ജിദ്ദ – സൗദിയില്‍ ഈ വര്‍ഷം മൂന്നാം പാദത്തില്‍ ഓണ്‍ലൈന്‍ സ്‌റ്റോറുകള്‍ക്കെതിരെ ഉപയോക്താക്കളില്‍ നിന്ന് 63,000 ലേറെ പരാതികള്‍ ലഭിച്ചതായി വാണിജ്യ മന്ത്രാലയം. നിയമ, വ്യവസ്ഥകള്‍ പാലിക്കാത്തതിന് ഓണ്‍ലൈന്‍ സ്‌റ്റോറുകളുടെ പേരില്‍ 121 നിയമ ലംഘനങ്ങള്‍ രേഖപ്പെടുത്തി ശിക്ഷാ നടപടികള്‍ സ്വീകരിച്ചു. ഓണ്‍ലൈന്‍ സ്‌റ്റോറുകള്‍ക്കെതിരായ പരാതികളില്‍ നടപടിക്രമങ്ങള്‍ പൂര്‍ത്തിയാക്കാന്‍ എടുത്ത ശരാശരി സമയം 48 മണിക്കൂര്‍ മാത്രമാണ്. മൂന്നാം പാദത്തില്‍ ബിസിനസ് പ്ലാറ്റ്ഫോമില്‍ 6,400 ലേറെ പുതിയ ഓണ്‍ലൈന്‍ സ്റ്റോറുകള്‍ രജിസ്റ്റര്‍ ചെയ്തു. ഇത് രാജ്യത്ത് ഇ-കൊമേഴ്സിന്റെ […]

ജിദ്ദ – സൗദിയില്‍ വാര്‍ത്താവിനിമയ മേഖലയില്‍ പുതിയ വിപ്ലവത്തിന് തുടക്കം കുറിച്ച് 6-ജി ട്രയല്‍ വിജയകരമായി പൂര്‍ത്തിയാക്കിയതായി കമ്മ്യൂണിക്കേഷന്‍സ്, സ്‌പേസ് ആന്റ് ടെക്‌നോളജി കമ്മീഷന്‍ (സി.എസ്.ടി) അറിയിച്ചു. ഇത് സാങ്കേതിക മേഖലയില്‍ സൗദി അറേബ്യയുടെ മുന്‍നിര സ്ഥാനം ശക്തിപ്പെടുത്തും. ആറാം തലമുറ (6-ജി) സാങ്കേതികവിദ്യകള്‍ പ്രാപ്തമാക്കുന്നതിന് പരിഗണിക്കുന്ന പ്രധാന ബാന്‍ഡുകളിലൊന്നായ 7 ജിഗാഹേര്‍ട്‌സ് ഫ്രീക്വന്‍സി ബാന്‍ഡില്‍ മിഡില്‍ ഈസ്റ്റിലെയും വടക്കേ ആഫ്രിക്കയിലെയും ആദ്യ ട്രയല്‍ ആണ് വിജയകരമായി സൗദി അറേബ്യ പൂര്‍ത്തിയാക്കിയിരിക്കുന്നത്. സൗദി ടെലികോം കമ്പനി (എസ്.ടി.സി), […]

ജിദ്ദ – ലോകത്തിലെ ഏറ്റവും വലിയ സംയോജിത ഊര്‍ജ, രാസവസ്തു കമ്പനിയായ സൗദി അറാംകൊ ഈ വര്‍ഷം മൂന്നാം പാദത്തില്‍ കൈവരിച്ച ലാഭം ലോകത്തിലെ ഏറ്റവും വലിയ അഞ്ച് എണ്ണ കമ്പനികള്‍ ആകെ നേടിയ ലാഭത്തെക്കാള്‍ കൂടുതല്‍. മൂന്നാം പാദത്തില്‍ അറാംകൊ 28 ബില്യണ്‍ ഡോളര്‍ അറ്റാദായം നേടി. 2024 മൂന്നാം പാദത്തെ അപേക്ഷിച്ച് ഇക്കഴിഞ്ഞ മൂന്നാം പാദത്തില്‍ എണ്ണവില 12 ശതമാനം തോതില്‍ കുറഞ്ഞ് ബാരലിന് 70.1 ഡോളറായത് മുഴുവന്‍ എണ്ണ കമ്പനികളുടെയും വരുമാനത്തെയും ലാഭത്തെയും […]

