മക്ക – ഹജ് പെര്‍മിറ്റില്ലാത്ത 2,96,000 ലേറെ വിദേശികളെ മക്കയില്‍ പ്രവേശിക്കാന്‍ അനുവദിക്കാതെ മക്കയുടെ പ്രവേശന കവാടങ്ങളില്‍നിന്ന് തിരിച്ചയച്ചതായി പൊതുസുരക്ഷാ വകുപ്പ് മേധാവിയും ഹജ് സുരക്ഷാ കമ്മിറ്റി ചെയര്‍മാനുമായ ലെഫ്. ജനറല്‍ മുഹമ്മദ് അല്‍ബസ്സാമി അറിയിച്ചു. ഹജ് ഒരുക്കങ്ങള്‍ അറിയിക്കാന്‍ ഹജ് സുരക്ഷാ സേനയില്‍ പങ്കാളിത്തം വഹിക്കുന്ന സുരക്ഷാ വകുപ്പ് മേധാവികള്‍ പങ്കെടുത്ത പത്രസമ്മേളനത്തില്‍ സംസാരിക്കുകയായിരുന്നു അദ്ദേഹം. വിവിധ പ്രവിശ്യകളില്‍ 415 ലേറെ വ്യാജ സര്‍വീസ് സ്ഥാപനങ്ങളെ പിടികൂടി. മക്കയില്‍ പ്രവേശിക്കാന്‍ പെര്‍മിറ്റില്ലാത്തവരുമായി എത്തിയ, നിയമ വിരുദ്ധമായ […]

ഹജ്ജിനോട് അനുബന്ധിച്ച് മക്കയിലേക്കുള്ള പ്രവേശനം നിയന്ത്രണ വിധേയമാക്കിയതിനാൽ ഗാർഹിക തൊഴിലാളികളുടെ മക്ക പ്രവേശന പെർമിറ്റ്‌ ഇഷ്യു ചെയ്യാനുള്ള രീതി വ്യക്തമാക്കി സൗദി ജവാസാത്ത്. www.absher.sa -യിൽ E-services > Domestic Labor > Makkah Entry Permit >  Create New Request എന്ന രീതിയിൽ ആണ് പെർമിറ്റിനു അപേക്ഷിക്കേണ്ടത്. അപേക്ഷിച്ചചതിനു ശേഷം അപേക്ഷ സ്വീകരിച്ച് പെർമിറ്റ്‌ പ്രോസസ് ചെയ്താൽ അപേക്ഷകന്റെ അബ്ഷിറിൽ ബന്ധപ്പെട്ട നോട്ടിഫിക്കേഷൻ ലഭിക്കും.

ജിദ്ദ: ഇത്തവണത്തെ ഹജ് സീസണ്‍ ആരംഭിച്ച ശേഷം വെള്ളിയാഴ്ച അര്‍ധരാത്രി വരെ വിദേശങ്ങളില്‍ നിന്ന് 13,96,644 ഹജ് തീര്‍ഥാടകര്‍ എത്തിയതായി ജവാസാത്ത് ഡയറക്ടറേറ്റ് അറിയിച്ചു. ഹാജിമാരില്‍ 13,26,323 പേര്‍ വിമാന മാര്‍ഗവും 65,228 പേര്‍ കര മാര്‍ഗവും 5,093 പേര്‍ കപ്പല്‍ മാര്‍ഗവുമാണ് രാജ്യത്തെത്തിയത്. ദുല്‍ഖഅ്ദ ഒന്നു മുതല്‍ ദുല്‍ഹജ് മൂന്നു വരെയുള്ള കാലത്ത് വിദേശ ഹജ് തീര്‍ഥാടകര്‍ക്ക് 81,000 ലേറെ ആരോഗ്യ സേവനങ്ങള്‍ നല്‍കിയതായി ആരോഗ്യ മന്ത്രാലയം അറിയിച്ചു. 120 ഹാജിമാര്‍ക്ക് ആഞ്ചിയോപ്ലാസ്റ്റി ശസ്ത്രക്രിയകളും 11 […]

മക്ക – ഹജ് കര്‍മത്തിന്റെ ഏറ്റവും പ്രധാന ചടങ്ങായ അറഫ സംഗമത്തിനിടെ ലോക മുസ്‌ലിംകളെ അഭിസംബോധന ചെയ്ത് നടത്തുന്ന ഉദ്‌ബോധന പ്രസംഗം ഇത്തവണ 35 ഭാഷകളിലേക്ക് തത്സമയം വിവര്‍ത്തനം ചെയ്യും. അറഫ ഖുതുബയുടെ സന്ദേശം 35 ഭാഷകളില്‍ ലോക മുസ്‌ലിംകളില്‍ എത്തിക്കാനുള്ള പ്രത്യേക പദ്ധതിക്ക് ഹറം മതകാര്യ വകുപ്പ് സമാരംഭം കുറിച്ചു. വിവിധ രാജ്യങ്ങളില്‍ നിന്നുള്ള തീര്‍ഥാടകരുടെ അനുഭവം സമ്പന്നമാക്കുകയും ആഗോളതലത്തില്‍ വ്യത്യസ്ത ഭാഷകളില്‍ മിതവാദ സന്ദേശം എത്തിക്കുകയും ചെയ്യുന്ന ഈ പദ്ധതി 50 ലക്ഷത്തിലേറെ പേര്‍ക്ക് […]

