെ പൊതു ഇടങ്ങളുടെ ഭൂപ്രകൃതി മെച്ചപ്പെടുത്തുകയും പാരിസ്ഥിതിക സന്തുലനം നിലനിർത്തുകയും ആണ്. പാർക്കിൽ ഇരിപ്പിടങ്ങൾ, കല്ലുകൾ ഉപയോഗിച്ചുള്ള പാതകൾ, […]

ജിദ്ദ – വൈദ്യുതി ഉപയോഗം കൂടിയ പഴയ വിന്‍ഡോ എയര്‍ കണ്ടീഷനറുകള്‍ മാറ്റി വൈദ്യുതി ഉപയോഗം കുറഞ്ഞ പുതിയ എ.സികള്‍ സ്ഥാപിക്കാന്‍ ഗാര്‍ഹിക ഉപയോക്താക്കളെ പ്രോത്സാഹിപ്പിക്കുന്ന പദ്ധതി ഇന്നു മുതല്‍ സൗദിയിലെ എല്ലാ പ്രവിശ്യകളിലേക്കും വ്യാപിപ്പിച്ചു. ആദ്യ ഘട്ടത്തില്‍ ഏഴു പ്രധാന നഗരങ്ങളിലാണ് പദ്ധതി നടപ്പാക്കിയത്. ഇത് കഴിഞ്ഞ വര്‍ഷാവസാനത്തോടെ പൂര്‍ത്തിയായി. ബന്ധപ്പെട്ട സര്‍ക്കാര്‍ വകുപ്പുകളുമായി സഹകരിച്ച് സൗദി ഊര്‍ജ കാര്യക്ഷമതാ കേന്ദ്രമാണ് പദ്ധതി നടപ്പാക്കുന്നത്. 50,000 ലേറെ ചില്ലറ വ്യാപാരികളുടെയും 350 ലേറെ വന്‍കിട ഷോറൂമുകളുടെയും […]

റിയാദ് – ഉത്തര റിയാദില്‍ മയ്യിത്ത് നമസ്‌കാരം നിര്‍വഹിക്കാന്‍ കൂടുതല്‍ ജുമാമസ്ജിദുകള്‍ നീക്കിവെക്കാന്‍ ഇസ്‌ലാമികകാര്യ മന്ത്രി ശൈഖ് ഡോ. അബ്ദുല്ലത്തീഫ് ആലുശൈഖ് നിര്‍ദേശിച്ചു. ആദ്യ ഘട്ടത്തില്‍ ഉത്തര റിയാദില്‍ മൂന്നു മസ്ജിദുകള്‍ കൂടി മയ്യിത്ത് നമസ്‌കാരത്തിന് നീക്കിവെക്കാനാണ് നിര്‍ദേശം. നേരത്തെ തന്നെ മയ്യിത്ത് നമസ്‌കാരം നിര്‍വഹിക്കുന്ന ജുമാമസ്ജിദുകള്‍ക്കു പുറമെ, അല്‍സ്വഹാഫ ഡിസ്ട്രിക്ടിലെ ഇമാം അബ്ദുറഹ്മാന്‍ അല്‍ഫൈസല്‍ ജുമാമസ്ജിദ്, അല്‍ആരിദ് ഡിസ്ട്രിക്ടിലെ സ്വാലിഹ് അല്‍അബ്ദുല്ലത്തീഫ് ജുമാമസ്ജിദ്, അല്‍ഖൈറുവാന്‍ ഡിസ്ട്രിക്ടിലെ ഗാലിബ് അല്‍ഹമദ് ജുമാമസ്ജിദ് എന്നീ പള്ളികള്‍ കൂടി മയ്യിത്ത് […]

