ഇവിടെ ക്ലിക്ക് ചെയ്ത് ഗൾഫ് മലയാളം ന്യൂസ് വാട്സ്ആപ്പ് ഗ്രൂപ്പിൽ ജോയിൻ ചെയ്യൂ
[mc4wp_form id="448"]
പ്രവാസികൾക്ക് ആവശ്യമായ ന്യൂസുകളും ജോലികളും ഒരു കുടക്കീഴിൽ
ജിദ്ദ – ദ്രവീകൃത പെട്രോളിയം ഗ്യാസിന്റെ വില 4.8 ശതമാനം തോതില്‍ സൗദി അറാംകൊ ഉയര്‍ത്തി. ഒരു ലിറ്റര്‍ ദ്രവീകൃത പെട്രോളിയം ഗ്യാസിന്റെ വില 1.04 റിയാലില്‍ നിന്ന് 1.09 റിയാലാണ് കമ്പനി വര്‍ധിപ്പിച്ചിരിക്കുന്നത്. ഇത് ഇന്നലെ മുതല്‍ നിലവില്‍ വന്നു.
ജിദ്ദ– സൗദി അറേബ്യയില്‍ ഗാര്‍ഹിക തൊഴിലാളികളുടെ ശമ്പളം മുസാനിദ് പ്ലാറ്റ്ഫോം മുഖേന ഡിജിറ്റൽ ഇടപാടിലൂടെ വിതരണം ചെയ്യൽ നിർബന്ധമാക്കുന്ന വേതന സുരക്ഷ പദ്ധതിയുടെ മൂന്നാം ഘട്ടം ചൊവ്വാഴ്ച മുതൽ പ്രാബല്യത്തിൽ വന്നു. ഇതു പ്രകാരം മൂന്നും അതിൽ കൂടുതലും ഗാർഹിക തൊഴിലാളികളുള്ള തൊഴിലുടമകൾ അവർക്കു കീഴിലുള്ള ഗാർഹിക തൊഴിലാളികൾക്ക് മുസാനിദ് പ്ലാറ്റ്ഫോം മുഖേന ഡിജിറ്റൽ വോലറ്റ്, ബാങ്ക് വഴി മാത്രമെ ശമ്പളം വിതരണം ചെയ്യാവൂ. ഈ പദ്ധതിയുടെ ആദ്യഘട്ടം കഴിഞ്ഞ വർഷം ജൂലൈ ഒന്നിനാണ് നിലവിൽ വന്നത്. […]
റിയാദ്- സൗദി അറേബ്യയിൽ വിസിറ്റ് വിസ ഓൺലൈനായി പുതുക്കുന്ന സംവിധാനം വീണ്ടും നിലവിൽ വന്നു. ഏതാനും മാസങ്ങളായി ലഭ്യമല്ലാതിരുന്ന സേവനമാണ് ഇന്ന് രാവിലെ മുതൽ വീണ്ടും നിലവിൽ വന്നത്. നേരത്തെ മൾട്ടിപ്പിൾ റീ എൻട്ര വിസ ഉള്ളവർക്ക് ഇന്ന് മുതൽ ഓൺലൈൻ വഴി വിസ പുതുക്കാനുള്ള സൗകര്യം വെബ്സൈറ്റിൽ ലഭ്യമായി. ഇതേവരെ ഈ സേവനം ലഭ്യമായിരുന്നില്ല. കഴിഞ്ഞ ഏതാനും മാസങ്ങളായി വിസ പുതുക്കേണ്ടവർ മറ്റു രാജ്യങ്ങളിൽ പോയാണ് വിസ പുതുക്കി തിരിച്ചുവന്നിരുന്നത്. ഹജ് സേവനങ്ങളുടെ നടപടിക്രമങ്ങൾ കൂടുതൽ […]
