റിയാദ് – പൊതുഗതാഗത ശൃംഖല മെച്ചപ്പെടുത്തുന്നതിന്റെ ഭാഗമായി റിയാദ് മെട്രോ ഓറഞ്ച് ലൈനില്‍ മൂന്നു പുതിയ സ്റ്റേഷനുകള്‍ നാളെ (ശനി) തുറക്കുമെന്ന് റിയാദ് റോയല്‍ കമ്മീഷന്‍ അറിയിച്ചു. മലസ്, അല്‍റാജ്ഹി ജുമാമസ്ജിദ്, ഖശം അല്‍ആന്‍ എന്നീ സ്‌റ്റേഷനുകളാണ് നാളെ മുതല്‍ ഔദ്യോഗികമായി പ്രവര്‍ത്തിപ്പിച്ചു തുടങ്ങുക. ഓറഞ്ച് ലൈനില്‍ കഴിഞ്ഞ മാസം രണ്ടു സ്‌റ്റേഷനുകള്‍ തുറന്നിരുന്നു. റെയില്‍വേ സ്റ്റേഷന്‍, ജരീര്‍ ഡിസ്ട്രിക്ട് സ്റ്റേഷന്‍ എന്നിവയാണ് കഴിഞ്ഞ മാസം തുറന്നത്. റിയാദ് മെട്രോയുടെ മൂന്നാമത്തെ ലൈനാണ് ഓറഞ്ച് ലൈന്‍. മദീന […]

ന്യൂദൽഹി- ഇന്ത്യയിലെ എല്ലാ വിമാനത്താവളങ്ങളിലും എല്ലാ യാത്രക്കാരും ബോർഡിംഗിന് മുൻപായി നൂറു ശതമാനം കർശന സുരക്ഷ പരിശോധനകൾക്ക് വിധേയരാകണമെന്ന് സർക്കാർ ഉത്തരവിട്ടു. വിമാനയാത്ര സുരക്ഷ ഏറ്റവും ഉയർന്ന നിലയിലേക്ക് ഉയര്‍ത്തി ഉത്തരവിട്ടു. സിവിൽ ഏവിയേഷൻ സുരക്ഷാ ബ്യൂറോ (BCAS) പുറത്തിറക്കിയ ഉത്തരവുപ്രകാരം, രാജ്യത്തെ എല്ലാ വിമാനത്താവളങ്ങളിലും എല്ലാ യാത്രക്കാരും സെക്കൻഡറി ലാഡർ പോയിന്റ് ചെക്ക് (LPSC) എന്ന മുൻകൂർ ബോർഡിംഗ് പരിശോധനയ്ക്ക് വിധേയരാകണം. ടെർമിനൽ കെട്ടിടങ്ങളിലേക്കുള്ള സന്ദർശകരുടെ പ്രവേശനവും നിരോധിച്ചിട്ടുണ്ട്. അതേസമയം, മുഴുവൻ വിമാനതാവളങ്ങളും അടച്ചിടാനുള്ള തീരുമാനം […]

ജിദ്ദ: പ്രത്യേകം നിശ്ചയിച്ചതല്ലാത്ത സ്ഥലങ്ങള്‍ക്ക് പുറത്ത് വാഹനങ്ങളില്‍ നിന്ന് മാലിന്യം വലിച്ചെറിയുന്നത് നിരീക്ഷിക്കുന്ന സംവിധാനം നഗരസഭകള്‍ നടപ്പാക്കാന്‍ തുടങ്ങി. നടക്കുമ്പോഴോ വാഹനങ്ങളുടെ വിന്റോകള്‍ വഴിയോ മാലിന്യം വലിച്ചെറിഞ്ഞാല്‍ 200 മുതല്‍ 1,000 റിയാല്‍ വരെയും പാര്‍ക്കുകളിലും വനങ്ങളിലും മാലിന്യം ഉപേക്ഷിക്കുകയോ, നിക്ഷേപിക്കുകയോ, കുഴിച്ചിടുകയോ, കത്തിക്കുകയോ ചെയ്താല്‍ 2,000 റിയാല്‍ വരെയും ചട്ടങ്ങള്‍ അനുസരിച്ച് നിയമലംഘകര്‍ക്ക് പിഴ ചുമത്തും. വൃത്തിയുള്ളതും കൂടുതല്‍ സുസ്ഥിരവുമായ അന്തരീക്ഷം സൃഷ്ടിക്കാനുള്ള ദേശീയ നീക്കത്തിന്റെ ഭാഗമായി, ഹായില്‍ പ്രവിശ്യയില്‍ നഗരങ്ങളില്‍ റോഡുകളിലേക്ക് മാലിന്യങ്ങള്‍ വലിച്ചെറിയുന്നതുമായി […]