ജിദ്ദ – നിരീക്ഷണ ക്യാമറകള്‍ പകര്‍ത്തുന്ന ദൃശ്യങ്ങള്‍ പ്രചരിപ്പിക്കുന്നവര്‍ക്ക് 20,000 റിയാല്‍ പിഴ ലഭിക്കുമെന്ന് ആഭ്യന്തര മന്ത്രാലയം വ്യക്തമാക്കി. ഇതടക്കം സുരക്ഷാ ക്യാമറ സംവിധാനം ഉപയോഗിക്കുന്നതുമായി ബന്ധപ്പെട്ട 18 നിയമ ലംഘനങ്ങള്‍ക്കുള്ള പിഴകള്‍ അടങ്ങിയ പട്ടിക നിയമ ലംഘനങ്ങള്‍ക്കുള്ള പിഴകള്‍ അടക്കാനുള്ള ദേശീയ പ്ലാറ്റ്‌ഫോമില്‍ (ഈഫാ) ആഭ്യന്തര മന്ത്രാലയം പരസ്യപ്പെടുത്തി. നിയമവിരുദ്ധമായി നിരീക്ഷണ ക്യാമറ റെക്കോര്‍ഡിംഗുകള്‍ നീക്കം ചെയ്യുന്നതിനും 20,000 റിയാല്‍ പിഴ ലഭിക്കും. സുരക്ഷാ നിരീക്ഷണ ക്യാമറ സംവിധാനവും റെക്കോര്‍ഡിംഗുകളും കേടുവരുത്തുന്നവര്‍ക്കും നശിപ്പിക്കുന്നവര്‍ക്കും 20,000 റിയാലാണ് […]

ജിദ്ദ – കാലപ്പഴക്കം കാരണം സര്‍വീസില്‍ നിന്ന് നീക്കം ചെയ്ത പഴയ സൗദിയ ജംബോ വിമാനങ്ങള്‍ ജിദ്ദയില്‍ നിന്ന് റോഡ് മാര്‍ഗം റിയാദിലേക്ക് കൊണ്ടുപോകുന്നു. റിയാദില്‍ ബുളിവാര്‍ഡ് റണ്‍വേ ഏരിയയില്‍ ഉപയോഗിക്കാനാണ് ബോയിംഗ് 777-200 ഇ.ആര്‍ ഇനത്തില്‍ പെട്ട മൂന്നു വിമാനങ്ങള്‍ കൂറ്റന്‍ ട്രെയിലറുകളില്‍ റിയാദിലേക്ക് കൊണ്ടുപോകുന്നത്. അഞ്ചു വര്‍ഷത്തിലേറെ മുമ്പ് സര്‍വീസില്‍ നിന്ന് ഒഴിവാക്കിയ വിമാനങ്ങള്‍ കനത്ത സുരക്ഷയില്‍ ഗതാഗതം നിയന്ത്രിച്ച് ജിദ്ദയില്‍ നിന്ന് മദീന, അല്‍ഖസീം വഴിയാണ് റിയാദിലേക്ക് കൊണ്ടുപോകുന്നത്. എച്ച്.ഇസെഡ്-എ.കെ.ജി രജിസ്‌ട്രേഷനുള്ള വിമാനങ്ങളില്‍ […]

ജിദ്ദ – ഇത്തവണത്തെ സൗദി ദേശീയദിനത്തിന് സര്‍ക്കാര്‍, സ്വകാര്യ മേഖലാ ജീവനക്കാര്‍ക്ക് നാലു ദിവസത്തെ അവധി പ്രഖ്യാപിച്ചു. ദേശീയദിനത്തിന് 22, 23 തീയതികളിലാണ് അവധി ലഭിക്കുക. വെള്ളിയും ശനിയും വരാന്ത്യ അവധി ദിവസങ്ങളായതിനാല്‍ ദേശീയദിനത്തിന് ആകെ നാലു ദിവസം അവധി ലഭിക്കും. സെപ്റ്റംബര്‍ 23 ന് ആണ് സൗദി അറേബ്യയുടെ ദേശീയദിനം.

