റിയാദ്– ബത്ഹയില്‍ കാര്‍ യാത്രക്കാരെ കത്തി കാണിച്ച് കൊള്ള നടത്തിയ വ്യക്തി വിദേശിയാണെന്ന് റിയാദ് പോലീസ്. എന്നാല്‍ ഇദ്ദേഹം ഏത് രാജ്യക്കാരനാണെന്ന് പോലീസ് വ്യക്തമാക്കിയിട്ടില്ല. ഇയാളില്‍ നിന്ന് മൊബൈല്‍ ഫോണുകള്‍, ലാപ്‌ടോപ്, കത്തി അടക്കമുള്ള തൊണ്ടിമുതലുകളും പിടിച്ചെടുത്തിട്ടുണ്ട്. കൂടുതല്‍ നടപടികള്‍ സ്വീകരിക്കാന്‍ പബ്ലിക് പ്രോസിക്യൂഷന് കൈമാറിയതായി പോലീസ് പറഞ്ഞു. കഴിഞ്ഞ ദിവസം രാത്രി ശാറാ റെയിലില്‍ ഗാര്‍ബേജ് കണ്ടെയ്‌നര്‍ നടുറോഡിലിട്ട് ബ്ലോക്ക് ചെയ്ത ശേഷം അതിലൂടെയെത്തിയ കാറിനെ ഇയാള്‍ ലക്ഷ്യമിടുകയായിരുന്നു. ഒളിഞ്ഞിരുന്ന ഇയാള്‍ കാര്‍ തിരിച്ചുപോകാന്‍ ശ്രമിക്കുന്നതിനിടെ […]

ജിദ്ദ – സൗദിയിൽ ജീവനക്കാര്‍ക്ക് ഹെല്‍ത്ത് ഇന്‍ഷുറന്‍സ് ഏര്‍പ്പെടുത്താത്ത 140 തൊഴിലുടമകള്‍ക്ക് പിഴ ചുമത്തിയതായി കൗണ്‍സില്‍ ഓഫ് ഹെല്‍ത്ത് ഇന്‍ഷുറന്‍സ്. സ്വകാര്യ മേഖലാ ജീവനക്കാര്‍ക്കും കുടുംബാംഗങ്ങള്‍ക്കും നിര്‍ബന്ധിത ഹെല്‍ത്ത് ഇന്‍ഷുറന്‍സ് പരിരക്ഷ ഏര്‍പ്പെടുത്താത്തതിനും ഇന്‍ഷുറന്‍സ് പോളിസി നിരക്കുകള്‍ അടക്കുന്നതില്‍ വീഴ്ചകള്‍ വരുത്തിയതിനുമാണ് പിഴ ചുമത്തിയത്. ഈ വര്‍ഷം മൂന്നാം പാദത്തില്‍ തൊഴിലുടമകൾക്ക് ആകെ 82.8 കോടിയിലേറെ റിയാലാണ് പിഴ ചുമത്തിയത്. തൊഴിലാളികളെ ആരോഗ്യ ഇന്‍ഷുറന്‍സില്‍ വരിചേര്‍ക്കുന്നതില്‍ തൊഴിലുടമ പരാജയപ്പെടുകയോ ജീവനക്കാര്‍ക്കും അവരുടെ കുടുംബാംഗങ്ങള്‍ക്കും ആരോഗ്യ ഇന്‍ഷുറന്‍സ് പ്രീമിയങ്ങള്‍ […]

സൗദിയിലേക്ക് മയക്കുമരുന്ന് കടത്തിയ കേസിൽ പിടിക്കപ്പെട്ട പാകിസ്ഥാൻ പൗരനെ മദീനയിൽ വധശിക്ഷക്ക് വിധേയനാക്കി. രാജ്യത്തേക്ക് ഹെറോയിൻ കടത്താൻ ശ്രമിച്ചതിനാണ് ഇയാൾ ശിക്ഷിക്കപ്പെട്ടത്. അറസ്റ്റിലായ പ്രതി, തുടർന്നുള്ള അന്വേഷണത്തിൽ കുറ്റം ചെയ്തതായി തെളിഞ്ഞതിനെ തുടർന്ന് കോടതി വധശിക്ഷയ്ക്ക് വിധിക്കുകയായിരുന്നു. അപ്പീൽ കോടതിയും സുപ്രീം കോടതിയും ഈ വിധി ശരിവെച്ചതോടെ ശിക്ഷ നടപ്പാക്കാൻ റോയൽ കോടതി ഉത്തരവിടുകയും, വധശിക്ഷ നടപ്പാക്കുകയും ചെയ്തു. ഉത്തരവിനെ തുടർന്ന് 2025 ഒക്ടോബർ 26 ന് ഞായറാഴ്ച (ഹിജ്റ 1447 ജുമാദൽ ഊല 4) പാകിസ്ഥാൻ […]

