റിയാദ്: സൗദി അറേബ്യയുടെ ഭരണതലത്തിൽ നിരവധി മാറ്റങ്ങൾ പ്രഖ്യാപിച്ച് തിരുഗേഹങ്ങളുടെ സേവകൻ സൽമാൻ രാജാവ് രാജകീയ ഉത്തരവ് പുറപ്പെടുവിച്ചു. ഡോ. അബ്ദുൽ അസീസ് ബിൻ മുഹമ്മദ് ബിൻ അബ്ദുൽ അസീസ് ബിൻ അയ്യാഫ് അൽ മുഖ്രിനെ മന്ത്രി പദവിയോടെ രാജാവിന്റെ പ്രത്യേക ഉപദേശകനായി നിയമിച്ചു. നാഷണൽ ഗാർഡിൻ്റെ ഡെപ്യൂട്ടി മന്ത്രി, അബ്ദുൾ മുഹ്സിൻ ബിൻ അബ്ദുൽ അസീസ് അൽ-തുവൈജ്‌രിയെ തൽസ്ഥാനത്ത് നിന്ന് മാറ്റി. ദേശീയ ഗാർഡിൻ്റെ ഡെപ്യൂട്ടി മന്ത്രിയുടെ ചുമതല, പ്രത്യേക ഉപദേഷ്ടാവ് ഡോ. അബ്ദുൽ അസീസ് […]

ജിദ്ദ- ജിദ്ദ മുനിസിപ്പാലിറ്റി, സകാത്ത്, നികുതി, കസ്റ്റംസ്, ഫീൽഡ് കൺട്രോൾ അതോറിറ്റിയുടെ സഹകരണത്തോടെ നടത്തിയ റെയ്ഡിൽ 30 ടൺ പുകയില ഉൽപ്പന്നങ്ങൾ പിടിച്ചെടുത്തു. അൽ ഖുംറ ഏരിയയിലെ ഗോഡൗണിലാണ് പരിശോധന നടത്തിയത്. ഇവിടെനിന്ന് കാലഹരണപ്പെട്ട വസ്തുക്കളും നിർമ്മാണ സാമഗ്രികളും ഉപയോഗിച്ച് നിർമ്മിക്കുന്ന വിവിധ പുകയില ഉൽപന്നങ്ങളും പിടികൂടി. വിൽപ്പനക്കായി പെട്ടികളിൽ സൂക്ഷിച്ചുവെച്ചയും പിടികൂടിയവയിലുണ്ട്. കാലഹരണപ്പെട്ട 13,000 കിലോഗ്രാം തംബാക്ക് കണ്ടെത്തി.

കുവൈത്ത് സിറ്റി: ബയോമെട്രിക് വിരലടയാളം എടുക്കുന്നതിനുള്ള സമയപരിധി പ്രവാസികൾക്ക് 2024 ഡിസംബർ 30 വരെ നീട്ടി. കുവൈത്തികൾക്ക് സെപ്തംബർ 30 വരെയും നീട്ടിയതായി ആഭ്യന്തര വകുപ്പ് അറിയിച്ചു. മന്ത്രി ഷെയ്ഖ് ഫഹദ് യൂസഫ് അൽ-സബാഹ് അതിനുള്ള നിർദ്ദേശം ബന്ധപ്പെട്ട വകുപ്പിന് കൈമാറി. പൗരന്മാർക്കും പ്രവാസികൾക്കും ബയോമെട്രിക് ഫിംഗർപ്രിൻ്റ് പ്രക്രിയ ലഘൂകരിക്കാനും വേഗത്തിലാക്കാനുമാണ് മന്ത്രി ഈ തീരുമാനമെടുത്തത്. ‘സഹേൽ’ ആപ്ലിക്കേഷൻ, ‘മെറ്റാ’ പ്ലാറ്റ്‌ഫോം എന്നീ വഴികളിലൂടെ അപ്പോയിൻ്റ്‌മെൻ്റുകൾ നടത്താവുന്നതാണ്. നിയുക്ത കേന്ദ്രങ്ങൾ സന്ദർശിക്കുന്നതിന് മുമ്പ് ബന്ധപ്പെട്ടവരോട് അപ്പോയിൻ്റ്മെൻ്റ് ബുക്ക് […]

കണ്ണൂർ- കണ്ണൂരിൽനിന്ന് ജിദ്ദയിലേക്കുള്ള ഹജ് തീർത്ഥാടകരുടെ വിമാനം വൈകുന്നു. ഇന്ന്(ചൊവ്വ)രാത്രി 12ന് കണ്ണൂരിൽനിന്ന് ജിദ്ദയിലേക്ക് വരേണ്ടിയിരുന്ന എയർ ഇന്ത്യ എക്സ്പ്രസ് വിമാനമാണ് മണിക്കൂറുകൾ വൈകുന്നത്. നിലവിലുള്ള അറിയിപ്പ് പ്രകാരം നാളെ(ബുധൻ)ഉച്ചക്ക് വിമാനം കണ്ണൂരിൽനിന്ന് ജിദ്ദയിലേക്ക് തിരിക്കുമെന്നാണ് അറിയിപ്പിലുള്ളത്. നാളെ ഉച്ചക്ക് മൂന്നരക്കാണ് വിമാനം ജിദ്ദ വിമാനതാവളത്തിൽ എത്തുക.