ജിദ്ദ – സൗദിയില്‍ മൂന്നു മാസത്തിനിടെ 244 ബിനാമി സ്ഥാപനങ്ങള്‍ കണ്ടെത്തി. വാണിജ്യ മന്ത്രാലയവും വിവിധ മന്ത്രാലയങ്ങളും വകുപ്പുകളും ഉള്‍പ്പെട്ട ബിനാമി ബിസിനസ് വിരുദ്ധ ദേശീയ പ്രോഗ്രാം സംഘങ്ങള്‍ ഈ വര്‍ഷം മൂന്നാം പാദത്തില്‍ സൗദിയിലെ വിവിധ പ്രവിശ്യകളില്‍ നടത്തിയ പരിശോധനയിലാണ് ബിനാമിയാണെന്ന് സംശയിക്കപ്പെടുന്ന ബിസിനസ് സ്ഥാപനങ്ങള്‍ കണ്ടെത്തിയത്. വാണിജ്യ സ്ഥാപനങ്ങള്‍ നിയമ വ്യവസ്ഥകള്‍ പാലിക്കുന്നുണ്ടെന്ന് ഉറപ്പുവരുത്താനും നിയമ വിരുദ്ധ സ്ഥാപനങ്ങള്‍ കണ്ടെത്താനും ലക്ഷ്യമിട്ട് നടത്തിയ പരിശോധനയാണ് ഇത്.മൂന്നു മാസത്തിനിടെ വ്യക്തികളുടെ ഉടമസ്ഥതയിലുള്ള 5,693 സ്ഥാപനങ്ങളും 1,064 […]

ജിദ്ദ: പ്രവാസികളുടെ ഇഖാമ തൊഴിലുടമയുടെ ഉത്തരവാദിത്തമാണെന്ന് ജവാസാത്ത് ഡയറക്ടറേറ്റ്. പ്രവാസി തൊഴിലാളി ഫൈനല്‍ എക്‌സിറ്റില്‍ സ്വദേശത്തേക്ക് മടങ്ങിയ ശേഷം തൊഴിലുടമ ഇഖാമ നശിപ്പിക്കുകയോ ജവാസാത്തിന് കൈമാറുകയോ ചെയ്യണം. തങ്ങളുടെ സ്‌പോണ്‍സര്‍ഷിപ്പിനു കീഴിലുള്ള തൊഴിലാളികളുമായി ബന്ധപ്പെട്ട ജവാസാത്തില്‍ നിന്നുള്ള നടപടിക്രമങ്ങള്‍ക്ക് തൊഴിലുടമകള്‍ക്കാണ് ജവാസാത്തിനെ സമീപിക്കാന്‍ അധികാരമുള്ളത്. ജവാസാത്തില്‍ നിന്നുള്ള നടപടിക്രമങ്ങള്‍ അബ്ശിര്‍ പ്ലാറ്റ്ഫോം വഴി പൂര്‍ത്തിയാക്കാന്‍ തൊഴിലുടമക്ക് മറ്റൊരാളെ അധികാരപ്പെടുത്താമെന്നും ജവാസാത്ത് ഡയറക്ടറേറ്റ് വ്യക്തമാക്കി.

മക്ക – മായം കലർത്തിയ ഇന്ധനം വിൽപന നടത്തിയതിനും ഇന്ധനത്തിന്റെ അളവിൽ കൃത്രിമം കാണിച്ചതിനും പെട്രോൾ ബങ്കിന്റെ ഉടമക്ക് പിഴ ചുമത്തി കോടതി. സൗദി പൗരൻ മുഹമ്മദ് ബിൻ ഹമദ് ബിൻ ജഅ്മൽ വബ്റാൻ ആലുകുലൈബിന്റെ ഉടമസ്ഥതയിൽ മക്കയിൽ പ്രവർത്തിക്കുന്ന പമ്പിലാണ് നിയമലംഘനം കണ്ടെത്തിയത്. ഇയാൾക്കെതിരെ മക്ക ക്രിമിനൽ കോടതി 2000 റിയാൽ പിഴ ചുമത്തിതയായി വാണിജ്യ മന്ത്രാലയം അറിയിച്ചു. ഉടമയുടെ പേരുവിവരങ്ങളും ഇയാൾ നടത്തിയ നിയമ ലംഘനവും ശിക്ഷയും നിയമ ലംഘകന്റെ ചെലവിൽ പത്രത്തിൽ പരസ്യപ്പെടുത്താനും […]

