കുവൈത്ത് സിറ്റി– കുവൈത്തിൽ പുതിയ ഇ-വിസ സംവിധാനം ഔദ്യോഗികമായി നിലവിൽ വന്നു. ഇനി ടൂറിസ്റ്റ്, ഫാമിലി, ബിസിനസ്, ഔദ്യോഗിക വിസകൾ ഉൾപ്പെടെ നാല് തരം വിസകൾക്കായി എംബസി സന്ദർശിക്കാതെ തന്നെ ഓൺലൈനായി അപേക്ഷിക്കാം.
ഇ-വിസ സംവിധാനം ആദ്യഘട്ടത്തിൽ യൂറോപ്പ്, നോർത്ത് അമേരിക്ക, ഓസ്ട്രേലിയ, ജപ്പാൻ ഉൾപ്പെടെയുള്ള 50-തിലധികം രാജ്യങ്ങളിലെ പൗരന്മാർക്കും, ജിസിസി രാജ്യങ്ങളിൽ താമസിക്കുന്ന യോഗ്യരായ പ്രവാസികൾക്കും ലഭ്യമായിരിക്കും.
യോഗ്യതയ്ക്കുള്ള വ്യവസ്ഥകൾ
ജിസിസി രാജ്യങ്ങളിൽ താമസിക്കുന്നവർക്ക്,
റസിഡൻസി പെർമിറ്റിന് കുറഞ്ഞത് ആറുമാസത്തെ കാലാവധി ബാക്കിയുണ്ടായിരിക്കണം.
ഡോക്ടർമാർ, അഭിഭാഷകർ, അധ്യാപകർ, മാധ്യമപ്രവർത്തകർ, എൻജിനീയർമാർ, ബിസിനസ് മാനേജർമാർ തുടങ്ങിയ പ്രൊഫഷണൽ വിഭാഗങ്ങൾക്കാണ് പ്രധാനമായും യോഗ്യത.
ജിസിസി പൗരന്മാർക്ക് വിസ ഇല്ലാതെ നാഷനൽ ഐഡി കാർഡ് ഉപയോഗിച്ച് പ്രവേശിക്കാനാകും.
വിസ തരം, കാലാവധി
ടൂറിസ്റ്റ് വിസ: 90 ദിവസം
ഫാമിലി, ബിസിനസ് വിസകൾ: 30 ദിവസം
ഔദ്യോഗിക വിസ: സർക്കാർ പ്രതിനിധികൾക്കും നയതന്ത്രജ്ഞർക്കും, കുവൈത്തിലെ ഔദ്യോഗിക പരിപാടികളിൽ പങ്കെടുക്കാൻ
അപേക്ഷയുടെ നടപടിക്രമം
കുവൈത്തിന്റെ ഔദ്യോഗിക ഇ-വിസ പോർട്ടലിൽ പുതിയ അക്കൗണ്ട് രജിസ്റ്റർ ചെയ്യുക
ആവശ്യമായ വിസ തരം തിരഞ്ഞെടുക്കുക
പാസ്പോർട്ട്, ഫോട്ടോ, വിമാന ടിക്കറ്റ്, സ്പോൺസറുടെ കത്ത്/ഔദ്യോഗിക ക്ഷണം, താമസ വിവരങ്ങൾ** എന്നിവ അപ്ലോഡ് ചെയ്യുക
എല്ലാ വിവരങ്ങളും പരിശോധിച്ച് ശേഷം ഓൺലൈനായി ഫീസ് അടയ്ക്കുക ഫീസ് സാധാരണയായി 10 മുതൽ 30 യുഎസ് ഡോളർ വരെ ( 3 കുവൈത്ത് ദിനാർ, ഏകദേശം 825 രൂപ)പൗരത്വം, വിഭാഗം എന്നിവ അനുസരിച്ചാണ് ഫീസ്.
സ്റ്റാറ്റസ് എങ്ങനെ പരിശോധിക്കാം
അപേക്ഷ നൽകിയ ശേഷം പാസ്പോർട്ട് നമ്പർ അല്ലെങ്കിൽ റഫറൻസ് കോഡ് ഉപയോഗിച്ച് സ്റ്റാറ്റസ് ഓൺലൈനായി പരിശോധിക്കാം
അംഗീകരിച്ചാൽ വിസ ഇ-മെയിൽ വഴി ലഭിക്കും
സാധാരണയായി മൂന്ന് പ്രവർത്തി ദിവസത്തിനുള്ളിൽ വിസ ഇഷ്യു ചെയ്യും
ശ്രദ്ധിക്കേണ്ട കാര്യങ്ങൾ
എല്ലാ രേഖകളും വ്യക്തമായ സ്കാൻ പകർപ്പായിരിക്കണം
ഫോട്ടോ നിർദ്ദേശിച്ച സ്പെസിഫിക്കേഷനുകൾ അനുസരിച്ചിരിക്കണം
യാത്രയ്ക്ക് കുറഞ്ഞത് ഒരാഴ്ച മുൻപെങ്കിലും വിസയ്ക്ക് അപേക്ഷിക്കണം
ഫാമിലി, ബിസിനസ് വിസയ്ക്ക് കുവൈത്തിൽ ഉള്ള സ്പോൺസർക്ക് വിവരം നൽകേണ്ടതാണ്
വിസ നിരസിക്കപ്പെട്ടാൽ, ഓൺ അറൈവൽ വിസ ലഭിക്കുന്നതായുള്ള യോഗ്യത പരിശോധിക്കാം
Leave a Reply