ജിദ്ദ – ഉത്തര ജിദ്ദയില്‍ നിയമാനുസൃത പ്രമാണങ്ങളില്ലാതെ സര്‍ക്കാര്‍ ഭൂമി കൈയേറി നിര്‍മിച്ച കെട്ടിടങ്ങളും നിര്‍മിതികളും ജിദ്ദ നഗരസഭക്കു കീഴിലെ തുവല്‍ ബലദിയ പൊളിച്ചുനീക്കി. സര്‍ക്കാര്‍ ഭൂമി കൈയേറി സ്ഥാപിച്ച കൃഷിയിടങ്ങളും ഒഴിപ്പിച്ചു. ആകെ 1,51,600 ചതുരശ്രമീറ്റര്‍ വിസ്തൃതിയുള്ള സ്ഥലത്തെ കൈയേറ്റങ്ങളാണ് ഒഴിപ്പിച്ചത്. അനധികൃത കൈയേറ്റങ്ങളെ കുറിച്ച് മുനിസിപ്പല്‍, പാര്‍പ്പിടകാര്യ മന്ത്രാലയം പുറത്തിറക്കിയ ബലദീ ആപ്പ് വഴിയോ ഏകീകൃത കംപ്ലയിന്റ്‌സ് സെന്ററില്‍ 940 ല്‍ ബന്ധപ്പെട്ടോ അറിയിക്കണമെന്ന് സ്വദേശികളോടും വിദേശികളോടും ജിദ്ദ നഗരസഭ ആവശ്യപ്പെട്ടു.

റിയാദ്- സൗദി ആഭ്യന്തരമന്ത്രാലയത്തിന്റെ സേവനങ്ങള്‍ക്കുള്ള പ്ലാറ്റ്‌ഫോമായ അബ്ശിര്‍ നവീകരണം കാരണം വെള്ളിയാഴ്ച പ്രവര്‍ത്തിക്കില്ല. വെള്ളിയാഴ്ച അര്‍ധരാത്രി 12 മുതല്‍ ഉച്ചക്ക് 12 വരെയാണ് അപ്‌ഡേറ്റുകള്‍ നടത്താന്‍ നിശ്ചയിച്ചിരിക്കുന്നത്. റീ എന്‍ട്രി, ഇഖാമ പുതുക്കല്‍ തുടങ്ങിയ എല്ലാ സേവനങ്ങളും ഈ സമയത്ത് തടസ്സപ്പെടും. അതിനാല്‍ അത്തരം സേവനങ്ങള്‍ നേരത്തെ ചെയ്തുതീര്‍ക്കണമെന്ന് അബ്ശിര്‍ പ്ലാറ്റ്‌ഫോം ഉപയോക്താക്കളോട് ആവശ്യപ്പെട്ടു.

ജിദ്ദ – സൗദിയില്‍ സര്‍ക്കാര്‍ സ്‌കൂളുകളില്‍ അടുത്ത വേനലവധിക്ക് ജൂണ്‍ 26 മുതല്‍ തുടക്കമാകുമെന്ന് വിദ്യാഭ്യാസ മന്ത്രാലയം പുറത്തിറക്കിയ അക്കാദമിക് കലണ്ടര്‍ വ്യക്തമാക്കുന്നു. വേനലവധിക്കു ശേഷം ഓഗസ്റ്റ് 12 ന് സൂപ്പര്‍വൈസര്‍മാര്‍ക്കും ഓഫീസ് ജീവനക്കാര്‍ക്കും ഡ്യൂട്ടി പുനരാരംഭിക്കും. ഓഗസ്റ്റ് 17 ന് അധ്യാപകര്‍ക്കും ഡ്യൂട്ടി പുനരാരംഭിക്കും. പുതിയ അധ്യയന വര്‍ഷത്തിന് ഓഗസ്റ്റ് 24 ന് തുടക്കമാകും.ഈ മാസം 11 ന് ആരംഭിച്ച ശരത്കാല അവധി പൂര്‍ത്തിയായി ഈ മാസം 17 ന് ആണ് സെക്കന്റ് സെമസ്റ്ററിന് തുടക്കമായത്. […]

