റിയാദ് – സൈബർ കുറ്റകൃത്യങ്ങൾ റിപ്പോർട്ട് ചെയ്യുന്നവർക്ക് 50,000 റിയാൽ പാരിതോഷികം പ്രഖ്യാപിച്ച് സൗദി ദേശീയ സൈബർ സുരക്ഷ അതോറിറ്റി. റിപ്പോർട്ടുകൾ പരിശോധിക്കുന്നതിനും പാരിതോഷികത്തിന് അർഹതയുള്ളവരെ കണ്ടെത്താനുംതുക നിശ്ചയിക്കാനും അതോറിറ്റിയിലെ മൂന്നംഗ കമ്മറ്റിക്ക് രൂപം നൽകി. ലൈസൻസില്ലാതെ സൈബർ സുരക്ഷ ഓപറേഷനുകൾ നടത്തുക, ലൈസൻസിലെ വ്യവസ്ഥകൾ ലംഘിച്ച് പ്രവർത്തിക്കുക, സൈബർ സുരക്ഷയുമായി ബന്ധപ്പെട്ട നയങ്ങൾ, മാനദണ്ഡങ്ങൾ, നിയന്ത്രണങ്ങൾ എന്നിവ പാലിക്കാതിരിക്കുക, അതോറിറ്റി ആവശ്യപ്പെട്ട വിവരങ്ങൾ നൽകാതിരിക്കുകയോ, തെറ്റിദ്ധരിപ്പിക്കാൻ ശ്രമിക്കുകയോ ചെയ്യൽ, അനുമതിയില്ലാതെ സൈബർസെക്യൂരിറ്റി ഉപകരണങ്ങൾ, സേവനങ്ങൾ എന്നിവ […]

ബുറൈദ – രണ്ടു സൗദി ഭീകരരെ അല്‍ഖസീമില്‍ ഇന്ന് വധശിക്ഷക്ക് വിധേയരാക്കിയതായി ആഭ്യന്തര മന്ത്രാലയം അറിയിച്ചു. ആരാധനാലയങ്ങളും സുരക്ഷാ വകുപ്പ് ആസ്ഥാനങ്ങളും ലക്ഷ്യമിട്ടും സുരക്ഷാ ഉദ്യോഗസ്ഥരെ ലക്ഷ്യമിട്ടും ഭീകരാക്രമണങ്ങള്‍ നടത്തുകയും ആയുധങ്ങള്‍ കൈവശം വെക്കുകയും സ്‌ഫോടകവസ്തുക്കള്‍ നിര്‍മിക്കുകയും ചെയ്ത രണ്ടു പേരുടെ വധശിക്ഷയാണ് നടപ്പിലാക്കിയത്. ഏതാനും ഭീകരര്‍ക്ക് അഭയം നല്‍കുകയും രാജ്യത്തിന്റെ സുരക്ഷക്ക് കോട്ടം തട്ടിക്കാന്‍ ലക്ഷ്യമിടുന്ന വിദേശ ഭീകര സംഘടനയില്‍ ചേര്‍ന്ന് പ്രവര്‍ത്തിക്കുകയും ചെയ്ത ഫഹദ് ബിന്‍ അലി ബിന്‍ അബ്ദുല്‍ അസീസ് അല്‍വശീല്‍, അബ്ദുറഹ്മാന്‍ […]

