മസ്‌കത്ത് : ഒമാനില്‍ മഴ ദുരന്തത്തില്‍ മലയാളി അടക്കം അഞ്ചു മരണം. റുസ്താഖില്‍ വാദി ബനി ഗാഫിറില്‍ ഒഴുക്കില്‍പ്പെട്ട മൂന്ന് കുട്ടികളെ മരിച്ച നിലയില്‍ കണ്ടെത്തിയതായി സിവില്‍ ഡിഫന്‍സ് ആന്‍ഡ് ആംബുലന്‍സ് അതോറിറ്റി (സിഡിഎഎ) അറിയിച്ചു.മറ്റൊരു സംഭവത്തില്‍, സിഡിഎഎ ടീമുകള്‍ മൂന്ന് പേരെ രക്ഷപ്പെടുത്തി. അവരുടെ വാഹനം വാദിയിലേക്ക് ഒഴുകി, ചൊവ്വാഴ്ച രാവിലെ ഒരു സ്ത്രീയെ ഒഴുക്കില്‍ പെ്ട്ട് മരിച്ച നിലയില്‍ കണ്ടെത്തി. യാങ്കുളിലെ വിലായത്തിലെ വാദി ഗയ്യയില്‍ രണ്ട് പേരുമായി വാഹനം ഒഴുക്കില്‍പെട്ടതിനെ തുടര്‍ന്ന് ഒരാളെ […]

ജിദ്ദ : സൗദി അറേബ്യയുടെ സമ്പദ്‌വ്യവസ്ഥ എണ്ണയിതര മേഖലയില്‍ കൂടുതല്‍ ചലനാത്മകമാണെന്ന് അന്താരാഷ്ട്ര നാണയ നിധി മാനേജിംഗ് ഡയറക്ടര്‍ ക്രിസ്റ്റാലിന ജോര്‍ജിയേവ പറഞ്ഞു. സാമ്പത്തിക വൈവിധ്യവല്‍ക്കരണത്തിന്റെ കാര്യത്തില്‍ സൗദി അറേബ്യയിലെ മാറ്റം അത്ഭുതകരമാണെന്ന് ദുബയില്‍ അറബ് ഫിസ്‌കല്‍ ഫോറത്തോടനുബന്ധിച്ച് ക്രിസ്റ്റാലിന ജോര്‍ജിയേവ പറഞ്ഞു. ഡിജിറ്റല്‍ പശ്ചാത്തല സൗകര്യങ്ങളും സമ്പദ്‌വ്യവസ്ഥയുടെ ചലനാത്മകതയും സൗദിയിലേക്ക് ടൂറിസ്റ്റുകളെ ആകര്‍ഷിക്കുന്നു.സൗദി അറേബ്യയുടെ സമ്പദ്‌വ്യവസ്ഥ എണ്ണ, വാതക മേഖലകളെ വലിയ തോതില്‍ ആശ്രയിക്കുന്നതില്‍ നിന്ന് വളരെയധികം മാറി. എണ്ണയിതര മേഖലകളില്‍ സൗദി സമ്പദ്‌വ്യവസ്ഥ കൂടുതല്‍ […]

ജിദ്ദ : ഒമ്പതോ അതിൽ കുറവോ ജീവനക്കാരുള്ള സ്ഥാപനങ്ങൾക്ക് ഏർപ്പെടുത്തിയ ലെവിയിളവ് അവസാനിക്കാൻ ഇനി രണ്ടാഴ്ച മാത്രം. ശഅ്ബാൻ 15 ന് അഥവാ ഫെബ്രുവരി 25 വരെ മാത്രമേ ഈ ആനുകൂല്യം ലഭിക്കുകയുള്ളൂവെന്ന് മാനവശേഷി സാമൂഹിക മന്ത്രാലയം ആവർത്തിച്ചു. ഒമ്പതിൽ താഴെ ജീവനക്കാരുള്ള സ്ഥാപനങ്ങൾക്ക് ഇഖാമ പുതുക്കുമ്പോൾ ലെവിയിളവ് നേരത്തെ മൂന്നു വർഷത്തേക്കായിരുന്നു അനുവദിച്ചിരുന്നത്. കഴിഞ്ഞ മാർച്ചിൽ സമയപരിധി അവസാനിക്കാനിരിക്കെ സൗദി മന്ത്രിസഭ ഒരു വർഷത്തേക്ക് കൂടി നീട്ടി നൽകിയതായിരുന്നു. ഉടമയായ സൗദി പൗരൻ സ്ഥാപനത്തിന്റെ ഗോസി […]

