റിയാദ്: വിദേശികള്‍ക്കും അവരുടെ ആശ്രിതകര്‍ക്കും ഏര്‍പ്പെടുത്തിയിരിക്കുന്ന പ്രതിമാസ ലെവിയിലോ മൂല്യവര്‍ധിത നികുതി (വാറ്റ്) യിലോ നിലവില്‍ യാതൊരു മാറ്റമില്ലെന്ന് സൗദി ധനമന്ത്രി മുഹമ്മദ് അല്‍ജദ്ആന്‍ വ്യക്തമാക്കി. പുതിയ ബജറ്റില്‍ എണ്ണവിലയിലെ ചാഞ്ചാട്ടത്തിന്റെ ആഘാതത്തിന് കുറവുണ്ടെന്നും 2022 ലെ മിച്ചം സാമ്പത്തിക വര്‍ഷാവസാനത്തിന് ശേഷം വിതരണം ചെയ്യുമെന്നും അദ്ദേഹം പറഞ്ഞു.സ്വകാര്യ മേഖലയിലെ നികുതി ഭാരം 16.8% ആണ് ഇത് ആഗോളതലത്തില്‍ ശുപാര്‍ശ ചെയ്യുന്നതിനേക്കാള്‍ കുറവാണെന്നും നികുതിഭാരം കുറക്കാന്‍ വിശദമായ പഠനം അനിവാര്യമാണെന്നും അദ്ദേഹം ചൂണ്ടിക്കാട്ടി. ഈ വര്‍ഷത്തെ മിച്ചത്തിന്റെ […]

തുറൈഫ് : സൗദിയില്‍ ഏറ്റവും താഴ്ന്ന താപനില ഉത്തര അതിര്‍ത്തി പ്രവിശ്യയിലെ തുററൈഫിലും സമീപത്തെ അല്‍ ജൗഫ് പ്രവിശ്യയില്‍ പെട്ട ഖുറയ്യാത്തിലും രേഖപ്പെടുത്തി. ബുധനയാഴ്ച ഉയര്‍ന്ന താപനില 31 ഡിഗ്രി സെല്‍ഷ്യസും കുറഞ്ഞ താപനില 9 ഡിഗ്രിയും രേഖപ്പെടുത്തി. അബഹയിലും താപ നില താഴ്ന്നിട്ടുണ്ട്. കഴിഞ്ഞയാഴ്ച ഇടിമിന്നലും മഴയുമുണ്ടായിരുന്നു. ദിനേന തണുപ്പും വര്‍ദ്ധിക്കുന്നു. പലപ്പോഴായി മഴ വര്‍ഷിച്ചതിനാല്‍ നിലം നനവുള്ളതായും കാലാവസ്ഥ വിഭാഗം രേഖപ്പെടുത്തിയിട്ടുണ്ട്. മരുഭൂമിയില്‍ പുല്ലും ചെടികളും മുളച്ചു ചിലയിടങ്ങളില്‍. പച്ചപ്പ് കാണാം. വെള്ളം കെട്ടിനില്‍ക്കുന്ന […]

മക്ക : വിശുദ്ധ ഹറമിലും മസ്ജിദുന്നബവിയിലും പുതിയ ഖത്തീബുമാരെ നിയമിക്കാന്‍ തിരുഗേഹങ്ങളുടെ സേവകന്‍ സല്‍മാന്‍ രാജാവ് അനുമതി നല്‍കിയതായി ഹറംകാര്യ വകുപ്പ് മേധാവി ശൈഖ് ഡോ. അബ്ദുറഹ്മാന്‍ അല്‍സുദൈസ് അറിയിച്ചു. ഹറം ഇമാം ശൈഖ് ഡോ. യാസിര്‍ അല്‍ദോസരി ഹറമിലും പ്രവാചക പള്ളി ഇമാമുമാരായ ശൈഖ് ഡോ. ഖാലിദ് അല്‍മുഹന്നയും ശൈഖ് ഡോ. അഹ്മദ് അല്‍ഹുദൈഫിയും മസ്ജിദുന്നബവിയിലും ഖുത്തുബ നിര്‍വഹിക്കുന്നതില്‍ പങ്കാളിത്തം വഹിക്കും. വാർത്തകൾ വാട്സപ്പിൽ ലഭിക്കുവാൻ ഇവിടെ ക്ലിക്ക് ചെയ്യുക