റിയാദ്– സൗദിയിൽ നഗരസഭാ നിയമ ലംഘനങ്ങളെ കുറിച്ച് ബന്ധപ്പെട്ട വകുപ്പുകളെ അറിയിക്കുന്നവർക്ക് പാരിതോഷികം നൽകാൻ സൗദി മന്ത്രിസഭാ തീരുമാനം. കിരീടാവകാശിയും പ്രധാനമന്ത്രിയുമായ മുഹമ്മദ് ബിൻ സൽമാൻ രാജകുമാരന്റെ അധ്യക്ഷതയിൽ റിയാദിൽ ചേർന്ന പ്രതിവാര മന്ത്രിസഭ യോഗമാണ് നഗരസഭാ നിയമ ലംഘനങ്ങൾ കണ്ടെത്താൻ സഹായിക്കുന്നവർക്ക് വ്യവസ്ഥകൾക്ക് വിധേയമായി പാരിതോഷികം നൽകാൻ തീരുമാനിച്ചത്. സർക്കാർ ആരോഗ്യ വകുപ്പുകളുടെ ബജറ്റുകളിൽ മരുന്ന് വ്യവസായങ്ങൾ പ്രാദേശികവത്ക്കരിക്കാനുള്ള പ്രത്യേക ബജറ്റ് അംഗീകരിക്കുന്നതിന് ധന മന്ത്രാലയവുമായി സഹകരിച്ച് ആവശ്യമായ നടപടികൾ സ്വീകരിക്കാൻ വ്യവസായ, ധാതുവിഭവ മന്ത്രാലയത്തെ […]

ജിദ്ദ – സൗദി കിരീടാവകാശിയും പ്രധാനമന്ത്രിയുമായ മുഹമ്മദ് ബിന്‍ സല്‍മാന്‍ രാജകുമാരന്‍ ഈ മാസം 18 ന് വാഷിംഗ്ടണ്‍ സന്ദര്‍ശിക്കുമെന്ന് വൈറ്റ് ഹൗസ് അറിയിച്ചു. സൗദി കിരീടാവകാശി നടത്തുന്ന രണ്ടാമത്തെ അമേരിക്കന്‍ സന്ദര്‍ശനമാണിത്. തിരുഗേഹങ്ങളുടെ സേവകന്‍ സല്‍മാന്‍ രാജാവിന്റെ നിര്‍ദേശ പ്രകാരം 2018 ല്‍ മുഹമ്മദ് ബിന്‍ സല്‍മാന്‍ രാജകുമാരന്‍ വാഷിംഗ്ടണ്‍ സന്ദര്‍ശിച്ചിരുന്നു. സൗദി വിദേശ മന്ത്രി ഫൈസല്‍ ബിന്‍ ഫര്‍ഹാന്‍ രാജകുമാരനുമായി ഞായറാഴ്ച അമേരിക്കന്‍ വിദേശ മന്ത്രി മാര്‍ക്കോ റൂബിയോ ഫോണില്‍ ബന്ധപ്പെട്ട് ചര്‍ച്ച നടത്തിയിരുന്നു. […]

ജിദ്ദ – സൗദിയില്‍ നിന്ന് സിറിയയിലേക്കുള്ള കാറുകളുടെ പുനര്‍കയറ്റുമതി കുതിച്ചുയരുന്നു. ഈ വര്‍ഷം ആദ്യത്തെ ഏഴ് മാസത്തിനിടെ പുനര്‍കയറ്റുമതി ചെയ്ത വാഹനങ്ങളുടെ എണ്ണം ഏകദേശം 1,300 ആയി ഉയര്‍ന്നതായി ജനറല്‍ അതോറിറ്റി ഫോര്‍ സ്റ്റാറ്റിസ്റ്റിക്‌സ് സ്ഥിതിവിവര കണക്കുകള്‍ വ്യക്തമാക്കുന്നു. കഴിഞ്ഞ മൂന്ന് വര്‍ഷത്തിനിടെ വെറും രണ്ട് വാഹനങ്ങള്‍ മാത്രമാണ് സൗദിയില്‍ നിന്ന് സിറിയയിലേക്ക് കയറ്റുമതി ചെയ്തിരുന്നത്. സിറിയയിലെ നിലവിലെ സാമ്പത്തിക, രാഷ്ട്രീയ സ്ഥിരത കാരണം കാറുകള്‍ക്കുള്ള ആഭ്യന്തര ആവശ്യം വര്‍ധിച്ചതാണ് കയറ്റുമതി വളര്‍ച്ചക്ക് കാരണമെന്ന് വിദഗ്ധര്‍ പറഞ്ഞു. […]