റിയാദ് : തൊഴിലാളിയുടെ ഇഖാമ നഷ്ടപ്പെട്ടതായി ബോധ്യപ്പെട്ടാൽ സ്ഥാപനങ്ങൾക്കോ, തൊഴിലുടമക്കോ മുഖീം പോർട്ടൽ വഴി റിപ്പോർട്ട് ചെയ്യാമെന്ന് പാസ്‌പോർട്ട് ഡയറക്റ്ററേറ്റ് വ്യക്തമാക്കി. ഇതിന്റെ വിവിധ ഘട്ടങ്ങളും ഡയറക്ടറേറ്റ് വ്യക്തമാക്കി.1. യൂസർ നെയ്മും പാസ്‌വർഡുമുപോയഗിച്ച് സ്ഥാപന അക്കൗണ്ടിൽ പ്രവേശിക്കുക.2.സ്ഥാപനത്തിനു കീഴിലെ വിദേശ തൊഴിലാളി സെക്ഷനിലേക്ക് പോകുക. 3.നഷ്ടപ്പട്ട റസിഡൻഷ്യൽ പെർമിറ്റ് കാർഡ്(ഇഖാമ) നമ്പർ ചേർക്കുക. 4.തൊഴിലാളിയുടെ ഫയൽ ഓപ്പൺ ആയാൽ ജവാസാത്ത് സെലക്റ്റ് ചെയ്യുക. 5. ഇഖാമ നഷ്ടപ്പെട്ടു എന്ന ഓപ്ഷൻ സെലക്റ്റ് ചെയ്ത് സെന്റ് ചെയ്യുക.

റിയാദ് : സൗദിയില്‍ മയക്കുമരുന്ന് കടത്ത് വ്യാപകം. കര്‍ക്കശ പരിശോധനകള്‍ തുടരുന്നതിനാല്‍ ദിനേന നിരവധി മയക്കുമരുന്ന് കടത്ത് വാര്‍ത്തകളാണ് പുറത്തുവരുന്നത്. എല്ലാ പ്രധാന നഗരങ്ങളിലും കര്‍ശന പരിശോധനയാണ്. രാത്രിയില്‍ വാഹന പരിശോധന വ്യാപകമാക്കിയിട്ടുണ്ട്.ഇന്ന് ജിസാനില്‍നിന്നും അസീറില്‍നിന്നും അല്‍ ഖസീമില്‍നിന്നും മയക്കുമരുന്ന് കടത്തുമായി ബന്ധപ്പെട്ട വാര്‍ത്തകള്‍ റിപ്പോര്‍ട്ട് ചെയ്യുന്നു. അല്‍ ഖസീമില്‍ മയക്കുമരുന്നായി ഉപയോഗിക്കുന്ന ഗുളിക വിറ്റതിന് ഒരു സ്വദേശിയെ പിടികൂടി. അസീറില്‍ വാഹനത്തിനുള്ളില്‍നിന്ന് 40 കിലോ ഹഷീഷ് പിടികൂടിയതായും നാര്‍കോടിക്‌സ് വിഭാഗം അറിയിക്കുന്നു. ജിസാന്‍ അതിര്‍ത്തിയില്‍ 61800 […]

മസ്‌കത്ത് : യു.എ.ഇക്ക് പിന്നാലെ ഒമാനിലും ശക്തമായ മഴ. തിങ്കളാഴ്ച രാത്രിയോടെ മഴ കനക്കുമെന്നു മുന്നറിയിപ്പ്. വിവിധയിടങ്ങളില്‍ ദുരിതാശ്വാസ ക്യാമ്പുകള്‍ തുറന്നു. 100ല്‍ പരം ആളുകളെ സുരക്ഷിത ഇടങ്ങളിലേക്ക് മാറ്റി. വിവിധയിടങ്ങളില്‍ വാദികള്‍ നിറഞ്ഞൊഴുകുകയാണ്. വാദിയില്‍ അകപ്പെട്ട നിരവധി പേരെ രക്ഷപ്പെടുത്തി. മൂന്നു കുട്ടികളെ കാണാതായി. തലസ്ഥാന നഗരി ഉള്‍പ്പെടെ ഒമാന്റെ വിവിധ ഭാഗങ്ങളില്‍ ശക്തമായ മഴ തുടരുകയാണ്. രാത്രിയോടെ മഴ കനക്കുമെന്നാണ് മുന്നറിയിപ്പ്. ബുറൈമി, ബാത്തിന ഗവര്‍ണറേറ്റുകളിലാണ് കൂടുതല്‍ മഴ ലഭിച്ചത്. സൊഹാര്‍, ഷിനാസ്, സൂര്‍ […]

