റിയാദ് : സൗദി അറേബ്യയിലെ റുബുഉല്‍ ഖാലി മരുഭൂമിയില്‍ ഒട്ടകപ്പക്ഷിയുടെ മുട്ട കണ്ടെത്തി. മരൂഭൂമിയിലൂടെ സഞ്ചരിക്കുകയായിരുന്ന ഏതാനും പേരാണ് മണലില്‍ അഞ്ച് മുട്ടകള്‍ കണ്ടെത്തിയത്. ഏതാനും മുട്ടകളുടെ അവശിഷ്ടങ്ങളും സമീപത്തുണ്ട്. റുബുല്‍ ഖാലിയില്‍ ഇപ്പോള്‍ ഒട്ടകപ്പക്ഷികളില്ലെന്നാണ് പരിസ്ഥിതി വിദഗ്ധരും മറ്റും പറയുന്നത്. എന്നിട്ടും എങ്ങനെ ഇവിടെ മുട്ടകള്‍ കണ്ടെത്തിയെന്നത് വിചിത്രമാണെന്നതാണ് ഇവരുടെ പക്ഷം. തരിശായി കിടക്കുന്ന ഈ മരുഭൂമിയില്‍ ഇപ്പോള്‍ ഒട്ടകപ്പക്ഷികളില്ലെന്നും മുട്ടകളുടെ കാലപ്പഴക്കം പരിശോധിക്കണമെന്നും ഇതോടെ ആവശ്യമുയര്‍ന്നിരിക്കുകയാണ്.അറേബ്യന്‍ ഉപദ്വീപില്‍ വംശനാശം സംഭവിച്ച ജീവികളുടെ ഫോസിലുകള്‍, അസ്ഥികള്‍, […]

റിയാദ് : സാമ്പത്തിക തകര്‍ച്ചയെ തുടര്‍ന്ന് അടച്ചു പൂട്ടിയ സൗദി ഓജര്‍ കമ്പനിയിലെ മലയാളികള്‍ ഉള്‍പ്പെടെ ആയിരക്കണക്കിന് തൊഴിലാളികള്‍ക്ക് ശമ്പള കുടിശ്ശികയും ആനുകൂല്യങ്ങളും വിതരണം ചെയ്തുതുടങ്ങി. ആറു വര്‍ഷം നീണ്ട നിയമപോരാട്ടത്തിനൊടുവിലാണ് മലയാളികളടക്കം പിരിച്ചുവിടപ്പെട്ട തൊഴിലാളികള്‍ക്കുള്ള ആശ്വാസ നടപടി. ഒരിക്കലും കിട്ടില്ലെന്ന് കരുതിയ തുക കിട്ടിയ സന്തോഷത്തിലാണ് മലയാളികള്‍.അഞ്ച് ലക്ഷം റിയാല്‍ വരെ കുടിശ്ശികയുള്ള തൊഴിലാളികള്‍ക്കാണ് ആദ്യ ഘട്ടത്തില്‍ തുക നല്‍കിവരുന്നത്.38 വര്‍ഷത്തെ പ്രവര്‍ത്തന പാരമ്പര്യമുള്ള സൗദിയിലെ ഏറ്റവും വലിയ രണ്ടാമത്തെ കമ്പനിയായ ഓജര്‍ 2016ലാണ് അടച്ചുപൂട്ടിയത്. […]

ജിദ്ദ : പത്തുവയസിൽ താഴെയുള്ള കുട്ടികളെ തനിച്ച് വാഹനത്തിൽ കയറ്റിയാൽ 500 റിയാൽ പിഴ ചുമത്തുമെന്ന് ട്രാഫിക് വകുപ്പ് വ്യക്തമാക്കി. മുതിർന്നവരുടെ അകമ്പടിയില്ലാതെ ചെറിയ കുട്ടികളെ വാഹനത്തിൽ കയറ്റാൻ പാടില്ല. ഇങ്ങിനെ ചെയ്യുന്നത് നിയമലംഘനമായി കണക്കാക്കും. 300 മുതൽ 500 റിയാൽ വരെയാണ് ഈ നിയമലംഘനത്തിന് നൽകുന്ന പിഴ. നിങ്ങളുടെ കുട്ടികൾ നിങ്ങളുടെ ഉത്തരവാദിത്തമാണ്, അവരെ തനിച്ച് വിടരുതെന്നും ട്രാഫിക് വിഭാഗം വ്യക്തമാക്കി.