ജിദ്ദ: രാജ്യത്തെ ഇഖാമ, തൊഴിൽ, അതിർത്തി നിയമ ലംഘകരെ പിടികൂടുന്നതിനുള്ള പരിശോധനകൾ ശക്തമായി തുടരുന്നതായി സൗദി ആഭ്യന്തര മന്ത്രാലയം അറിയിച്ചു. ഏറ്റവും പുതിയ റിപ്പോർട്ട് പ്രകാരം കഴിഞ്ഞ ഒരാഴ്ചക്കുള്ളിൽ മാത്രം 22,613 നിയമ ലംഘകരെ പിടികൂടിയതായി ആഭ്യന്തര മന്ത്രാലയം വ്യക്തമാക്കി. പിടിക്കപ്പെട്ടവരിൽ 13652 പേർ ഇഖാമ നിയമ ലംഘകരും 4567 പേർ തൊഴിൽ നിയമ ലംഘകരും 4394 പേർ അതിർത്തി നിയമ ലംഘകരുമാണ്. അനധികൃതമായി സൗദിയിലേക്ക് നുഴഞ്ഞ് കയറാൻ ശ്രമിച്ച 1699 പേരും പിടിക്കപ്പെട്ടിട്ടുണ്ട്. അതിൽ 45% […]

ബിഷ – സൗദി അറേബ്യയിലെ ഖമീസ് മുഷൈത്തിൽ വാഹനാപകടത്തിൽ നാലു വിദ്യാർഥിനികൾക്ക് ദാരുണാന്ത്യം. ഒരു വിദ്യാർഥിനിക്ക് ഗുരുതര പരിക്കേറ്റു. ബിഷയിലേക്ക് യാത്ര ചെയ്യുകയായിരുന്ന വിദ്യാർഥിനികളാണ് അപകടത്തിൽപ്പെട്ടത്. പരിക്കേറ്റയാളെ ബിഷയിലെ കിംഗ് അബ്ദുള്ള ആശുപത്രിയിലേക്ക് മാറ്റി. പോലീസും റെഡ് ക്രസന്റും സ്ഥലത്തെത്തി സുരക്ഷാ നടപടികൾ സ്വീകരിച്ചു.

റിയാദ് : പബ്ലിക് ടാക്സി, എയർപോർട്ട് ടാക്സി മേഖലകളിൽ പ്രവർത്തിക്കാൻ നിലവിൽ ലൈസൻസ് നേടിയ വ്യക്തിഗത സേവന ദാതാക്കളെ നിയന്ത്രിക്കുന്ന പുതിയ നിയന്ത്രണങ്ങളും നിർവ്വഹണ നടപടികളും സൗദി ട്രാൻസ്പോർട്ട് ജനറൽ അതോറിറ്റി അംഗീകരിച്ചു. അതോറിറ്റി പ്രസിഡന്റ് റുമൈഹ് അൽ-റുമൈഹ് അംഗീകരിച്ച പുതുക്കിയ ചട്ടങ്ങളിൽ, സേവന നിലവാരവും യാത്രക്കാരുടെ സംരക്ഷണവും ഉറപ്പാക്കുന്നതിന് കർശനമായ പിഴകളും സുരക്ഷാ മാനദണ്ഡങ്ങളും അവതരിപ്പിക്കുന്നു. പുതിയ നിയമങ്ങൾ പ്രകാരം, നിയമലംഘനങ്ങൾക്ക് 1,600 റിയാൽ വരെ പിഴ ചുമത്താം- ഇത് അഞ്ച് മടങ്ങ് വരെ ആകാം. […]