മക്ക – ഹജ് തീര്‍ഥാടകര്‍ക്ക് കൂടുതല്‍ സുഖകരമായ താമസസൗകര്യവും സേവനങ്ങളും നല്‍കാന്‍ മിനായില്‍ ഇരുനില തമ്പുകള്‍ സജ്ജമായി. മക്ക റോയല്‍ കമ്മീഷനു കീഴിലെ കിദാന ഡെവലപ്മെന്റ് കമ്പനി സ്വകാര്യ മേഖലയുമായി സഹകരിച്ച് ഇരുനില തമ്പുകളുടെ ആദ്യ ഘട്ടം പൂര്‍ത്തിയാക്കി. തീര്‍ഥാടകരുടെ അനുഭവം സമ്പന്നമാക്കുക, മിനായുടെ താമസ ശേഷി വര്‍ധിപ്പിക്കുക, മിനായിലെ താമസ സേവനങ്ങളുടെ ഗുണനിലവാരം മെച്ചപ്പെടുത്തുക, തീര്‍ഥാടകര്‍ക്ക് സുഖകരവും സുരക്ഷിതവുമായ താമസ അന്തരീക്ഷം ഉറപ്പാക്കുക എന്നിവ ലക്ഷ്യമിട്ടുള്ള സമഗ്ര വികസന പദ്ധതിയുടെ ഭാഗമാണ് ഇരുനില തമ്പ് പദ്ധതി. […]

ജിദ്ദ: ബലികർമം നിർവഹിക്കാൻ ആഗ്രഹിക്കുന്നവർക്ക് സൗദി അറേബ്യയുടെ ദേശീയ ജീവകാരുണ്യ പ്ലാറ്റ്ഫോമായ ഇഹ്സാൻ വഴി സൗകര്യമൊരുക്കി. മക്ക റോയൽ കമ്മീഷന്റെ കീഴിലുള്ള അദാഹി പദ്ധതിയുമായി സഹകരിച്ചാണ് ഈ സേവനം ലഭ്യമാക്കിയിരിക്കുന്നത്. ഹജ് തീർഥാടകർക്കും മറ്റുള്ളവർക്കും ഇഹ്സാൻ പ്ലാറ്റ്ഫോമിനെ ബലികർമം ചുമതലപ്പെടുത്താം. പ്ലാറ്റ്ഫോമിൽ പണമടയ്ക്കുന്നവർക്ക് ശരീഅത്തനുസരിച്ച് നിശ്ചിത സമയത്തിനകം ബലികർമം നിർവഹിച്ച് അർഹർക്കിടയിൽ ബലിമാംസം വിതരണം ചെയ്യും. ഇഹ്സാൻ പ്ലാറ്റ്ഫോമിലൂടെ എളുപ്പമാർന്ന നടപടികളിലൂടെ ബലികർമം നിർവഹിക്കാം. പ്ലാറ്റ്ഫോമിൽ ലോഗിൻ ചെയ്ത് അദാഹി പ്രോഗ്രാം തിരഞ്ഞെടുത്ത് ബലികർമത്തിന്റെ തരം (ഹജ് […]

റിയാദ്: സൗദി അറേബ്യയിലേക്കുളള മള്‍ട്ടിപ്ള്‍ വിസിറ്റ് വിസകള്‍ക്കുള്ള അപേക്ഷകള്‍ ഇന്ത്യയിലെ വിഎഫ്എസ് കേന്ദ്രങ്ങള്‍ ജൂണ്‍ 16 മുതല്‍ സ്വീകരിച്ചുതുടങ്ങും. ഇത് സംബന്ധിച്ച് വിഎഫ്എസിന്റെ താശീര്‍ വെബ്‌സൈറ്റില്‍ പരിഷ്‌കരണം നടന്നുകൊണ്ടിരിക്കുകയാണ്. കഴിഞ്ഞ ഫെബ്രുവരിയിലാണ് 365 ദിവസത്തിന്റെ മള്‍ട്ടിപ്ള്‍ വിസിറ്റ് വിസകള്‍ വിഎഫ്എസിന്റെ വെബ്‌സൈറ്റില്‍ നിന്ന് അപ്രത്യക്ഷമായത്. ഇതോടെ സൗദിയില്‍ നിന്ന് മള്‍ട്ടിപ്ള്‍ വിസയെടുത്തവര്‍ക്കെല്ലാം സിംഗിള്‍ വിസകളാണ് ലഭിച്ചത്. കഴിഞ്ഞ ദിവസം മുതല്‍ വിഎഫ്എസില്‍ ഇന്ത്യക്കാര്‍ക്ക് ജൂണ്‍ 16 മുതലുള്ള തിയ്യതികളില്‍ മള്‍ട്ടിപ്ള്‍ വിസകള്‍ക്ക് അപോയിന്‍മെന്റ് ലഭിക്കുന്നുണ്ട്. ഹജ് തയ്യാറെടുപ്പുകളുടെ […]

