മക്ക – ഇന്‍വെസ്റ്റര്‍ ലൈസന്‍സ് നേടാതെ മക്കയില്‍ ബിനാമിയായി മിനിമാര്‍ക്കറ്റ് നടത്തിയ പ്രവാസിക്ക് പിഴ. ബംഗ്ലാദേശ് സ്വദേശി മുഹമ്മദ് ഹാറൂന്‍ അല്‍റശീദ് ഹാജി അബ്ദുറഹ്മാനിനാണ് മക്ക ക്രിമിനല്‍ കോടതി 5,000 റിയാല്‍ പിഴ ചുമത്തിയത്. ബിനാമി സ്ഥാപനം അടച്ചുപൂട്ടല്‍, ലൈസന്‍സും കൊമേഴ്‌സ്യല്‍ രജിസ്‌ട്രേഷനും റദ്ദാക്കല്‍, ബിനാമി സ്ഥാപനം നടത്താന്‍ ബംഗ്ലാദേശുകാരന് കൂട്ടുനിന്ന സൗദി പൗരന് ബിസിനസ് മേഖലയില്‍ പ്രവര്‍ത്തിക്കുന്നതില്‍ നിന്ന് അഞ്ചു വര്‍ഷത്തേക്ക് വിലക്കേര്‍പ്പെടുത്തല്‍, ശിക്ഷ പൂര്‍ത്തിയാക്കിയ ശേഷം ബംഗ്ലാദേശുകാരനെ സൗദിയില്‍ നിന്ന് നാടുകടത്തി പ്രവേശന വിലക്കേര്‍പ്പെടുത്തല്‍, […]

ജിദ്ദ– സൗദിയില്‍ തൊഴില്‍ നിയമ ലംഘനങ്ങള്‍ക്കുള്ള പിഴകള്‍ മാനവശേഷി, സാമൂഹിക വികസന മന്ത്രാലയം പരിഷ്‌കരിച്ചു. പിഴകള്‍ പരിഷ്‌കരിക്കുന്നതിനെ കുറിച്ചുള്ള പൊതുജനാഭിപ്രായ സര്‍വേ ഫലങ്ങള്‍ മന്ത്രാലയം പുറത്തുവിട്ടു. ജോലി ചെയ്യുന്ന സ്ത്രീകള്‍ക്കുള്ള പ്രസവാവധി വ്യവസ്ഥകള്‍ പാലിക്കാത്ത തൊഴിലുടമകള്‍ക്കുള്ള പിഴകള്‍ പുതുതായി അംഗീകരിച്ചിട്ടുണ്ട്. ഗുരുതരമായ നിയമ ലംഘനമായി വിവരിച്ചിരിക്കുന്ന ഈ നിയമ ലംഘനത്തിന് 1,000 റിയാല്‍ പിഴ ചുമത്തും. കൃത്യമായ പ്രസവാവധി ലഭിക്കാത്ത ജീവനക്കാരുടെ എണ്ണത്തിനനുസരിച്ച് തൊഴിലുടമകള്‍ക്ക് ഇരട്ടി തുക പിഴ ലഭിക്കുന്നതാണ്. അമ്പതും അതില്‍ കൂടുതലും സ്ത്രീ തൊഴിലാളികളെ […]

മദീന: ഇന്ത്യയിലെ ഹൈദരാബാദിൽനിന്ന് ഉംറ നിർവഹിക്കാനെത്തിയ സംഘം സഞ്ചരിച്ച ബസ് ടാങ്കറുമായി കൂട്ടിയിടിച്ച് 42 പേർ മരിച്ചു. ഹൈദരാബാദിൽനിന്നുള്ളവരാണ് മരിച്ചവരെല്ലാം എന്നാണ് വിവരം. മക്കയില്‍ നിന്നും ഉംറ നിർവഹിച്ച ശേഷം പുറപ്പെട്ട ബസാണ് അപകടത്തിൽ പെട്ടത്. മരിച്ചവരില്‍ 20 സ്ത്രീകളും 11 പേര്‍ പത്ത് വയസ്സിന് താഴെയുള്ള കുട്ടികളുമാണ്. സൗദി സമയം രാത്രി 11 മണിയോടെ ബദ്‌റിനും മദീനക്കും ഇടയില്‍ മുഫറഹാത്ത് എന്ന സ്ഥലത്ത് വെച്ചാണ് അപകടം സംഭവിച്ചത്. ബസ് ഡീസല്‍ ടാങ്കറുമായി കൂട്ടിയിടിച്ചതോടെ തല്‍ക്ഷണം തീപിടിക്കുകയായിരുന്നു. […]

