ജിദ്ദ:റെസ്റ്റോറന്റുകൾ അടക്കം പൊതുജനാരോഗ്യവുമായി ബന്ധപ്പെട്ട സ്ഥാപനങ്ങളിലെ തൊഴിലാളികളുടെ മോശം വ്യക്തിശുചിത്വത്തിന് ഇനി മുതൽ 200 റിയാൽ മുതൽ 1,000 റിയാൽ വരെ പിഴ ലഭിക്കും. മുനിസിപ്പൽ, ഗ്രാമ, പാർപ്പിടകാര്യ മന്ത്രാലയം അംഗീകരിച്ച, നഗരസഭാ നിയമ ലംഘനങ്ങളും ഇവക്കുള്ള പിഴകളുമായം ബന്ധപ്പെട്ട പരിഷ്‌കരിച്ച പട്ടികയിലാണ് തൊഴിലാളികളുടെ മോശം വ്യക്തിശുചിത്വത്തിന് 200 റിയാൽ മുതൽ 1,000 റിയാൽ വരെ പിഴ വ്യവസ്ഥ ചെയ്തിരിക്കുന്നത്. സ്ഥാപനങ്ങൾ പ്രവർത്തിക്കുന്ന പ്രദേശങ്ങളിലെ നഗരസഭകളെയും ബലദിയകളെയും അഞ്ചായി തരംതിരിച്ചാണ് നിയമ ലംഘനങ്ങൾക്കുള്ള പിഴകൾ നിർണയിച്ചിരിക്കുന്നത്. ഇതനുസരിച്ച് […]

റിയാദ്:ഇന്‍ഷുറന്‍സ് ഇല്ലാത്ത വാഹനങ്ങള്‍ ഓടിച്ചാല്‍ കാമറകള്‍ വഴി പിഴ ഈടാക്കുന്ന സംവിധാനം ഒക്ടോബര്‍ ഒന്ന് ഞായറാഴ്ച മുതല്‍ നിലവില്‍ വരുമെന്ന് സൗദി ട്രാഫിക് ഡയറക്ടറേറ്റ് വ്യക്തമാക്കി. വാഹനങ്ങള്‍ക്ക് ഇന്‍ഷുറന്‍സ് പരിരക്ഷയില്ലെങ്കില്‍ റോഡുകളില്‍ സ്ഥാപിച്ചിരിക്കുന്ന കാമറകള്‍ വഴി നിരീക്ഷിക്കുമെന്നും ഉടന്‍ തന്നെ പിഴ ഈടാക്കുമെന്നും സ്വദേശികളും വിദേശികളും അവരുടെ വാഹനങ്ങള്‍ക്ക് അപകട സമയങ്ങളില്‍ അവകാശങ്ങള്‍ ലഭിക്കുന്നതിന് ഇന്‍ഷുറന്‍സ് പോളിസിയെടുക്കണമെന്നും ട്രാഫിക് ഡയറക്ടറേറ്റ് ആവശ്യപ്പെട്ടു.

ജിദ്ദ:സൗദി അറേബ്യയുടെ വനവല്‍ക്കരണവും ഇക്കോ ടൂറിസം ലക്ഷ്യങ്ങളും കൈവരിക്കുന്നതില്‍ നിര്‍ണായക പങ്ക് വഹിക്കുന്ന നിരവധി തന്ത്രപ്രധാന പദ്ധതികള്‍ക്ക് കിരീടാവകാശി മുഹമ്മദ് ബിന്‍ സല്‍മാന്‍ അംഗീകാരം നല്‍കി.രാജ്യത്തിന്റെ വന്യജീവി റിസര്‍വുകള്‍ ലോകത്തിലെ ഏറ്റവും മികച്ച ഇക്കോടൂറിസം ഡെസ്റ്റിനേഷനുകളിലൊന്നായി സ്ഥാനം ഉറപ്പിക്കുമെന്നും തദ്ദേശീയര്‍ക്ക് നിരവധി തൊഴിലവസരങ്ങള്‍ സൃഷ്ടിക്കുമെന്നും പ്രതീക്ഷിക്കുന്നു.ബുധനാഴ്ച നടന്ന റോയല്‍ കൗണ്‍സില്‍ റിസര്‍വ് യോഗത്തില്‍ കിരീടാവകാശി റോയല്‍ റിസര്‍വിന്റെ തന്ത്രപരമായ ലക്ഷ്യങ്ങള്‍ക്ക് അംഗീകാരം നല്‍കി.വനവല്‍ക്കരണം, വന്യജീവി സംരക്ഷണം, തൊഴിലവസരങ്ങള്‍ സൃഷ്ടിക്കല്‍, സന്ദര്‍ശനം വര്‍ധിപ്പിക്കല്‍ എന്നിവയില്‍ ശ്രദ്ധ കേന്ദ്രീകരിക്കുന്ന പരിപാടി […]

