ഹജ്ജ് ചെയ്യാൻ അനുവാദം ഹജ്ജ് വിസ ഉള്ളവർക്ക് മാത്രം;കർശന മുന്നറിയിപ്പുമായി മന്ത്രാലയം

റിയാദ് – സൗദി അറേബ്യയ്ക്ക് പുറത്തുനിന്നുള്ള തീർഥാടകർക്ക് ഹജ്ജ് നിർവഹിക്കുന്നതിന് ഔദ്യോഗികമായി അംഗീകരിച്ച ഏക വിസ ഹജ്ജ് വിസയാണെന്ന് ഹജ്ജ്, ഉംറ മന്ത്രാലയം സ്ഥിരീകരിച്ചു.

ഏതെങ്കിലും തരത്തിലുള്ള വിസിറ്റ് വിസ, ട്രാൻസിറ്റ് വിസ, ഉംറ വിസ, ടൂറിസ്റ്റ് വിസ എന്നിവ കൈവശം വച്ചവർക്ക് ഹജ്ജ് അനുവദനീയമല്ലെന്ന് മന്ത്രാലയം വ്യക്തമാക്കി. പൗരന്മാരും താമസക്കാരും ഉൾപ്പെടെ രാജ്യത്തിനുള്ളിൽ താമസിക്കുന്ന തീർഥാടകർക്ക് ഹജ്ജ് പെർമിറ്റുകൾ ബുക്കിംഗ് പ്രക്രിയ പൂർത്തിയാക്കിയ ശേഷം നുസുക് ആപ്ലിക്കേഷൻ വഴിയാണ് നൽകുന്നതെന്നും അതിൽ വ്യക്തമാക്കിയിട്ടുണ്ട്.

അംഗീകൃത ഔദ്യോഗിക ചാനലുകൾ വഴി മാത്രമാണ് ഔദ്യോഗിക റിസർവേഷനുകൾ നടത്തുന്നതെന്ന് മന്ത്രാലയം ഊന്നിപ്പറഞ്ഞു. വാർഷിക തീർത്ഥാടനത്തിനുള്ള റിസർവേഷൻ ബുക്ക് ചെയ്യുന്നതിന് അനൗദ്യോഗിക ചാനലുകൾ കൈകാര്യം ചെയ്യുന്നതിനെതിരെയും മന്ത്രാലയം മുന്നറിയിപ്പ് നൽകി.