ദുബായ് : ശക്തമായ സമ്മർദമുണ്ടെങ്കിലും ഇസ്രായിലുമായുള്ള നയതന്ത്ര ബന്ധം തുടരുമെന്ന് വ്യക്തമാക്കി യു.എ.ഇ. ദുബായിൽ നടക്കുന്ന വേൾഡ് ഗവൺമെന്റ്‌സ് ഉച്ചകോടിയിൽ സംസാരിക്കവേ യു.എന്നിലെ യു.എ.ഇ അംബാസഡർ ലന നുസൈബിയാണ് ഇക്കാര്യം വ്യക്തമാക്കിയത്. ‘ഈ ബന്ധം ഉള്ളതുകൊണ്ടാണ് ഗാസയിൽ നമുക്കൊരു ഫീൽഡ് ആശുപത്രി ആരംഭിക്കാൻ കഴിഞ്ഞത്… അൽഅരീഷ് തുറമുഖത്ത് മാരിടൈം ഹോസ്പിറ്റൽ തുറക്കാൻ കഴിഞ്ഞത്. പക്ഷെ ഗാസയിലെ ജനങ്ങൾക്ക് ഇത് മാത്രം പോര. അവിടെ മാനുഷിക വെടിനിർത്തലും, ദ്വിരാഷ്ട്ര പരിഹാരവുമാണ് ആവശ്യം. നമ്മളുമായി യോജിപ്പിലുള്ള ആളുകളുമായി മാത്രം സംസാരിച്ചാൽ […]

റിയാദ് : സര്‍ക്കാര്‍ വകുപ്പുകളുടെ പദ്ധതികള്‍ക്കുള്ള കരാറുകള്‍ നേടിയെടുക്കാന്‍ പരസ്പരം ഒത്തുകളിച്ച് ടെണ്ടറുകള്‍ സമര്‍പ്പിച്ചതിന് രണ്ടു സ്വകാര്യ കമ്പനികള്‍ക്ക് 31 ലക്ഷത്തിലേറെ റിയാല്‍ പിഴ ചുമത്താനുള്ള ജനറല്‍ അതോറിറ്റി ഫോര്‍ കോംപറ്റീഷനു കീഴിലെ പ്രത്യേക കമ്മിറ്റിയുടെ തീരുമാനം റിയാദ് അപ്പീല്‍ കോടതി ശരിവെച്ചു. സ്വകാര്യ കമ്പനികള്‍ക്കും സ്ഥാപനങ്ങള്‍ക്കുമിടയില്‍ ആരോഗ്യകരമായ മത്സരം ഉറപ്പുവരുത്തുകയും കുത്തകവല്‍ക്കരണം അടക്കമുള്ള നിഷേധാത്മക പ്രവണതകള്‍ തടയുകയും ചെയ്യുന്ന കോംപറ്റീഷന്‍ നിയമം ലംഘിച്ച സ്ഥാപനങ്ങള്‍ക്കെതിരെ ജനറല്‍ അതോറിറ്റി ഫോര്‍ കോംപറ്റീഷന്‍ വിശദമായ അന്വേഷണം നടത്തുകയും നിയമ […]

അബുദാബി : നാട്ടിലേക്ക് പണമയക്കുന്നതിനുള്ള ഫീസ് വര്‍ധിപ്പിക്കാനൊരുങ്ങി യു.എ.ഇയിലെ മണി എക്‌സ്‌ചേഞ്ച് സ്ഥാപനങ്ങള്‍. 15 ശതമാനം വരെ നിരക്ക് കൂട്ടുമെന്നാണ് വിവരം, പ്രവാസികള്‍ക്ക് ഇതൊരു അധികച്ചെലവാകും.യു.എ.ഇ സര്‍ക്കാരിന്റെ അധികാരപരിധിയിലുള്ള മണി എക്‌സ്‌ചേഞ്ച് സ്ഥാപനങ്ങള്‍ക്ക് ഓപ്ഷണല്‍ സ്ട്രാറ്റജിക് ഫീസ് ക്രമീകരണം നടപ്പാക്കാന്‍ അനുമതി ലഭിച്ചതായി ഇന്ന് ഫോറിന്‍ എക്‌സ്‌ചേഞ്ച് ആന്‍ഡ് റെമിറ്റന്‍സ് ഗ്രൂപ്പ് (എഫ്ഇആര്‍ജി) പ്രഖ്യാപിച്ചു. കുറഞ്ഞത് 15 ശതമാനം വര്‍ധനവാണ് അനുവദിച്ചിട്ടുള്ളത്. 2.50 ദിര്‍ഹം വരെ കൂടിയേക്കാം.ബ്രാഞ്ചുകളില്‍ നേരിട്ട് പോയുള്ള റെമിറ്റന്‍സ് സേവനങ്ങള്‍ക്ക് ഫീസ് വര്‍ദ്ധിപ്പിക്കുമെന്ന് പ്രതീക്ഷിക്കുന്നതായി […]