ജിസാൻ:കനത്ത മഴയെ തുടർന്ന് ജിസാനിലെ വിദ്യാഭ്യാസ സ്ഥാപനങ്ങൾക്ക് നാളെ (വ്യാഴം) അവധി നൽകി. പഠനം മദ്‌റസത്തി പ്ലാറ്റ്‌ഫോം വഴി ഓൺലൈനിലൂടെ നൽകണമെന്നും അധികൃതർ അറിയിച്ചു. അതേസമയം ഫുർസാനിൽ സ്‌കൂളുകൾ പ്രവർത്തിക്കും. ഇന്ന് കനത്ത മഴയാണ് ജിസാനിൽ പെയ്തത്. യൂണിവേഴ്‌സിറ്റിയെ ക്ലാസ് മുറികൾ കനത്ത മഴയിൽ താഴെ വീഴുകയും ചെയ്തു. മഴ അടുത്ത ഞായറാഴ്ച വരെ തുടരുമെന്നാണ് കാലാവസ്ഥ നിരീക്ഷണ വകുപ്പിന്റെ മുന്നറിയിപ്പ്. അതേസമയം ശക്തമായ മഴയിൽ ക്ലാസ് മുറിയുടെ മേൽക്കൂര പൊട്ടി വീണു ശക്തമായ കാറ്റിലും മഴയിലും […]

ജിദ്ദ:സൗദിയിൽ വേട്ടയാടുന്നതിനുള്ള ലൈസൻസ് സെപ്റ്റംബർ 1 മുതൽ നൽകി തുടങ്ങുമെന്ന് സൗദി വന്യജീവി പരിസ്ഥിതി മന്ത്രാലയം അറിയിച്ചു.ജനുവരി 31 വരെ നീണ്ടു നിൽക്കുന്ന ഈ വർഷത്തെ വേട്ട സീസണിലേക്കുളള ലൈസൻസുകൾ ആവശ്യമായവർ മന്ത്രാലയത്തിന്റെ ഫിതരി പോർട്ടൽ വഴിയാണ് അപേക്ഷകൾ സമർപ്പിക്കേണ്ടത്. ബന്ധപ്പെട്ട വകുപ്പുകളിൽ നിന്ന് വേട്ടക്ക് ഉപയോഗിക്കാൻ ലൈസൻസുള്ള തോക്കുകൾ കൈവശമുള്ളവർക്കാണ് മന്ത്രാലയ പോർട്ടൽലിലും സൈറ്റിലും വ്യക്തമാക്കിയിട്ടുള്ള ജീവികളെ മാത്രം വേട്ട പിടിക്കുന്നതിന് അനുമതി നൽകുക. ഫാൽക്കൺ പക്ഷികളെ ഉപയോഗിച്ച് വേട്ട പിടിക്കാൻ ആഗ്രഹിക്കുന്ന സൗദി ഫാൽക്കൺ […]

റിയാദ്:ദുബ കസ്റ്റംസിൽ കാറുകളും സാധനങ്ങളും സെപ്റ്റംബർ ആറിന് ലേലം വിളിക്കുമെന്ന് സകാത്ത്, ടാക്‌സ് ആൻഡ് കസ്റ്റംസ് അതോറിറ്റി അറിയിച്ചു. സ്‌ക്രാപ്പ് കാർ ലൈസൻസ് ഉള്ളവർക്ക് മാത്രമേ ലേലത്തിൽ പങ്കെടുക്കാനാകൂവെന്നും അധികൃതർ അറിയിച്ചു. വാങ്ങുന്നയാൾ ചരക്കുകളും കാറുകളും മൂന്നു ദിവസത്തിനുള്ളിൽ ഇവിടെനിന്ന് മാറ്റുകയും വേണം. സകാത്ത്, ടാക്സ് ആൻഡ് കസ്റ്റംസ് അതോറിറ്റിയുടെ പേരിൽ സാക്ഷ്യപ്പെടുത്തിയ ചെക്കിനൊപ്പം നിർബന്ധിത ഇൻഷുറൻസ് തുകയായ 50,000 റിയാൽ അടക്കുകയും വേണം. ലേലം നൽകിയ ഉടൻ മുഴുവൻ തുകയും നൽകേണ്ടി വരും. നിശ്ചിത ദിവസത്തിനകം […]

റിയാദ്:ഇന്ന് ബുധന്‍ മുതല്‍ ഞായറാഴ്ച വരെ സൗദി അറേബ്യയുടെ വിവിധ പ്രവിശ്യകളില്‍ ഇടിമിന്നലോട് കൂടിയ മഴക്ക് സാധ്യതയുണ്ടെന്നും അതിനാല്‍ ജനങ്ങള്‍ ജാഗ്രത പാലിക്കണമെന്നും സിവില്‍ ഡിഫന്‍സ് ഡയറക്ടറേറ്റ് മുന്നറിയിപ്പ് നല്‍കി. റിയാദില്‍ തലസ്ഥാനത്തും അഫീഫ്, ദവാദ്മി, അല്‍ഖുവയ്യ, അല്‍റൈന്‍, സുല്‍ഫി, മജ്മ, അല്‍ഗാത്ത്, ശഖ്‌റാ, താദിഖ്, ഹുറൈമലാ, റുമാ, വാദി ദവാസിര്‍, അല്‍സുലൈല്‍ എന്നിവിടങ്ങളില്‍ പൊടിക്കാറ്റിനും നേരിയ മഴക്കും സാധ്യതയുണ്ട്. അല്‍ഖസീം, നജ്‌റാന്‍, ഹായില്‍ എന്നിവിടങ്ങളില്‍ മഴയുണ്ടാകും. മദീനയില്‍ പൊടിക്കാറ്റിനൊപ്പം സാമാന്യും ഭേദപ്പെട്ട മഴക്ക് സാധ്യതയുണ്ട്. മക്ക […]

