നൂതന ഉൽപ്പാദന സാങ്കേതിക വിദ്യകൾ വിലയിരുത്തി സൗദി വ്യവസായ ഉപമന്ത്രി.

റിയാദ്: സൗദി വ്യവസായ, ധാതുവിഭവ വ്യവസായ കാര്യ ഉപമന്ത്രി ഖലീൽ ബിൻ ഇബ്രാഹിം ബിൻ സലാമ വ്യാഴാഴ്ച കിഴക്കൻ പ്രവിശ്യയിലെ നിരവധി വ്യാവസായിക നഗരങ്ങൾ സന്ദർശിച്ചതായി സൗദി പ്രസ് ഏജൻസി റിപ്പോർട്ട് ചെയ്തു.രാജ്യത്തെ സുസ്ഥിര വ്യാവസായിക വികസനത്തെ പിന്തുണയ്ക്കുന്നതിനുള്ള മന്ത്രാലയത്തിന്റെ തുടർച്ചയായ ശ്രമങ്ങളുടെ ഭാഗമാണ് ഈ സന്ദർശനങ്ങൾ.സന്ദർശന വേളയിൽ, ഉപമന്ത്രി ആ നഗരങ്ങളിലെ വ്യാവസായിക അടിസ്ഥാന സൗകര്യങ്ങളുടെ സന്നദ്ധത അവലോകനം ചെയ്തു. നിരവധി വ്യാവസായിക സൗകര്യങ്ങളിലെ ഉൽപ്പാദന ലൈനുകളും പ്രവർത്തന പ്രക്രിയയും, അവയുടെ വളർച്ചാ, വിപുലീകരണ പദ്ധതികളും, ഓട്ടോമേഷൻ പരിഹാരങ്ങൾ സ്വീകരിക്കുന്നതിനുള്ള ഏറ്റവും പുതിയ രീതികളും നൂതന ഉൽപ്പാദന സാങ്കേതികവിദ്യകളും അദ്ദേഹം പരിശോധിച്ചു.