റിയാദ് – സാമ്പത്തിക വൈവിധ്യവല്‍ക്കരണത്തിനുള്ള വിഷന്‍ 2030 പദ്ധതി പ്രഖ്യാപിച്ച ശേഷം സൗദി സമ്പദ്‌വ്യവസ്ഥ വന്‍ കുതിച്ചുചാട്ടം നടത്തിയതായി നിക്ഷേപ മന്ത്രി എന്‍ജിനീയര്‍ ഖാലിദ് അല്‍ഫാലിഹ് പറഞ്ഞു. 2016 ല്‍ സൗദി സമ്പദ്‌വ്യവസ്ഥ 600 ബില്യണ്‍ ഡോളറായിരുന്നു. കഴിഞ്ഞ വര്‍ഷം ഇത് രണ്ടു ട്രില്യണ്‍ ഡോളറിലേറെയായി ഉയര്‍ന്നു. കൊറോണ മഹാമാരി അടക്കം ആഗോള പ്രതിസന്ധികള്‍ക്കും ദുരന്തങ്ങള്‍ക്കുമിടെ സൗദി സമ്പദ്‌വ്യവസ്ഥ വഴക്കം കാണിച്ചു. ആഘാതങ്ങളും പ്രതിസന്ധികളും തരണം ചെയ്യാനുള്ള ശേഷി സൗദി സമ്പദ്‌വ്യവസ്ഥ തെളിയിച്ചു.മുന്‍കാലത്ത് വിഭവങ്ങള്‍ പരിമിതമായിരുന്നു. എണ്ണയുമായും […]

റിയാദ്- തുര്‍ക്കിയിലെ ഹത്തായില്‍ തിങ്കളാഴ്ച രാത്രി 6.4, 5.8 ഡിഗ്രി രേഖപ്പെടുത്തിയ ഭൂകമ്പം സൗദി അറേബ്യയെ ബാധിക്കില്ലെന്നും ആശങ്കപ്പെടേണ്ടതില്ലെന്നും സൗദി ജിയോളജിക്കല്‍ സര്‍വെ വക്താവ് താരിഖ് അബാ അല്‍ഖൈല്‍ അറിയിച്ചു.സൗദിയുടെ ഉത്തര അതിര്‍ത്തിയും ഭൂകമ്പ പ്രഭവ കേന്ദ്രവും തമ്മില്‍ ഏറെ ദൂരമുണ്ട്. ഈ പ്രദേശത്ത് ഇനിയും ഭൂചലനത്തിനു സാധ്യതകളുണ്ട്. വിദൂരമായ പ്രഭവ കേന്ദ്രമായതിനാല്‍ സൗദി അറേബ്യയെ ബാധിക്കില്ല- അദ്ദേഹം പറഞ്ഞു.

റിയാദ്: സംഭാവന സ്വീകരിക്കുന്നതിനും ശേഖരിക്കുന്നതിനും വിദേശത്തേക്ക് അയക്കുന്നതിനുമുള്ള ഉത്തരവാദിത്തമുള്ള ഏക സ്ഥാപനം കിംഗ് സൽമാൻ ഹ്യുമാനിറ്റേറിയൻ എയ്ഡ് ആൻഡ് റിലീഫ് സെന്റർ (KSrelief) മാത്രമാണ് ആഭ്യന്തര മന്ത്രാലയം സ്ഥിരീകരിച്ചു. സംഭാവനകൾക്കായി സൗദി അറേബ്യയിലെ അംഗീകൃത ഔദ്യോഗിക പ്ലാറ്റ്‌ഫോം ഉപയോഗിക്കുന്നത് അത് അർഹിക്കുന്നവരിലേക്ക് എത്തുമെന്ന് ഉറപ്പുനൽകുന്നുവെന്ന് മന്ത്രാലയം പറഞ്ഞു. “സഹേം” പ്ലാറ്റ്‌ഫോമാണ് അങ്ങനെ ചെയ്യാൻ അധികാരപ്പെടുത്തിയിരിക്കുന്നതെന്ന് ചൂണ്ടിക്കാട്ടി. ഈ മാനദണ്ഡം ലംഘിക്കുകയും രാജ്യത്തിലെ ഔദ്യോഗിക പ്ലാറ്റ്‌ഫോമുകളുമായി ഇടപെടാതിരിക്കുകയും ചെയ്യുന്ന ഏതൊരു ദാതാവും നിയമപരമായ ഉത്തരവാദിത്തത്തിന് വിധേയമാകുമെന്ന് മന്ത്രാലയം മുന്നറിയിപ്പ് […]

