നജ്‌റാന്‍ – മയക്കുമരുന്ന് കടത്ത് കേസ് പ്രതികളായ ഏഴു പേര്‍ക്ക് നജ്‌റാനില്‍ ഇന്ന് വധശിക്ഷ നടപ്പാക്കിയതായി ആഭ്യന്തര മന്ത്രാലയം അറിയിച്ചു. നാലു സോമാലിയക്കാര്‍ക്കും മൂന്നു എത്യോപ്യക്കാര്‍ക്കുമാണ് ശിക്ഷ നടപ്പാക്കിയത്. വന്‍ ഹഷീഷ് ശേഖരം കടത്തുന്നതിനിടെ അറസ്റ്റിലായ, സോമാലിയക്കാരായ മഹ്മൂദ് അഹ്മദ് യൂസുഫ് മഹ്മൂദ്, അബ്ദുല്‍ഖാദിര്‍ മുഹമ്മദ് ഹുസൈന്‍ ബാബറ, വലീദ് അബ്ദി ജദീദ അബ്ദുസ്സമദ്, അബ്ദി അസദ് അഹ്മദ് സ്വല്‍ബ് എന്നിവരെയും സമാന കേസില്‍ അറസ്റ്റിലായ എത്യോപ്യക്കാരായ ശരീഫ് ഇബ്രാഹിം ഓസൊ, അലി ഉമര്‍ അബ്ദു അഹ്മദ്, […]

മക്ക – ഒന്നര മാസത്തിനിടെ വിദേശങ്ങളില്‍ നിന്ന് 12 ലക്ഷത്തിലേറെ ഉംറ തീര്‍ഥാടകര്‍ പുണ്യഭൂമിയിലെത്തിയതായി ഹജ്, ഉംറ മന്ത്രാലയം അറിയിച്ചു. ദുല്‍ഹജ് 15 മുതല്‍ മുഹറം 30 വരെയുള്ള കാലത്താണ് 109 രാജ്യങ്ങളില്‍ നിന്ന് ഇത്രയും തീര്‍ഥാടകര്‍ സൗദിയിലെത്തിയത്. കഴിഞ്ഞ വര്‍ഷം ഇതേ കാലയളവിനെ അപേക്ഷിച്ച് ഈ വര്‍ഷം സൗദിയില്‍ പ്രവേശിച്ച വിദേശ ഉംറ തീര്‍ഥാടകരുടെ എണ്ണത്തില്‍ 30 ശതമാനം വര്‍ധന രേഖപ്പെടുത്തി. അനുവദിച്ച ഉംറ വിസകളുടെ എണ്ണത്തില്‍ 27 ശതമാനം വര്‍ധനയും രേഖപ്പെടുത്തി. സൗദിയിലെ ഉംറ […]

ജിദ്ദ – സൗദിയില്‍ പബ്ലിക് ബസുകളില്‍ വിദ്യാര്‍ഥികള്‍ക്കും മുതിര്‍ന്ന പൗരന്മാര്‍ക്കും ഭിന്നശേഷിക്കാർക്കും 50 ശതമാനം ടിക്കറ്റ് ഇളവ്. ട്രാന്‍സ്‌പോര്‍ട്ട് ജനറല്‍ അതോറിറ്റിയാണ് ഇക്കാര്യം അറിയിച്ചത്. ടാക്‌സി, പബ്ലിക് ബസ് ട്രാന്‍സ്‌പോര്‍ട്ടേഷന്‍ സേവനങ്ങള്‍ക്കുള്ള പുതിയ നിയമം അവസാന മിനുക്ക് പണിയിലാണ്. സൗദികളും വിദേശികളും ഉള്‍പ്പെടെ വിദ്യാര്‍ഥികള്‍, പ്രായമായവര്‍, ക്യാന്‍സര്‍ രോഗികള്‍, രോഗിക്കൊപ്പമുള്ള കൂട്ടാളി, ഭിന്നശേഷിക്കാർ എന്നിവര്‍ക്ക് 50 ശതമാനം ഇളവ് അനുവദിക്കും. യാത്രക്കാര്‍ക്ക് താങ്ങാനാവുന്ന നിരക്കില്‍ ഉയര്‍ന്ന നിലവാരമുള്ള സേവനം നല്‍കുക, സേവന ദാതാക്കള്‍ക്ക് സാമ്പത്തിക സുസ്ഥിരത ഉറപ്പാക്കുക, […]