റിയാദ്: സൗദി അറേബ്യയില്‍ ട്രാഫിക് പിഴ അടയ്ക്കാൻ ബാക്കിയുള്ളവരുടെ ശ്രദ്ധയ്ക്ക്, ഇപ്പോൾ അടച്ചാൽ പിഴകളുടെ 50 ശതമാനം മാത്രം നൽകിയാൽ മതിയാകും. സൗദി അറേബ്യയുടെ ജനറല്‍ ഡിപ്പാര്‍ട്ട്മെന്‍റ് ഓഫ് ട്രാഫിക് (മുറൂര്‍) നൽകിയിരിക്കുന്ന ഈ ഓഫര്‍ അടുത്ത മാസത്തോടെ അവസാനിക്കും. പിഴയിൽ 50 ശതമാനം കിഴിവ് പ്രയോജനപ്പെടുത്തുന്നതിന്, പൗരന്മാരും താമസക്കാരും സന്ദര്‍ശകരും ഉള്‍പ്പെടെ എല്ലാ വാഹനമോടിക്കുന്നവരും കുടിശ്ശികയുള്ള ട്രാഫിക് പിഴകള്‍ ആറുമാസത്തിനുള്ളില്‍ തീര്‍പ്പാക്കണമെന്ന് കഴിഞ്ഞ ഏപ്രിലിൽ ട്രാഫിക് വകുപ്പ് പ്രഖ്യാപിച്ചിരുന്നു. ഔദ്യോഗിക സദദ് പേയ്മെന്‍റ് സിസ്റ്റം ഉപയോഗിച്ചോ […]

ജിദ്ദ – സൗദിയില്‍ ചരക്കുകളും ഉല്‍പന്നങ്ങളും വിദേശങ്ങളിലേക്ക് കയറ്റിഅയക്കുന്നവര്‍ക്കും വിദേശങ്ങളില്‍ നിന്ന് രാജ്യത്തേക്ക് ഉല്‍പന്നങ്ങള്‍ ഇറക്കുമതി ചെയ്യുന്നവര്‍ക്കും പ്രോത്സാഹനമെന്നോണം സകാത്ത്, ടാക്‌സ് ആന്റ് കസ്റ്റംസ് അതോറിറ്റി പുതിയ ഫീസിളവുകള്‍ നടപ്പാക്കുന്നു. ഇതുപ്രകാരം കയറ്റുമതിയുമായി ബന്ധപ്പെട്ട കസ്റ്റംസ് സേവനങ്ങള്‍ക്കുള്ള ഫീസുകള്‍ പൂര്‍ണമായും എടുത്തുകളയാന്‍ തീരുമാനിച്ചതായും ഇത് ഒക്‌ടോബര്‍ ആറു മുതല്‍ നടപ്പാക്കി തുടങ്ങുമെന്നും അതോറിറ്റി അറിയിച്ചു. കസ്റ്റംസ് ഡാറ്റ പ്രോസസ്സിംഗ് സേവനം, ഈയം ഉപയോഗിച്ചുള്ള സീല്‍പതിക്കല്‍, കരാതിര്‍ത്തി പോസ്റ്റുകളിലെ പോര്‍ട്ടര്‍ സേവനങ്ങള്‍, എക്‌സ്‌റേ പരിശോധന, കസ്റ്റംസ് ഡാറ്റാ വിവരങ്ങളുടെ […]

ജിദ്ദ – വ്യക്തികള്‍ തമ്മിലെ വാഹന വില്‍പന ഇടപാടുകളുമായി ബന്ധപ്പെട്ട നടപടിക്രമങ്ങള്‍ അബ്ശിര്‍ ആപ്പ് വഴിയും പൂര്‍ത്തിയാക്കാന്‍ സൗകര്യമൊരുക്കുന്ന പുതിയ സേവനം ട്രാഫിക് ഡയറക്ടറേറ്റ് ആരംഭിച്ചു. വ്യക്തികള്‍ തമ്മിലെ വാഹന വില്‍പന ഇടപാടുകളുമായി ബന്ധപ്പെട്ട നടപടിക്രമങ്ങള്‍ ആഭ്യന്തര മന്ത്രാലയത്തിന്റെ ഓണ്‍ലൈന്‍ സേവന പ്ലാറ്റ്‌ഫോം ആയ അബ്ശിര്‍ വഴി പൂര്‍ത്തിയാക്കാന്‍ അവസരമൊരുക്കുന്ന സേവനം നേരത്തെ ട്രാഫിക് ഡയറക്ടറേറ്റ് ആരംഭിച്ചിരുന്നു. ഇതിന്റെ തുടര്‍ച്ചയെന്നോണമാണ് അബ്ശിര്‍ ആപ്പിലും ഈ സേവനം ലഭ്യമാക്കിയിരിക്കുന്നത്. വാഹനം കണ്ടും പരിശോധിച്ചും വാങ്ങുന്നയാളും വില്‍ക്കുന്നയാളും പരസ്പര ധാരണയിലെത്തിയും […]