ജിദ്ദ: ജിദ്ദയിൽനിന്നും ഇന്നലെ(തിങ്കൾ) കോഴിക്കോട്ടേക്ക് യാത്ര ചെയ്യേണ്ടിയിരുന്ന എയർ ഇന്ത്യ എക്സ്പ്രസിലെ 150-ഓളം യാത്രക്കാർ ജിദ്ദയിൽ കുടുങ്ങി. ഇന്ന്(ചൊവ്വ) പുറപ്പെട്ട വിമാനത്തിൽ ഇവരെ കൊണ്ടുപോകുമെന്ന് നേരത്തെ അറിയിച്ചെങ്കിലും യാത്ര സാധ്യമായില്ല. ഇന്നത്തെ വിമാനത്തിൽ ടിക്കറ്റെടുത്ത യാത്രക്കാരെ മാത്രമാണ് ഇന്ന് കൊണ്ടുപോയത്. ഇനിയുള്ള ദിവസങ്ങളിലെ ഷെഡ്യൂൾ കൃത്യമാക്കാനാണ് ഇങ്ങിനെ ചെയ്യുന്നത് എന്നാണ് അധികൃതർ വ്യക്തമാക്കുന്നതെന്ന് യാത്രക്കാർ ദ മലയാളം ന്യൂസിനോട് പറഞ്ഞു. ഞായറാഴ്ച പോകേണ്ടിയിരുന്ന യാത്രക്കാരെ അന്നത്തെ വിമാനം മുടങ്ങിയതിനെ തുടർന്ന് തിങ്കളാഴ്ച്ച സർവീസ് നടത്തിയ വിമാനത്തിൽ കൊണ്ടുപോയിരുന്നു.യാത്ര […]

തബൂക്ക്- തബൂക്ക്, അസീർ മേഖലകളിൽ ജനറൽ ഡയറക്ടറേറ്റ് ഓഫ് നാർക്കോട്ടിക് കൺട്രോൾ വിഭാഗം തബൂക്ക്, അസീർ മേഖലകളിൽ നടത്തിയ റെയ്ഡിൽ വലിയ അളവിൽ മയക്കുമരുന്ന് പിടികൂടി. മയക്കുമരുന്നും കഞ്ചാവും ഗുളികകളും വിറ്റതിന് തബൂക്ക് മേഖലയിൽ സൗദി പൗരൻ അറസ്റ്റിലായി. 11,100 ആംഫെറ്റാമൈൻ ഗുളികകൾ വിറ്റതിന് അസിർ മേഖലയിൽ സൗദി പൗരൻ അറസ്റ്റിലായി.

റിയാദ്- ഇന്ത്യന്‍ വിമാനകമ്പനിയായ ആകാശ എയര്‍ ജൂലൈ 15 മുതല്‍ ജിദ്ദയിലേക്ക് സര്‍വീസ് നടത്തുമെന്ന് കമ്പനി അറിയിച്ചു. മുംബൈയില്‍ നിന്ന് ജിദ്ദയിലേക്കാണ് സര്‍വീസ് നടത്തുന്നത്. ആഴ്ചയില്‍ 12 സര്‍വീസുണ്ടാകും. അഹമ്മദാബാദില്‍ നിന്ന് ആഴ്ചയില്‍ രണ്ടു സര്‍വീസും ജിദ്ദയിലേക്കുണ്ടാകും. റിയാദിലേക്കും വൈകാതെ സര്‍വീസുണ്ടാകുമെന്നും കമ്പനി അറിയിച്ചു.നിലവില്‍ ദോഹയിലേക്ക് മാത്രമാണ് ആകാശ എയര്‍ സര്‍വീസ് നടത്തുന്നത്. രണ്ടാമത്തെ അന്താരാഷ്ട്ര സര്‍വീസാണ് ജിദ്ദയിലേത്.

ദുബായ്: ഗോൾഡൻ വിസയ്ക്ക് സമാനമായി പത്തുവർഷം സാധുതയുള്ള ഗെയിമിങ് വിസ അവതരിപ്പിച്ച് ദുബായ്. ഇ-ഗെയിമിങ് മേഖലയിലെ പ്രശസ്തരെ ദുബായിലേക്ക് ആകർഷിക്കുക, ഇ-ഗെയിമിങ് പ്രൊഫഷണലുകളുടെ കഴിവുകൾ വികസിപ്പിക്കുക എന്നിവ ലക്ഷ്യമിട്ടാണ് പുതിയവിസ അവതരിപ്പിച്ചത്. യു.എ.ഇ. വൈസ് പ്രസിഡന്റും പ്രധാനമന്ത്രിയും ദുബായ് ഭരണാധികാരിയുമായ ശൈഖ് മുഹമ്മദ് ബിൻ റാഷിദ് അൽ മക്തൂമിന്റെ കാഴ്ചപ്പാടുകളും അഭിലാഷങ്ങളും ഉൾക്കൊള്ളുന്നതാണ് ദുബായ് ഗെയിമിങ് വിസയെന്ന് ദുബായ് കൾച്ചർ ആൻഡ് ആർട്‌സ് അതോറിറ്റി (ദുബായ് കൾച്ചർ) പ്രസ്താവനയിൽ പറയുന്നു.സംരംഭകർ, നിക്ഷേപകർ, ഗെയിം ഡിവലപ്പർമാർ, ഡിസൈനർമാർ, പ്രോഗ്രാമർമാർ […]