ജിദ്ദ : ഗാര്‍ഹിക തൊഴിലാളി സേവനങ്ങളെ കുറിച്ച പരസ്യങ്ങളില്‍ വിദേശ തൊഴിലാളികളുടെ ഫോട്ടോകളും വീഡിയോകളും ഉപയോഗിക്കുന്നത് മാനവശേഷി, സാമൂഹിക വികസന മന്ത്രാലയം വിലക്കുന്നു. ഇത്തരം പരസ്യങ്ങളില്‍ പാലിക്കേണ്ട ഒരു കൂട്ടം നിയന്ത്രണങ്ങളും വ്യവസ്ഥകളും മന്ത്രാലയം നിര്‍ദേശിച്ചു. ഗാര്‍ഹിക തൊഴിലാളി സേവനങ്ങളെ കുറിച്ച പരസ്യങ്ങളുമായി ബന്ധപ്പെട്ട് നടപ്പാക്കാനുദ്ദേശിക്കുന്ന പുതിയ വ്യവസ്ഥകളും നിയന്ത്രണങ്ങളും പൊതുസമൂഹത്തിന്റെയും വിദഗ്ധരുടെയും അഭിപ്രായ, നിര്‍ദേശങ്ങള്‍ക്കായി മാനവശേഷി, സാമൂഹിക വികസന മന്ത്രാലയം പബ്ലിക് കണ്‍സള്‍ട്ടേഷന്‍ പ്ലാറ്റ്‌ഫോമില്‍ (ഇസ്തിത്‌ലാഅ്) പരസ്യപ്പെടുത്തി. വിദേശ തൊഴിലാളികളുടെയും ഗാര്‍ഹിക തൊഴിലാളികളുടെയും അന്തസ്സിനെ ഹനിക്കുന്ന […]

ജിദ്ദ : 10 വയസിന് താഴെയുള്ള കുട്ടികളെ വാഹനങ്ങളുടെ മുൻ സീറ്റിൽ ഇരുത്തുന്നത് സുരക്ഷിതമല്ലെന്ന് സൗദി ട്രാഫിക് ഡയറക്ടറേറ്റ് മുന്നറിയിപ്പ് നൽകി. അപകട സാഹചര്യങ്ങളിൽ കുട്ടികളുടെ സുരക്ഷ ഉറപ്പാക്കാനും സാധ്യമായ പരിക്കുകൾ ഒഴിവാക്കാനും പിൻ സീറ്റാണ് ഏറ്റവും അനുയോജ്യമായ സ്ഥലമെന്ന് അധികൃതർ വ്യക്തമാക്കി. കൂട്ടിയിടികളിൽ മുൻ സീറ്റിൽ ഇരിക്കുന്ന കുട്ടികൾക്ക് ഗുരുതര പരിക്കുകൾ ഏൽക്കാനുള്ള സാധ്യത ഉയർന്നാണെന്ന് ട്രാഫിക് ഡയറക്ടറേറ്റ് എക്സ് പ്ലാറ്റ്ഫോമിലെ ഔദ്യോഗിക അക്കൗണ്ടിൽ പ്രസിദ്ധീകരിച്ച ബോധവൽക്കരണ പോസ്റ്റിൽ ചൂണ്ടിക്കാട്ടി. യാത്രയ്ക്കിടെ കുട്ടികൾ ചൈൽഡ് സീറ്റ് […]

ദോഹ– ഏറെ എളുപ്പത്തിൽ വാഹനത്തിന്റെ ഉടമസ്ഥാവകാശം മാറ്റാൻ കഴിയുന്ന സംവിധാനം അവതരിപ്പിച്ച് ഖത്തറിലെ ട്രാഫിക് ജനറൽ ഡയറക്ടറേറ്റ്. ഖത്തർ ആഭ്യന്തര മന്ത്രാലയത്തിന് കീഴിലെ ഏകീകൃത സേവന പ്ലാറ്റ്‌ഫോമായ മെട്രാഷ് മൊബൈൽ ആപിലൂടെയാണ് ഈ സേവനം ലളിതമാക്കിയിരിക്കുന്നത്. അംഗീകൃത രജിസ്‌ട്രേഷനുള്ളതും ഗതാഗത നിയമലംഘന പിഴകൾ ഒന്നും ബാക്കിയില്ലാത്തതുമായ വാഹനങ്ങളുടെ ഉടമസ്ഥാവകാശം മാത്രമേ ആപ്പിലൂടെ മാറ്റാൻ കഴിയുകയുള്ളൂ. വിൽക്കുന്നവനും വാങ്ങുന്നവനും സുതാര്യതയും നിയന്ത്രണവും ഉറപ്പാക്കുന്ന രൂപത്തിലാണ് സംവിധാനം. ആപ്പിന്റെ അവസാനഘട്ടത്തിൽ നിർണായക സ്ഥിരീകരണവും സജ്ജമാക്കിയിട്ടുണ്ട്. ആധുനിക ഇന്റർഫേസ്, ബയോമെട്രിക് ലോഗിൻ, […]