റിയാദ്:റിയാദ് വിമാനത്താവളത്തിൽ രണ്ടു മാസത്തിനിടെ 63 ലക്ഷം യാത്രക്കാരെ സ്വീകരിച്ച് പുതിയ റെക്കോർഡുകൾ സ്ഥാപിച്ചു. ജൂൺ 15 മുതൽ ഓഗസ്റ്റ് 19 വരെയുള്ള വേനലവധിക്കാലത്ത് റിയാദ് കിംഗ് ഖാലിദ് അന്താരാഷ്ട്ര വിമാനത്താവളത്തിലൂടെ 63 ലക്ഷത്തിലേറെ പേർ യാത്ര ചെയ്തതായി റിയാദ് എയർപോർട്ട്സ് കമ്പനി അറിയിച്ചു. വേനലവധിക്കാലത്ത് ഏതാനും പുതിയ റെക്കോർഡുകൾ കൂടി റിയാദ് വിമാനത്താവളം സ്ഥാപിച്ചു. ഇക്കാലത്ത് റിയാദ് വിമാനത്താവളം 34 ലക്ഷത്തിലേറെ അന്താരാഷ്ട്ര യാത്രക്കാരും 29 ലക്ഷത്തിലേറെ ആഭ്യന്തര യാത്രക്കാരും ഉപയോഗപ്പെടുത്തി. ഓഗസ്റ്റ് മൂന്നിന് വിമാന […]

ദമാം:അന്താരാഷ്ട്ര പ്രശസ്തമായ ബ്രാൻഡുകളുടെ പേരിലുള്ള വ്യാജ സ്‌പോർട്‌സ് വസ്ത്രങ്ങൾ നിർമിച്ച് മൊത്തമായി വിതരണം നടത്തിയ കേസിൽ യെമനി പൗരന് ദമാം ക്രിമിനൽ കോടതി 50,000 റിയാൽ പിഴ ചുമത്തി. നിയമാനുസൃത ഇഖാമയിൽ രാജ്യത്ത് കഴിയുന്ന യെമനി പൗരൻ മുഹ്‌സിൻ ബിൻ മുഹമ്മദ് ബിൻ മുഹ്‌സിൻ അൽദുഅയ്‌സിനാണ് ശിക്ഷ. അൽകോബാറിലെ പഴയ കെട്ടിടം കേന്ദ്രീകരിച്ചാണ് യെമനി വ്യാജ സ്‌പോർട്‌സ് വസ്ത്രങ്ങളും ബാഗുകളും മറ്റും നിർമിച്ച് വിതരണം ചെയ്തിരുന്നത്. യെമനിയുടെ അനധികൃത കേന്ദ്രത്തിൽ നടത്തിയ റെയ്ഡിനിടെ സ്‌പോർട്‌സ് വസ്ത്ര ശേഖരവും […]

ജിദ്ദ:പൊതുസ്ഥലങ്ങളിൽ വെച്ച് മൊബൈൽ ഫോൺ ഉപയോഗിച്ച് മറ്റുള്ളവരെ ചിത്രീകരിക്കുന്നവർക്ക് സൈബർ ക്രൈം നിയമത്തിലെ മൂന്നാം വകുപ്പ് പ്രകാരം ഒരു വർഷം വരെ തടവും അഞ്ചു ലക്ഷം റിയാൽ വരെ പിഴയും ശിക്ഷ ലഭിക്കുമെന്ന് സൗദി അഭിഭാഷകൻ ഫായിസ് ഈദ് അൽഅനസി മുന്നറിയിപ്പ് നൽകി. വിദ്യാഭ്യാസ സ്ഥാപനങ്ങളും ആശുപത്രികളും മറ്റു സ്ഥാപനങ്ങളും അടക്കം ഏതു സ്ഥലങ്ങളിൽ വെച്ചും മറ്റുള്ളവരെ ചിത്രീകരിക്കുന്നത് ശിക്ഷ ലഭിക്കുന്ന കുറ്റകൃത്യമാണ്. ഇതേ കുറിച്ച് അറിയാതെയാണ് പലരും സൈബർ കുറ്റകൃത്യങ്ങളിൽ പെടുന്നതെന്നും ഫായിസ് ഈദ് അൽഅനസി […]