SAUDI ARABIA - സൗദി അറേബ്യ

🔥 സൗദിയിൽ ചൂട് ഇനിയും കൂടും; രണ്ടാഴ്ച്ചത്തെ അതിതീവ്ര വേനൽ ആരംഭിച്ചു

GULF MALAYALAM NEWS July 18, 2026 1 minute read

റിയാദ്- സൗദി അറേബ്യ ഈ സീസണിലെ ഏറ്റവും കനത്ത താപനിലയിലേക്ക് പ്രവേശിച്ചു. 13 ദിവസം നീണ്ടുനിൽക്കുന്ന ഈ പ്രത്യേക കാലാവസ്ഥ ഓഗസ്റ്റ് ആദ്യത്തോടെ അവസാനിക്കും. പിന്നീട് താപനില കുറയും.ഈത്തപ്പഴം പഴുക്കുന്ന കാലമെന്നാണ് ഈ രണ്ടാഴ്ച അറിയപ്പെടുന്നതെന്ന് ഗോളശാസ്ത്ര വിദഗ്ധൻ ബർജസ് അൽഫലീഹ് പറഞ്ഞു. പച്ചയും മഞ്ഞ നിറത്തിലുമുള്ള ഈത്തപ്പഴം ഈ രണ്ടാഴ്ച പഴുത്ത് പാകമാകും. കനത്ത ചൂടിനൊപ്പം ചുടുകാറ്റും ഈ സീസണിലെ പ്രത്യേകതയാണ്. കടലോര മേഖലയിൽ ഈർപ്പത്തിന്റെ അളവിൽ ഗണ്യമായ വർധനവുണ്ടാകും. ഉച്ചസമയത്ത് വെയിൽ നേരിട്ട് കൊള്ളരുതെന്നും വെള്ളം ധാരാളം കുടിക്കണമെന്നും ബന്ധപ്പെട്ട ആരോഗ്യവകുപ്പ് അറിയിച്ചു.