ജിദ്ദ – ജിദ്ദ പൊതുഗതാഗത പദ്ധതിയുടെ പുതിയ ഘട്ടത്തിന് തുടക്കമായി. പുതിയ ഘട്ടത്തില്‍ 2025 മോഡലില്‍ പെട്ട 91 ആധുനിക ബസുകള്‍ ഉള്‍പ്പെടുത്തി. ഇതില്‍ 88 ബസുകള്‍ യൂറോ-5 മാനദണ്ഡങ്ങളോടെയുള്ള പരിസ്ഥിതി സൗഹൃദ ഡീസല്‍ ഉപയോഗിച്ച് പ്രവര്‍ത്തിക്കുന്നവയാണ്. ഇവയില്‍ 41 സീറ്റുകളുണ്ട്. ഭിന്നശേഷിക്കാർക്കുള്ള പ്രത്യേക സജ്ജീകരണങ്ങളും ബസുകളിലുണ്ട്. മൂന്നെണ്ണം പരിസ്ഥിതി സൗഹൃദ ഇലക്ട്രിക് ബസുകളാണ്. ഇവയില്‍ 34 സീറ്റുകള്‍ വീതമാണുള്ളത്. 38 പേര്‍ക്ക് നിന്നും യാത്ര ചെയ്യാന്‍ സാധിക്കും. ഈ ബസുകളിലും ഭിന്നശേഷിക്കാർക്ക് പ്രത്യേക ക്രമീകരണങ്ങളുണ്ട്. ലോകത്തിലെ […]

സൗദിയിൽ പ്രായപൂർത്തിയാകാത്ത പെൺകുട്ടിയെ ബലാത്സംഗം ചെയ്ത സൗദി പൗരന്റെ വധശിക്ഷ നടപ്പാക്കിയതായി ആഭ്യന്തര മന്ത്രാലയം ഇന്ന് (ചൊവ്വാഴ്ച) അറിയിച്ചു. സൗദി അറേബ്യയിലെ ഹായിൽ മേഖലയിലാണ്, ഖാലിദ് ബിൻ മുബാറക് ബിൻ ഖാസി അൽ ഷംരി എന്ന സൗദി പൗരനെ വധശിക്ഷക്ക് വിധേയനാക്കിയത്. സുരക്ഷാ അധികാരികൾ നടത്തിയ അന്വേഷണത്തിൽ പ്രതി കുറ്റക്കാരനാണെന്ന് കണ്ടെത്തുകയും തുടർന്ന് പ്രതിക്കെതിരായ ആരോപണങ്ങൾ കോടതിയിൽ തെളിയിക്കപ്പെടുകയും ചെയ്തു. പ്രതിയുടെ ക്രൂരമായ പ്രവൃത്തികൾ കണക്കിലെടുത്ത്, ഇയാൾക്കും സമാനമായ കുറ്റകൃത്യം ചെയ്യാൻ ധൈര്യപ്പെടുന്ന മറ്റുള്ളവർക്കും ഒരു പാഠമാകേണ്ട […]

