സൗദിയിലേക്ക് നിയമവിരുദ്ധമായി പ്രവേശിക്കാൻ സഹായിച്ചാൽ 15 വർഷം ജയിൽ; സൗദി ആഭ്യന്തര മന്ത്രാലയത്തിന്റെ കടുത്ത മുന്നറിയിപ്പ്

റിയാദ്: താമസ, തൊഴിൽ, അതിർത്തി സുരക്ഷാ ചട്ടങ്ങൾ ലംഘിച്ചതിന് സൗദി അധികൃതർ ഒരാഴ്ചയ്ക്കുള്ളിൽ 14,242 പേരെ അറസ്റ്റ് ചെയ്തു.

താമസ നിയമങ്ങൾ ലംഘിച്ചതിന് 7,884 പേരെ അറസ്റ്റ് ചെയ്തു, നിയമവിരുദ്ധമായി അതിർത്തി കടക്കാൻ ശ്രമിച്ചതിന് 3,948 പേരെയും തൊഴിൽ സംബന്ധമായ പ്രശ്‌നങ്ങൾക്ക് 2,410 പേരെയും അറസ്റ്റ് ചെയ്തു.

നിയമവിരുദ്ധമായി രാജ്യത്തേക്ക് പ്രവേശിക്കാൻ സൗകര്യമൊരുക്കുന്ന, ഗതാഗതവും താമസവും നൽകുന്ന, ആർക്കും പരമാവധി 15 വർഷം വരെ തടവും 1 മില്യൺ റിയാൽ വരെ പിഴയും (267,000 ഡോളർ) വാഹനങ്ങളും സ്വത്തുക്കളും കണ്ടുകെട്ടലും നേരിടേണ്ടിവരുമെന്ന് ആഭ്യന്തര മന്ത്രാലയം അറിയിച്ചു.

മക്ക, റിയാദ് മേഖലകളിലെ ടോൾ ഫ്രീ നമ്പറായ 911 ലും രാജ്യത്തിന്റെ മറ്റ് പ്രദേശങ്ങളിലെ 999 അല്ലെങ്കിൽ 996 ലും സംശയാസ്പദമായ നിയമലംഘനങ്ങൾ റിപ്പോർട്ട് ചെയ്യാവുന്നതാണ്.