ഹംബര്‍ഗിനിയുടെ റിയാദിലെ മുഴുവന്‍ ശാഖകളും നഗരസഭ അടപ്പിച്ചു ; ഭക്ഷ്യവിഷബാധ റിപ്പോര്‍ട്ട് ചെയ്തതിനെ തുടർന്നാണ് നടപടി
റിയാദ് – ഭക്ഷ്യവിഷബാധ റിപ്പോര്‍ട്ട് ചെയ്തതിനെ തുടര്‍ന്ന് ഹംബര്‍ഗിനിയുടെ റിയാദിലെ മുഴുവന്‍ ശാഖകളും നഗരസഭ അടപ്പിച്ചു. ഹംബര്‍ഗിനിയുടെ ഒരു ശാഖയില്‍ നിന്ന് വാങ്ങിയ ഭക്ഷണം കഴിച്ചവര്‍ക്കാണ് വിഷബാധയേറ്റത്. ഈ ശാഖയാണ് ആദ്യം അടപ്പിച്ചത്. വൈകാതെ കമ്പനിക്കു കീഴില്‍ റിയാദിലുള്ള മുഴുവന്‍ ശാഖകളും ഇവിടങ്ങളിലേക്ക് ആവശ്യമായ ഭക്ഷ്യവിഭവങ്ങള്‍ എത്തിക്കുന്ന മെയിന്‍ സെന്ററും അടപ്പിക്കുകയായിരുന്നു. ഭക്ഷ്യവിഷബാധയേറ്റ് 35 പേര്‍ ആശുപത്രികളില്‍ ചികിത്സയില്‍ കഴിയുന്നതായി ആരോഗ്യ മന്ത്രാലയ വക്താവ് ഡോ. മുഹമ്മദ് അല്‍അബ്ദുല്‍ആലി പറഞ്ഞു. ഇക്കൂട്ടത്തില്‍ 28 പേര്‍ തീവ്രപരിചരണ വിഭാഗങ്ങളിലാണ്. […]