ജിദ്ദ – ചെങ്കടലിലെ ശൈബാറ ദ്വീപില്‍ വരും മാസങ്ങളില്‍ പത്തു പുതിയ റിസോര്‍ട്ടുകള്‍ കൂടി തുറക്കുമെന്ന് ടൂറിസം മന്ത്രി അഹ്മദ് അല്‍ഖത്തീബ് . നിലവിലുള്ള ഓപ്ഷനുകളേക്കാള്‍ വളരെ കുറഞ്ഞ നിരക്കാണ് ഇവ വാഗ്ദാനം ചെയ്യുക. ഇടത്തരം, ഉയര്‍ന്ന മധ്യവര്‍ഗ വിഭാഗങ്ങള്‍ക്കായി ടൂറിസം വികസിപ്പിക്കാനായി സൗദി പ്രവര്‍ത്തിക്കുന്നതിന്റെ ഭാഗമാണിത്. വര്‍ഷങ്ങളായി ഉയര്‍ന്ന നിരക്കുള്ള ആഡംബര റിസോര്‍ട്ടുകള്‍ വികസിപ്പിക്കുന്നതിലാണ് രാജ്യം ശ്രദ്ധ കേന്ദ്രീകരിച്ചിരുന്നത്. ഹജ്ജ്, ഉംറ തീര്‍ഥാടകര്‍ക്കുള്ള ഹോട്ടല്‍ താമസ സൗകര്യങ്ങള്‍ വര്‍ധിപ്പിക്കുന്നതും പദ്ധതിയിലുണ്ട്. മക്കയിലും മദീനയിലും പുതുതായി പതിനായിരക്കണക്കിന് […]

ജിദ്ദ – മക്ക, അല്‍ബാഹ, കിഴക്കന്‍ പ്രവിശ്യ അടക്കം സൗദിയിലെ ഏതാനും പൊതുവിദ്യാഭ്യാസ വകുപ്പുകള്‍ക്ക് കീഴിലുള്ള സ്‌കൂളുകളില്‍ ഇന്നു മുതല്‍ ശൈത്യകാല പ്രവൃത്തി സമയം നിലവില്‍വന്നു. ജിദ്ദ അടങ്ങുന്ന മക്ക പ്രവിശ്യയിലെ എല്ലാ സ്‌കൂളുകളിലും ശൈത്യകാല സ്‌കൂള്‍ സമയം നിലവില്‍വന്നതായി മക്ക വിദ്യാഭ്യാസ വകുപ്പ് അറിയിച്ചു. അസംബ്ലി രാവിലെ 7.15 നും ആദ്യ പീരിയഡ് രാവിലെ 7.30 നും ആരംഭിക്കും. മുതിര്‍ന്നവര്‍ക്കുള്ള തുടര്‍ വിദ്യാഭ്യാസ സ്‌കൂളുകളില്‍ ആണ്‍കുട്ടികള്‍ക്ക് ആദ്യ പീരിയഡ് വൈകുന്നേരം അഞ്ചിനും പെണ്‍കുട്ടികള്‍ക്ക് വൈകുന്നേരം മൂന്നിനും […]

ജിദ്ദ: ഇക്കഴിഞ്ഞ സെപ്റ്റംബറില്‍ സൗദി അറേബ്യയിലെ 50 പ്രവാസി തൊഴിലാളികൾക്ക് ഒന്നര കോടി റിയാൽ വിതരണം ചെയ്തതായി മാനവശേഷി മന്ത്രാലയം അറിയിച്ചു. വേതന കുടിശികയും സര്‍വീസ് ആനുകൂല്യങ്ങളുമായാണ് ഇത്രയും തുക വിതരണം ചെയ്തത്. സാമ്പത്തിക പ്രതിസന്ധിയിലായതിനെ തുടർന്ന് പ്രവർത്തിക്കാനാകാത്ത കമ്പനികളിലെ തൊഴിലാളികളെ സഹായിക്കുന്നതിനാണ് പദ്ധതി നടപ്പാക്കിയത്. ഇത്തരം കമ്പനികളിലെ തൊഴിലാളികളുടെ വേതന കുടിശികയും സര്‍വീസ് ആനുകൂല്യങ്ങളും മന്ത്രാലയം നൽകും. മാനവശേഷി, സാമൂഹിക വികസന മന്ത്രാലയത്തിനു കീഴിലെ ലേബര്‍ അഫയേഴ്സ് ഏജന്‍സിയാണ് ഇതിന് ആവശ്യമായ നടപടികൾ സ്വീകരിക്കുന്നത്. സാമ്പത്തിക […]