● 30 ദിവസത്തെ ഉപയോഗത്തിനുള്ള ടിക്കറ്റിന് 140 റിയാല്‍● ടിക്കറ്റുകള്‍ ദര്‍ബ് ആപ്പും സ്റ്റേഷനുകളിലെ സ്മാര്‍ട്ട് വെന്‍ഡിംഗ് മെഷീനുകളും വഴി ലഭിക്കും റിയാദ് – തലസ്ഥാന നഗരിയുടെ മുഖച്ഛായ മാറ്റുന്ന റിയാദ് മെട്രോയില്‍ ടിക്കറ്റ് നിരക്ക് നാലു റിയാല്‍ മുതലാണെന്ന് ബന്ധപ്പെട്ടവര്‍ വെളിപ്പെടുത്തി. രണ്ടു മണിക്കൂര്‍ ഉപയോഗ കാലാവധിയുള്ള ടിക്കറ്റിന് നാലു റിയാലും മൂന്നു ദിവസം ഉപയോഗ കാലാവധിയുള്ള ടിക്കറ്റിന് 20 റിയാലും ഏഴു ദിവസം ഉപയോഗ കാലാവധിയുള്ള ടിക്കറ്റിന് 40 റിയാലുമാണ് നിരക്ക് നിശ്ചയിച്ചിരിക്കുന്നത്. ഒരു […]

റിയാദ്- സൗദി അറേബ്യ ആവേശത്തോടെ കാത്തിരുന്ന റിയാദ് മെട്രോ തിരുഗേഹങ്ങളുടെ സേവകൻ സൽമാൻ രാജാവ് ഉദ്ഘാടനം ചെയ്തു. ഏതാനും നിമിഷം മുമ്പാണ് മെട്രോ രാജാവ് ഉദ്ഘാടനം ചെയ്തത്. മെട്രോ ഇന്ന് ഉദ്ഘാടനം ചെയ്യുമെന്ന് കഴിഞ്ഞ ദിവസം ദ മലയാളം ന്യൂസ് റിപ്പോർട്ട് ചെയ്തിരുന്നു. റിയാദ് മെട്രോയുടെ പ്രവർത്തനങ്ങൾ വീഡിയോ വഴി കണ്ട ശേഷമാണ് സൽമാൻ രാജാവ് ഉദ്ഘാടനം നിർവഹിച്ചത്. സൽമാൻ രാജാവിന്റെ കീഴിലെ ഏറ്റവും വലിയ വികസന കുതിപ്പാണ് ഇതെന്ന് കിരീടാവകാശി മുഹമ്മദ് ബിൻ സൽമാൻ രാജകുമാരൻ […]

റിയാദ് – സൗദി അറേബ്യയുടെ സ്വപ്‌ന പദ്ധതിയായ നിയോമിലേക്ക് വിദേശ നിക്ഷേപകര്‍ ഒഴുകുന്നതായി റിയാദില്‍ നടക്കുന്ന വേള്‍ഡ് ഇന്‍വെസ്റ്റ്മെന്റ് കോണ്‍ഫറന്‍സില്‍ നിക്ഷേപ മന്ത്രി എന്‍ജിനീയര്‍ ഖാലിദ് അല്‍ഫാലിഹ് പറഞ്ഞു. ദീര്‍ഘകാല സമയക്രമത്തോടെയുള്ള, തലമുറകള്‍ക്കുള്ള നിക്ഷേപ പദ്ധതിയാണ് നിയോം. പദ്ധതിയില്‍ ക്രമാനുഗതമായി വിദേശ നിക്ഷേപം വര്‍ധിക്കും. രണ്ടു വര്‍ഷത്തേക്കുള്ള ഒരു നിക്ഷേപ അവസരമായി മാറുകയല്ല നിയോമിന്റെ ലക്ഷ്യം. രണ്ടോ മൂന്നോ അഞ്ചോ വര്‍ഷത്തേക്കുള്ള ഒരു വിദേശ നിക്ഷേപ പദ്ധതിയായി നിയോം മാറുമെന്ന് ആരെങ്കിലും പ്രതീക്ഷിക്കുന്നുവെങ്കില്‍ അത് അബദ്ധമാണ്. തലമുറകള്‍ക്കുള്ള […]

