ജിദ്ദ – സൗദിയില് ഈ വര്ഷം മൂന്നാം പാദത്തില് ഓണ്ലൈന് സ്റ്റോറുകള്ക്കെതിരെ ഉപയോക്താക്കളില് നിന്ന് 63,000 ലേറെ പരാതികള് ലഭിച്ചതായി വാണിജ്യ മന്ത്രാലയം. നിയമ, വ്യവസ്ഥകള് പാലിക്കാത്തതിന് ഓണ്ലൈന് സ്റ്റോറുകളുടെ പേരില് 121 നിയമ ലംഘനങ്ങള് രേഖപ്പെടുത്തി ശിക്ഷാ നടപടികള് സ്വീകരിച്ചു. ഓണ്ലൈന് സ്റ്റോറുകള്ക്കെതിരായ പരാതികളില് നടപടിക്രമങ്ങള് പൂര്ത്തിയാക്കാന് എടുത്ത ശരാശരി സമയം 48 മണിക്കൂര് മാത്രമാണ്.
മൂന്നാം പാദത്തില് ബിസിനസ് പ്ലാറ്റ്ഫോമില് 6,400 ലേറെ പുതിയ ഓണ്ലൈന് സ്റ്റോറുകള് രജിസ്റ്റര് ചെയ്തു. ഇത് രാജ്യത്ത് ഇ-കൊമേഴ്സിന്റെ തുടര്ച്ചയായ വളര്ച്ചയെ സൂചിപ്പിക്കുന്നു. ഓണ്ലൈന് സ്റ്റോറുകള് ഇ-കൊമേഴ്സ് നിയമങ്ങളും ചട്ടങ്ങളും പാലിക്കുന്നുണ്ടെന്ന് ഉറപ്പുവരുത്താന് മൂന്നാം പാദത്തില് ഓണ്ലൈന് സ്റ്റോറുകളില് 3,000 ലേറെ ഇലക്ട്രോണിക് പരിശോധനകള് നടത്തിയതായും വാണിജ്യ മന്ത്രാലയം അറിയിച്ചു.
Leave a Reply