ജിദ്ദ : ദേശീയ വിമാന കമ്പനിയായ സൗദിയ ഗ്രൂപ്പിനു കീഴിലെ വിമാനത്തില്‍ പ്രത്യേകം സജ്ജീകരിച്ച നമസ്‌കാര സ്ഥലം പ്രദര്‍ശിപ്പിക്കുന്ന വീഡിയോ പുറത്ത്. സൗദിയ സ്റ്റ്യുവാര്‍ഡ് നമസ്‌കാര സ്ഥലത്തെ കുറിച്ച് വിശദീകരിച്ചു നല്‍കുന്ന വീഡിയോ ആണ് സാമൂഹികമാധ്യമങ്ങളില്‍ പ്രചരിക്കുന്നത്. സൗദിയ എംബ്ലം അടങ്ങിയ പ്രത്യേക കാര്‍പെറ്റ് വിരിച്ച സ്ഥലത്ത് ഒരേസമയം എട്ടു പേര്‍ക്ക് നമസ്‌കാരം നിര്‍വഹിക്കാന്‍ സാധിക്കും.യാത്രക്കിടയില്‍ തങ്ങളുടെ സൗകര്യം പോലെ സ്ത്രീപുരുഷന്മാര്‍ക്ക് സംഘമായും വെവ്വേറെയായും ഇവിടെ നമസ്‌കാരം നിര്‍വഹിക്കാവുന്നതാണ്. ഖിബ്‌ലയുടെ ദിശ നിര്‍ണയിക്കുന്ന സേവനവും വ്യത്യസ്ത രാജ്യങ്ങളിലെ […]

ജിദ്ദ : വാഹന ഇന്‍ഷുറന്‍സ് മേഖലയില്‍ ഉപയോക്താക്കള്‍ നടത്തുന്ന തട്ടിപ്പുകള്‍ പോളിസി നിരക്ക് ഉയരാന്‍ ഇടയാക്കുകയാണെന്ന് ഇന്‍ഷുറന്‍സ് മേഖലാ വക്താവ് ആദില്‍ അല്‍ഈസ പറഞ്ഞു. ഇത്തരം തട്ടിപ്പുകള്‍ പുതിയ ഉല്‍പന്നങ്ങളും സേവനങ്ങളും പുറത്തിറക്കുന്നതില്‍ നിന്ന് ഇന്‍ഷുറന്‍സ് കമ്പനികളെ തടയുകയാണ്. വാഹന ഇന്‍ഷുറന്‍സുമായി ബന്ധപ്പെട്ട് ഉപയോക്താക്കള്‍ നടത്തുന്ന തട്ടിപ്പുകളും ക്ലെയിമുകളും, പോളിസി നിരക്കും കമ്പനികളുടെ പ്രവര്‍ത്തന ചെലവും ഉയരാരാന്‍ ഇടയാക്കുകയാണ്. ഇത്തരം തട്ടിപ്പുകള്‍ സാമ്പത്തിക മേഖലകള്‍ക്ക് പിന്തുണ നല്‍കുന്നതിലുള്ള അടിസ്ഥാന പങ്ക് വഹിക്കാനുള്ള ഇന്‍ഷുറന്‍സ് കമ്പനികളുടെ ശേഷി തടസപ്പെടുത്തും.സാമ്പത്തിക […]