റിയാദ് : ലോറി ഡ്രൈവര്‍മാര്‍ക്ക് പ്രൊഫഷനല്‍ കാര്‍ഡ് നിര്‍ബന്ധമാക്കാനുള്ള തീരുമാനം നാളെ മുതല്‍ പ്രാബല്യത്തില്‍ വരും. ചരക്കു ലോറികളുടെ പദവി ശരിയാക്കാനും ചരക്ക് ഗതാഗത ലൈസന്‍സ് നേടാനും ചരക്ക് ഗതാഗത മേഖലയില്‍ പ്രവര്‍ത്തിക്കുന്ന സ്ഥാപനങ്ങള്‍ക്കും വ്യക്തികള്‍ക്കും മധ്യവര്‍ത്തികള്‍ക്കും ലോറികള്‍ വാടകക്ക് നല്‍കുന്നവര്‍ക്കും പൊതുഗതാഗത അതോറിറ്റി അനുവദിച്ച സാവകാശം ഇന്ന് അവസാനിച്ചു.കാലാവധിയുള്ള പ്രൈവറ്റ് ട്രാന്‍സ്‌പോര്‍ട്ട് രജിസ്‌ട്രേഷനുള്ള, മൂന്നര ടണ്ണില്‍ കൂടുതല്‍ ആകെ ഭാരമുള്ള ഒമ്പതില്‍ കൂടുതല്‍ ട്രക്കുകളും ലോറികളുമുള്ള സ്ഥാപനങ്ങള്‍ക്കും വ്യക്തികള്‍ക്കും കീഴിലെ ലോറികളുടെ രജിസ്‌ട്രേഷന്‍ പബ്ലിക് ട്രാന്‍സ്‌പോര്‍ട്ട് […]

റിയാദ് : പാസ്‌പോര്‍ട്ടില്ലാതെ തിരിച്ചറിയല്‍ കാര്‍ഡ് മാത്രം ഉപയോഗിച്ച് സൗദി പൗരന്മാര്‍ക്കും ഗള്‍ഫ് പൗരന്മാര്‍ക്കും ഖത്തറിലേക്ക് പോകാവുന്നതാണെന്ന് സൗദി ജവാസാത്ത് ഡയറക്ടറേറ്റ് പറഞ്ഞു. ഖത്തറിലേക്ക് പോകുന്ന ഗള്‍ഫ് പൗരന്മാരും ഗള്‍ഫില്‍ കഴിയുന്ന വിദേശികളും ഹയ്യാ കാര്‍ഡ് നേടണമെന്ന വ്യവസ്ഥ ഖത്തര്‍ എടുത്തുകളഞ്ഞതോടെയാണിത്. ഗള്‍ഫ് പൗരന്മാര്‍ക്ക് തിരിച്ചറിയല്‍ കാര്‍ഡ് മാത്രം ഉപയോഗിച്ച് അംഗ രാജ്യങ്ങളിലേക്ക് സ്വതന്ത്രമായി യാത്ര പോകാന്‍ നേരത്തെ മുതല്‍ അനുമതിയുണ്ട്.എന്നാല്‍ ലോകകപ്പ് സംഘാടനത്തിന്റെ ഭാഗമായി ഏര്‍പ്പെടുത്തിയ ക്രമീകരണങ്ങള്‍ പ്രകാരം ഗള്‍ഫ് പൗരന്മാര്‍ക്ക് തിരിച്ചറിയല്‍ കാര്‍ഡില്‍ ഖത്തറിലേക്ക് […]

റിയാദ്: സഊദി അറേബ്യയുടെ എണ്ണ ഇതര സമ്പദ്‌വ്യവസ്ഥയിലെ ബിസിനസ്സ് പ്രവർത്തനം ഏഴ് വർഷത്തിലേറെയായി ഏറ്റവും ഉയർന്ന വേഗത്തിൽ. ക്രൂഡോയിലിനെ ആശ്രയിക്കുന്നത് കുറയ്ക്കുന്നതിനുള്ള വ്യാപകമായ ശ്രമം ആരംഭിച്ചതിനുശേഷം ഏറ്റവും ഉയർന്ന നിലയിലാണിപ്പോൾ. എസ് ആന്റ് പി ഗ്ലോബൽ പുറത്ത് വിട്ട പർച്ചേസിംഗ് മാനേജർമാരുടെ സർവേയിലാണ് ഇക്കാര്യം വ്യക്തമാക്കുന്നത്. സർവേ പ്രകാരം, നവംബറിൽ പുതിയ ഓർഡർ വളർച്ച 14 മാസത്തെ ഏറ്റവും ഉയർന്ന നിലയിലേക്ക് ഉയർന്നു. കൂടാതെ, 2021 ജനുവരി മുതൽ വരാനിരിക്കുന്ന വർഷത്തിൽ കമ്പനികൾക്ക് ഏറ്റവും ശുഭാപ്തിവിശ്വാസവും പ്രകടിപ്പിച്ചിരുന്നു. […]