റിയാദ് : യാത്ര ചെയ്യുന്നവരുടെയും പൊതുജനങ്ങളുടെയും സുരക്ഷ മുന്‍നിര്‍ത്തി മോട്ടോര്‍ സൈക്കിള്‍ യാത്രക്കാര്‍ക്ക് പുതിയ നിര്‍ദേശങ്ങളുമായി സൗദി ട്രാഫിക് വിഭാഗം. സുരക്ഷ മാനദണ്ഡങ്ങള്‍ ഉറപ്പു നല്‍കുന്ന തരത്തിലുള്ള ഹെല്‍മെറ്റുകള്‍ ധരിച്ചു മാത്രമേ വാഹനമോടിക്കാവൂ എന്നതാണ് നിര്‍ദേശങ്ങളില്‍ പ്രധാനം. നിര്‍ദിഷ്ട സ്ഥലത്തു വ്യക്തമായി വായിക്കാവുന്ന തരത്തില്‍ നമ്പര്‍ പ്ലേറ്റുകള്‍ സ്ഥാപിച്ചിരിക്കുക, നിര്‍ണിത ട്രാക്കുകളിലൂടെ മാത്രം വാഹനമോടിക്കുകയും ട്രാക്കുകള്‍ക്കിടയില്‍ മാറിക്കയറാതിരിക്കുക, ചുറ്റുമുള്ള വാഹനങ്ങളില്‍ നിന്ന് അകലം പാലിക്കുകയും റോഡുകളിലെ നിശ്ചിത വേഗ പരിധി മറകടക്കാതിരിക്കുകയും ചെയ്യുക തുടങ്ങിയ നിര്‍ദേശങ്ങളാണ് നല്‍കിയത്.

റിയാദ് : സൗദിയില്‍ ലോറികളുടെ ഭാരവും വലുപ്പവും പരിധി ലംഘിക്കുന്നില്ലെന്ന് ഉറപ്പു വരുത്താന്‍ കര്‍ശന നടപടികളുമായ ജനറല്‍ ട്രാന്‍സ്‌പോര്‍ട്ട് അതോറിറ്റി. ട്രാഫിക് നിയമങ്ങളുടെ ഖണ്ഡിക 23 പ്രകാരം ലോറികളുടെ പരമാവധി നീളം 23 മീറ്ററും വീതി 2.6 മീറ്ററും ഉയരം 2.6 മീറ്ററിലും കൂടുതലാകാന്‍ പാടില്ല. നീളത്തിലോ ഉയരത്തിലോ വീതിയുടെ കാര്യത്തിലോ പരിധി ലംഘിക്കുന്ന വാഹനങ്ങള്‍ക്കെതിരെ ആയിരം റിയാല്‍ പിഴ ചുമത്തും. റോഡുകള്‍ പൊതുമുതലെന്ന നിലയില്‍ ഗൗരവത്തോടെ സൂക്ഷിക്കപ്പെടേണ്ടതാണ്, വാഹനങ്ങളുടെ അമിത ഭാരവും ഉയരവുമെല്ലാം റോഡുകള്‍ക്കും പാലങ്ങള്‍ക്കും […]

ജിദ്ദ – വിമാന യാത്രക്കാരുടെ അവകാശങ്ങൾ സംരക്ഷിക്കുകയും കൂടുതൽ ഉയർന്ന നഷ്ടപരിഹാരം ഉറപ്പുവരുത്തുകയും ചെയ്യുന്ന പുതിയ നിയമാവലി ഇന്നു മുതൽ പ്രാബല്യത്തിൽവന്നു. സർവീസിന് കാലതാമസം നേരിടൽ, സർവീസ് നേരത്തെയാക്കൽ, റദ്ദാക്കൽ, ഓവർ ബുക്കിംഗ് കാരണം സീറ്റ് നിഷേധിക്കൽ, സീറ്റ് ക്ലാസ് താഴ്ത്തൽ എന്നീ സാഹചര്യങ്ങളിൽ യാത്രക്കാർക്ക് പരിചരണവും പിന്തുണയും നഷ്ടപരിഹാരവും ഉറപ്പുവരുത്തുന്ന 30 വകുപ്പുകളാണ് നിയമാവലിയിലുള്ളത്. ചില സാഹചര്യങ്ങളിൽ ടിക്കറ്റ് നിരക്കിന്റെ 150 ശതമാനം മുതൽ 200 ശതമാനം വരെ യാത്രക്കാർക്ക് നഷ്ടപരിഹാരം ലഭിക്കും. ബുക്കിംഗ് നടത്തുമ്പോൾ […]

റിയാദ്: സഊദിയിൽ 95 ഉൽപ്പന്നങ്ങൾക്കും സേവനങ്ങൾക്കും വില വർധിച്ചതായി റിപ്പോർട്ട്. 73 ഉൽപ്പന്നങ്ങൾക്കും സേവനങ്ങൾക്കും വില കുറയുകയും ചെയ്തു. ജനറൽ അതോറിറ്റി ഫോർ സ്റ്റാറ്റിസ്റ്റിക്‌സ് പുറത്ത് വിട്ട റിപ്പോർട്ടിലാണ് ഇക്കാര്യം വിശദീകരിക്കുന്നത്. കഴിഞ്ഞ വർഷം ഒക്ടോബറിനെ അപേക്ഷിച്ചാണ് കണക്കുകൾ പങ്കുവെച്ചത്. ഈജിപ്ഷ്യൻ ഓറഞ്ചിന് 36.47 ശതമാനവും അൽ സാഫി തൈരിന് 33.33 ശതമാനവും പ്രാദേശികമായി ഉത്പാദിപ്പിക്കുന്ന ഇടത്തരം ഉരുളക്കിഴങ്ങിനും പച്ചപ്പയറിനും 21 ശതമാനത്തിലധികവും വില കുറഞ്ഞിട്ടുണ്ട്.നിർമാണ സാമഗ്രികളിൽ 11 എണ്ണത്തിന് വില ഉയർന്നപ്പോൾ, 27 എണ്ണത്തിന് വില […]