ജിദ്ദ – സൗദിയിലെ വിവിധ പ്രവിശ്യകളില്‍ ഒരാഴ്ക്കിടെ സുരക്ഷാ വകുപ്പുകള്‍ നടത്തിയ ശക്തമായ പരിശോധനയിൽ 22,000 ലേറെ നിയമ ലംഘകര്‍ പിടിയിലായതായി ആഭ്യന്തര മന്ത്രാലയം അറിയിച്ചു. ഈ മാസം ആറു മുതല്‍ പന്ത്രണ്ടു വരെയുള്ള ദിവസങ്ങളില്‍ നടത്തിയ പരിശോധനകളിലാണ് 14,027 ഇഖാമ നിയമ ലംഘകരും 4,781 നുഴഞ്ഞുകയറ്റക്കാരും 3,348 തൊഴില്‍ നിയമ ലംഘകരും അടക്കം 22,156 പേർ പിടിയിലായത്. അതിര്‍ത്തികള്‍ വഴി രാജ്യത്തേക്ക് നുഴഞ്ഞുകയറാന്‍ ശ്രമിച്ച 1,924 പേരും അറസ്റ്റിലായി. ഇവരിൽ 62 ശതമാനം പേര്‍ എത്യോപ്യക്കാരും […]

റിയാദ്: സൗദി ഹെൽത്ത് എൻഡോവ്‌മെന്റ് ഫണ്ട് ആരംഭിച്ച ടൈപ്പ് 1 പ്രമേഹ സഹായ ഫണ്ടിലേക്ക് സൗദി കിരീടാവകാശിയുടെ  ഭാര്യ  സാറ ബിൻത് മഷ്ഹൂർ രാജകുമാരി 10 മില്യൺ സൗദി റിയാൽ ഉദാരമായി സംഭാവന ചെയ്തു. എല്ലാ വർഷവും നവംബർ 14 ന് ആചരിക്കുന്ന ലോക പ്രമേഹ ദിനത്തിലായിരുന്നു ഇത്. ടൈപ്പ് 1 പ്രമേഹമുള്ള കുട്ടികൾക്ക് ഏറ്റവും പുതിയ പരിചരണവും ചികിത്സയും ലഭ്യമാക്കുക, അവരുടെ ജീവിത നിലവാരം മെച്ചപ്പെടുത്തുക, അവരുടെ കുടുംബങ്ങളുടെ ദുരിതങ്ങൾ ലഘൂകരിക്കുക എന്നിവയാണ് ഈ സംഭാവനയുടെ […]

ജിദ്ദ – സ്വന്തം സുരക്ഷ ഉറപ്പാക്കാന്‍ സൗദിയിലെ സുരക്ഷാ, ആരോഗ്യ, സേവന നിയമങ്ങളും നിര്‍ദേശങ്ങളും ഹാജിമാര്‍ പാലിക്കണമെന്ന് ഹജ്ജ്, ഉംറ മന്ത്രി ഡോ. തൗഫീഖ് അല്‍റബീഅ. ഇതേ കുറിച്ച് തീര്‍ഥാടകരെ ബോധവല്‍ക്കരിക്കണമെന്നും മന്ത്രി പറഞ്ഞു. തീര്‍ഥാടകരെ ഏറ്റവും നല്ല രീതിയില്‍ സ്വീകരിക്കാനും മികച്ച സേവനങ്ങള്‍ നല്‍കാനുമായി സൗദിയിലെ മുഴുവന്‍ സര്‍ക്കാര്‍ വകുപ്പുകളും മേഖലകളും ഹജ്ജുമായി ബന്ധപ്പെട്ട കാര്യങ്ങള്‍ ആസൂത്രണം ചെയ്യുന്നതിലും തയാറാക്കുന്നതിലും ക്രമീകരിക്കുന്നതിലും വര്‍ഷം മുഴുവനും പ്രവര്‍ത്തിക്കുന്നുണ്ടെന്നും വിദേശ രാജ്യങ്ങളുടെ ഹജ്ജ് മിഷന്‍ ഓഫീസ് മേധാവികളുമായി നടത്തിയ […]