മക്ക: പുണ്യസ്ഥലങ്ങളിൽ ഹാജിമാരുടെ തമ്പുകളിലേക്കും പുണ്യസ്ഥലങ്ങളിലെ സർക്കാർ, സ്വകാര്യ വകുപ്പുകളുടെയും ഏജൻസികളുടെയും ആസ്ഥാനങ്ങളിലേക്കും എല്ലാത്തരം വലിപ്പത്തിലുമുള്ള ദ്രവീകൃത ഗ്യാസ് സിലിണ്ടറുകൾ പ്രവേശിപ്പിക്കുന്നതിനും ഉപയോഗിക്കുന്നതിനുമുള്ള വിലക്ക് ഇന്നു മുതൽ നിലവിൽ വന്നതായി ജനറൽ ഡയറക്ടറേറ്റ് ഓഫ് സിവിൽ ഡിഫൻസ് വ്യക്തമാക്കി. പുണ്യസ്ഥലങ്ങളിൽ അപകടങ്ങൾക്ക് ഇടയാക്കിയേക്കുന്ന കാരണങ്ങൾ കുറക്കാനുള്ള പ്രതിരോധ നടപടികളുടെ ഭാഗമായി ദുൽഹജ് ഒന്ന് രാവിലെ മുതൽ നിരോധനം ആരംഭിച്ചു. പുണ്യസ്ഥലങ്ങളിൽ ഗ്യാസ് ഉപയോഗിക്കുന്നില്ലെന്ന് ഫീൽഡ് പരിശോധനകളിലൂടെ സിവിൽ ഡിഫൻസ് സംഘങ്ങൾ നിരീക്ഷിക്കും. പരിശോധനകൾക്കിടെ കണ്ടെത്തുന്ന സിലിണ്ടറുകളും ഗ്യാസ് […]

റിയാദ്: മാസപ്പിറവി ദൃശ്യമായതിനെ തുടർന്ന് അറഫ ദിനം ജൂൺ അഞ്ചിന് വ്യാഴാഴ്ച ആയിരിക്കുമെന്ന് സൗദി റോയൽ കോർട്ട് അറിയിച്ചു. വിവിധ ഭാഗങ്ങളിൽ മാസപ്പിറവി ദൃശ്യമായതിനെ തുടർന്നാണ് തീരുമാനം പ്രഖ്യാപിച്ചത്. ഇന്ന് മാസപ്പിറിവി നിരീക്ഷിക്കണമെന്ന് അറിയിച്ചിരുന്നു. സൂര്യാസ്തമയത്തിന് ശേഷം ഇന്ന് ചന്ദ്രന്‍ 37 മിനുട്ട് ചക്രവാളത്തിലുണ്ടായിരുന്നു. ഇന്ന് (ചൊവ്വാഴ്ച) രാവിലെ 6.02ന് ഉദിക്കുന്ന ചന്ദ്രന്‍ വൈകുന്നേരം 7.38 നാണ് അസ്തമിക്കുക. സൂര്യന്‍ 6.38ന് അസ്തമിക്കും. തുമൈർ, സുദൈർ, മക്ക, മദീന, ഖസീം, ദഹ്റാൻ, ഹായിൽ, തബൂക്ക് എന്നിവടങ്ങളിലാണ് മാസപ്പിറവി […]

തബൂക്ക്: തബൂക്ക് പ്രവിശ്യയിൽ പെട്ട ഉംലജിൽ നിന്ന് നാലംഗ പെൺവാണിഭ സംഘത്തെ സാമൂഹിക സുരക്ഷാ, മനുഷ്യക്കടത്ത് വിരുദ്ധ വിഭാഗവുമായി സഹകരിച്ച് പോലീസ് അറസ്റ്റ് ചെയ്തു. ഉംലജിൽ വീട് കേന്ദ്രീകരിച്ച് പെൺവാണിഭം നടത്തിയ രണ്ടു വിദേശ യുവതികളും രണ്ടു വിദേശികളുമാണ് അറസ്റ്റിലായത്. നിയമാനുസൃത നടപടികൾ സ്വീകരിച്ച് സംഘത്തെ പബ്ലിക് പ്രോസിക്യൂഷന് കൈമാറിയതായി പൊതുസുരക്ഷാ വകുപ്പ് അറിയിച്ചു.