സൗദിയിലെ അസീർ മുനിസിപ്പാലിറ്റി പരിസ്ഥിതി ആരോഗ്യ വിഭാഗം നടത്തിയ പരിശോധനയിൽ, റെസിഡൻഷ്യൽ ഏരിയയിൽ പ്രവർത്തിച്ചിരുന്ന ഒരു മധുരപലഹാര നിർമ്മാണ കേന്ദ്രം പിടികൂടി അടച്ചുപൂട്ടി. ആരോഗ്യ സർട്ടിഫിക്കറ്റ് ഇല്ലാത്ത തൊഴിലാളികൾ, വൃത്തിഹീനമായ അന്തരീക്ഷം, കാലഹരണപ്പെട്ട ലൈസൻസോടെ പ്രവർത്തിക്കുക, മുനിസിപ്പൽ-ആരോഗ്യ മാനദണ്ഡങ്ങൾ പാലിക്കാതിരിക്കുക, സി.സി.ടി.വി. നിരീക്ഷണ സംവിധാനങ്ങൾ ഇല്ലാത്തത്. എന്നിവയാണ് ഈ സ്ഥാപനത്തിനെതിരെയുള്ള പ്രധാന കണ്ടെത്തലുകൾ. കൂടാതെ, കേടുവന്ന ഉപകരണങ്ങൾ, ഉപയോഗശൂന്യമായ തുണികൊണ്ടുള്ള ടവലുകൾ എന്നിവ ഉപയോഗിച്ചിരുന്നതായും, ഭക്ഷ്യവസ്തുക്കൾ നേരിട്ട് സൂര്യരശ്മി ഏൽക്കുന്ന രീതിയിൽ പ്രദർശിപ്പിച്ചിരുന്നതായും കണ്ടെത്തി. ഇത് ഉപഭോക്താക്കളുടെ […]

റിയാദ്– മക്ക-ജിദ്ദ എക്‌സ്പ്രസ്‌വേയടക്കം സൗദിയിലെ ചില റോഡുകള്‍ സ്വകാര്യവല്‍ക്കരിക്കാന്‍ ഗതാഗത, ലോജിസ്റ്റിക്‌സ് സര്‍വീസ് മന്ത്രാലയം ശ്രമിക്കുന്നുണ്ടെന്ന് വകുപ്പ് മന്ത്രി സ്വാലിഹ് അല്‍ജാസിര്‍. അടിസ്ഥാന സൗകര്യ വികസനത്തിലും ലോജിസ്റ്റിക്‌സ് സേവനങ്ങളിലും സ്വകാര്യ മേഖലയുടെ പങ്കാളിത്തം ഉപയോഗപ്പെടുത്താനുള്ള സൗദി അറേബ്യയുടെ തന്ത്രത്തിന്റെ ഭാഗമായാണ് ഈ നീക്കമെന്നും സ്വാലിഹ് അല്‍ജാസിര്‍ അറിയിച്ചു. മക്ക-ജിദ്ദ എക്‌സ്പ്രസ്‌വേയാണ് ആദ്യമായി സ്വകാര്യവല്‍ക്കരിക്കുകയെന്നും ഫെഡറേഷന്‍ ഓഫ് സൗദി ചേംബേഴ്‌സ് ഓഫ് കൊമേഴ്സില്‍ വ്യവസായികളുമായി നടത്തിയ കൂടിക്കാഴ്ചയില്‍ മന്ത്രി പറഞ്ഞു. ഗതാഗത, ലോജിസ്റ്റിക്‌സ് സര്‍വീസ് മന്ത്രാലയത്തിനു കീഴില്‍ സ്വകാര്യവല്‍ക്കരണ […]

റിയാദ്– റിയാദിലെ ഇന്ത്യൻ എംബസിയിലേക്ക് ജോലിക്കാരെ തേടുന്നു. ക്ലർക്ക് തസ്തികയിലേക്കാണ് അപേക്ഷ ക്ഷണിച്ചത്. സൗദിയിൽ കാലാവധിയുള്ള ഇഖാമയും താമസമുള്ള ഇന്ത്യക്കാരായ പ്രവാസി കൾക്കാണ് അവസരം. നവംബർ 12 വരെയാണ് ഈ തസ്തിയിലേക്ക് അപേക്ഷിക്കാനുള്ള തീയതി. യോഗ്യത – അംഗീകൃത സർവകലാശാലയിൽ ഏതെങ്കിലും വിഷയത്തിൽ ബിരുദം, ഇംഗ്ലീഷ് അറബി ഭാഷകൾ അറിഞ്ഞിരിക്കണം, കമ്പ്യൂട്ടർ പ്രവർത്തി പരിചയം എന്നിവയാണ് യോഗ്യതകൾ. പ്രായ പരിധി – 2025 നവംബർ ഒന്നിന് 35 വയസ്സിൽ താഴെയായിരിക്കണം. ശമ്പളം –4000 റിയാൽ മുതൽ 9800 […]