അബഹ – സൗദി പൗരന്റെ അപേക്ഷയില്‍ നടപടികള്‍ സ്വീകരിക്കുന്നതില്‍ കാലതാമസം വരുത്തിയതിനെ തുടര്‍ന്ന് ഉദ്യോഗസ്ഥന്റെ സ്ഥാനക്കയറ്റം നീട്ടിവെക്കാന്‍ അസീര്‍ പ്രവിശ്യ ഗവര്‍ണര്‍ തുര്‍ക്കി ബിന്‍ ത്വലാല്‍ രാജകുമാരന്‍ നിര്‍ദേശിച്ചു. ഭരണപരമായ കാര്യക്ഷമത വര്‍ധിപ്പിക്കാനും സേവന നിലവാരം മെച്ചപ്പെടുത്താനും അന്യായമായ കാലതാമസം മൂലം പൗരന്മാര്‍ക്ക് ദോഷം സംഭവിക്കുന്നില്ലെന്ന് ഉറപ്പാക്കാനും സൗദി പൗരന്റെ അപേക്ഷ നടപടികള്‍ വേഗത്തിലാക്കാന്‍ അസീര്‍ ഗവര്‍ണറേറ്റ് ആസ്ഥാനത്ത് പൊതുജനങ്ങളുമായി നടത്തിയ കൂടിക്കാഴ്ചക്കിടെ ഗവര്‍ണര്‍ മര്‍കസ് മേധാവിക്ക് കര്‍ശന നിര്‍ദേശം നല്‍കി. ഉദ്യോഗസ്ഥന്റെ സ്ഥാനക്കയറ്റ ശ്രമങ്ങള്‍ പോലെ […]

മസ്‌കത്ത് – വിദേശ പൗരന്മാര്‍ക്ക് കലാ, സാംസ്‌കാരിക മേഖലകളില്‍ ജോലി ചെയ്യാനും താല്‍ക്കാലികമായി താമസിക്കാനും വ്യക്തമായ നിയമപരമായ വഴികള്‍ നല്‍കുക എന്ന ലക്ഷ്യത്തോടെ ഒമാന്‍ സാംസ്‌കാരിക വിസ പദ്ധതിക്ക് തുടക്കം കുറിച്ചു. അക്കാദമിക് വിദഗ്ധര്‍, സര്‍ഗാത്മക പ്രൊഫഷണലുകള്‍ തുടങ്ങിയവര്‍ക്ക് വിസ അനുവദിക്കുന്നതുമായി ബന്ധപ്പെട്ട ഭരണപരമായ തടസ്സങ്ങള്‍ കുറക്കുക, പരിപാടികള്‍, ഗവേഷണ പദ്ധതികള്‍, എന്നിവയില്‍ സുഗമമായ സാന്നിധ്യം സാധ്യമാക്കുക എന്നിവയാണ് പുതിയ വിസ നയത്തിന്റെ ലക്ഷ്യമെന്ന് ഉദ്യോഗസ്ഥര്‍ സൂചിപ്പിക്കുന്നു. അന്താരാഷ്ട്ര വൈജ്ഞാനിക സഹകരണത്തിനും സാംസ്‌കാരിക പങ്കാളിത്തത്തിനുമുള്ള കേന്ദ്രമായി സ്വയം […]