ദമാം: സ്വന്തം നാട്ടിലേക്ക് മടങ്ങാനുള്ള ആഗ്രഹം പ്രകടിപ്പിച്ചുകൊണ്ട് ഓൺലൈനിൽ പ്രചരിക്കുന്ന ഒരു വീഡിയോയിൽ ഒരു ഇന്ത്യൻ പ്രവാസി ഉന്നയിച്ച അവകാശവാദങ്ങൾ ഈസ്റ്റേൺ  പ്രവിശ്യാ പോലീസ് നിഷേധിച്ചു. ചോദ്യം ചെയ്യലിനായി ആളെ വിളിച്ചുവരുത്തിയതായും, തന്റെ സോഷ്യൽ മീഡിയ അക്കൗണ്ടിൽ വ്യുവേഴ്സിനെ വർദ്ധിപ്പിക്കാൻ വേണ്ടി മാത്രമാണ് അയാൾ വീഡിയോ ചിത്രീകരിച്ച് പോസ്റ്റ് ചെയ്തതെന്നും കണ്ടെത്തിയതായി പോലീസ് പറഞ്ഞു. പ്രവാസിയും തൊഴിലുടമയും തമ്മിൽ ഒരു തർക്കവും ഉണ്ടായിരുന്നില്ലെന്ന് അധികൃതർ സ്ഥിരീകരിച്ചു. ബന്ധപ്പെട്ട അധികാരികളുമായി ഏകോപിപ്പിച്ച് അയാൾക്കെതിരെ നിയമ നടപടികൾ സ്വീകരിച്ചിട്ടുണ്ട്.

റിയാദ്– മയക്കുമരുന്ന് കടത്ത് കേസിലെ പ്രതികളായ നാലു പേരുടെ വധശിക്ഷ സൗദിയിൽ ഇന്ന് നടപ്പാക്കിയതായി ആഭ്യന്തര മന്ത്രാലയം അറിയിച്ചു. മൂന്നു ജോർദാനികൾ ഒരു പാക്കിസ്ഥാനി എന്നിവരുടെ ശിക്ഷയാണ് വ്യത്യസ്ഥ സ്ഥലങ്ങളിൽ നടപ്പാക്കിയത്. രാജ്യത്തേക്ക് ലഹരി ഗുളികകൾ കടത്തുന്നതിനിടെ അറസ്റ്റിലായ പാക്കിസ്ഥാനി ഷേർ അബ്ദുല്ല ഖാൻ ഷേർ ഖാന് റിയാദിലും മയക്കുമരുന്ന് ഗുളികകൾ കടത്തുന്നതിനിടെ പിടിയിലായ ജോർദാനികളായ മുത്ലഖ് ശത്തി സുമൈഹാൻ, സുലൈമാൻ ഉലയ്യാൻ മുസ്ലഹ് അൽഅഥാമീൻ എന്നിവർക്ക് തബൂക്കിലും ലഹരി ഗുളികകൾ കടത്തുന്നതിനിടെ അറസ്റ്റിലായ ജോർദാനി ഹാനി […]

ജിദ്ദ – സൗദി അറേബ്യ എണ്ണയെ നേരിട്ടും അല്ലാതെയും ആശ്രയിക്കുന്നത് 68 ശതമാനമായി കുറഞ്ഞതായി സാമ്പത്തിക, ആസൂത്രണ മന്ത്രി ഫൈസല്‍ അല്‍ഇബ്രാഹിം വ്യക്തമാക്കി. നേരത്തെ ഇത് 90 ശതമാനത്തില്‍ കൂടുതല്‍ ആയിരുന്നു. എണ്ണ ഇതര പ്രവര്‍ത്തനങ്ങള്‍ ഇപ്പോള്‍ യഥാര്‍ഥ ജി.ഡി.പിയുടെ 56 ശതമാനമായി ഉയര്‍ന്നിട്ടുണ്ട്. ബെര്‍ലിന്‍ ഗ്ലോബല്‍ ഡയലോഗ് ഫോറത്തില്‍ പങ്കെടുത്ത് സാമ്പത്തിക, ആസൂത്രണ മന്ത്രി പറഞ്ഞു. സൗദി അറേബ്യ ഇപ്പോഴും സാമ്പത്തിക പരിവര്‍ത്തനത്തിന്റെ തുടക്കത്തിലാണ്. പക്ഷേ, ധനവിനിയോഗത്തെക്കാള്‍ ഉല്‍പ്പാദനക്ഷമതയാണ് സമ്പദ്‌വ്യവസ്ഥയെ നയിക്കുന്നത്. സമ്പദ്വ്യവസ്ഥ കൂടുതല്‍ വഴക്കമുള്ളതും […]