തബൂക്ക് – അയല്‍ രാജ്യത്തു നിന്ന് അതിര്‍ത്തി വഴി ഡ്രോണ്‍ ഉപയോഗിച്ച് കടത്താൻ ശ്രമിച്ച മയക്കുമരുന്ന് തബൂക്ക് പ്രവിശ്യയില്‍ പെട്ട അല്‍ബദഅ് സെക്ടര്‍ അതിര്‍ത്തി സുരക്ഷാ സേന പിടികൂടി. 1,38,475 ലഹരി ഗുളികകളാണ് ഡ്രോണ്‍ ഉപയോഗിച്ച് കടത്താന്‍ ശ്രമിച്ചത്. ഡ്രോൺ സൈന്യം കസ്റ്റഡിയിലെടുത്തു. നിയമാനുസൃത നടപടികള്‍ പൂര്‍ത്തിയാക്കി മയക്കുമരുന്ന് ശേഖരവും ഡ്രോണും ബന്ധപ്പെട്ട വകുപ്പിന് കൈമാറിയതായി അതിര്‍ത്തി സുരക്ഷാ സേന അറിയിച്ചു.

റിയാദ് – ഭൂവിനിയോഗം നിയന്ത്രിക്കാനും നഗര പരിസ്ഥിതി മെച്ചപ്പെടുത്താനുമുള്ള ശ്രമങ്ങളുടെ ഭാഗമായി, ഉത്തര റിയാദിലെ ഏതാനും ഡിസ്ട്രിക്ടുകളില്‍ അനധികൃതമായി സ്ഥാപിച്ച 111 തമ്പുകള്‍ ബന്ധപ്പെട്ട വകുപ്പുകളുമായി സഹകരിച്ച് റിയാദ് നഗരസഭ നീക്കം ചെയ്തു. അല്‍ആരിദ്, അല്‍ഖൈറവാന്‍, അല്‍ഖൈര്‍, ബന്‍ബാന്‍ ഡിസ്ട്രിക്ടുകള്‍, കിംഗ് ഫഹദ് റോഡ്, സല്‍ബൂഖ് റോഡ് എന്നിവിടങ്ങളില്‍ ശക്തമായ പരിശോധനകള്‍ നടത്തിയാണ് അനധികൃതവും നിയമവിരുദ്ധവുമായ തമ്പുകള്‍ നീക്കം ചെയ്തത്. നിയമ ലംഘകര്‍ക്ക് നഗരസഭ നോട്ടീസുകള്‍ നല്‍കി. പരിശോധനക്കിടെ 34 കന്നുകാലി കൂടുകള്‍ പിടിച്ചെടുക്കുകയും ലൈസന്‍സില്ലാത്ത രണ്ട് […]