ജിദ്ദ – പെട്ടെന്ന് അനാവശ്യമായി ബ്രേക്ക് ഉപയോഗിക്കുന്നത് നിയമപ്രകാരം ശിക്ഷാര്‍ഹമായ ഗതാഗത ലംഘനമാണെന്ന് സൗദി ട്രാഫിക് ഡയറക്ടറേറ്റ് വ്യക്തമാക്കി. പെട്ടെന്ന് വാഹനം നിര്‍ത്തുന്നത് റോഡ് ഉപയോക്താക്കളുടെ സുരക്ഷയെ അപകടത്തിലാക്കും. ഇത് അപകടങ്ങള്‍ക്ക് കാരണമായേക്കാവുന്ന സുരക്ഷിതമല്ലാത്ത പെരുമാറ്റമാണ്. ഈ നിയമ ലംഘനത്തിന് 300 റിയാല്‍ മുതല്‍ 500 റിയാല്‍ വരെ പിഴ ലഭിക്കുമെന്ന് സൗദി ട്രാഫിക് ഡയറക്ടറേറ്റ് പറഞ്ഞു.

ജിദ്ദ – ഫലസ്തീന്‍ രാഷ്ട്രത്തെ അംഗീകരിക്കാനുള്ള ബ്രിട്ടീഷ് പ്രധാനമന്ത്രി കെയര്‍ സ്റ്റാര്‍മറിന്റെ ഉദ്ദേശ്യത്തെയും ദ്വിരാഷ്ട്ര പരിഹാരത്തിനുള്ള പിന്തുണയെയും സൗദി അറേബ്യ സ്വാഗതം ചെയ്യുന്നതായി വിദേശ മന്ത്രാലയം. കിഴക്കന്‍ ജറൂസലം തലസ്ഥാനമായി 1967 ലെ അതിര്‍ത്തികളില്‍ ഫലസ്തീന്‍ ജനതക്ക് സ്വതന്ത്ര രാഷ്ട്രം സ്ഥാപിക്കാനുള്ള അനിഷേധ്യമായ അവകാശം സ്ഥിരീകരിക്കുന്ന അന്താരാഷ്ട്ര പ്രമേയങ്ങള്‍ നടപ്പാക്കാന്‍ ഗൗരവമായ നടപടികള്‍ സ്വീകരിക്കണമെന്ന് അന്താരാഷ്ട്ര സമൂഹത്തോടും സമാധാനപ്രിയരായ രാജ്യങ്ങളോടും സൗദി അറേബ്യ ആഹ്വാനം ചെയ്തു. ബ്രിട്ടന്റെ പ്രഖ്യാപനത്തെ ഫ്രഞ്ച് വിദേശ മന്ത്രി ജീൻ-നോയൽ ബാരറ്റും സ്വാഗതം […]

ജിദ്ദ: വ്യാജ പാസ്‌പോർട്ടുമായി സൗദി അറേബ്യയിൽ പ്രവേശിക്കാൻ ശ്രമിച്ച പശ്ചിമാഫ്രിക്കൻ രാജ്യമായ കൊമോറോസ് സ്വദേശിയായ യുവാവിനെ ജിദ്ദ കിംഗ് അബ്ദുൽ അസീസ് അന്താരാഷ്ട്ര വിമാനത്താവളത്തിൽ ജവാസാത്ത് അറസ്റ്റ് ചെയ്തു. നിയമലംഘനത്തിന് മുമ്പ് സൗദിയിൽ നിന്ന് നാടുകടത്തപ്പെട്ട് പ്രവേശന വിലക്ക് ഏർപ്പെടുത്തിയ യുവാവ്, വ്യാജ പാസ്‌പോർട്ട് ഉപയോഗിച്ച് അനധികൃതമായി വീണ്ടും രാജ്യത്ത് പ്രവേശിക്കാൻ ശ്രമിക്കുകയായിരുന്നു. സംഭവത്തിൽ യുവാവിനെതിരെ നിയമനടപടികൾ ആരംഭിച്ചതായി ജവാസാത്ത് ഡയറക്ടറേറ്റ് അറിയിച്ചു.