റിയാദ് – ആറ് വ്യത്യസ്ത ഭാഗങ്ങളായി 1,600ലേറെ മൃഗങ്ങളെ ഉൾക്കൊള്ളുന്ന റിയാദ് മൃഗശാല പുതുമോടിയോടെ വീണ്ടും തുറക്കുന്നതായി ജനറൽ എന്റർടൈൻമെന്റ് അതോറിറ്റി ഡയറക്ടർ ബോർഡ് ചെയർമാൻ തുർക്കി ആലുശൈഖ് അറിയിച്ചു. റിയാദ് സീസൺ 2025 പരിപാടികളുടെ ഭാഗമായി നവംബർ 20 മുതലാണ് മൃഗശാല തുറക്കുന്നതെന്നും അദ്ദേഹം വ്യക്തമാക്കി. ടിക്കറ്റ് ബുക്കിംഗിനുള്ള ലിങ്കും ഏർപ്പെടുത്തിയിട്ടുണ്ട്. നവീകരണ ജോലികൾക്കും അറ്റകുറ്റപ്പണികൾക്കും വേണ്ടി മൃഗശാല നേരത്തെ അടക്കുകയായിരുന്നു. വംശനാശഭീഷണി നേരിടുന്ന ജീവികളെ വളർത്താനും വന്യജീവികളുമായി ബന്ധപ്പെട്ട പഠനങ്ങളും ഗവേഷണങ്ങളും പ്രോത്സാഹിപ്പിക്കാനും പ്രവർത്തിക്കുന്ന […]

റിയാദ് – പത്തു വർഷത്തിനുള്ളിൽ സൗദിയിൽ നിന്ന് ബഹിരാകാശത്തേക്ക് വിനോദസഞ്ചാര യാത്രകൾ ആരംഭിക്കുമെന്ന് ഹലോ സ്‌പേസ് കമ്പനി. റിയാദിൽ ടൂറൈസ് ഫോറത്തിലാണ് ഹലോ സ്‌പേസ് ചരിത്ര പ്രഖ്യാപനം നടത്തിയത്. മിഡാന സൗദി അറേബ്യ അടക്കമുള്ള പങ്കാളികളുമായി ചേർന്നാണ് കമ്പനി സൗദിയിൽ നിന്ന് വാണിജ്യാടിസ്ഥാനത്തിൽ നിയർ-സ്പേസ് ടൂറുകൾ സംഘടിപ്പിക്കുക. ഇതിനുള്ള റോഡ്മാപ്പ് ഹലോ സ്പേസ് പുറത്തിറക്കി. യാത്രക്കാർക്ക് നിയർ-സ്പേസിലേക്ക് കയറാനും 30 കിലോമീറ്ററിൽ കൂടുതൽ ഉയരത്തിൽ നിന്ന് ഭൂമിയുടെയും ഇരുണ്ട ആകാശത്തിന്റെയും കാഴ്ച ആസ്വദിക്കാനും അവസരമൊരുക്കും. ടൂറുകൾ സൗദിയിൽ […]

തബൂക്ക് – തബൂക്കിലെ മസാജ് സെന്ററില്‍ പൊതുധാര്‍മികതക്ക് വിരുദ്ധമായ പ്രവൃത്തികള്‍ ചെയ്തതിന് പ്രവാസിയെ തബൂക്ക് പോലീസ് അറസ്റ്റ് ചെയ്തു. സാമൂഹിക സുരക്ഷാ, മനുഷ്യക്കടത്ത് വിരുദ്ധ വിഭാഗവുമായി സഹകരിച്ചാണ് പ്രതിയെ അറസ്റ്റ് ചെയ്തത്. നിയമാനുസൃത നടപടികള്‍ പൂര്‍ത്തിയാക്കി പ്രതിയെ പബ്ലിക് പ്രോസിക്യൂഷന് കൈമാറി. മസാജ് സെന്ററിനെതിരെ തബൂക്ക് നഗരസഭ നിയമാനുസൃത ശിക്ഷാ നടപടികള്‍ സ്വീകരിച്ചതായും തബൂക്ക് പോലീസ് അറിയിച്ചു.