ജിദ്ദ – സൗദിയില്‍ ടാക്‌സി ഡ്രൈവര്‍മാരുടെ ഭാഗത്തുള്ള നിയമലംഘനങ്ങള്‍ക്ക് ഇനി മുതല്‍ കൂടുതല്‍ കടുത്ത ശിക്ഷകള്‍ ലഭിക്കും. പബ്ലിക് ടാക്‌സി, എയര്‍പോര്‍ട്ട് ടാക്‌സി മേഖലയില്‍ പ്രവര്‍ത്തിക്കാന്‍ നേരത്തെ ലൈസന്‍സ് നല്‍കിയ വ്യക്തിഗത സേവനദാതാക്കള്‍ക്ക് ഈ മേഖലയില്‍ പ്രവര്‍ത്തനം തുടരാനുള്ള പുതിയ വ്യവസ്ഥകള്‍ ട്രാന്‍സ്‌പോര്‍ട്ട് ജനറല്‍ അതോറിറ്റി ചെയര്‍മാന്‍ റുമൈഹ് അല്‍റുമൈഹ് അംഗീകാരം നല്‍കി.‌ ഇതിന്റെ ഭാഗമായാണ് നിയമലംഘകര്‍ക്ക് കൂടുതല്‍ കടുത്ത ശിക്ഷകള്‍ വ്യവസ്ഥ ചെയ്തിരിക്കുന്നത്. നിയമ ലംഘകര്‍ക്ക് 1,600 റിയാല്‍ വരെ പിഴ ചുമത്തും. നിയമലംഘനം ആവര്‍ത്തിക്കുന്നവര്‍ക്കുള്ള […]

ജിദ്ദ – സൗദിയില്‍ ബസ് യാത്രക്കാരുടെ എണ്ണത്തില്‍ വൻ വർധനവ്. ട്രാന്‍സ്‌പോര്‍ട്ട് ജനറല്‍ അതോറിറ്റി പുറത്തുവിട്ട സ്ഥിതിവിവര കണക്കുകളാണ് ബസ് യാത്രക്കാരുടെ എണ്ണത്തില്‍ വർധനവ് രേഖപ്പെടുത്തിയത്. ഈ വര്‍ഷം മൂന്നാം പാദത്തില്‍ രാജ്യത്തെ വിവിധ നഗരങ്ങള്‍ക്കും ഗവര്‍ണറേറ്റുകള്‍ക്കുമിടയിലെ ഇന്റര്‍സിറ്റി ബസ് സര്‍വീസുകളുടെ എണ്ണം 45,000 ആയി ഉയര്‍ന്നിരുന്നു. ഈ സര്‍വീസുകളില്‍ 9,05,000 ലേറെ പേരാണ് യാത്ര ചെയ്തത്. മക്കയിലാണ് ഏറ്റവും കൂടുതല്‍ പേര്‍ ഇന്റര്‍സിറ്റി ബസ് സര്‍വീസുകള്‍ ഉപയോഗപ്പെടുത്തിയത്. കഴിഞ്ഞ മൂന്നു മാസത്തിനിടെ മക്കയില്‍ നിന്ന് മറ്റ് […]

