ദുബായ് അബുദാബി സർവീസുകൾ പുനരാരംഭിച്ചു സൗദി എയർലൈൻസ്

ജിദ്ദ – ഏപ്രിൽ 11 ശനിയാഴ്‌ച മുതൽ ദുബായ്, അബുദാബി, അമ്മാൻ എന്നിവിടങ്ങളിലേക്കും തിരിച്ചുമുള്ള വിമാന സർവീസുകൾ സൗദി എയർലൈൻസ് ഭാഗികമായി പുനരാരംഭിക്കും. ഈ സ്ഥലങ്ങളിലേക്കും തിരിച്ചും ദിവസേനയുള്ള പ്രത്യേക വിമാന സർവീസുകൾ പുനരാരംഭിക്കുമെന്ന് സൗദിയ തങ്ങളുടെ ഔദ്യോഗിക എക്സ് സോഷ്യൽ മീഡിയ അക്കൗണ്ടിലെ ട്വീറ്റിൽ അറിയിച്ചു. വിമാനത്താവളത്തിലേക്ക് പോകുന്നതിനുമുമ്പ് യാത്രക്കാർ അവരുടെ ഫ്ളൈറ്റ് സ്റ്റാറ്റസ് പരിശോധിക്കണമെന്നും ഔദ്യോഗിക ചാനലുകൾ വഴി കൂടുതൽ അപ്ഡേറ്റുകൾ പ്രസിദ്ധീകരിക്കുമെന്നും സൗദിയ വ്യക്തമാക്കി.