ജിദ്ദ – സൗദിയില്‍ പെട്രോള്‍ ബങ്കുകളില്‍ എന്‍ജിന്‍ ഓഫാക്കാത്തവര്‍ക്കും ശരിയായ ട്രാക്ക് പാലിക്കാത്തവര്‍ക്കും ഇന്ധനം നല്‍കുന്നത് ഊര്‍ജ മന്ത്രാലയം വിലക്കി. പെട്രോള്‍ ബങ്കുകളില്‍ നിശ്ചിത ക്യൂ ലെയ്‌നുകള്‍ പാലിക്കാത്ത ഉപഭോക്താക്കളുടെ വാഹനങ്ങളില്‍ ഇന്ധനം നിറക്കുന്നത് നിരോധിച്ചുകൊണ്ട് ഊര്‍ജ മന്ത്രാലയം നിര്‍ദേശം പുറപ്പെടുവിച്ചു. ഇന്ധനം നിറക്കുന്ന സമയത്ത് വാഹന എന്‍ജിനുകള്‍ ഓഫ് ചെയ്യാത്ത ഉപഭോക്താക്കള്‍ക്ക് ഇന്ധനം നല്‍കരുതെന്നും പെട്രോള്‍ ബങ്കുകളുടെയും സര്‍വീസ് സെന്ററുകളുടെയും മാനേജ്‌മെന്റുകള്‍ക്കും പെട്രോള്‍ ബങ്കുകള്‍ പ്രവര്‍ത്തിപ്പിക്കുന്നതിന്റെയും അറ്റകുറ്റപ്പണികള്‍ നടത്തുന്നതിന്റെയും കരാറുകളേറ്റെടുത്ത കമ്പനികള്‍ക്കും അയച്ച സര്‍ക്കുലറില്‍ മന്ത്രാലയം […]

ജിദ്ദ – സൗദിയില്‍ ഈ വര്‍ഷം മൂന്നാം പാദത്തില്‍ ഓണ്‍ലൈന്‍ സ്‌റ്റോറുകള്‍ക്കെതിരെ ഉപയോക്താക്കളില്‍ നിന്ന് 63,000 ലേറെ പരാതികള്‍ ലഭിച്ചതായി വാണിജ്യ മന്ത്രാലയം. നിയമ, വ്യവസ്ഥകള്‍ പാലിക്കാത്തതിന് ഓണ്‍ലൈന്‍ സ്‌റ്റോറുകളുടെ പേരില്‍ 121 നിയമ ലംഘനങ്ങള്‍ രേഖപ്പെടുത്തി ശിക്ഷാ നടപടികള്‍ സ്വീകരിച്ചു. ഓണ്‍ലൈന്‍ സ്‌റ്റോറുകള്‍ക്കെതിരായ പരാതികളില്‍ നടപടിക്രമങ്ങള്‍ പൂര്‍ത്തിയാക്കാന്‍ എടുത്ത ശരാശരി സമയം 48 മണിക്കൂര്‍ മാത്രമാണ്. മൂന്നാം പാദത്തില്‍ ബിസിനസ് പ്ലാറ്റ്ഫോമില്‍ 6,400 ലേറെ പുതിയ ഓണ്‍ലൈന്‍ സ്റ്റോറുകള്‍ രജിസ്റ്റര്‍ ചെയ്തു. ഇത് രാജ്യത്ത് ഇ-കൊമേഴ്സിന്റെ […]

ജിദ്ദ – സൗദിയില്‍ വാര്‍ത്താവിനിമയ മേഖലയില്‍ പുതിയ വിപ്ലവത്തിന് തുടക്കം കുറിച്ച് 6-ജി ട്രയല്‍ വിജയകരമായി പൂര്‍ത്തിയാക്കിയതായി കമ്മ്യൂണിക്കേഷന്‍സ്, സ്‌പേസ് ആന്റ് ടെക്‌നോളജി കമ്മീഷന്‍ (സി.എസ്.ടി) അറിയിച്ചു. ഇത് സാങ്കേതിക മേഖലയില്‍ സൗദി അറേബ്യയുടെ മുന്‍നിര സ്ഥാനം ശക്തിപ്പെടുത്തും. ആറാം തലമുറ (6-ജി) സാങ്കേതികവിദ്യകള്‍ പ്രാപ്തമാക്കുന്നതിന് പരിഗണിക്കുന്ന പ്രധാന ബാന്‍ഡുകളിലൊന്നായ 7 ജിഗാഹേര്‍ട്‌സ് ഫ്രീക്വന്‍സി ബാന്‍ഡില്‍ മിഡില്‍ ഈസ്റ്റിലെയും വടക്കേ ആഫ്രിക്കയിലെയും ആദ്യ ട്രയല്‍ ആണ് വിജയകരമായി സൗദി അറേബ്യ പൂര്‍ത്തിയാക്കിയിരിക്കുന്നത്. സൗദി ടെലികോം കമ്പനി (എസ്.ടി.സി), […]