റിയാദ് : പ്രവാസി ലീഗല്‍ എയ്ഡ് സെല്‍ (പ്ലീസ് ഇന്ത്യ) സംഘടിപ്പിക്കുന്ന ഹുറൂബ് ബോധവല്‍കരണ പരിപാടി വെള്ളിയാഴ്ച (ഡിസംബര്‍ ഒമ്പത്) വൈകിട്ട് നാലര മുതല്‍ ഒമ്പത് മണിവരെ ബത്ഹ ക്ലാസിക് റെസ്റ്റോറന്റ് ഓഡിറ്റോറിയത്തില്‍.ഹുറൂബ് കേസുകള്‍, പോലീസ് കേസുകള്‍, യാത്രാ നിരോധന പ്രശ്‌നങ്ങള്‍, ജയില്‍ കേസുകള്‍, സ്‌പോണ്‍സര്‍മാരുമായും കമ്പനികളുമായുള്ള പ്രശ്‌നങ്ങള്‍ എന്നിവയിലാണ് സൗജന്യ ബോധവല്‍ക്കരണം. പ്രശസ്ത സൗദി അഭിഭാഷകരും നിയമവിദഗ്ധരും ലേബര്‍ ഓഫീസ് ഉദ്യോഗസ്ഥരും സംബന്ധിക്കും. ഹുറൂബ് കേസുകളില്‍ കുടുങ്ങിയവര്‍ക്ക് സര്‍ക്കാര്‍ അനുവദിച്ച ഇളവുകൾ പ്രയോജനപ്പെടുത്തണം. ആവശ്യമായ കാര്യങ്ങള്‍ […]

റിയാദ്: കുട്ടികളെ കയറ്റാനും ഇറക്കാനും നിർത്തിയിടുന്ന സ്‌കൂൾ ബസുകൾ മറികടന്നു കടന്നുപോകുന്നതിനെതിരെ ജനറൽ ഡയറക്ടറേറ്റ് ഓഫ് ട്രാഫിക് (മൂറൂർ) മുന്നറിയിപ്പ് ആവർത്തിച്ചു. ഇത് നിയമം ലംഘനമായി കണക്കാക്കുമെന്നും സ്‌കൂൾ ബസുകൾ ആരെങ്കിലും കടന്നുപോകുന്നതായി കണ്ടെത്തിയാൽ 3,000 റിയാൽ മുതൽ 6,000 റിയാൽ വരെ പിഴ ഈടാക്കുമെന്നും ട്രാഫിക് ഡയറക്ടറേറ്റ് വ്യക്തമാക്കി. വിദ്യാർത്ഥികളെ കൊണ്ടുപോകുമ്പോൾ ട്രാഫിക് നിർദ്ദേശങ്ങൾ പാലിക്കേണ്ടതിന്റെ പ്രാധാന്യം ഡയറക്ടറേറ്റ് അടിവരയിട്ടു. കുട്ടികളുടെ സുരക്ഷ ഉറപ്പാക്കുന്നതിനും അപകടസാധ്യതകൾ കുറയ്ക്കുന്നതിനും വാഹനത്തിൽ നിന്ന് ഇറങ്ങാൻ ശരിയായ മാർഗ്ഗം സ്വീകരിക്കാൻ […]

റിയാദ്: ലോകത്തിലെ ഏറ്റവും വലിയ കൃത്രിമ തടാകം അടക്കമുള്ള അഞ്ച് പുതിയ ഗിന്നസ് വേൾഡ് റെക്കോർഡുകൾ കൂടി റിയാദ് സീസൺ സ്വന്തമാക്കി. ബൊളിവാർഡ് വേൾഡിലെ ലഗൂൺ തടാകം, 12.19 ഹെക്ടർ വിസ്തൃതിയുള്ള ലോകത്തിലെ ഏറ്റവും വലിയ കൃത്രിമ തടാകമായാണ് റെക്കോർഡ് നേടിയത്. കൂടാതെ 33.7 മീറ്റർ ഉയരമുള്ള ലോകത്തിലെ ഒരു സാങ്കൽപ്പിക കഥാപാത്രത്തിന്റെ ഏറ്റവും വലിയ ലോഹത്തിന്റെ മാതൃകയും ഗിന്നസിൽ ഇടം കണ്ടെത്തി. ബൊളിവാർഡ് വേൾഡിന്റെ മറ്റൊരു ആകർഷണമായ ലോകത്തിലെ ഏറ്റവും വലിയ എൽഇഡി ലൈറ്റ് ബോൾ […]