റിയാദ് : കടകളിലും വ്യാപാര സ്ഥാപനങ്ങളിലും മറ്റും സ്ഥാപിക്കുന്ന സുരക്ഷാ നിരീക്ഷണ ക്യാമറകള്‍ നിബന്ധനകള്‍ പാലിച്ചില്ലെങ്കില്‍ ഓരോ ക്യാമറക്കും 500 റിയാല്‍ വീതം പിഴ നല്‍കേണ്ടിവരുമെന്ന് ആഭ്യന്തര മന്ത്രാലയം മുന്നറിയിപ്പ് നല്‍കി. നിരീക്ഷണ ക്യാമറകള്‍ സ്ഥാപിക്കുമ്പോള്‍ സ്വീകരിക്കേണ്ട മാനദണ്ഡങ്ങള്‍ ആഭ്യന്തര മന്ത്രാലയത്തിന്റെ വെബ് സൈറ്റില്‍ പ്രസിദ്ധീകരിച്ചിട്ടുണ്ട്. നിയമലംഘനം പിടികൂടിയാല്‍ അപ്പീല്‍ നല്‍കാന്‍ 60 ദിവസം അനുവദിച്ചിട്ടുണ്ട്. സൗദി മന്ത്രിസഭ പാസാക്കിയ സുരക്ഷ നിരീക്ഷണ ക്യാമറ വ്യവസ്ഥകൾ വാണിജ്യ വെയർഹൗസുകൾ, ധനകാര്യ സ്ഥാപനങ്ങൾ, ബാങ്കുകൾ, എക്‌സ്‌ചേഞ്ച്, മണി ട്രാൻസ്ഫർ […]

ദുബായ് : യു.എ.ഇ ഇന്ന് കണ്ണു തുറന്നത് ആലിപ്പഴ വർഷത്തിലേക്ക്. കൂടെ ഇടിയും മിന്നലും. രാത്രി മുഴുവൻ രാജ്യത്തിന്റെ ചില ഭാഗങ്ങളിൽ പെയ്ത കനത്ത മഴയുടെ തുടർച്ചയായാണ് ആലിപ്പഴ വർഷവും ഇടിയും മിന്നലുമുണ്ടായത്. പുലർച്ചെയാണ് ആലിപ്പഴ വർഷമുണ്ടായത്. ചിലയിടങ്ങളിൽ വീണ ആലിപ്പഴങ്ങൾക്ക് ഒരു ടെന്നീസ് ബോളിനോളം വലുപ്പമുണ്ടെന്ന് ഖലീജ് ടൈംസ് റിപ്പോർട്ട് ചെയ്യുന്നു. അൽ ഐൻ, അൽ വോത്ബ മേഖല, അബുദാബിയിലെ ബനി യാസ് എന്നിവടങ്ങളിലാണ് കനത്ത മഴ പെയ്തതെന്ന് നാഷണൽ സെന്റർ ഓഫ് മെറ്റീരിയോളജി (എൻ.സി.എം) […]

അൽബാഹ : അൽബാഹയിൽ നാളെ രാവിലെ ഒൻപത് വരെ കനത്ത മഴക്ക് സാധ്യതയുണ്ടെന്ന് കാലാവസ്ഥ നിരീക്ഷണ വിഭാഗം അറിയിച്ചു. ഇതിന്റെ അടിസ്ഥാനത്തിൽ അൽബാഹയിൽ റെഡ് അലർട്ട് പ്രഖ്യാപിച്ചു. നാളെ (തിങ്കൾ)രാവിലെ ഒൻപത് വരെയാണ് അലർട്ട്. അൽ മന്ദഖ്, ബൽജുർഷി, ബനീ ഹസൻ എന്നിവടങ്ങളിലും അലർട്ടുണ്ട്.

ജിദ്ദ : ജിദ്ദ പഴം പച്ചക്കറി മാർക്കറ്റിലെ സ്വദേശിവൽക്കരണ നിയമം ലംഘിച്ചതിന്റെയും ബിനാമി സംശയത്തിന്റെയും പേരിൽ നിരവധി കേസുകൾ രജിസ്റ്റർ ചെയ്തതായും ജിദ്ദ ഗവർണറേറ്റിനു കീഴിലെ സൂപ്പർവൈസറി സമിതി പറഞ്ഞു. ബിനാമി കേസുകൾ കണ്ടെത്തി ശിക്ഷിക്കുന്നതിനുള്ള ദേശീയ സമിതിയാണ് പരിശോധന നടത്തിയത്. ഇത്തരത്തിൽ ജിദ്ദയിലെ വിവിധ ഭാഗങ്ങളിൽ നടത്തിയ പരിശോധനകളിൽ പതിനഞ്ചോളം ബിനാമി കേസുകൾ കണ്ടെത്തി. വിവിധ വാണിജ്യ കേന്ദ്രങ്ങളിലും സ്ഥാപനങ്ങളിലും തുടർച്ചയായി നിരീക്ഷണം നടത്തിയാണ് ടീമുകൾ ബിനാമി കേസുകളിലേക്കെത്തിയത്.നിയമലംഘനം ശ്രദ്ധയിൽപ്പെട്ട സ്ഥാപനത്തിലെ തൊഴിലാളികളെയും ഉടമകളെയും കസ്റ്റഡിയിലെടുത്ത് […]