ജിദ്ദ – സൗദി അറേബ്യയിൽ വീടുകളിൽ ഭക്ഷ്യ, ഭക്ഷ്യേതര സ്ഥാപനങ്ങള്‍ക്ക് ഡെലിവറിപെര്‍മിറ്റ് നിര്‍ബന്ധമാക്കാനുള്ള തീരുമാനം ഇന്നു മുതല്‍ പ്രാബല്യത്തില്‍ വന്നു. നഗരസഭ പാര്‍പ്പിടകാര്യ മന്ത്രാലയത്തിനു കീഴിലെ ബലദീ പ്ലാറ്റ്ഫോം വഴിയാണ് ഹോം ഡെലിവറി പെര്‍മിറ്റ് നല്‍കുന്നത്. പെര്‍മിറ്റ് വ്യവസ്ഥ പാലിക്കുന്നത് ഉറപ്പാക്കാൻ നഗരസഭകള്‍ ഫീല്‍ഡ് പരിശോധനകള്‍ നടത്തും. ബലദീ പ്ലാറ്റ്ഫോം വഴി എളുപ്പത്തില്‍ പെര്‍മിറ്റ് നേടാന്‍ സാധിക്കും. ജീവിത നിലവാരം ഉയര്‍ത്താനും രാജ്യത്തെ ഡെലിവറി മേഖലയില്‍ സുരക്ഷയും നിയമപാലനവും ഉയര്‍ത്താനുമുള്ള മന്ത്രാലയത്തിന്റെ ശ്രമങ്ങളുടെ ഭാഗമായാണ് പെര്‍മിറ്റ് വ്യവസ്ഥ […]
അബുദാബി – യു.എ.ഇ ഇന്ധന വില നിര്‍ണയ കമ്മിറ്റി ഈ മാസത്തേക്കുള്ള പെട്രോള്‍, ഡീസല്‍ വിലകള്‍ പ്രഖ്യാപിച്ചു. എല്ലായിനം പെട്രോളിന്റെയും ഡീസലിന്റെയും വില ഉയര്‍ത്തിയിട്ടുണ്ട്. സൂപ്പര്‍ 98 പെട്രോള്‍ വില ലിറ്ററിന് 2.58 ദിര്‍ഹമില്‍ നിന്ന് 2.70 ദിര്‍ഹം ആയും സ്പെഷ്യല്‍ 95 ഇനത്തില്‍ പെട്ട പെട്രോള്‍ വില ലിറ്ററിന് 2.47 ദിര്‍ഹമില്‍ നിന്ന് 2.58 ദിര്‍ഹമായും ഉയര്‍ത്തിയിട്ടുണ്ട്. ഇ-പ്ലസ് വിഭാഗം പെട്രോളിന് ജൂണില്‍ ലിറ്ററിന് 2.39 ദിര്‍ഹമായിരുന്നു. ഇത് 2.51 ദിര്‍ഹം ആയി ഉയര്‍ത്തിയിട്ടുണ്ട്. ഡീസല്‍ […]
കുവൈത്ത് സിറ്റി – സ്‌കൂള്‍ ഓഫീസില്‍ വെച്ച് വിദേശ അധ്യാപികയെ ബലാത്സംഗം ചെയ്ത സ്‌കൂളിലെ വാച്ച്മാന് (ഹാരിസ്) കോടതി വധശിക്ഷ വിധിച്ചു. ജോലിക്കായി സ്‌കൂളിലെത്തിയ അധ്യാപികയെ മറ്റാരുമില്ലാത്ത തക്കം നോക്കി പ്രതി ഓഫീസില്‍ കയറി ബലാത്സംഗം ചെയ്യുകയായിരുന്നു. പ്രതി ഓഫീസില്‍ കയറി വാതില്‍ അകത്തു നിന്ന് പൂട്ടുന്നതിന്റെ സി.സി.ടി.വി ദൃശ്യങ്ങള്‍ അടക്കമുള്ള തെളിവുകള്‍ പ്രതിക്കെതിരെ പ്രോസിക്യൂഷന് കോടതിയില്‍ ഹാജരാക്കി. വിചാരണക്കിടെ പ്രതി കോടതിയില്‍ മൗനം പാലിച്ചു. വിചാരണ പൂര്‍ത്തിയാക്കിയ കോടതി പ്രതിക്ക് വധശിക്ഷ വിധിക്കുകയായിരുന്നു.