റിയാദ്- ഔദ്യോഗിക മുന്നറിയിപ്പുകള്‍ സൂചിപ്പിക്കുന്നതിനുള്ള പരീക്ഷണ സൈറണ്‍ ഇന്ന് തിങ്കളാഴ്ച ഉച്ചക്ക് മൊബൈലുകളില്‍ മുഴങ്ങുമെന്ന് സിവില്‍ ഡിഫന്‍സ് ഡയറക്ടറേറ്റ് അറിയിച്ചു. തബൂക്ക്, റിയാദ്, ദിലം, അല്‍ഖര്‍ജ്, ദര്‍ഇയ, മക്ക പ്രവിശ്യയിലെ ജിദ്ദ, സോല്‍ എന്നിവിടങ്ങളിലാണ് ഉച്ചക്ക് ഒരു മണിക്ക് സൈറണ്‍ മുഴങ്ങുക. അടിയന്തര സാഹചര്യങ്ങള്‍ നേരിടുന്നതിനുള്ള ഔദ്യോഗിക മുന്നറിയിപ്പുകളെ കുറിച്ച് പൊതുജനങ്ങളില്‍ അവബോധം സൃഷ്ടിക്കാനാണിത്. ഇത് സംബന്ധിച്ച് സിവില്‍ ഡിഫന്‍സ് മൊബൈലുകളിലേക്ക് സന്ദേശങ്ങളയച്ചിരുന്നു. അപകടം നടക്കുന്നതിന് മുമ്പുള്ള മുന്നറിയിപ്പാണ് ഒരു മണിക്ക് ആദ്യ ഒരു മിനിറ്റില്‍ കേള്‍ക്കുക. […]

മുംബൈ: സഊദി ഫാമിലി വിസിറ്റിങ് വിസ നിയമത്തിലും സുപ്രധാന മാറ്റങ്ങൾ നിലവിൽ വന്നു. പ്രവേശന സമയപരിധി കുറച്ചതിനു പുറമെ വിസ ആപ്ലിക്കേഷൻ പ്രോസസ് ചെയ്യാനുള്ള സമയവും കുറച്ചിട്ടുണ്ട്. ഇവ നിലവിൽ പ്രാബല്യത്തിൽ വന്നുവെന്നും നിരവധി പ്രവാസികൾ നിയമങ്ങൾ അറിയാതെ ബുദ്ധിമുട്ട് അനുഭവിച്ചതായും ട്രാവൽസ് മേഖലയിൽ ഉള്ളവർ അറിയിച്ചു. അടുത്തിടെ ഉംറ വിസ പ്രവേശന കാലാവധി കുറച്ചതിനു സമാനമായാണ് ഫാമിലി സന്ദർശക വിസയിലും മാറ്റങ്ങൾ വരുത്തിയിരിക്കുന്നത്. ഫാമിലി വിസിറ്റ് വിസ നാട്ടിൽ നിന്ന് സ്റ്റാമ്പ് ചെയ്ത് ഒരു മാസത്തിനുള്ളിൽ […]

ജിദ്ദ – അഴിമതി കേസുകളില്‍ വിവിധ മന്ത്രാലയങ്ങളിലെയും വകുപ്പുകളിലെയും ഉദ്യോഗസ്ഥര്‍ അടക്കം 100 പേരെ ഒക്‌ടോബര്‍ മാസത്തില്‍ അറസ്റ്റ് ചെയ്തുനെന്ന് ഓവര്‍സൈറ്റ് ആന്റ് ആന്റി-കറപ്ഷന്‍ അതോറിറ്റി. കൈക്കൂലി, അധികാര ദുര്‍വിനിയോഗം എന്നീ കേസുകളില്‍ ആകെ 478 പേരെയാണ് കഴിഞ്ഞ മാസം ചോദ്യം ചെയ്തത്. ഇക്കൂട്ടത്തില്‍ കുറ്റക്കാരാണെന്ന് തെളിഞ്ഞ 100 പേരെയാണ് അറസ്റ്റ് ചെയ്തത്. ഇതില്‍ ചിലരെ പിന്നീട് ജാമ്യത്തില്‍ വിട്ടയച്ചു. ആഭ്യന്തര, മുനിസിപ്പല്‍-പാര്‍പ്പിടകാര്യ, വിദ്യാഭ്യാസ, ആരോഗ്യ, മാനവശേഷി-സാമൂഹിക വികസന മന്ത്രാലയ ഉദ്യോഗസ്ഥരും അറസ്റ്റിലായവരിലുണ്ട്. കേസുകള്‍ കോടതിക്ക് കൈമാറുന്നതിനു […]