റിയാദ്- സൗദിയിൽ വിവിധ പരിശോധനാ സംഘങ്ങളും സേനകളും സംയുക്തമായി നടത്തിയ റെയ്ഡിൽ നിരവധി പേർ പിടിയിൽ. ഒരാഴ്ചയ്ക്കിടെ വിവിധ പ്രവിശ്യകളിൽ സുരക്ഷാ വകുപ്പുകൾ നടത്തിയ റെയ്ഡുകളിൽ 16,860 നിയമ ലംഘകർ പിടിയിലായതായി സൗദി ആഭ്യന്തര മന്ത്രാലയമാണ് അറിയിച്ചത്. ഈ മാസം രണ്ടു മുതൽ പതിനഞ്ചു വരെയുള്ള ദിവസങ്ങളിൽ നടത്തിയ റെയ്ഡുകളിൽ 9,713 ഇഖാമ നിയമ ലംഘകരും 4,029 നുഴഞ്ഞു കയറ്റക്കാരും 3,118 തൊഴിൽ നിയമ ലംഘകരും അറസ്റ്റിലായി. താമസ, തൊഴിൽ നിയമ ലംഘകരെ കണ്ടെത്തുന്നതിനായാണ് വിവിധ വകുപ്പുകൾ […]

മക്ക- ഇരു ഹറമുകളേയും ബന്ധിപ്പിക്കുന്ന ഹറമൈന്‍ ട്രെയിനില്‍ മക്ക സ്റ്റേഷനിലെത്തുന്നവര്‍ക്ക് വിശുദ്ധ ഹറമിലേക്ക് സൗജന്യ ബസ് സര്‍വീസ് ലഭ്യമാണ്. മദീനക്കും മക്കക്കുമിടയിലുള്ള യാത്രക്ക് വേണ്ടത് ഏതാണ് രണ്ട് മണിക്കൂര്‍ 20 മിനിറ്റാണ്. മക്ക സ്റ്റേഷനില്‍നിന്ന് മസ്ജിദുല്‍ ഹറാമിലേക്കും തിരിച്ചും 7എ ബസിലാണ് സൗജന്യ യാത്ര.

റിയാദ് – ഉപഭോക്താക്കൾക്ക് മികച്ച സേവനം നൽകുന്നതിലും വിൽപനാനന്തര സർവീസ് ലഭ്യമാക്കുന്നതിലും മറ്റു രാജ്യങ്ങളേക്കാൾ മുന്നിലാണ് എന്നും സൗദി അറേബ്യ. ഉപഭോക്താവാണ് യഥാർത്ഥ നേതാവ് എന്ന രീതിയിലാണ് സൗദിയിലെ സ്ഥാപനങ്ങൾ അവരുടെ മാർക്കറ്റിംഗ് തന്ത്രങ്ങൾ ആവിഷ്‌കരിക്കുന്നത്. ലോകത്തിലെ കാർ വിപണിയിൽ മുൻപന്തിയിലുള്ള രാജ്യങ്ങളിലൊന്നാണ് സൗദി. കാർ ഉപഭോക്താവിന് ലഭ്യമാക്കേണ്ട സൗകര്യങ്ങളെ സംബന്ധിച്ച് സൗദി അറേബ്യയുടെ വാണിജ്യമന്ത്രാലയം ആവർത്തിച്ചു വ്യക്തമാക്കി. ഒരാൾ കാർ വാങ്ങിയാൽ എന്തൊക്കെ കാരണങ്ങളാൽ അയാൾക്ക് പകരം പുതിയ കാർ ലഭ്യമാക്കണം, അല്ലെങ്കിൽ ഏജന്റിൽനിന്ന് സാമ്പത്തിക […]

റിയാദ്- റിയാദ് കിംഗ് ഖാലിദ് അന്താരാഷ്ട്ര വിമാനത്താവളത്തിൽനിന്ന് ഖുറയ്യാത്തിലേക്കുള്ള സർവീസ് സൗദിയ പുനരാരംഭിക്കുന്നതായി അൽജൗഫ് ഗവർണറേറ്റ് അറിയിച്ചു. രണ്ടു മാസം മുമ്പാണ് ഖുറയ്യാത്ത് സർവീസ് സൗദിയ നിർത്തിവെച്ചത്. ഗതാഗത, ലോജിസ്റ്റിക് സർവീസ് മന്ത്രി എൻജിനീയർ സ്വാലിഹ് അൽജാസിറുമായി ഏകോപനം നടത്തിയതിനെ തുടർന്നാണ് സൗദിയ സർവീസ് പുനരാരംഭിക്കാൻ തീരുമാനിച്ചതെന്ന് അൽജൗഫ് ഗവർണറേറ്റ് പറഞ്ഞു. ഏപ്രിൽ ഒന്നു മുതൽ റിയാദ്, ഖുറയ്യാത്ത് സർവീസ് സൗദിയ പുനരാരംഭിക്കുമെന്നും ഗവർണറേറ്റ് പറഞ്ഞു.