ദമാം – ബിനാമി ബിസിനസ് കേസില്‍ കുറ്റക്കാരായ സൗദി പൗരനും ഈജിപ്തുകാരനും ദമാം ക്രിമിനല്‍ കോടതി രണ്ടു ലക്ഷം റിയാല്‍ പിഴ ചുമത്തി. രാജ്യത്തെ നിയമം അനുശാസിക്കുന്നതു പ്രകാരം വിദേശ നിക്ഷേപ ലൈസന്‍സ് നേടാതെ കിഴക്കന്‍ പ്രവിശ്യയിലെ ഖത്തീഫില്‍ സ്വന്തം നിലക്ക് ശുദ്ധീകരിച്ച സമുദ്രജലം ടാങ്കറുകളില്‍ വിതരണം ചെയ്യുന്ന സ്ഥാപനം നടത്തിയ ഈജിപ്തുകാരന്‍ ഹംദി സഈദ് അബ്ദുല്‍കരീം സഅദ്, ഇതിന് ആവശ്യമായ ഒത്താശകള്‍ ചെയ്തുകൊടുത്ത സൗദി പൗരന്‍ ഹുസൈന്‍ അബ്ദുറബ്ബ് റിദ ബാഖിര്‍ അല്‍ശഖ്‌സ് എന്നിവര്‍ക്കാണ് ശിക്ഷ. […]
ജിദ്ദ: സഊദി അറേബ്യയിലെ പടിഞ്ഞാറൻ മേഖലയിലെ പ്രവാസി മലയാളികൾക്ക് ആശ്വാസമായി കൊച്ചിയിലേക്ക് ആകാശ എയർ യാത്ര തുടങ്ങി. കൊച്ചിയിൽ നിന്ന് ജിദ്ദയിലേക്കും തിരിച്ച് ജിദ്ദയിൽ നിന്ന് കൊച്ചിയിലേക്കും പുതിയ സർവീസിനാണ് ആകാശ എയർ തുടക്കമിട്ടത്. ബജറ്റ് എയര്‍ലൈനായ ആകാശ എയറിന്‍റെ പുതിയ സര്‍വീസ് പ്രവാസികള്‍ക്ക് ഏറെ ഗുണകരമാകും ജിദ്ദ-കൊച്ചി നേരിട്ടുള്ള ആദ്യ സർവീസിന് ജൂൺ 29നാണ് തുടക്കമായത്. ജൂലൈ 6നാണ് അടുത്ത സർവീസ്. ജൂലൈ 13 മുതൽ ആഴ്ചയിൽ 4 പ്രതിവാര സർവീസുകളാണ് കൊച്ചി-ജിദ്ദ സെക്ടറിലുള്ളത്. ജിദ്ദയിലെ […]
ജിദ്ദ: അടിസ്ഥാന ഭക്ഷ്യവസ്തുക്കളുടെ വിലയും ലഭ്യതയും നിരീക്ഷിക്കുന്നതിനും വിപണിയിൽ അവയുടെ തുടർച്ചയായ ലഭ്യത ഉറപ്പാക്കുന്നതിനുമായി സൗദി വാണിജ്യ മന്ത്രാലയം 50 വൻകിട ഭക്ഷ്യ കമ്പനികളുമായി ഇ-ലിങ്ക് സംവിധാനം ഏർപ്പെടുത്തി. സ്റ്റീൽ, സിമന്റ് ഉൾപ്പെടെയുള്ള നിർമാണ സാമഗ്രികളുടെ ഉൽപാദന അളവ് പരിശോധിക്കാനും വർധിച്ചുവരുന്ന ആവശ്യങ്ങൾ നിറവേറ്റാനും ലക്ഷ്യമിട്ട് 26 നിർമാണ കമ്പനികളുമായും ഇ-ലിങ്ക് സംവിധാനം നടപ്പാക്കിയിട്ടുണ്ട്. വില നിരീക്ഷണവും സ്ഥിരത ഉറപ്പാക്കലും ലക്ഷ്യമിട്ട്, ബന്ധപ്പെട്ട വകുപ്പുകളുമായുള്ള തുടർച്ചയായ ഏകോപനത്തിലൂടെയാണ് ഈ സംവിധാനം പ്രവർത്തിക്കുന്നതെന്ന് മന്ത്രാലയം വ്യക്തമാക്കി. ‘ഇംതിസാൽ’ എന്ന […]
മക്ക: പോലീസ് ഉദ്യോഗസ്ഥരായി വേഷംമാറി, പരിശോധനയുടെ മറവിൽ താമസസ്ഥലങ്ങളിൽ അതിക്രമിച്ചു കയറി, തോക്ക് ചൂണ്ടി ആളുകളെ ഭീഷണിപ്പെടുത്തി പണവും വിലപിടിപ്പുള്ള വസ്തുക്കളും കവർന്ന രണ്ട് സൗദി പൗരന്മാർക്ക് മക്ക പ്രവിശ്യയിൽ വധശിക്ഷ നടപ്പാക്കിയതായി ആഭ്യന്തര മന്ത്രാലയം അറിയിച്ചു. അബ്ദുറഹ്മാൻ ബിൻ അഹ്മദ് ബിൻ സാലിം അൽ-ഹർബി, സൗദ് ബിൻ ഫുവാദ് ബിൻ ഹസൻ അൽ-മസ്ജാജി എന്നിവർക്കാണ് ശിക്ഷ നടപ്പാക്കിയത്.