അബുദാബി – അബുദാബിയിലെ മിക്ക പൊതു, സ്വകാര്യ സ്‌കൂളുകളും സ്‌കൂള്‍ പരിസരത്തേക്ക് മൊബൈല്‍ ഫോണുകളും സ്മാര്‍ട്ട് വാച്ചുകളും കൊണ്ടുവരുന്നതിനുള്ള നിരോധനം കര്‍ശനമായി നടപ്പാക്കാന്‍ തുടങ്ങി. വിദ്യാര്‍ഥികളുടെ സുരക്ഷ ഉറപ്പാക്കാനും സ്വകാര്യത സംരക്ഷിക്കാനും ലക്ഷ്യമിട്ടാണ് അബുദാബിയിലെ പൊതു, സ്വകാര്യ സ്‌കൂളുകള്‍ മൊബൈല്‍ ഫോണുകള്‍ സ്‌കൂളിലേക്ക് കൊണ്ടുവരരുതെന്ന് വിദ്യാര്‍ഥികള്‍ക്ക് മുന്നറിയിപ്പ് നല്‍കിയത്. പൊതുവിദ്യാഭ്യാസ സ്ഥാപനങ്ങളിലെ സ്റ്റുഡന്റ് ബിഹേവിയര്‍ മാനേജ്‌മെന്റ് റെഗുലേഷനുകളെ കുറിച്ചുള്ള 2018 ലെ മന്ത്രിതല പ്രമേയം (851) അടിസ്ഥാനമാക്കിയാണിത്. സ്‌കൂളുകള്‍ക്കുള്ളില്‍ സ്മാര്‍ട്ട് ഉപകരണങ്ങള്‍ ഉപയോഗിക്കുന്നതിനുള്ള നിരോധനം അന്തിമം ആണെന്നും […]

റിയാദ്: സഊദിയിൽ സർക്കാർ, സ്വകാര്യ, നോൺ പ്രോഫിറ്റ് മേഖലകളിലെ ജീവനക്കാർക്കും ഈ മേഖലകളിൽ പുതിയ ജോലികൾ ഏറ്റെടുക്കുന്നവർക്കും നിർബന്ധിത തൊഴിൽ ഫിറ്റ്‌നസ് പരിശോധന ഏർപ്പെടുത്താൻ മാനവ വിഭവശേഷി, സാമൂഹിക വികസന മന്ത്രാലയം (MHRSD) പദ്ധതിയിടുന്നു. പ്രത്യേക ടെസ്റ്റ് നിർബന്ധമാക്കും മുമ്പ് പൊതുജനങ്ങളുടെയും പങ്കാളികളുടെയും അഭിപ്രായങ്ങളും തേടി ഇസ്തിതല പബ്ലിക് സർവേ പ്ലാറ്റ്‌ഫോമിൽ മന്ത്രാലയം ദേശീയ തൊഴിൽ ഫിറ്റ്‌നസ് പരിശോധനകൾക്കായുള്ള അഭിപ്രായ സർവ്വെ ആരംഭിച്ചു. മാനദണ്ഡങ്ങൾ ഇസ്തിതല പബ്ലിക് സർവേ പ്ലാറ്റ്‌ഫോമിൽ മന്ത്രാലയം പ്രസിദ്ധീകരിച്ചു. മൂന്ന് തരം പരിശോധനകൾ […]

ജിദ്ദ: സൗദിയിൽ നഗരസഭാ നിയമ ലംഘനങ്ങൾ കണ്ടെത്താൻ സഹായിക്കുന്നവർക്ക് നിയമലംഘനകരിൽ നിന്ന് ഈടാക്കുന്ന പിഴ തുകയുടെ 25 ശതമാനത്തിൽ കവിയാത്ത തുക പാരിതോഷികമായി കൈമാറുന്ന നിലക്ക് പിഴ ചട്ടങ്ങൾ ഭേദഗതി ചെയ്യാൻ മുനിസിപ്പൽ, പാർപ്പിടകാര്യ മന്ത്രാലയത്തിന് നീക്കം. പാരിതോഷികം വിതരണം ചെയ്യാൻ നഗരസഭാ നിയമ ലംഘനങ്ങളെ കുറിച്ച് വിവരം നൽകുന്നവർ നഗരസഭാ, ബലദിയ ജീവനക്കാരാകാൻ പാടില്ലെന്ന് വ്യവസ്ഥയുണ്ട്. നിയമ ലംഘനങ്ങൾ കണ്ടെത്താനോ, മേൽനോട്ട, പരിശോധനാ ജോലികൾ നിർവഹിക്കാനോ നഗരസഭകൾ സഹായം തേടുന്നവരിൽ പെട്ടവരാകാനും പാടില്ല. നിശ്ചിത പിഴ […]