റിയാദ്- സൗദിയിൽ ഹോട്ടലുകൾ, ഹോട്ടൽ അപ്പാർട്ട്‌മെൻ്റുകൾ, റെസിഡൻഷ്യൽ റിസോർട്ടുകൾ എന്നിവയ്‌ക്ക് വാണിജ്യ പ്രവർത്തന ലൈസൻസുകൾ അനുവദിക്കുന്നതിനുള്ള ഫീസ് (ബലദിയ ലൈസൻസ് ഫീസ്) താൽക്കാലികമായി ഒഴിവാക്കി. സൗദി മുനിസിപ്പാലിറ്റി, ഭവന മന്ത്രി മാജിദ് ബിൻ അബ്ദുല്ലയാണ് തീരുമാനം പ്രഖ്യാപിച്ചത്. ഇതിന് തിരുഗേഹങ്ങളുടെ സേവകൻ സൽമാൻ രാജാവ് അംഗീകാരം നൽകി. സൗദി നഗരങ്ങളിലെ മുനിസിപ്പൽ നടപടിക്രമങ്ങളും സേവനങ്ങളും സുഗമമാക്കുന്നതിനുള്ള നിരന്തര ശ്രമങ്ങളുടെ ഭാഗമായാണ് പ്രഖ്യാപനമെന്നും മന്ത്രി പറഞ്ഞു. ടൂറിസം മേഖല വികസിപ്പിക്കുന്നതിനും പൗരന്മാർക്കും താമസക്കാർക്കും വിനോദസഞ്ചാരികൾക്കും നൽകുന്ന ടൂറിസം സേവനങ്ങളുടെ […]

ജവാസാത്ത് ഡയറക്ടറേറ്റ് പുതുതായി ആരംഭിച്ച വിസിറ്റേഴ്‌സ് ഡിജിറ്റൽ ഐ.ഡി കാർഡ് സേവനം സന്ദർശന വിസയിൽ സൗദിയിലെത്തുന്നവർ പാസ്‌പോർട്ട് കൈവശം വെക്കേണ്ട ആവശ്യം ഇല്ലാതാക്കുന്നതായി ജവാസാത്ത് വക്താവ് മേജർ നാസിർ അൽഉതൈബി പറഞ്ഞു. സൗദി പൗരന്മാർക്കും സൗദിയിൽ നിയമാനുസൃതം കഴിയുന്ന വിദേശികൾക്കും സന്ദർശകർക്കും ജവാസാത്ത് നൽകുന്ന ഡിജിറ്റൽ, സാങ്കേതിക പരിഹാരങ്ങളിൽ ഒന്ന് എന്നോണമാണ് വിസിറ്റേഴ്‌സ് ഡിജിറ്റൽ ഐ.ഡി സേവനം ആരംഭിച്ചത്. സന്ദർശന വിസയിൽ സൗദിയിലെത്തുന്നവരുടെ രാജ്യത്തിനകത്തെ യാത്രകളും ഇടപാടുകളും എളുപ്പമാക്കാനാണ് വിസിറ്റേഴ്‌സ് ഡിജിറ്റൽ ഐ.ഡിയിലൂടെ ലക്ഷ്യമിടുന്നത്. സന്ദർശന വിസയിൽ […]