റിയാദ്: തലസ്ഥാന നഗരിയിൽ പൊതുസ്ഥലത്ത് രണ്ട് യുവതികൾക്കെതിരെ ലൈംഗികാതിക്രമം നടത്തിയ ഏഴംഗ സംഘത്തെ റിയാദ് പോലീസ് അറസ്റ്റ് ചെയ്തു. യുവതികളെ ഉപദ്രവിക്കുന്ന ദൃശ്യങ്ങൾ അടങ്ങിയ വീഡിയോ സാമൂഹ്യമാധ്യമങ്ങളിൽ വ്യാപകമായി പ്രചരിച്ചിരുന്നു. ചോദ്യം ചെയ്യലും തെളിവ് ശേഖരണവും ഉൾപ്പെടെയുള്ള നിയമനടപടികൾ പൂർത്തിയാക്കി പ്രതികളെ പബ്ലിക് പ്രോസിക്യൂഷന് കൈമാറിയതായി പൊതുസുരക്ഷാ വകുപ്പ് അറിയിച്ചു.
ജിദ്ദ – പെട്രോൾ കയറ്റുമതി ചെയ്യുന്ന രാജ്യങ്ങളിൽ മുൻനിരയിലാണ് സൗദിക്ക് സ്ഥാനം. എന്നാൽ ഇനി മുതൽ പാലും പാലുൽപ്പന്നങ്ങളും ലോക വിപണിയിലേക്ക് വ്യാപകമായ രീതിയിൽ കയറ്റുമതി ചെയ്യാനുള്ള പുതിയ നീക്കമാണ് സൗദി അറേബ്യ ആവിഷ്കരിക്കുന്നത്. സൗദി പരിസ്ഥിതി, ജല, കൃഷി മന്ത്രാലയമാണ് പദ്ധതിക്ക് പിന്നിൽ. ലോകത്തെ ഏറ്റവും വലിയ രണ്ടാമത്തെ വലിയ സമ്പദ് വ്യവസ്ഥയായ ചൈനയിലേക്ക് സൗദി പാലുല്‍പ്പന്നങ്ങളും ഉപോല്‍പന്നങ്ങളും കയറ്റുമതി ചെയ്യാന്‍ ചൈനയുമായി മന്ത്രാലയം അടുത്തിടെ സഹകരണ കരാറില്‍ ഒപ്പുവെച്ചിരുന്നു. ലോകത്തെ ഏറ്റവും വലിയ ഉപഭോക്തൃ […]
ജിദ്ദ – മുഖീം പോര്‍ട്ടല്‍ വഴി ഓണ്‍ലൈന്‍ ആയി പൂര്‍ത്തിയാക്കാന്‍ കഴിയാത്ത, ജവാസാത്തില്‍ നിന്നുള്ള നടപടിക്രമങ്ങള്‍ക്ക് മുഖീം പോര്‍ട്ടലില്‍ ലഭ്യമായ തവാസുല്‍ സേവനം പ്രയോജനപ്പെടുത്തണമെന്ന് ജവാസാത്ത് ഡയറക്ടറേറ്റ് ഉപയോക്താക്കളോട് ആവശ്യപ്പെട്ടു. ജവാസാത്ത് ഡയറക്ടറേറ്റിനെ നേരിട്ട് സമീപിക്കാതെ ജവാസാത്തിലെ ബന്ധപ്പെട്ട വകുപ്പുമായി ആശയവിനിമയം നടത്താന്‍ തവാസുല്‍ സേവനം ഉപയോക്താക്കളെ അനുവദിക്കുന്നു. ഇതിലൂടെ മുഖീം പോര്‍ട്ടല്‍ വഴി ഓണ്‍ലൈന്‍ ആയി പൂര്‍ത്തിയാക്കാന്‍ സാധിക്കാത്ത നടപടിക്രമങ്ങള്‍ ഉപയോക്താക്കള്‍ക്ക് പൂര്‍ത്തിയാക്കാന്‍ സാധിക്കുമെന്നും ജവാസാത്ത് വ്യക്തമാക്കി.