റിയാദ് – തലസ്ഥാന നഗരിയിലെ ഫൈസലിയ ഡിസ്ട്രിക്ടില്‍ നഗരസഭാ ഉദ്യോഗസ്ഥര്‍ നടത്തിയ വ്യാപകമായ പരിശോധനക്കിടെ അടപ്പിച്ചത് 35 വ്യാപാര സ്ഥാപനങ്ങള്‍. 171 സ്ഥാപനങ്ങള്‍ക്ക് പിഴ ചുമത്തിയപ്പോൾ 32 സ്ഥാപനങ്ങളിലേക്കുള്ള വൈദ്യുതി വിച്ഛേദിച്ചു. 22 തെരുവ് കച്ചവടക്കാരെ അറസ്റ്റ് ചെയ്തു. പരിശോധനയിൽ പിടിച്ചെടുത്തത് 13.5 ടണ്‍ പച്ചക്കറികള്‍, പഴങ്ങള്‍, ഭക്ഷ്യവസ്തുക്കളും കൂടാതെ മറ്റു 61 വസ്തുക്കളുമാണ്. 901 പുകയില ഉല്‍പ്പന്നങ്ങള്‍ പിടിച്ചെടുത്ത് നശിപ്പിച്ചു. പരിശോധനയില്‍ പങ്കെടുത്ത മറ്റ് സര്‍ക്കാര്‍ വകുപ്പുകളുടെ അധികാര പരിധിയിലുള്ള 230 നിയമലംഘനങ്ങളും രേഖപ്പെടുത്തി. ലൈസന്‍സില്ലാത്ത […]

സകാക്ക – സ്വന്തം ഭാര്യയെ അതിനിഷ്ഠൂരമായി കൊലപ്പെടുത്തിയ സൗദി പൗരന്റെ വധശിക്ഷ നടപ്പാക്കിയതായി ആഭ്യന്തര മന്ത്രാലയം അറിയിച്ചു. സൗദി വനിത ആമാല്‍ ബിന്‍ത് മതര്‍ ബിന്‍ അബ്ബാസ് അല്‍അനസിയെ മനഃപൂര്‍വം കൊലപ്പെടുത്താന്‍ പദ്ധതി തയാറാക്കിയ പ്രതി ഹാദി ബിന്‍ റാദി ബിന്‍ ഗസാബ് അല്‍അനസിക്ക് ഉത്തര അതിര്‍ത്തി പ്രവിശ്യയിലാണ് ഇന്ന് ശിക്ഷ നടപ്പാക്കിയത്. ഭാര്യയെ കാറില്‍ പിന്തുടര്‍ന്ന പ്രതി യുവതിയെ കാറിടിച്ച് റോഡില്‍ തള്ളിയിട്ട ശേഷം മൂര്‍ച്ചയേറിയ ആയുധം ഉപയോഗിച്ച് പലതവണ കുത്തി കൊലപ്പെടുത്തുകയായിരുന്നു.

റിയാദ് – പുതിയ സൗദി ഗ്രാന്‍ഡ് മുഫ്തിയായും ഉന്നത പണ്ഡിതസഭ ചെയര്‍മാനായും ഇഫ്താ വകുപ്പ് മേധാവിയായും നിയമിതനായ ശൈഖ് സ്വാലിഹ് അല്‍ഫൗസാന് അഭിനന്ദന പ്രവാഹം. ഇസ്‌ലാമികകാര്യ മന്ത്രി ശൈഖ് ഡോ. അബ്ദുല്ലത്തീഫ് ആലുശൈഖ്, ഹറം മതകാര്യ വകുപ്പ് മേധാവി ശൈഖ് ഡോ. അബ്ദുറഹ്മാന്‍ അല്‍സുദൈസ് എന്നിവര്‍ അടക്കമുള്ളവര്‍ ശൈഖ് സ്വാലിഹ് അല്‍ഫൗസാനെ അനുമോദിക്കുകയും ആശംസിക്കുകയും ചെയ്തു. കിരീടാവകാശിയും പ്രധാനമന്ത്രിയുമായ മുഹമ്മദ് ബിന്‍ സല്‍മാന്‍ രാജകുമാരന്റെ നിര്‍ദേശ പ്രകാരം തിരുഗേഹങ്ങളുടെ സേവകന്‍ സല്‍മാന്‍ രാജാവാണ് ശൈഖ് സ്വാലിഹ് അല്‍ഫൗസാനെ […]