സന്ദർശക വിസയിൽ സൗദിയിലെത്തിയവരെ മക്കയിലേക്ക് കൊണ്ടുപോകുന്നതിനെതിരെ ആവർത്തിച്ച് മുന്നറിയിപ്പ് നൽകി സൗദി ആഭ്യന്തര മന്ത്രാലയം ഹജ്ജ് ചട്ടങ്ങൾ നിലനിൽക്കുന്ന ദുൽഹജ്ജ് 14 വരെ വിസിറ്റ് വിസ ഉടമകളെ മക്ക നഗരത്തിലേക്കും പുണ്യസ്ഥലങ്ങളിലേക്കും കൊണ്ടുപോകാൻ ശ്രമിക്കുന്നവർക്ക് ഒരു ലക്ഷം റിയാൽ വരെ പിഴ ചുമത്തും. ഇതിന് പുറമെ ഇവരെ മക്കയിലേക്ക് കടത്താൻ ഉപയോഗിക്കുന്ന വാഹനം പിടിച്ചെടുക്കാൻ യോഗ്യതയുള്ള കോടതിയോട് ആവശ്യപ്പെടും. കഴിഞ്ഞ ദിവസം വിസിറ്റിംഗ് വിസയിലെത്തിയ 42 വിദേശികളെ മക്കയിൽ നിന്നും ഹജ്ജ് സുരക്ഷാ സേന പിടികൂടിയിരുന്നു.

ജിദ്ദ: ജിസാൻ മേഖലയിലെ ഇന്ത്യക്കാർക്ക് വിവിധ അറ്റസ്റ്റേഷൻ സേവനങ്ങൾ ലഭ്യമാക്കുന്നതിനായി ജിദ്ദ ഇന്ത്യൻ കോൺസുലേറ്റിന്റെ കോൺസുലാർ സംഘം ഈ മാസം 9 ന് ജിസാൻ സന്ദർശിക്കുമെന്ന് കോൺസുലേറ്റ് അധികൃതർ അറിയിച്ചു. കോൺസുലേറ്റ്, വി.എഫ്.എസ് ഉദ്യോഗസ്ഥർ പങ്കെടുക്കുന്ന സന്ദർശന പരിപാടി ജിസാൻ പ്രിൻസ് മുഹമ്മദ് നാസർ സ്‌ട്രീറ്റിലെ ജിസാൻ ചേമ്പർ ഓഫ് കൊമേഴ്‌സ് ബിൽഡിംഗിൽ പ്രവർത്തിക്കുന്ന വി.എഫ്.എസ് പാസ്പോർട്ട് സേവനകേന്ദ്രത്തിലാണ് ഒരുക്കിയിരിക്കുന്നത്. രേഖകളും സർട്ടിഫിക്കറ്റുകളും സാക്ഷ്യപ്പെടുത്തുന്നതിനും അറ്റസ്റ്റേഷൻ ആവശ്യമുള്ള വിവിധ പാസ്‌പോർട്ട് സേവനങ്ങൾക്കുമുള്ള അപേക്ഷകൾ മെയ് 9 ന് […]