ജിദ്ദ – മൂന്നാമതൊരു ദേശീയ വിമാന കമ്പനി കൂടി ആരംഭിക്കാന്‍ സൗദി അറേബ്യക്ക് പദ്ധതി. അടുത്ത വര്‍ഷത്തേക്കുള്ള ബജറ്റുമായി ബന്ധപ്പെട്ട് ധനമന്ത്രാലയം പുറത്തിറക്കിയ പ്രസ്താവനയിലാണ് ഇക്കാര്യമുള്ളത്. കിഴക്കന്‍ പ്രവിശ്യയിലെ ദമാം ആസ്ഥാനമായാണ് പുതിയ ദേശീയ വിമാന കമ്പനി പ്രവര്‍ത്തിക്കുക. രണ്ടാമത്തെ ദേശീയ വിമാന കമ്പനിയായ റിയാദ് എയര്‍ അടുത്ത വര്‍ഷം സര്‍വീസുകള്‍ ആരംഭിക്കും. റിയാദ് ആസ്ഥാനമായാണ് പുതിയ കമ്പനി സര്‍വീസ് നടത്തുക. സര്‍വീസ് തുടങ്ങുന്നതിനു മുന്നോടിയായി നിരവധി വിമാനങ്ങള്‍ക്ക് റിയാദ് എയര്‍ കഴിഞ്ഞ മാസങ്ങളില്‍ ഓര്‍ഡറുകള്‍ നല്‍കിയിരുന്നു. […]

റിയാദ്- അടുത്ത വ്യാഴാഴ്ച മഴക്കുവേണ്ടി സൗദി അറേബ്യയിലുടനീളം പ്രത്യേക നമസ്കാരം നടത്താൻ തിരുഗേഹങ്ങളുടെ സേവകൻ സൽമാൻ രാജാവ് നിർദ്ദേശിച്ചു. റോയൽ കോർട്ടാണ് രാജാവിന്റെ പ്രസ്താവന പുറത്തുവിട്ടത്. പ്രവാചകൻ മുഹമ്മദ് നബിയുടെ സുന്നത്തനുസരിച്ച്, മഴക്കുവേണ്ടിയുള്ള നമസ്‌കാരം നിർവഹിക്കാൻ തിരുഗേഹങ്ങളുടെ സേവകൻ നിർദ്ദേശിച്ചു. അടുത്ത വ്യാഴാഴ്ചയാണ് പ്രാർത്ഥന നിർവഹിക്കേണ്ടതെന്നും പ്രസ്താവനയിലുണ്ട്.

ജിദ്ദ – സ്വന്തം സുരക്ഷയും ചുറ്റുമുള്ള മറ്റുള്ളവരുടെ സുരക്ഷയും കണക്കിലെടുത്ത് ബൈക്കുകള്‍ ഓടിക്കുന്നവര്‍ അഞ്ചു നിര്‍ദേശങ്ങള്‍ പാലിക്കണമെന്ന് ട്രാഫിക് ഡയറക്ടറേറ്റ് ആവശ്യപ്പട്ടു. സുരക്ഷാ മാനദണ്ഡങ്ങള്‍ക്കും വ്യവസ്ഥകള്‍ക്കും അനുസൃതമായ ഹെല്‍മെറ്റ് ധരിക്കാന്‍ പ്രത്യേകം ശ്രദ്ധിക്കണം. നമ്പര്‍ പ്ലേറ്റ് യഥാസ്ഥാനത്ത് സ്ഥാപിച്ചിട്ടുണ്ടെന്ന് ഉറപ്പുവരുത്തുകയും വേണം. പ്രത്യേകം നിശ്ചയിച്ച ട്രാക്ക് ബൈക്ക് യാത്രികര്‍ പാലിക്കണം. മറ്റു ട്രാക്കുകള്‍ക്കിടയില്‍ പ്രവേശിക്കരുത്. പ്രത്യേകം നിര്‍ണയിച്ച വേഗപരിധിയും സുരക്ഷിത അകലവും പാലിക്കണമെന്നും സൗദി ട്രാഫിക് ഡയറക്ടറേറ്റ് ആവശ്യപ്പെട്ടു.