റിയാദ്: സൗദി അറേബ്യയിൽ ഹൗസ് ഡ്രൈവർമാർ അടക്കമുള്ള ഗാർഹിക തൊഴിലാളികൾക്ക് വേതന സുരക്ഷാ സേവനം കൂടുതൽ വിപുലമാക്കാൻ തീരുമാനം. ഗാർഹിക തൊഴിലാളി മേഖല വികസിപ്പിക്കുന്നതിലും തൊഴിലുടമയുടെയും വീട്ടുജോലിക്കാരൻ്റെയും അവകാശങ്ങൾ ഉറപ്പാക്കുന്നതിനും ലക്ഷ്യമിട്ട് മാനവ വിഭവശേഷി, സാമൂഹിക വികസന മന്ത്രാലയത്തിൻ്റെ നേതൃത്വത്തിലാണ് വേതന സംരക്ഷണ സേവനം ആരംഭിക്കുന്നത്. നിലവിലെ കരാറുകൾക്ക് അനുസൃതമായി വേതന സംരക്ഷണം ഘട്ടം ഘട്ടമായി നടപ്പിലാക്കാനാണ് ലക്ഷ്യമിടുന്നത്. ശമ്പളം നൽകുന്ന പ്രക്രിയയിൽ സുതാര്യത ഉറപ്പാക്കാനും വേതനം നൽകുന്നത് സുഗമമാക്കാനും ഈ സേവനം ലക്ഷ്യമിടുന്നു. “Musaned” പ്ലാറ്റ്‌ഫോം […]

മക്ക – സമൂഹമാധ്യമങ്ങളിൽ വരുന്ന തെറ്റായ പരസ്യങ്ങൾക്കെതിരെ ജാഗ്രത പാലിക്കാൻ സൗദി അറേബ്യയിലെ ജനറൽ ഡയറക്ടറേറ്റ് ഓഫ് പബ്ലിക് സെക്യൂരിറ്റി ജാഗ്രതാ നിർദ്ദേശം നൽകി. ഹജുമായി ബന്ധപ്പെട്ട സേവനങ്ങൾ നൽകാമെന്ന് പൊതുജനങ്ങളെ തെറ്റിദ്ധരിപ്പിക്കുകയാണ് ഇത്തരം ഏജൻസികൾ ചെയ്യുന്നതെന്നും അധികൃതർ പറഞ്ഞു. ഇത്തരം വഞ്ചനാപരമായ പ്രവർത്തനങ്ങളിൽ ഏർപ്പെട്ടാൽ കർശനമായ പിഴ ചുമത്തുമെന്ന് ഡയറക്ടറേറ്റ് മുന്നറിയിപ്പ് നൽകി. ഔദ്യോഗിക ഹജ് ചട്ടങ്ങളും മാർഗ്ഗനിർദ്ദേശങ്ങളും കൃത്യമായി പാലിക്കണമെന്ന് പൊതു സുരക്ഷാ വകുപ്പ് എല്ലാവരോടും അഭ്യർത്ഥിച്ചു. സംശയാസ്പദമായ പരസ്യങ്ങൾ ശ്രദ്ധയിൽ പെട്ടാൽ മക്ക, […]

മസ്കറ്റ്: മസ്കറ്റ് എക്സ്പ്രസ് വേയുടെ ഇന്റർസെക്ഷൻ നമ്പർ രണ്ടു (അൽ ഇഅലാം സിറ്റി ബ്രിഡ്ജ്) മുതൽ ഇന്റ്‌സെക്ഷൻ നമ്പർ ഒന്ന് വരെയുള്ള മസ്‌കറ്റ് എക്‌സ്‌പ്രസ് വേയുടെ പാതകൾ 2024 മെയ് 14 ചൊവ്വാഴ്ച രാവിലെ 12 മണി മുതൽ 2024 ജൂൺ 13 വ്യാഴം വരെ ഭാഗികമായി അടയ്ക്കും. റോയൽ ഒമാൻ പോലീസിന്റെയും OQ ഗ്രൂപ്പിന്റെയും സഹകരണത്തോടെയാണ് അറ്റകുറ്റപ്പണികൾ നടത്തുന്നത്.ഇത് വഴിയുള്ള ഗതാഗതം ബദൽ റൂട്ടുകളിലേക്ക് തിരിച്ചുവിടുമെന്നും മസ്‌കത്ത് മുനിസിപ്പാലിറ്റി പ്രസ്താവനയിലൂടെ അറിയിച്ചു.