ജിദ്ദ: സർക്കാർ സ്‌കൂളുകൾ, ഇൻസ്റ്റിറ്റ്യൂട്ടുകൾ, വിദ്യാഭ്യാസ ഓഫീസുകൾ എന്നിവയുടെ എല്ലാ ഔദ്യോഗിക സോഷ്യൽ മീഡിയ അക്കൗണ്ടുകളും അടച്ചുപൂട്ടാൻ വിദ്യാഭ്യാസ മന്ത്രാലയം നിർദേശിച്ചു. വിദ്യാഭ്യാസ മേഖലയുമായി ബന്ധപ്പെട്ട അറിയിപ്പുകളും മറ്റും പ്രസിദ്ധീകരിക്കുന്നത് അതത് പ്രവിശ്യകളിലെ വിദ്യാഭ്യാസ വകുപ്പുകളുടെ ഔദ്യോഗിക സോഷ്യൽ മീഡിയ അക്കൗണ്ടുകളിൽ മാത്രമായി പരിമിതപ്പെടുത്തിയിട്ടുണ്ട്. നിർദേശങ്ങൾക്ക് അനുസൃതമായി സ്‌കൂളുകളുടെയും വിദ്യാഭ്യാസ ഓഫീസുകളുടെയും എല്ലാ ഔദ്യോഗിക അക്കൗണ്ടുകളും അവസാനിപ്പിക്കണമെന്ന് മന്ത്രാലയം കർശന നിർദേശം നൽകി. പകരം ആഭ്യന്തര ആശയവിനിമയ ചാനലുകൾ ഉപയോഗിക്കാവുന്നതാണ്. അധ്യാപകരുടെ സ്വകാര്യ സോഷ്യൽ മീഡിയ അക്കൗണ്ടുകൾ […]

അടുത്ത ബുധനാഴ്ച വരെ സൗദി അറേബ്യയുടെ വിവിധ ഭാഗങ്ങളിൽ പൊടിക്കാറ്റ് തുടരുമെന്ന് ദേശീയ കാലാവസ്ഥാ കേന്ദ്രം അറിയിയിച്ചു. പൊടിക്കാറ്റുള്ള സമയത്ത് വാഹനമോടിക്കുമ്പോൾ ജാഗ്രത പാലിക്കണമെന്നും ഗതാഗത നിയമങ്ങൾ പാലിക്കണമെന്നും ജനറൽ ട്രാഫിക് വകുപ്പ് അഭ്യർത്ഥിച്ചു. സ്വന്തം സുരക്ഷയും മറ്റ് റോഡ് ഉപയോക്താക്കളുടെ സുരക്ഷയും ഉറപ്പാക്കുന്നതിനായി, പൊടി നിറഞ്ഞ സാഹചര്യങ്ങളിൽ കൂടുതൽ ജാഗ്രതയോടെയും ഉത്തരവാദിത്തത്തോടെയും വാഹനമോടിക്കേണ്ടതുണ്ടെന്ന് അവർ വിശദീകരിച്ചു. പെട്ടെന്നുള്ള അപകടങ്ങൾ ഒഴിവാക്കാൻ, വാഹനങ്ങൾക്കിടയിൽ മതിയായതും സുരക്ഷിതവുമായ അകലം പാലിക്കുക , മറ്റുള്ളവർക്ക് ദൃശ്യപരത വർദ്ധിപ്പിക്കുന്നതിന് വാഹനത്തിന്റെ ലൈറ്റുകൾ […]

മക്ക : ഹജ് നിയമം ലംഘിച്ച് മക്കയില്‍ അനധികൃതമായി തങ്ങിയ 42 വിസിറ്റ് വിസക്കാരെ ഹജ് സുരക്ഷാ സേന പിടികൂടി. അല്‍ഹിജ്‌റ ഡിസ്ട്രിക്ടിലെ കെട്ടിടത്തിലാണ് ഇവര്‍ താമസിച്ചിരുന്നത്. ദുല്‍ഖഅദ് ഒന്നു മുതല്‍ വിസിറ്റ് വിസക്കാര്‍ മക്കയില്‍ പ്രവേശിക്കാനോ മക്കയില്‍ തങ്ങാനോ പാടില്ല എന്ന വ്യവസ്ഥ ലംഘിച്ചാണ് 42 പേര്‍ കൂട്ടത്തോടെ അല്‍ഹിജ്‌റ ഡിസ്ട്രിക്ടിലെ കെട്ടിടത്തില്‍ താമസിച്ചിരുന്നത്. ഇവര്‍ക്കെതിരെ നടപടികള്‍ സ്വീകരിച്ചു. നിയമ ലംഘകര്‍ക്ക് താമസസൗകര്യം ഏര്‍പ്പാടാക്കിയവരെ അറസ്റ്റ് ചെയ്യാന്‍ ശ്രമം തുടരുകയാണ്. ഇവരെ ബന്ധപ്പെട്ട വകുപ്പുകള്‍ക്ക് കൈമാറുമെന്ന് […]