റിയാദ് -കിംഗ് സൽമാൻ ഹ്യുമാനിറ്റേറിയൻ എയ്ഡ് ആൻഡ് റിലീഫ് സെന്ററിന് കീഴിൽ സൗദി അറേബ്യയുടെ പതിമൂന്നാമത് ഗാസ റിലീഫ് വിമാനം ഈജിപ്തിലെ അൽഅരീശ് വിമാനത്താവളത്തിലെത്തി. ഗാസയിൽ ദുരിതത്തിലായ ഫലസ്തീനികളെ സഹായിക്കാൻ നിശ്ചയിച്ച 20 ആംബുലൻസുകളിൽ രണ്ടെണ്ണം ഈ വിമാനത്തിലുണ്ട്. ബാക്കി ആംബുലൻസുകൾ അടുത്ത ദിവസങ്ങളിൽ ഗാസയിലെത്തും.പന്ത്രണ്ടാമത് റിലീഫ് വിമാനം ഇന്നലെ അൽഅരീശ് വിമാനത്താവളത്തിലെത്തിയിരുന്നു. 35 ടൺ ഭക്ഷ്യവസ്തുക്കളും മരുന്നുകളുമാണ് ഈ വിമാനത്തിലുണ്ടായിരുന്നത്.

എല്‍പിജി ടാങ്കര്‍ ഡ്രൈവര്‍ ജോലിയില്‍ സൗദിവല്‍ക്കരണം നടപ്പാക്കിറിയാദ് – ദ്രവീകൃത പെട്രോളിയം വാതകം കൊണ്ടുപോകുന്ന വാഹനങ്ങളിലെ ഡ്രൈവര്‍മാര്‍ സൗദി പൗരന്മാര്‍ ആയിരിക്കണമെന്ന് ഇന്‍ഡസ്ട്രിയല്‍ സുരക്ഷ അതോറിറ്റി ആവശ്യപ്പെട്ടു. അടിയന്തര സാഹചര്യങ്ങളിലെ സുരക്ഷാനടപടികളുടെ നിലവാരം ഉയര്‍ത്തുക ലക്ഷ്യമിട്ടാണ് പദ്ധതി. ഏതെങ്കിലും കമ്പനികള്‍ക്ക് ഈ മേഖലയില്‍ സൗദികളെ നിയമിക്കാന്‍ സാധിക്കുന്നില്ലെങ്കില്‍ നാലു വര്‍ഷം വരെ സാവകാശം അനുവദിക്കുമെന്നും ഘട്ടം ഘട്ടമായി സൗദിവത്കരണം നടത്തണമെന്നും അതോറിറ്റി അറിയിച്ചു.സൗദി ഡ്രൈവര്‍മാര്‍ക്കാണ് ഈ മേഖലയില്‍ മുന്‍ഗണന നല്‍കേണ്ടത്. ദ്രവീകൃത വാതകം കൊണ്ടുപോകുന്നതില്‍ മുന്‍ പരിചയമില്ലാത്ത […]

റിയാദ് : ഞായറാഴ്ച പുലര്‍ച്ചെ മുതല്‍ സൗദി അറേബ്യയില്‍ ഈ വര്‍ഷത്തെ നാലാം മഴക്കാലം തുടങ്ങിയെന്ന് പ്രമുഖ കാലാവസ്ഥ നിരീക്ഷകന്‍ അബ്ദുല്‍ അസീസ് അല്‍ഹുസൈനി അറിയിച്ചു. വിവിധയിടങ്ങളില്‍ പല സമയത്തായി മഴക്ക് സാധ്യതയുണ്ട്. ചിലയിടങ്ങളില്‍ ശക്തമായ മഴയുണ്ടാകും. ആലിപ്പഴ വര്‍ഷവും മഴ വെള്ളപ്പാച്ചിലും ഉണ്ടാകാന്‍ സാധ്യതയുണ്ട്.മദീനയുടെ കിഴക്ക് ഭാഗത്ത് നിന്നാണ് മഴയുടെ തുടക്കം. പിന്നീട് ഹായിലിന്റെ ചില ഭാഗങ്ങളിലെത്തും. അവിടെ നിന്ന് അല്‍ഖസീമിന്റെ പടിഞ്ഞാറന്‍ മേഖലയിലേക്കും മക്ക, അസീര്‍, അല്‍ബാഹ, ജിസാന്‍ ഭാഗങ്ങളിലേക്കും വ്യാപിക്കും. ശേഷം റിയാദിന്റെ […]