തബൂക്ക് – മയക്കുമരുന്ന് കടത്ത് കേസ് പ്രതികളായ നാലു വിദേശികള്‍ക്കും ഒരു സൗദി പൗരനും തബൂക്കിലും മദീനയിലും ഇന്ന് വധശിക്ഷ നടപ്പാക്കിയതായി ആഭ്യന്തര മന്ത്രാലയം അറിയിച്ചു. തബൂക്കില്‍ മൂന്നു ഈജിപ്തുകാര്‍ക്കും സൗദി പൗരനുമാണ് ശിക്ഷ നടപ്പാക്കിയത്. ലഹരി ഗുളികകളും ഹഷീഷും സൗദിയിലേക്ക് കടത്തിയ ഈജിപ്തുകാരായ സഈദ് സുലൈമാന്‍ സ്വാലിഹ് ദഖീല്‍, അഹ്മദ് ഗുറൈബ് സുലൈമാന്‍ മുഹമ്മദ്, ഖാലിദ് സ്വാലിഹ് സാലിം സ്വാലിഹ് എന്നിവര്‍ക്കും ഇവര്‍ കടത്തിയ മയക്കുമരുന്ന് ശേഖരം സൗദിയില്‍ സ്വീകരിച്ച സൗദി പൗരന്‍ അവാദ് ബിന്‍ […]
ദോഹ– ഖത്തറിലെ യു.എസ് വ്യോമതാവളത്തില്‍ ഇറാന്‍ മിസൈലാക്രമണം നടത്തിയ ദിവസം ജനങ്ങള്‍ ഉത്തരവാദിത്വത്തോടെ പെരുമാറിയെന്ന് ചൂണ്ടിക്കാട്ടി സര്‍ക്കാര്‍. ജനങ്ങളെ അഭിനന്ദിച്ചുകൊണ്ട് ആക്രമണത്തിന്റെ പശ്ചാത്തലത്തില്‍ ജൂണ്‍ 23ന് രജിസ്റ്റര്‍ ചെയ്ത ഗതാഗത ലംഘനങ്ങളുടെ പിഴത്തുക ഒഴിവാക്കിയതായും ഖത്തര്‍ മന്ത്രാലയം അറിയിച്ചു. അപ്രതീക്ഷിതമായുണ്ടായ അടിയന്തിര സാഹചര്യത്തില്‍ ദേശീയവും തൊഴില്‍പരമായിട്ടുള്ള ചുമതലകള്‍ നിര്‍വഹിക്കുന്നതിനായി വലിയൊരു കൂട്ടം ജനങ്ങള്‍ക്ക് അവരുടെ കേന്ദ്രങ്ങളില്‍ എത്തിച്ചേരേണ്ട സാഹചര്യമുണ്ടായി. സേവന കേന്ദ്രങ്ങളിലും ജോലി സ്ഥലങ്ങളിലും സമയ ബന്ധിതമായി എത്തിച്ചേരാന്‍ ജനങ്ങള്‍ കാണിച്ച ഉത്തരവാദിത്ത പൂര്‍വമായ സമീപനത്തെ അഭിനന്ദിക്കുന്നെന്നും […]