റിയാദ്: പഴയ പാസഞ്ചർ ആപ്പ് കാറുകൾ അടുത്ത വർഷം അവസാനം വരെ പ്രവർത്തിക്കാൻ സഊദി പബ്ലിക് അതോറിറ്റി സമയം നീട്ടി നൽകി. 2.7 മീറ്ററിൽ കൂടുതൽ ആക്‌സിൽ ദൂരമുള്ള ചെറുകാറുകൾക്ക് 2023 അവസാനം വരെ പാസഞ്ചർ ട്രാൻസ്‌പോർട്ട് ആപ്ലിക്കേഷനുകൾക്ക് കീഴിൽ പ്രവർത്തിക്കാൻ ഗ്രേസ് പിരീഡ് നൽകുമെന്ന് സഊദി അറേബ്യയിലെ പൊതുഗതാഗത അതോറിറ്റി അറിയിച്ചു. 2.60 മീറ്ററിനും 2.70 മീറ്ററിനും ഇടയിൽ ആക്‌സിൽ ദൂരമുള്ള ചെറുകാറുകൾക്ക് പാസഞ്ചർ ട്രാൻസ്പോർട്ട് ആപ്ലിക്കേഷനുകൾ പ്രവർത്തിപ്പിക്കാൻ അനുമതി നൽകുമെന്ന് അതോറിറ്റി അറിയിച്ചു. ലൈസൻസുള്ള […]

റിയാദ്: അടുത്ത സാമ്പത്തിക വർഷത്തെ സാമ്പത്തിക വർഷത്തേക്കുള്ള പൊതു ബജറ്റും 2022 ബജറ്റിന്റെ യഥാർത്ഥ കണക്കുകളും സഊദി അറേബ്യ ഇന്ന് ബുധൻ പ്രഖ്യാപിക്കും. ഭരണാധികാരി സൽമാൻ ബിൻ അബ്ദുൽ അസീസ് രാജാവിന്റെ അധ്യക്ഷതയിൽ ചേരുന്ന മന്ത്രിസഭ ബജറ്റിന് അംഗീകാരം നൽകും. 2023 ൽ മൊത്തം ചെലവ് 1114 ബില്യൺ റിയാലിലെത്തുമെന്നും വരുമാനം ഏകദേശം 1123 ബില്യൺ റിയാലായിരിക്കുമെന്നും ജിഡിപിയുടെ 0.2% പ്രതിനിധീകരിക്കുന്ന ഏകദേശം 9 ബില്യൺ റിയാൽ മിച്ചം വരുമെന്നും പ്രതീക്ഷിക്കുന്നുവെന്നാണ് 2023-ലെ ബജറ്റിന്റെ പ്രാഥമിക പ്രസ്താവന […]

റിയാദ് : നികുതി നിയമ ലംഘനങ്ങൾക്ക് ചുമത്തിയ പിഴകൾ റദ്ദാക്കുന്ന പദ്ധതി ആറു മാസത്തേക്കു കൂടി ദീർഘിപ്പിച്ചതായി സക്കാത്ത്, ടാക്‌സ് ആന്റ് കസ്റ്റംസ് അതോറിറ്റി അറിയിച്ചു. ഡിസംബർ 2022 മുതൽ 2023 മെയ് 31 വരെയാണ് പദ്ധതി ദീർഘിപ്പിച്ചിരിക്കുന്നത്. നികുതി അടയ്ക്കാൻ കാലതാമസം വരുത്തൽ, റിട്ടേൺ സമർപ്പിക്കാൻ കാലതാമസം വരുത്തൽ, മൂല്യവർധിത നികുതി റിട്ടേണുകളിൽ തിരുത്തലുകൾ വരുത്തൽ, ഇ-ഇൻവോയ്‌സ് നടപ്പാക്കുന്നതുമായി ബന്ധപ്പെട്ട നിയമ ലംഘനങ്ങൾ, മറ്റു മൂല്യവർധിത നികുതി നിയമ ലംഘനങ്ങൾ എന്നിവക്കുള്ള പിഴകൾ പദ്ധതിയിൽ ഉൾപ്പെടുന്നു.