ദുബായിൽ എത്തുന്നവർക്ക് ബയോമെട്രിക് 'റെഡ് കാർപെറ്റ്' ഫാസ്റ്റ് ട്രാക്ക് പരീക്ഷിച്ചു.

AI-DRIVEN ബയോമെട്രിക്സ് ഉപയോഗിച്ച് DXB ടെർമിനൽ 3-ൽ പാസ്‌പോർട്ട് രഹിത അറൈവൽ സിസ്റ്റത്തിന്റെ പരീക്ഷണം ആരംഭിച്ചു.

ദുബായ് :അന്താരാഷ്ട്ര വിമാനത്താവളത്തിലെ ടെർമിനൽ 3-ൽ എത്തുന്ന യാത്രക്കാർക്കായി ജനറൽ ഡയറക്ടറേറ്റ് ഓഫ് ഐഡന്റിറ്റി ആൻഡ് ഫോറിനേഴ്‌സ് അഫയേഴ്‌സ് (GDRFA) പുതിയ “റെഡ് കാർപെറ്റ്” പരീക്ഷണാടിസ്ഥാനത്തിൽ പുറത്തിറക്കി. വിമാനത്താവളത്തിലുടനീളം ഈ സംരംഭം വ്യാപിപ്പിക്കുന്നതിന്റെ അടുത്ത ഘട്ടമാണിത്. ഈ വർഷം ആദ്യം ബിസിനസ് ക്ലാസ് ഡിപ്പാർച്ചർ ലോഞ്ചിൽ സേവനം വിജയകരമായി നടപ്പിലാക്കിയതിനെ തുടർന്നാണ് ഈ നീക്കം.

പ്രവേശന നടപടികൾ കാര്യക്ഷമമാക്കുന്നതിനും വേഗത്തിലാക്കുന്നതിനുമായി രൂപകൽപ്പന ചെയ്‌തിരിക്കുന്ന റെഡ്-കാർപെറ്റ് സംവിധാനം, പാസ്‌പോർട്ട് കൺട്രോൾ കൗണ്ടറുകളിൽ നിർത്താതെയോ പാസ്‌പോർട്ടോ ഏതെങ്കിലും ഭൗതിക രേഖയോ ഹാജരാക്കാതെയോ നിമിഷങ്ങൾക്കുള്ളിൽ പ്രവേശന നടപടിക്രമങ്ങൾ പൂർത്തിയാക്കാൻ യാത്രക്കാരെ അനുവദിക്കുന്നു