ജിദ്ദ – പൊതുവിദ്യാലയങ്ങളിലെ മൊബൈല്‍ ഫോണ്‍ വിലക്ക് ശക്തമായി നടപ്പാക്കണമെന്ന് വിദ്യാഭ്യാസ മന്ത്രാലയം ആവശ്യപ്പെട്ടു. വിലക്ക് നടപ്പാക്കാന്‍ മൂന്നു മാര്‍ഗങ്ങള്‍ സ്വീകരിക്കാവുന്നതാണെന്ന് മന്ത്രാലയം പറഞ്ഞു. പഠനത്തില്‍ നിന്ന് വിദ്യാര്‍ഥികളുടെ ശ്രദ്ധതിരിക്കുന്ന എല്ലാ കാര്യങ്ങളില്‍ നിന്നും മുക്തമായ വിദ്യാഭ്യാസ അന്തരീക്ഷം പ്രദാനം ചെയ്യുന്നത് ഉറപ്പുവരുത്താനാണ് ഈ നടപടികളിലൂടെ ലക്ഷ്യമിടുന്നതെന്ന് സ്‌കൂളുകളിലെ മൊബൈല്‍ ഫോണ്‍ ഉപയോഗവുമായി ബന്ധപ്പെട്ട് പുറത്തിറക്കിയ പുതിയ ഗൈഡില്‍ മന്ത്രാലയം വ്യക്തമാക്കി. സ്‌കൂള്‍ സമയം മുഴുവന്‍, ക്ലാസ് മുറിക്കകത്തായാലും പുറത്തായാലും മൊബൈല്‍ ഫോണ്‍ ഉപയോഗിക്കുന്നത് നിരോധിക്കുന്ന നയം […]

റിയാദ് – 2016 ല്‍ വിഷന്‍ 2030 പ്രഖ്യാപിച്ച ശേഷം സൗദി അറേബ്യയുടെ മൊത്തം ആഭ്യന്തരോല്‍പാദനം 70 ശതമാനം വര്‍ധിച്ചതായി നിക്ഷേപ മന്ത്രി എന്‍ജിനീയര്‍ ഖാലിദ് അല്‍ഫാലിഹ്. സാമ്പത്തിക വളര്‍ച്ച ശക്തമാക്കാനും സുസ്ഥിര വികസന ലക്ഷ്യങ്ങള്‍ കൈവരിക്കാനും നിക്ഷേപങ്ങള്‍ അനിവാര്യമാണെന്ന് റിയാദില്‍ എട്ടാമത് വേള്‍ഡ് ഇന്‍വെസ്റ്റ്‌മെന്റ് കോണ്‍ഫറന്‍സ് ഉദ്ഘാടനം ചെയ്ത് മന്ത്രി പറഞ്ഞു. വിദേശ നിക്ഷേപകര്‍ക്ക് പ്രീമിയം ഇഖാമ നല്‍കുന്ന പദ്ധതി സൗദി അറേബ്യ സമീപ കാലത്ത് ആരംഭിച്ചു. ഇതിനകം 1,200 ലേറെ വിദേശ നിക്ഷേപകര്‍ പ്രീമിയം […]