ദോഹ:ഡ്രൈവിംഗിനിടെ സീറ്റ് ബെല്റ്റ് ധരിക്കാതിരിക്കുക, മൊബൈല് ഫോണ് ഉപയോഗിക്കുക എന്നിവ റെക്കോര്ഡ് ചെയ്യാന് ഓട്ടമേറ്റഡ് റഡാറുകള് 27 മുതല് പ്രവര്ത്തനസജ്ജമാകും. ബോധവല്ക്കരണത്തിന്റെ ഭാഗമായി 27 മുതല് സെപ്റ്റംബര് 2 വരെ ലംഘകര്ക്ക് സന്ദേശമെത്തിയാലും പിഴ ഈടാക്കില്ല. സെപ്റ്റംബര് 3 മുതല് പിഴത്തുക അടയ്ക്കണമെന്നും അധികൃതര് അറിയിച്ചു.
ഓട്ടമേറ്റഡ് റഡാറുകള് ഉപയോഗിക്കുന്നതിന്റെ ആദ്യ ഘട്ടമെന്ന നിലയില് ബോധവല്ക്കരണത്തിന്റെ ഭാഗമായി സെപ്റ്റംബര് 2 വരെ നിയമ ലംഘകര്ക്ക് ലഭിക്കുന്ന സന്ദേശം മുന്നറിയിപ്പായി കണക്കാക്കിയാല് മതി. ലംഘനം രേഖപ്പെടുത്തുക മാത്രമാണ് ചെയ്യുന്നതെന്നും പിഴ ഈടാക്കില്ലെന്നും ഗതാഗത വകുപ്പിലെ റഡാര് ആന്ഡ് സ്കെയില്സ് വകുപ്പ് മേധാവി മേജര് ഹമദ് അലി അല് മുഹന്നദി വ്യക്തമാക്കി.
സെപ്റ്റംബര് 3 മുതല് സീറ്റ് ബെല്റ്റ് ധരിക്കാതെയും മൊബൈല് ഫോണ് ഉപയോഗിച്ചും വാഹനം ഓടിക്കുന്നവരെ റഡാര് കണ്ണുകള് രേഖപ്പെടുത്തും. പിഴയും ഈടാക്കും. ഡ്രൈവിംഗിനിടെ ഫോണ് ഉള്പ്പെടെയുള്ള ഇലക്ട്രോണിക് ഉപകരണങ്ങള് ഉപയോഗിക്കുന്നതിനും സീറ്റ് ബല്റ്റ് ധരിക്കാതിരിക്കുന്നതിനും 500 റിയാല് വീതമാണ് പിഴ.
ട്രാഫിക് നിയമലംഘനം പിടികൂടാൻ ഖത്തറില് ഓട്ടമേറ്റഡ് റഡാറുകള്
Leave a Reply